ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ادامدارىن قۇلشىنا جەتىلدىرەيىك

42 - رەتكى وقىتۋشىلار مەرەكەسى قارساڭىندا، باس شۋجي شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ مەرەكەسىن قۇتتىقتادى جانە شىن ىقىلاسپەن سالەم جولداپ: ”كوپشىلىكتىڭ پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ سىندى اۋەلگى ماقساتتى، بورىشتى ەستە بەرىك ساقتاپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، اعارتۋشىلار رۋحىن زور كۇشپەن اسقاقتاتىپ، وسكەلەڭ ۇستازدىق ءمورال، ۇستازدىق ستيلدى جەتىلدىرىپ، كاسىپتىك ساپا مەن قابىلەتتى جوعارىلاتىپ، ۇلتتى گۇلدەندىرۋ ۇلى مىندەتىن ارقالايتىن ءداۋىر جاڭا ادامدارىن قۇلشىنا باۋلۋىن“ ءۇمىت ەتتى.

باس شۋجي شي جينپيڭنىڭ سالەمى مەن تاپسىرماسى تەرەڭ سۇيىسپەنشىلىككە تولى بولىپ، جۇرت كوڭىلىن جەلپىندىردى، قالىڭ وقىتۋشىلار مەن وقۋ - اعارتۋ قىزمەتكەرلەرى مىنالاردى ءبىلدىردى: پارتيانىڭ وقۋ - اعارتۋ باعىتىن مۇقيات دايەكتىلەندىرىپ، وقىتۋ مىنبەسىندە تابانداپ تۇرىپ، ءبىلىم بەرىپ، وقۋ - اعارتۋدا قۋاتتى ەل قۇرۋدىڭ قۇدىرەتتى كۇشىن توپتاپ، ۇلتتىڭ بولاشاعىنىڭ شەكسىز ءۇمىتىن ارقالايمىز.

تامىر تارتىپ، رۋح سومداپ، يدەيا - ساياسي جاقتا الدا ءجۇرۋ كەرەك

”باس شۋجي شي جينپيڭ بىزدەن ’پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتىن، بورىشىن ەستە بەرىك ساقتاۋدى‘ ءۇمىت ەتتى، مەن بورىشىمنىڭ داڭقتى، جاۋاپكەرشىلىگىمنىڭ اۋىر ەكەنىن تەرەڭ سەزىندىم“. چۇڭچيڭ داشۋەسى ماركسيزم شۋەيۋانى يدەيا - ساياسي نازاريا ساباعى وقىتۋشىسى ليۋ چيان: ”مەن شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ جاڭالىق اشۋ نازارياسىن ناقتى قىزمەت بارىسىندا دايەكتىلەندىرىپ، تياناقتاندىرىپ، جاندى مىسالدار ارقىلى وقۋشىلاردى وي جۇگىرتۋگە جەتەكتەپ، شىنايى اۋىس - كۇيىس جاساۋ ارقىلى وقۋشىلاردىڭ ەسەيىپ - ەرجەتۋىنە سەرىك بولىپ، ولاردىڭ كوكەيگە سەنىم ۇيالاتۋعا مۇمكىندىك جاسايمىن“ دەدى.

يدەيا - ساياسي ساباعى مەن وزگە ساباقتار بىرگە جۇرىلەدى. ”ورتا مەكتەپ جاعراپيا وقىتۋشىسى رەتىندە، مەنىڭ تۇسىنىگىمدەگى ’ءمورال ارقىلى ادام تاربيەلەۋ‘ _ وقۋشىلارعا تاۋ - وزەن، كول - تەڭىزدى تانىتۋمەن بىرگە، جەكە ادامنىڭ ەسەيىپ - ەرجەتۋى مەن مەملەكەت دامۋىنىڭ تىعىز بايلانىسىن ۇعىندىرۋ“. جىجياڭ ولكەسى نيڭبو قالاسى شياۋشى ورتا مەكتەبىنىڭ وقىتۋشىسى ماۋ جينچي مىنانى ءبىلدىردى: ساباقحانادا شىنايىلىققا تاباندى بولىپ، امالياتتى تياناق ەتىپ، ادام تاربيەلەپ، وقۋشىلاردى وتباسى، وتان سۇيىسپەنشىلىگىن نىعايتۋعا جەتەكتەيمىن.

