«قوعامدانعان سەرىك بولىپ دوحترعا كورسەتەتىن قىزمەت وتەۋدىڭ نەگىزگى تالابىنىڭ» مەملەكەتتىك ولشەمى جاريالاندى

ءتىلشىنىڭ بۇگىن ۇعىسۋىنشا، بازاردى باقىلاۋ - باسقارۋ باس مەكەمەسى جاقىندا «قوعامدانعان سەرىك بولىپ دوحترعا كورسەتەتىن قىزمەت وتەۋدىڭ نەگىزگى تالابىنىڭ» مەملەكەتتىك ولشەمىن بەكىتىپ جاريالاعان. بۇل ولشەم كەزەكتەگى دوحترعا كورسەتەتىن قىزمەت وتەۋدىڭ ولشەمىنىڭ بەلگىسىز بولۋى، قىزمەت وتەۋ ساپاسىنىڭ بىركەلكى بولماۋى قاتارلى ماسەلەلەرگە باعىتتاي وتىرىپ، قىزمەت وتەۋشى، قىزمەت وتەۋ بۇيىمدارى، قىزمەت وتەۋ تەكشەسى، قىزمەت وتەيتىن قىزمەتكەر، قىزمەت وتەۋ مازمۇنى، قىزمەت وتەۋ بارىسى، قىزمەت وتەۋدى باعالاۋ جانە جاقسارتۋ قاتارلى جاقتارداعى قىزمەت وتەۋ جۇلگەسىن ورناتتى.

قىزمەت وتەۋشىگە قويىلاتىن جالپى تۇلعالىق تالاپتى ايقىندادى. ولشەمدە ادام كۇشى بايلىعىن باسقارۋ، ينفورماتسيا باسقارۋ، حاۋىپسىزدىكتى باسقارۋ، توقتام جانە اقى الۋدى باسقارۋ قاتارلى جاقتاردان قىزمەت وتەۋشىلەر جونىندە جۇيەلى بەلگىلەمە جاسالىپ، قىزمەت وتەۋشىلەردى تاربيەلەۋ، قىزمەت وتەۋ بۇيىمدارىن ورنالاستىرۋ، قىزمەت وتەۋ وبيەكتىلەرىنىڭ سەزىمتال ينفورماتسيالارىن قورعاۋ، حاۋىپ - قاتەردى باعالاۋ جانە شۇعىل جاعدايعا توتەپ بەرۋ جوباسى قاتارلى تالاپتار ورتاعا قويىلدى.

سەرىك بولىپ دوحترعا كورسەتەتۋ قىزمەتىنىڭ شەكاراسىن ايىردى. جۇڭحۋا حالىق رەسپۋبليكاسىنىڭ تۇتىنۋشىلاردىڭ ۇقىق - مۇددەسىن قورعاۋ زاڭى قاتارلى زاڭ - ەرەجەلەردى نەگىز ەتىپ، ولشەمدە سەرىك بولىپ دوحترعا كورسەتۋشى قىزمەتكەردىڭ ەمدەۋگە جول كورسەتۋ، كەزەك الىپ بەرۋ، ءدارى - دارمەك الۋ، سەرىك بولىپ سويلەسۋ سياقتى قىزمەت وتەۋمەن قامداۋىنا بولادى، ءبىراق تەكسەرۋ ناتيجەسىنە ساياتىن تۇجىرىم جاساۋ، ەمدەلۋگە ۇسىنىس بەرۋ، ەمدەۋ جوباسىن ۋاكىلەتتىكپەن تاڭداۋ نەمەسە ماقۇلداۋ سياقتى قىزمەت وتەۋمەن قامداۋىنا بولمايدى.

سەرىك بولىپ دوحترعا كورسەتەتۋ قىزمەتىنىڭ بارىسى ارناعا تۇسىرىلەدى. قىزمەت وتەۋ بارىسىن قىزمەت وتەۋ ينفورماتسياسىمەن قامداۋ، مىندەتتەۋ جانە قابىلداۋ، قىزمەت وتەۋدى تاپسىرۋ سىندى ءۇش ساتىعا ءبولىپ، ينفورماتسيانى اشىق جاريالاۋ، سۇرانىستى باعالاۋ، توقتام جاساسۋ، قىزمەت وتەۋدى اتقارۋ جانە اياقتاتۋ سياقتى شەشۋشى بۋىندارعا تالاپ قويدى. سونىمەن بىرگە، قىزمەت وتەۋدى باعالاۋ جانە ارىز - شاعىمدى باسقارۋ مەحانيزمىن ورناتىپ، قىزمەت وتەۋ ساپاسىن ۇزدىكسىز جوعارىلاتۋدى تالاپ ەتتى.

كەلۋ قاينارى: حالىق تورابى