چياۋميندەردىڭ تىلەگىن، كۇش - قۋاتىن اناعۇرلىم ويداعىداي ۇيىستىرىپ، ەل ءىشى - سىرتىنداعى جۇڭحۋا ۇلاندارىنىڭ ىنتىماقتاسا كۇرەس جۇرگىزۋىن جەبەۋ كەرەك

«حالىق گازەتى»، 7 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا چياۋميندەر قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: پارتيا 18 - قۇرىلتايىنان بەرى چياۋميندەر ىستەرى شەبى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، شەتەلدەگى قالىڭ چياۋميندەر مەن وتانعا ورالعان چياۋميندەردى، چياۋميندەردىڭ تۋىس - تۋعاندارىن ىنتىماقتاستىرىپ، اتتانىسقا كەلتىرىپ، مەملەكەتتىڭ ەكونوميكالىق، قوعامدىق دامۋىن ىلگەرىلەتۋ، جۇڭحۋا مادەنيەتىن جالعاستىرۋ، ساۋلەلەندىرۋ، جۇڭگو مەن شەتەلدىڭ اۋىس - كۇيىسىن، سەلبەستىگىن كۇشەيتۋ سياقتى جاقتاردا بەلسەندى ۇلەس قوستى.

شي جينپيڭ بىلاي دەپ باسا دارىپتەدى: جاڭا جورىقتا جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ چياۋميندەر ىستەرى ساياساتىن جاپپاي دايەكتىلەندىرىپ، پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتىپ، چياۋميندەردىڭ تىلەگىن، كۇشىن اناعۇرلىم ويداعىداي ۇيىستىرىپ، شەتەلدەگى قالىڭ چياۋمين باۋىرلاستاردى جانە وتانعا ورالعان چياۋميندەردى، چياۋميندەردىڭ تۋىس - تۋعاندارىن تاڭداۋلى ءداستۇردى جالعاستىرىپ، وتانعا تەرەڭ سۇيىسپەنشىلىك ورناتىپ، وزگەشە باسىمدىقتى ساۋلەلەندىرىپ، اناعۇرلىم زور ىسكەرلىك كورسەتىپ، وتاننىڭ بىرلىككە كەلۋ ۇلى ىسىنە بەلسەنە قىزمەت وتەپ، ەل ءىشى - سىرتىنداعى جۇڭحۋا ۇلاندارىنىڭ ىنتىماقتاسا كۇرەس جۇرگىزۋىن جەبەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە قۇدىرەتتى كۇش توپتاۋعا باستاۋ كەرەك.

مەملەكەتتىك چياۋميندەر قىزمەتى ءماجىلىسى 7 - ايدىڭ 27 - كۇنىنەن 28 - كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى.

ۋاڭ حۋنيڭ سوزىندە مىنالاردى ءبىلدىردى: باس شۋجي شي جينپيڭ چياۋميندەر قىزمەتىنە ايرىقشا ءمان بەرىپ، تاياۋدا ارناۋلى ماڭىزدى نۇسقاۋ بەرىپ، شەتەلدەگى چياۋميندەر مەن وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ مەملەكەتتىڭ ەكونوميكالىق، قوعامدىق دامۋىن ىلگەرىلەتۋ، جۇڭحۋا مادەنيەتىنە مۇراگەرلىك ەتۋ جانە ونى ساۋلەلەندىرۋ، جۇڭگو مەن شەتەلدىڭ اۋىس - كۇيىسىن، سەلبەستىگىن كۇشەيتۋ جاقتارىندا قوسقان بەلسەندى ۇلەسىن جوعارى باعالاپ، چياۋميندەردىڭ تىلەگىن، كۇش - قۋاتىن ۇيىستىرۋ، ەل ءىشى - سىرتىنداعى جۇڭحۋا ۇلاندارىنىڭ ىنتىماقتاسا كۇرەس جۇرگىزۋىن جەبەۋ جونىندە مىندەت، تالاپتار قويىپ، جاڭا ءداۋىردىڭ جاڭا جورىعىنداعى چياۋميندەر قىزمەتىن ويداعىداي ىستەۋگە ايقىن باعدار كورسەتىپ، ماڭىزدى تياناق ازىرلەدى. ءبىز مۇقيات ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مىقتى يگەرۋىمىز كەرەك.