ۇلگى ارقىلى جەتەكشىلىك ەتىپ، دەن قويا ادام تاربيەلەۋ كەرەك.

9 - ايدىڭ 10 - كۇنى ورتالىق كوميتەتتىڭ ۇگىت ءبولىمى، وقۋ - اعارتۋ مينيسترلىگى 2026 - جىلعى ”ەڭ سۇيىكتى وقىتۋشىلاردىڭ“ ىزگى ىستەرىن رەسمي جاريالادى، گۇيجوۋ قاتىناس تەحنيكتەر شۋەيۋانىنىڭ وقىتۋشىسى ۋاڭ چيڭ داڭقپەن تاڭدالدى.

”’ەڭ سۇيىكتى وقىتۋشى‘ داڭق قانا ەمەس، ونان دا ماڭىزدىسى، اۋىر جاۋاپكەرشىلىك. مەن وسى داڭقتى وقىتۋ مىنبەسىنىڭ قوزعاۋشى كۇشىنە اينالدىرىپ، كاسىپتىك جاقتان جەتىلۋدە ۇزدىكسىز العا باسىپ، وقۋشىلاردىڭ ۇيرەنۋىنە، ءىس ىستەۋىنە، ادام بولۋىنا جول باستاۋشى بولۋعا قۇلشىنامىن“ دەدى ۋاڭ چيڭ.

”باس شۋجي شي جينپيڭ قالىڭ وقىتۋشىلاردىڭ ’كاسىپتىك ساپا قابىلەتىن جوعارىلاتۋىن‘ ءۇمىت ەتتى، تاپسىرما كوكەيگە قونىمدى، جاۋاپكەرشىلىگى اۋىر“. بەيجيڭ باستاۋىش مەكتەبى حۇڭشان بولىمشە مەكتەبىنىڭ باستىعى ساي جيڭحۋا: ”نەگىزدىك وقۋ - اعارتۋ _ ۇلتتى ساپالىلاندىرۋدىڭ ىرگە تاسىن قالايتىن ينجەنەريا. ءبىز مەكتەپ وقۋلىعىنا سۇيەنىپ ءبىلىم تولىقتاپ، وقىتۋشىلار قوسىنىن تىڭعىلىقتى شىڭداپ، بۇقارانىڭ ىرگەسىندەگى نەگىزدىك وقۋ - اعارتۋدى دەن قويا جۇرگىزەمىز“.

مەملەكەتتى قۇدىرەتتەندىرۋ ءۇشىن، ءسوز جوق، الدىمەن وقۋ - اعارتۋدى كۇشەيتۋ، وقۋ - اعارتۋدى كۇشەيتۋ ءۇشىن، ءسوز جوق، الدىمەن وقىتۋشىلاردى كۇشەيتۋ كەرەك.

شانشي ولكەسى لينشيان اۋدانى ليۋجياحۇي قالاشىعى بايجيابان جاتاقتى باستاۋىش مەكتەبىنىڭ ەرەكشە قىزمەت ورنىنداعى وقىتۋشىسى ۋاڭ شياڭرۋ: ”باس شۋجي شي جينپيڭ باستان - اياق ءبىزدىڭ ءبىرىنشى شەپتەگى وقىتۋشىلارىمىزدى ەسىنەن شىعارماي، ءتۇرلى تاسىلدەرمەن قامقورلىق جاسادى جانە سالەم جولدادى. بىلتىر باس شۋجي بۇكىل ەلدەگى ەرەكشە قىزمەت ورنىنداعى وقىتۋشىلاردىڭ ۋاكىلدەرىنە جاۋاپ حات جازدى، بيىل قالىڭ وقىتۋشىلاردىڭ ۇلەسىن تولىق تۇراقتاندىردى. مەيىرىمىن سەزىندىم، ءبىلىم بەرىپ، ادام تاربيەلەۋ جىگەرىم تاسقىنداي ءتۇستى“ دەدى.

