بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ شاندۇڭ چيڭداۋ قالاسى بەيحاي كەمە جاساۋ زاۆودىنداعى ءبىر جۇك كەمەسىندە ءورت اپاتى شىرعالاڭى تۋىلۋىنا بايلانىستى ماڭىزدى نۇسقاۋ بەردى ءارى بىلاي دەپ باسا دارىپتەدى

ءتۇرلى ءورت اپاتىنىڭ كومەسكى قاتەرىن ىشكەرىلەي تەكسەرىپ، جونگە سالىپ، ساقتانۋ شارالارىن ناقتى، ەگجەي - تەگجەيلى تياناقتاندىرىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەۋ كەرەك

لي چياڭ بەكىتۋ جازدى

2026.09.11 15:53     كەلۋ قاينارى : حالىق تورابى

شينحۋا اگەنتتىگى، 9 - ايدىڭ 10 - كۇنى، بەيجيڭ. 9 - ايدىڭ 10 - كۇنى ساعات 11 دەن 15 مينۋت وتكەن مولشەردە شاندۇڭ چيڭداۋ قالاسى بەيحاي كەمە جاساۋ شەكتى سەرىكتەستىگىندە ءبىر شەتەل قاراستىلىعىنداعى جۇك كەمەسى پورتتا جوندەلىپ جاتقاندا ءورت كەتىپ، اۋىر ءولىم - ءجىتىم، جارالانۋ جاعدايى تۋىلدى.

شىرعالاڭ تۋىلعاننان كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ بىلاي دەپ اتاپ كورسەتتى: شاندۇڭ چيڭداۋ قالاسى بەيحاي كەمە جاساۋ زاۆودىنداعى ءبىر جۇك كەمەسىندە ءورت اپاتى تۋىلىپ، اۋىر ءولىم - ءجىتىم، جارالانۋ جاعدايى تۋىلدى. دەرەكسىز كەتكەندەردى ىزدەۋ، قۇتقارۋ، سوڭعى جۇمىستاردى ىڭعايلاستىرۋ، جۇباتۋ سياقتى قىزمەتتەردى ويداعىداي ىستەۋ ءارى شىرعالاڭنىڭ سەبەبىن تەز ارادا انىقتاۋ، جاۋاپكەرشىلىكتى زاڭ بويىنشا قاتاڭ قۋزاۋ كەرەك.

شي جينپيڭ بىلاي دەپ باسا دارىپتەدى: جەر - جەر، قاتىستى تاراۋلار تەرەڭ ساباق الىپ، ءتۇرلى ءورت اپاتىنىڭ كومەسكى قاتەرىن ىشكەرىلەي ءبىر - بىرلەپ تەكسەرىپ، جونگە سالىپ، ساقتانۋ شارالارىن ناقتى، ەگجەي - تەگجەيلى تياناقتاندىرىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: قامالىپ قالعانداردى جەدەل ىزدەۋ، قۇتقارۋ، جارالىلاردى بار كۇشپەن قۇتقارۋ، سوڭعى جۇمىستاردى ىڭعايلاستىرۋ قىزمەتىن ويداعىداي ىستەپ، قوسالقى اپاتتاردىڭ تۋىلۋىنان قاتاڭ ساقتانۋ كەرەك. مەملەكەتتىك كەڭەستىڭ ءوندىرىس حاۋىپسىزدىگى كوميتەتى بىرەۋى ارقىلى وزگەسىن تۇسپالداپ، جەر - جەردىڭ، ءارقايسى جەلىلەردىڭ ءوندىرىس حاۋىپسىزدىگى جاۋاپكەرشىلىگىن اناعۇرلىم ناقتىلاندىرىپ، حاۋىپ - قاتەر كومەسكى قاتەرىن ىشكەرىلەي ءبىر - بىرلەپ تەكسەرىپ، جونگە سالىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەۋى كەرەك.

شي جينپيڭنىڭ ماڭىزدى نۇسقاۋى مەن تالابىنا ساي، شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن ناق مايدانعا بارىپ جەتەكشىلىك ەتۋگە جىبەردى. شاندۇڭ ولكەسى كۇش ۇيىمداستىرىپ، ناق مايداندا ءبىر جاقتى ەتۋ سياقتى قىزمەتتەردى بار كۇشپەن جاقسى ىستەدى. قازىر ءتۇرلى قىزمەتتەر جۇرگىزىلۋدە.

جاۋاپتى رەداكتورى : مانەپ ەربول ۇلى