چيڭحايدىڭ حايشيىندا 5.6 بال جەر سىلكىندى، ادامداردىڭ جارالانۋى جانە ءولىم – ءجىتىم جاعدايى جونىندە ەشقانداي مالىمەت جوق 

شينحۋا اگەنتتىگىنىڭ 8 – ايدىڭ 19 – كۇنى شينيڭنەن بەرگەن حابارى (ءتىلشى لي نيڭ، ۋاڭ بو). 8 – ايدىڭ 19 – كۇنى ساعات 5 تە 36 مينۋت وتكەندە، چيڭحاي ولكەسى حايشي موڭعۇل - زاڭزۋ اۆتونوميالى وبلىسىنا توتە قاراستى رايوندا (سولتۇستىك ەندىك 37.81 گرادۋس، شىعىس بويلىق 95.63 گرادۋس) 5.6 بال جەر سىلكىندى، سىلكىنىس قاينارى 10 كيلومەتر تەرەڭدىكتە، ۇلكەن سايدام رايونىندا سىلكىنىس ءدۇمپۋى كۇشتى بولدى، دىليڭحا، گولمۋد قاتارلى جەرلەردە سىلكىنىس ءدۇمپۋى سەزىلدى.

جەر سىلكىنگەننەن كەيىن، چيڭحاي ولكەلىك ءورت ءوشىرۋ - قۇتقارۋ باس اترەتى دەرەۋ شۇعىل جاعدايعا توتەپ بەرۋ جوسپارىن ىسكە قوسىپ، قۇرلىقتىق ىزدەستىرۋ – قۇتقارۋ ورتا تيپتى اترەتىنەن جيىنى 2 اترەتتى، قۇرلىقتىق ىزدەستىرۋ – قۇتقارۋ كاسىپتىك اترەتىنەن جيىنى 5 اترەت بويىنشا جالپى 195 كوماندير - جاۋىنگەردى، 67 ءورت ءوشىرۋ اۆتوموبيلىن، ىزدەستىرۋ يتىنەن 6 ءيتتى ىسكە قوسقان. ۇلكەن سايدام ۇلكەن اترەتى جەر سىلكىنىسى تۋىلعان جەرگە تەكسەرۋگە جۇرگىزۋگە ءبىر اۆتوموبيلمەن شولۋشى شاعىن اترەتتىڭ 5 ادامىن جىبەرگەن، توڭىرەكتەگى رايونداردا تەكسەرۋ جۇرگىزۋگە 3 اۆتوموبيلمەن 16 ادامدى جىبەرگەن. چيڭحاي ولكەلىك جەر سىلكىنىسىنەن ساقتانۋ مەكەمەسى شۇعىل جاعدايعا توتەپ بەرۋ قىزمەتىن ورىستەتۋگە 2 اۆتوموبيلمەن 8 ادامدى ورنالاستىرعان. قازىرگە دەيىن ادامداردىڭ جارالانۋى جانە ءولىم – ءجىتىم جاعدايى جونىندە ەشقانداي مالىمەت الىنباعان.

كەلۋ قاينارى: حالىق تورابى