شەكارادان كىرىپ – شىعۋ جاعىندا دەلدالدىق قىزمەت وتەۋمەن شۇعىلداناتىن قۇرىلىمدار مەن قىزمەتكەرلەر 9 - ايدىڭ 15 - كۇنىنەن باستاپ تىزىمگە الۋ ارقىلى باسقارىلادى

شينحۋا اگەنتتىگىنىڭ ءتىلشىسى سۇن پىڭچىڭ 9 - ايدىڭ 15 - كۇنى بەيجيڭنەن حابارلايدى. مەملەكەتتىك كوشى - قوندى باسقارۋ مەڭگەرمەسى مەن مەملەكەتتىك بازاردى باقىلاۋ - باسقارۋ باس مەڭگەرمەسى جاساعان «شەكارادان كىرىپ – شىعۋ جاعىندا دەلدالدىق قىزمەت وتەۋمەن شۇعىلداناتىن قۇرىلىمدار مەن قىزمەتكەرلەردى تىزىمگە الىپ باسقارۋ ءادىسى» 9 - ايدىڭ 15 - كۇنىنەن باستاپ اتقارىلادى، مۇنداعى ماقسات — شەكارادان كىرىپ – شىعۋ جاعىندا دەلدالدىق قىزمەت وتەۋمەن شۇعىلداناتىن قۇرىلىمدار مەن قىزمەتكەرلەردى تىزىمگە الىپ باسقارۋ قىزمەتىن ارناعا ءتۇسىرۋ.

ۇعىسۋعا قاراعاندا، تىزىمگە الىپ باسقارۋ ءادىسى «جۇڭحۋا حالىق رەسپۋبليكاسىنىڭ شەكارادان كىرىپ - شىعۋدى باسقارۋ زاڭى» جانە 9 - ايدىڭ 15 - كۇنىنەن باستاپ اتقارىلاتىن «مەملەكەتتىك كەڭەستىڭ شەكارادان كىرىپ - شىعۋدى باسقارۋ جونىندەگى بەلگىلەمەسى» نەگىزىندە جاسالعان، جيىنى 14 تارماق، تىزىمگە الۋ كولەمى، تىزىمگە الۋ مەرزىمى جانە تىزىمگە الۋ ماتەريالدارى قاتارلى تالاپتاردى اناعۇرلىم ايقىنداپ، اۋدان دارەجەلى جانە ودان جوعارى دارەجەلى جەرگىلىكتى حالىق ۇكىمەتىنىڭ قوعام حاۋىپسىزدىگى ورگاندارىنىڭ شەكارادان كىرىپ - شىعۋدى باسقاراتىن قۇرىلىمدارى وزىنە قاراستى وڭىردەگى شەكارادان كىرىپ – شىعۋ جاعىندا دەلدالدىق قىزمەت وتەۋمەن شۇعىلداناتىن قۇرىلىمدار مەن قىزمەتكەرلەردى تىزىمگە الۋ ارقىلى باسقاراتىنىن بەكىتتى. تىزىمگە الىپ باسقارۋ ادىسىندە قوعام حاۋىپسىزدىگى ورگاندارىنىڭ شەكارادان كىرىپ - شىعۋدى باسقاراتىن قۇرىلىمدارىنان باقىلاۋ - باسقارۋدى كۇشەيتۋمەن بىرگە، قىزمەت بارىسىن ۇزدىكسىز ساپالىلاندىرىپ، شەكارادان كىرىپ – شىعۋ جاعىندا دەلدالدىق قىزمەت وتەۋمەن شۇعىلداناتىن قۇرىلىمداردىڭ تىزىمدەلۋىنە قولايلىق جاراتۋ دەڭگەيىن ۇزدىكسىز جوعارىلاتۋ تالاپ ەتىلگەن.

مۇنان سىرت، مەملەكەتتىك كوشى - قوندى باسقارۋ مەڭگەرمەسى رەسمي تورابىندا (http://www.nia.gov.cn) مەملەكەت بويىنشا ءبىرتۇتاس تىزىمگە الۋ ينفورماتسياسىن جاريالاۋ تۇعىرىن قۇرىپ، تىزىمگە الىنعان شەكارادان كىرىپ – شىعۋ جاعىندا دەلدالدىق قىزمەت وتەۋمەن شۇعىلداناتىن قۇرىلىمدار مەن قىزمەتكەرلەردىڭ ينفورماتسياسىن دەر كەزىندە جاريالايدى.

كەلۋ قاينارى: حالىق تورابى