گۋاڭجوۋ كەلەلى كاسىپ سالاسى نىساندارى قۇرىلىسىن بار كۇشپەن ىلگەرىلەتتى (”15 - بەسجىلدىقتا“ جاقسى باستاما اشىپ، جاقسى قادام باسايىق)

التىن كۇزدىڭ 9 - ايى، گۋاڭدۇڭ ولكەسى گۋاڭجوۋ قالاسى حۋاڭپۋ رايونى، جالپى 12 ميلليارد يۋان قارجى قوسىلعان رۇڭجيە توبىنىڭ جاڭا ەنەرگيالى زەردەلى جاساۋ بازاسى قۇرىلىسى قاۋىرت جۇرگىزىلۋدە. بولاشاقتا بۇل ارادا روبوت سياقتى كاسىپ سالالارىنا قاجەتتى تۇتىنۋ باتەرياسى، ساۋدالىق اۆتوكولىكتەردىڭ قوزعاۋشى باتەرياسى جانە ەنەرگيا ساقتاۋ ونىمدەرى وندىرىلەدى، وندىرىسكە قوسىلعاننان كەيىن جىلدىق ءونىم قۇنى 13 ميلليارد يۋاننان اسادى. بۇل نىساننىڭ كەلىسىمى بيىل 2 - ايدا جاسالىپ، ءبىر اي ىشىندە تياناقتاندى. رۇڭجيە توبىنىڭ جوراسى، اتقارۋشى ورىنباسار ءتوراعاسى شيە يەگىن: ”بۇل ارا كاسىپ سالاسى بەتالىسىن، كەمەلدى قامداۋ تىزبەگى تۇلعالاسىن، سونداي - اق كەڭ بازاردى بارىنشا سايكەستىرگەن، ءبىزدى ەرەكشە باۋرايدى“ دەدى.

2025 - جىلى 11 - ايدا باس شۋجي شي جينپيڭ گۋاڭدۇڭدا قىزمەت تەكسەرگەندە بىلاي دەپ اتاپ كورسەتتى: ”جاڭاشا وندىرگىش كۇشتەردى دامىتۋدى كوزدە ۇستاپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، حالىقارالىق باسەكەلىك قۋاتقا يە وسىزاماندانعان كاسىپ سالاسى جۇيەسىن قۇرۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان گۋاڭجوۋ ”15 - بەسجىلدىق“ جوبانىڭ باستاما جىلىندا مىعىم كاسىپ سالاسى نەگىزىن تياناق ەتىپ، بازار ارقىلى كاسىپورىنداردى باۋراپ، ورتا قاجەتىنە قاراي كاسىپ سالاسىن جەتىلدىردى، بۇكىل قالاعا كاسىپ سالاسى قۇرىلىسىنداعى 374 ءتۇيىندى نىسان ورنالاستىرۋ جوسپارلانىپ، جىلدىق جوسپاردا 110 ميلليارد 300 ميلليون يۋان قارجى قوسىلىپ، كوپ ستراتەگيالى جاڭادان گۇلدەنگەن كاسىپ سالالارى قامتىلىپ، وسىزاماندانعان كاسىپ سالاسى جۇيەسىنىڭ جالپى تۇلعالىق جاقتان جوعارىلاۋىن ىلگەرىلەتتى.

قىزمەت وتەۋ ۇلگىسىندە جاڭالىق جاراتىپ، ىلگەرىلەتۋ مەحانيزمىن كەمەلدەندىردى

TCLحۋاشيڭ 8.6 بۋىن باسپا تەحنيكاسى OLED كولەمدەندىرىلگەن ءوندىرىس جەلىسىنىڭ (ورگانيكالى جارىق شىعاراتىن ەكى ەلەكترودتى جۇيە) 1 - مەرزىمدىك نىسانى (تومەندە قىسقاشا ”t8“ نىسانى دەلىنەدى) قۇرىلىس ورنى دۋمانعا بولەندى، نەگىزگى زاۆود ۇيلەرىنىڭ توبەسى الدىن الا قويىلىپ، 2027 - جىلدىڭ سوڭىندا ءونىم مولشەرىن جۇزەگە اسىرۋ جوسپارلاندى.

TCLحۋاشيڭ t8 زاۆود ىستەرى ورتالىعىنىڭ جوعارى دارەجەلى باس باقىلاۋشىسى، t8 نىسان قۇرىلىسى گرۋپپاسىنىڭ باستىعى ۋ شين: ”نىساننىڭ نەگىزگى تۇلعا جۇمىسى باستالىپ توبەسىن جابۋعا دەيىن 151 كۇن عانا كەتەدى“ دەپ تانىستىردى.

ءىرى نىساندار قالايشا ۇدەۋ قارقىنىن تەزدەتەدى؟ مۇنىڭ جاۋابى مەحانيزمدە جاڭالىق جاراتۋدا.