ۋاڭ حۋنيڭ مىنالاردى ءبىلدىردى: چياۋميندەر قىزمەتى − پارتيا مەن مەملەكەتتىڭ ۇزاق ۋاقىتتىق، ستراتەگيالىق قىزمەتى. جاڭا داۋىردەن بەرى چياۋميندەر ىستەرى قىزمەتى جاپپاي كۇشەيىپ، ناتيجەسى كورنەكتى بولىپ، پارتيا مەن مەملەكەت ىستەرىنىڭ دامۋىنا پارمەندى قىزمەت ەتتى. جاڭا جورىقتا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن، چياۋميندەر قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ءۇشىنشى، ءتورتىنشى جالپى ماجىلىستەرىنىڭ چياۋميندەر قىزمەتىن كۇشەيتۋ جانە جاقسارتۋ جونىندەگى شەشىمدەرى مەن ورنالاستىرۋلارىن دايەكتىلەندىرىپ، زەيىن - زەردەنى، كۇش - قۋاتتى ۇيىستىرۋ مەن جۇڭگو ارمانىن بىرگە جۇزەگە اسىرىپ، ونان بىرگە يگىلىكتەنۋ نەگىزگى تاقىرىبىن ورىنداۋعا تاباندى بولىپ، كەلەلى جاعدايعا قىزمەت وتەۋ مەن چياۋميندەرگە قىزمەت وتەۋدىڭ بىرلىگىنە، ەل ىشىندەگى چياۋميندەر ىستەرى مەن شەتەلدەگى چياۋميندەر قىزمەتىن ءوزارا سايكەستىرۋگە، بايلىقتى قورعاۋ مەن رولىن ساۋلەلەندىرۋدى ءوزارا ءبىر تۇتاس جوسپارلاۋعا تاباندى بولىپ، جاڭا داۋىردەگى چياۋميندەر قىزمەتىنىڭ جوعارى ساپالى دامۋىن ىلگەرىلەتۋ كەرەك. شەتەلدەگى بارشا چياۋمين باۋىرلاستار مەن وتانعا ورالعان چياۋميندەردى، چياۋميندەردىڭ تۋىس - تۋعاندارىن اناعۇرلىم ويداعىداي ىنتىماقتاستىرىپ، ولاردى وتاننىڭ وسىزاماندانۋ قۇرىلىسىن قولداۋ جانە وعان ات سالىسۋ، جۇڭحۋا مادەنيەتىن ساۋلەلەندىرۋ، وتاننىڭ تۇتاستىعىن جەبەۋ، جۇڭگو مەن شەتەلدىڭ اۋىس - كۇيىسىن، سەلبەستىگىن جيىلەتۋ سياقتى جاقتاردا اناعۇرلىم زور رول اتقارۋعا جەتەكتەۋ، ىنتالاندىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى لي گانجيە قورىتىندى سوزىندە مىنالاردى ءبىلدىردى: باس شۋجي شي جينپيڭنىڭ چياۋميندەر قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ كەلەلى ءمانىن، داۋىرلىك قۇنىن، وزەكتى ءمانىن، امالياتتىق تالابىن ىشكەرىلەي ءتۇسىنىپ، يگەرىپ، پارتيانىڭ جاپپاي باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيا ورتالىق كوميتەتىنىڭ چياۋميندەر قىزمەتى جونىندەگى شەشىمدەرى مەن ورنالاستىرۋلارىن دايەكتىلەندىرۋدى، تياناقتاندىرۋدى بۇلجىتپاي مىقتى يگەرىپ، ىنتىماقتاسا كۇرەس جۇرگىزۋدىڭ نەگىزىن ونان ارى بەكەمدەپ، چياۋمين باۋىرلاستاردىڭ ۇقىق - مۇددەسىن زاڭ بويىنشا قورعاۋ كەرەك. دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، زەيىن - زەردەنى، كۇش - قۋاتتى ۇيىستىرىپ، ۇزدىكسىز كۇرەس جۇرگىزىپ، ءار جاقتىڭ كۇشىن كەڭىنەن توپتاپ، جاڭا داۋىردەگى چياۋميندەر ىستەرى قىزمەتىن ءبىر نيەتپەن سەلبەسىپ ويداعىداي ىستەۋ كەرەك.

جىجياڭ ولكەسىنىڭ، فۋجيان ولكەسىنىڭ، گۋاڭدۇڭ ولكەسىنىڭ، يۇننان ولكەسىنىڭ، شينجياڭ ۇيعۇر اۆتونوميالى رايونىنىڭ، سىرتقى ىستەر مينيسترلىگىنىڭ، وقۋ - اعارتۋ مينيسترلىگىنىڭ، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ، جۇڭگو چياۋميندەر بىرلەستىگىنىڭ جاۋاپتى جولداستارى پىكىر اۋىستىرىپ، لەبىز ءبىلدىردى.

لوساڭجياڭسۇن، ۋ جىڭلۇڭ، شيان حۇي ماجىلىسكە قاتىناستى.

ولكەلەردىڭ، اۆتونوميالى رايونداردىڭ، قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، ورتالىق باسقاراتىن ءىشىنارا فينانس قۇرىلىمدارىنىڭ، كاسىپورىنداردىڭ، ءىشىنارا جوعارى مەكتەپتەردىڭ، شەتەلدە تۇراتىن ءبىر ءبولىم ەلشىحانالاردىڭ، كونسۋلحانالاردىڭ جاۋاپتى جولداستارى قاتارلىلار ماجىلىسكە قاتىناستى.