شينجياڭ ۇيعۇر اۆتونوميالى رايونىنىڭ مۇگەدەكتەر ەرەكشە وليمپياداسى 9 – ايدىڭ 10 – كۇنى قۇلجا قالاسىندا باستالادى

ءتىلشىنىڭ شينجياڭ ۇيعۇر اۆتونوميالى رايوندىق 8 - كەزەكتى مۇگەدەكتەر سپورت جارىسى مەن 5 - كەزەكتى ەرەكشە وليمپيادا سپورت جارىسىنىڭ اقپار جاريالاۋ ماجىلىسىنەن ۇعىسۋىنشا، شينجياڭ ۇيعۇر اۆتونوميالى رايوندىق 8 - كەزەكتى مۇگەدەكتەر سپورت جارىسى مەن 5 - كەزەكتى ەرەكشە وليمپيادا سپورت جارىسى (تومەندە قىسقارتىلىپ ”مۇگەدەكتەر ەرەكشە وليمپياداسى“ دەلىنەدى) 9 - ايدىڭ 10 - كۇنى قۇلجا قالاسىندا باستالادى.

مۇگەدەكتەر ەرەكشە وليمپيادا سپورت جارىسى ءار 4 جىلدا ءبىر رەت وتكىزىلەدى، ول مۇگەدەكتەر سپورت جارىسى، ەرەكشە وليمپيادا سپورت جارىسى سىندى ەكى ۇلكەن بولەككە بولىنەدى، ول شينجياڭداعى ولشەمى ەڭ جوعارى، كولەمى ەڭ ۇلكەن، ىقپالى ەڭ كەڭ ۋنيۆەرسال مۇگەدەكتەر دەنە تاربيە جارىسى. وسى كەزەكتى جارىس قۇلجا قالاسى مەن شاپشال سىبە اۆتونوميالى اۋدانىندا قوس جارىس الاڭىن قۇردى، شينجياڭداعى 14 ايماق، وبلىس، قالانىڭ 15 ۋاكىلدەر كومانداسى، 668 سپورتشىسى جارىسقا قاتىناسادى.

جارىستا 8 ۇلكەن ءتۇر ورنالاستىرىلدى، مۇنىڭ ىشىندە 5 بۇقارالىق نىسان، 3 ەرەكشە وليمپيادا نىسانى، جيىنى 350 شاعىن ءتۇر بار. مۇنىڭ ىشىندە مۇگەدەكتەر سپورت جارىسى قول - اياعى، كورۋ قۋاتى، ەستۋ قۋاتى، اقىل – ەسى كەمتار بولۋىنا باعىتتاي وتىرىپ، جەڭىل اتلەتيكا، مالتاۋ، تاق - تۇق دوپ، اۋىرلىق كوتەرۋ، ساداق اتۋ سىندى 5 ءتۇر بويىنشا باسەكەلى جارىس ورنالاستىرىپ، مۇگەدەك سپورتشىلاردىڭ ەرلىكپەن بەلدەسۋ كەلبەتىن ايگىلەيدى؛ ەرەكشە وليمپيادا دەنە تاربيە جارىسى اقىل – ەسى كەمتار مۇگەدەكتەرگە باعىتتاي وتىرىپ، دەنە تاربيە ەرەكشەلىگىنە ۇيلەسەتىن جەڭىل اتلەتيكا، مالتاۋ، تاق-تۇق دوپ سىندى ءۇش ءتۇرلى جارىس ءتۇرىن بەلگىلەپ، ورتاق يگىلىكتەنۋدى، كوڭىلدى قيمىلعا قاتىناسۋدى كورنەكتىلەندىرەدى.

كەلۋ قاينارى: حالىق تورابى