حۋاڭپۋ رايونى كەلەلى نىساندارعا ”سەرىكتەس قۇرۋ“ مەحانيزمىن جاسامپازدىقپەن العا قويىپ، ۇكىمەت پەن كاسىپورىن ”تىزە قوسا شايقاس جاساپ“، نىسانداردىڭ تەز جۇمىس باستاۋىن، تەز قۇرىلىس جۇرگىزۋىن، تەز وندىرىسكە قوسىلۋىن ىلگەرىلەتتى.

بىلتىر 8 - ايدا t8 نىسانعا قارجى قوسۋ ايقىندالعاننان كەيىن، حۋاڭپۋ رايونى TCL حۋاشيڭمەن بىرلەسىپ نىسان قۇرىلىسى ۇيىرمەسىن ۇيىمداستىرىپ، جالپى بارىستاعى ىستەردى بىرگە رەتتەپ، قۇرىلىس مەرزىمى جوسپارىن ناقتىلاندىردى. ءبىر ايدان كەيىن، نىسانعا قول قويىلىپ، قۇرۋ ۇيىرمەسى ماقساتتى جەرگە بارىپ بارلاۋ جۇرگىزدى. سۋدان، ەلەكتردەن پايدالانۋ سياقتىلارعا ساياتىن ماسەلەلەردى، حۋاڭپۋ رايونى ارناۋلى قىزمەت ارقىلى دەر كەزىندە سايكەستىرىپ، اقىلداسىپ، ءارقايسى ىستەردى تاراۋ، ساتى اتتاپ قاتار ىلگەرىلەتىپ، 30 عا جۋىق ماسەلەنى تەز ارادا شەشتى.

ۋاقىتتى مىقتى يگەرگەندىكتەن، t8 نىسانى بۇرىنعى جوسپارداعىدان ەكى اي بۇرىن جۇمىس باستادى.

تاياۋ جىلداردان بەرىى گۋاڭجوۋ مەحانيزمدە جاڭالىق اشۋ ارقىلى جوعارى ساپالى دامۋعا دەم بەرىپ، كەلەلى كاسىپ سالاسى نىساندارىن ىلگەرىلەتۋ جۇيەسىن ۇزدىكسىز كەمەلدەندىرىپ، تەكسەرىپ بەكىتۋ ءتارتىبىن ۇزدىكسىز ساپالىلاندىرىپ، كاسىپ سالاسى نىساندارىن تەكسەرىپ بەكىتۋ ۋاقىت شەگىن 30 قىزمەت كۇنى ىشىندە تىزگىندەپ، ينجەنەريا نىساندارىن ساتىعا ءبولىپ قۇرىلىس جۇرگىزۋ رۇقساتىن جاڭالاپ، كاسىپورىنداردىڭ جۇمىس باستاۋىن 4 - 5 اي تەزدەتتى. بۇكىل قالا بويىنشا سۋ، ەلەكتر، گاز، ەسەپتەۋ قۋاتى سياقتى فاكتورلاردى قامتاماسىز ەتۋدى كۇشەيتىپ، جاڭادان سالىناتىن نىسانداردىڭ ەرتە جۇمىس باستاۋىن، جالعاستى سالىناتىن نىسانداردىڭ تەز سالىنۋىن، سالىنىپ بولعان نىسانداردىڭ تەز وندىرىسكە قوسىلۋىن ىلگەرىلەتىپ، قارجى قوسۋدىڭ ەرتەرەك تياناقتانۋىنا، تەز ارادا ءونىم بەرۋىنە مۇمكىندىك جاسادى.

كاسىپ سالاسى كەڭىستىگىن كەڭەيتىپ، تەكشە دانەكەرىن كۇشەيتتى.

ەكى ايدان استام ۋاقىتتىڭ الدىندا STI يقۋاتتىق جارتىلاي وتكىزگىش زەردەلى جاساۋ كاسىپ سالاسى بازاسى گۋاڭجوۋداعى حالىقتىق عىلىم - تەحنيكا باقشاسىندا جۇمىس باستادى، نىسانعا جالپى 12 ميلليارد 400 ميلليون يۋان قارجى قوسىلدى، 1 - مەرزىمدىك نەگىزگى ءوندىرىس قۋاتى جارتىلاي وتكىزگىشتىڭ جوعارعى اعارىنداعى شەشۋشى ماتەريال AMB ( اكتيۆ مەتال دانەكەر) فارفور نەگىزگى تاقتاسى. ”AMB فارفور نەگىزگى تاقتاسى جوعارعى، تومەنگى اعارداعى سەلبەستىككە بارىنشا سۇيەنەدى، قامداۋ تىزبەگىنىڭ تۇلعالانۋى مەن كاسىپ ورتاسى وتە ماڭىزدى“ دەدى كورەيانىڭ STI جارنا قوعامى ىستەرىنىڭ ارناۋلى قىزمەتكەرى يىن داجۇڭ. بيىل 1 - ايدا گۋاڭجوۋ قالاسى باييۇن رايونىمەن تۇڭعىش رەت كەڭەس وتكىزگەندە، سەرىكتەستىكتىڭ ەڭ كوڭىل بولەتىنى كاسىپ سالاسىنىڭ شوعىرلانۋ جاعدايى.

