تارباعاتايلىق 18 جاستاعى ازامات بۇنيامين ەلىمىزدىڭ فۋتبول كومانداسىنا تاڭدالعان شينجياڭنان شىققان بەسىنشى دوپشى بولدى

9 ـ ايدىڭ 8 ـ كۇنى، جۇڭگو فۋتبول قوعامى جۇڭگو ەرلەر فۋتبول كومانداسىنىڭ جاڭا كەزەكتى شوعىرلى جاتتىعۋىنا قاتىناساتىنداردىڭ تىزىمدىگىن جاريالادى، شينجياڭ ساۋان قالاسىنان كەلگەن 18 جاستاعى جاس بۋىن سپورتشى بۇنيامين ءابدۇسالام تۇڭعىش رەت ەرەسەك ەرلەر مەملەكەتتىك فۋتبول كومانداسىنا تاڭدالدى. ول شينجياڭنان شىققان جۇڭگو ەرەسەك ەرلەر مەملەكەتتىك فۋتبول كومانداسىنىڭ رەسمي تىزىمدىگىنە ەنگىزىلگەن بەسىنشى دوپشى، سونىمەن بىرگە تارباعاتايدان تۇڭعىش رەت ەرەسەك ەرلەر مەملەكەتتىك فۋتبول كومانداسىنا تاڭدالعان دوپشى.

ءبىر اپتانىڭ الدىندا، ازيا سپورت جارىسىنىڭ U23 مەملەكەتتىك فۋتبول كومانداسىنىڭ تىزىمدىگى رەسمي جاريالاندى، وسى جارىس ماۋسىمىندا ەرەكشە كوزگە تۇسكەن بۇنيامين وكىنىشكە وراي تاڭدالماي قالدى. ءبىر اپتادان كەيىن، جاس جەتكىنشەكتىڭ كاسىپتىك ومىرىندە كەلەلى جاڭالىق بولدى، 18 جاسىندا دارەجە اتتاپ ەرەسەك ەرلەر مەملەكەتتىك فۋتبول كومانداسىنىڭ شوعىرلى جاتتىعۋ تىزىمدىگىنە كىرىپ، شينجياڭ فۋتبول ساحناسىنىڭ جاڭا رەكوردىن جاراتتى.

وسىدان بۇرىن شينجياڭنان 4 دوپشى ىلگەرىندى ـ كەيىندى جۇڭگو ەرەسەك ەرلەر مەملەكەتتىك فۋتبول كومانداسىنىڭ رەسمي تىزىمدىگىنە كىردى. جۇڭگو فۋتبول قوعامىنىڭ ورنالاستىرۋىنا ساي، مەملەكەت فۋتبول كومانداسى 9 – ايدىڭ 12 – كۇنى شوعىرلى جاتتىعۋدى باستايدى، 9 – ايدىڭ 24 – كۇنىنەن 10 – ايدىڭ 6 – كۇنىنە دەيىن چۇڭچيڭدە 4 مايدان حالىقارالىق دەنە قىزدىرۋ جارىسىن وتكىزەدى، مۇندا ىلگەرىندى ـ كەيىندى پالەستين، جاڭا زەللانديا، تۇركىمەنستان، تاجىكستان كوماندالارىمەن بەلدەسەدى. جەلىلەس دەنە قىزدىرۋ جارىسى جاس سپورتشىلاردىڭ جاعدايىن ءتۇيىندى تۇردە تەكسەرەدى، بۇنياميننىڭ تۇڭعىش رەتكى مەملەكەتتىك كوماندانىڭ جاتتىعۋ ورايىن قارسى الۋىنان ءۇمىت بار.