”ءاربىر ساباق مىنبەسى بالانىڭ ارمانىن ارقالايدى“. ۋاڭ شياڭرۋ مىنانى ءبىلدىردى: وقىتۋ قابىلەتىن ۇزدىكسىز شىڭداپ، ءاربىر بالاعا كوڭىل ءبولىپ، وقۋ - اعارتۋ ىستەرىنە بار ىنتامەن ات سالىسىپ، ءىس جۇزىندىك ارەكەتىم ارقىلى نەگىزگى ساتى وقىتۋشىلارىنىڭ جاۋاپكەرشىلىگىن امالياتتا ايگىلەيمىن.

”باس شۋجي شي جينپيڭنىڭ ىقىلاستى ءسوزى _ قامقورلىق ءارى جەبەۋ“. حۋنان رۋچىڭ اۋدانى ۋىنميڭ ياۋزۋ اۋىلى 1 - باستاۋىش مەكتەبىنىڭ باستىعى جۋ شيفىن: ”مەن قىزىل قۇنارلى توپىراقتا ’جارتى كورپە‘ حيكاياسىن ۇزدىكسىز جاقسى بايانداپ، وقۋشىلاردىڭ ەسەيىپ - ەرجەتۋىنە مەيىرىمدىلىكپەن جانە سابىرلىلىقپەن سەرىك بولىپ، ولاردىڭ دارىندى بولۋىنا كومەكتەسەمىن“ دەدى.

”باس شۋجي شي جينپيڭ بىزدەن ’پەداگوگيكا رۋحىن زور كۇشپەن اسقاقتاتىپ، وسكەلەڭ ۇستازدىق ءمورالدى، ۇستازدىق ستيلدى جەتىلدىرۋدى‘ تالاپ ەتىپ، ءبىزدىڭ پەداگوگيكا وقۋ - اعارتۋىن اناعۇرلىم ويداعىداي ىستەۋىمىزگە ايقىن باعدار كورسەتتى“. بەيجيڭ پەداگوگيكا داشۋەسى پارتكومىنىڭ شۋجيى چىڭ جيانپيڭ مىنالاردى ءبىلدىردى: مەكتەپ وقۋشى قابىلداۋ، تاربيەلەۋ، ورنالاستىرۋ، ورنالاسقاننان كەيىنگى قولداۋ سىندى تۇتاس تىزبەكتى ادام تاربيەلەۋ جۇيەسىن ونان ارى ورناتىپ، اناعۇرلىم جوعارى ساپالى پەداگوگيكا وقۋشىلارىن تاربيەلەپ، وقۋ - اعارتۋدا قۋاتتى ەل قۇرۋ قۇرىلىسىنا كوپتەگەن جوعارى ساپالى كاسىپتىك وقىتۋشىلاردى تاربيەلەيدى.

باس شۋجي شي جينپيڭ بىلاي دەپ باسا دارىپتەدى: ”ءار دارەجەلى پارتكومدار مەن ۇكىمەتتەر وقىتۋشىلار قوسىنى قۇرىلىسىن كۇشەيتۋگە ءمان بەرىپ، تۇتاس قوعامدا وقىتۋشىلاردى قۇرمەتتەپ، وقۋ - اعارتۋعا ءمان بەرەتىن تاماشا اۋقىم قالىپتاستىرىپ، وقۋ - اعارتۋدا قۋاتتى ەل قۇرۋدىڭ قۇدىرەتتى بىرىككەن كۇشىن ۇيىستىرۋى كەرەك“.

