ٴبىر جەردە قاتارىنان سەگىز كۇن دەمالىس بەرىلدى، توراپتاستار بارعىسى كەلەتىندىكتەرىن ٴبىلدىردى

سىچۋان ولكەسى لياڭشان وبلىستىق حالىق ۇكىمەتى كەڭسەسى جاريالاعان 2026 - جىلعى ٴىشىنارا مەرەكە، دەمالىس كۇندەرىن ورنالاستىرۋ جونىندەگى ۇقتىرۋىنا ساي، ۇلتتار ىنتىماعى، العا باسارلىعى مەرەكەسى مەن الاۋ مەرەكەسىنە 8 - ايدىڭ 5 - كۇنىنەن 12 - كۇنىنە دەيىن لياڭشان وبلىسى تۇپ - تۋرا سەگىز كۇن دەمالىس بەرگەن.

ۇعىسۋعا قاراعاندا، لياڭشان وبلىسى سىچۋاننىڭ باتىس وڭتۇستىك بولەگىنە ورنالاسقان، بۇكىل ەلدەگى يزۋ ۇلتى شوعىرلى قونىستانعان ەڭ ۇلكەن رايون، الاۋ مەرەكەسى _ يزۋ ۇلتىنىڭ ەڭ ماڭىزدى ٴداستۇرلى مەرەكەلەرىنىڭ ٴبىرى بولىپ، ٴبىرىنشى توپتاعى مەملەكەت دارەجەلى بەيزاتتىق مادەني مۇرالاردىڭ ۋاكىلدىك نىساندارىنىڭ تىزىمدىگىنە ەنگىزىلگەن.

8 - ايدىڭ 8 - كۇنى كەشتە، شيچاڭ عارىش داڭعىلىنىڭ شىعىسقا سوزىلعان لەنياسىندا 86 توپ وتىننىڭ تۇتاندىرىلۋىنا ىلەسىپ، نەشە ون مىڭ الاۋ كوتەرگەن ادامدار ٴبىر ۋاقىتتا 3.2 كيلومەتر ۇزىندىقتاعى كوشەنى شاتتىق تەڭىزىنە اينالدىردى. لاپىلداعان وت، الاۋلاعان جالىن ٴسىزدى باۋرادى ما؟