ەكى تاراۋ ورتالىقتىڭ جاراتىلىستىق اپاتتاردان قۇتقارۋ قاراجاتىنان 180 ميلليون يۋاندى شۇعىل تۇردە الدىن الا ءبولدى 

شينحۋا اگەنتتىگىنىڭ 7 – ايدىڭ 27 – كۇنى بەيجيڭنەن بەرگەن حابارى. جۋىردا، بىرنەشە رەتكى تايفىڭ داۋىلى ىلگەرىندى – كەيىن ەلىمىزگە جەتىپ، ىشكى قۇرلىقتاعى وڭىرلەرگە دەيىن ىقپال ەتتى، وڭتۇستىك جۇڭگو، شىعىس جۇڭگو، شىعىس سولتۇستىك جۇڭگو قاتارلى رايونداردا نوسەر جاۋىپ، اۋىر حاۋىپ – قاتەر جانە اپات جاعدايى تۋىلدى. 7 – ايدىڭ 27 – كۇنى، قازىنا مينيسترلىگى مەن شۇعىل جاعدايلارعا توتەپ بەرۋدى باسقارۋ مينيسترلىگى ورتالىقتىڭ جاراتىلىستىق اپاتتاردان قۇتقارۋ قاراجاتىنان 180 ميلليون يۋان قارجى ءبولىپ، گۋاڭدۇڭ، فۋجيان، جياڭشي، حۋنان، لياۋنيڭ، جيلين قاتارلى 6 ولكەنىڭ تاسقىننان ساقتانىپ، تايفىڭ داۋىلىنا قاتىستى شۇعىل جاعدايلارعا توتەپ بەرۋ جانە اپاتتان قۇتقارۋ قىزمەتىن ورىستەتۋىنە قولداۋ كورسەتتى. بۇل قاراجاتتى اپاتقا ۇشىراعانداردى ىزدەۋ - قۇتقارۋ، باسقا جەرگە كوشىرىپ ورنالاستىرۋ، حاۋىپتى الاستاۋ قاتارلى شۇعىل جاعدايدى ءبىرجاقتى ەتۋ، قوسالقى اپاتتاردىڭ كومەسكى قاتەرىن ءبىر – بىرلەپ تەكسەرۋ جانە شۇعىل وڭالتۋ، بۇلىنگەن جانە قيراعان تۇرعىن ۇيلەردى جوندەۋ قاتارلى قىزمەتتەردى ءتۇيىندى تۇردە ويداعىداي ىستەۋگە جۇمساپ، بۇقارانىڭ ءومىرى مەن مال – مۇلكىنىڭ حاۋىپسىزدىگىن شىنايى قامتاماسىزداندىرادى.

كەلۋ قاينارى: حالىق تورابى