بىرنەشە رەت ناق مايداندا تەكسەرۋ - زەرتتەۋ جۇرگىزگەندە، يىن داجۇڭ گۋاڭجوۋداعى حالىقتىق عىلىم - تەحنيكا باقشاسىن تاڭدادى، بۇل ارا باييۇن رايونىنداعى جارتىلاي وتكىزگىش كاسىبىنىڭ ماڭىزدى تەكشەلەرىنىڭ ءبىرى. باقشا رايونى ميشىق جوبالاۋ، جارتىلاي وتكىزگىش ماتەريالدارى، بولشەكتەردى جاساۋ بويىنشا رايوندارعا عىلمي ءبولىنىپ، جوعارى، تومەنگى اعارداعى كاسىپورىندار جاقىن ماڭدا ورنالاسىپ، بىرلەسىپ سەلبەسەدى. بۇدان سىرت، ونەركاسىپكە پايدالانىلاتىن جەر جەتكىلىكتى بولىپ، كاسىپورىنداردىڭ قازىرگى قاجەتىن قامتاماسىزداندىرۋمەن بىرگە، كەيىنگى نىساندارعا جەتكىلىكتى كەڭىستىك قالدىرادى.

”كەڭەس كەزىندە ءبىز باييۇن رايونىنىڭ جارتىلاي وتكىزگىشتى ينتەگرالدى تىزبەكتى ارناۋلى سۇيەمەلدەۋ ساياساتىن شىعارعانىن، دامۋ بولاشاعىمىزعا سەنىمىمىز ارتا تۇسكەندىگىن بىلدىك. بيىل 2 - ايدا بۇل نىسانعا ءساتتى قول قويىلدى، تياناقتانعانىنا ءبىر ايداي ۋاقىت بولدى “دەدى يىن داجۇڭ.

گۋاڭجوۋ بۇكىل قالا باقشا رايونى سياقتى كاسىپ سالاسى تەكشەلەرىن ءبىر تۇتاس جوسپارلاپ، 36 ونەركاسىپ شوعىرلانعان رايون مەن 626 شارشى كيلومەتر ونەركاسىپ كاسىپ رايونىن بەلگىلەدى. ءاربىر شوعىرلى رايون 3 تە 5 جەتەكشى كاسىپ سالاسى باعىتىن بەلگىلەپ، 15 ستراتەگيالىق كاسىپ سالاسى شوعىرى مەن 6 بولاشاق كاسىپ سالاسىنىڭ تياناقتانۋىن جەبەپ، ورىن اۋىستىرىپ دامۋدى، ابزالدىقتارىمەن ءبىرىن - ءبىرى تولىقتاۋدى ىلگەرىلەتىپ، كاسىپ سالاسىنىڭ شوعىرلانۋ تىزبەگىن توپتاستىردى.

گۋاڭدۇڭ وزەگى جارتىلاي وتكىزگىش 4 - مەرزىمى، انجەلي ميشىق قوراپتاۋ نەگىزگى تاقتاسىن جاساۋ بازاسى سياقتى ءبىر توپ 10 ميلليارد يۋاندىق جاساۋ كاسىبى نىساندارى جەدەل تياناقتاندى، اسليكاڭ، سايسى سياقتى حالىقارالىق كاسىپورىندار قارجى قوسۋدى ۇزدىكسىز كەڭەيتىپ، تىڭشۇن، جيڭدۇڭ، مەيتۋان سياقتى ەل ىشىندەگى كاسىپورىندار وسى زامانعى فينانس، جاساندى زەردە سياقتى سالالارىنا جاڭادان ورنالاستىرۋ جاسادى... بيىل الدىڭعى 7 ايدا گۋاڭجوۋدىڭ كولەمدەنگەن ونەركاسىبىنىڭ ارتقان قۇنىنىڭ ارتۋ قارقىنى %5.5 كە جەتتى.

گۋاڭجوۋ باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، نىساننان قامال الۋ ارقىلى كاسىپ سالاسىن جوعارىلاتۋعا جەتەكشىلىك ەتىپ، وزىق جاساۋ كاسىبىن تىرەك، وسى زامانعى قىزمەت وتەۋ كاسىبىن سۇيەنىش ەتكەن وسىزاماندانعان كاسىپ سالاسى جۇيەسىن جەدەل ورناتىپ، ”15 - بەسجىلدىق“ كەزىندە جاڭالىق اشۋ باسىمدىعىن ارتتىرۋعا، تىڭ قامال الۋعا كۇش سالدى.