شاندۇڭ ولكەلىك وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمە باستىعى چىن بيچاڭ: ”تاپسىرمانى ەستە بەرىك ساقتاپ، وقىتۋشىلاردى دامىتۋدىڭ تىرەك جۇيەسىن ۇزدىكسىز بەكەمدەپ، چيلۋ ايگىلى وقىتۋشى، ايگىلى مەكتەپ باستىعى، ايگىلى كلاس جەتەكشىسى سىندى ’ءۇش ايگىلى‘ قۇرىلىس ينجەنەرياسىن تەرەڭدەتىپ، ۇزدىك وقىتۋشىلاردى تاڭداپ، ۇگىتتەپ، وقىتۋشىلارعا ءتيىمدى، وقىتۋشىلارعا قولايلى اناعۇرلىم كوپ ساياساتتىق شارالاردى العا قويىپ، قالىڭ وقىتۋشىلاردىڭ الاڭسىز وقىتۋشىلىقپەن شۇعىلدانۋىنا، الاڭسىز ادام تاربيەلەۋىنە مۇمكىندىك جاسايمىز“ دەدى.

وقۋ - اعارتۋ مينيسترلىگى وقىتۋشىلار قىزمەتى تارماق مەكەمەسىنىڭ باستىعى ۋاڭ لەي تانىستىرىپ بىلاي دەدى: تاياۋدا وقۋ - اعارتۋ مينيسترلىگى جاساعان ”جۇڭگو وقىتۋشىلارى“ شاعىن باعدارلاما جۇيەسىنە ءبىر قىدىرۋ جاڭا يقۋات قوسىلدى، 3 - كەزەكتى وقىتۋشىلاردى قۇرمەتتەۋ، وقىتۋشىلارعا تيىمدىلىك جاساۋ الەۋمەتتىك يگىلىك قيمىلى باستالدى، ەمدەۋ، دەنساۋلىق ساقتاۋ، قاتىناس، ءجۇرىس - تۇرىس، تۇرمىستىق قىزمەت وتەۋ سياقتى سالالاردى توڭىرەكتەي وتىرىپ وقىتۋشىلارعا ارناۋلى تيىمدىلىك جاساۋ قىزمەت وتەۋى جولعا قويىلدى.

”ءبىز باس شۋجي شي جينپيڭنىڭ ماڭىزدى نۇسقاۋىنىڭ رۋحىن جەتەكشى ەتىپ، وقىتۋشىلار قوسىنى قۇرىلىسىن اناعۇرلىم كورنەكتى ستراتەگيالىق ورىنعا قويىپ، وقىتۋشىلاردى دامىتۋ مەملەكەتتىك ارەكەتىن كۇش سالا اتقارىپ، جوعارى ساپالى وقىتۋشىلاردى دامىتۋ جۇيەسىن ورناتىپ، وقىتۋشىلاردىڭ وقۋ - اعارتۋ جۇيەسىنىڭ وزگەرىسىن ىلگەرىلەتىپ، وقىتۋشىلار بايلىعىن سەپتەۋ مەحانيزمىن ساپالىلاندىرىپ، جاڭا داۋىردەگى جوعارى دەڭگەيلى وقىتۋشىلار قوسىنىن جەدەل باۋلىپ، جەتىلدىرىپ، تاڭداۋلى دارىندىلار وقىتۋمەن شۇعىلداناتىن تاماشا ەكولوگيانى ۇزدىكسىز قالىپتاستىرامىز، وقۋ - اعارتۋدا قۋاتتى ەل قۇرۋدى پارمەندى كەپىلمەن قامدايمىز“ دەدى ۋاڭ لەي.

”15 - بەسجىلدىقتا“ ەكپىندەي ىلگەرىلەۋ ءۇشىن، قالىڭ وقىتۋشىلار مەن وقۋ - اعارتۋ قىزمەتكەرلەرى بورىشتى ەستە بەرىك ساقتاپ، وزىنە سەنىم ارتىپ، ءوزىن الۋەتتەندىرىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە تىڭ دا اناعۇرلىم زور ۇلەس قوسۋعا قۇلشىنۋى كەرەك.

(«حالىق گازەتىنىڭ» تىلشىلەرى ۋ دان، ديڭ ياسۇڭ، ۋ يۋە، يان ي - چياۋ)