20 - كەزەكتى ورتالىق كوميتەتتىڭ 8 - كەزەكتى شارلاۋ گرۋپپاسى ورنالاسىپ بولدى

«حالىق گازەتى»، 10 - ايدىڭ 26 - كۇنى، بەيجيڭ (ءتىلشى شى ي - چي). پارتيا ورتالىق كوميتەتىنىڭ شارلاۋ قىزمەتى جونىندەگى ءبىر تۇتاس ورنالاستىرۋىنا ساي، تاياۋدا 20 - كەزەكتى ورتالىق كوميتەتتىڭ 8 - كەزەكتى شارلاۋ گرۋپپاسى ورنالاسىپ بولدى. ورتالىقتىڭ 15 شارلاۋ گرۋپپاسى وقۋ - اعارتۋ مينيسترلىگى مەن ورتالىق باسقاراتىن 31 جوعارى مەكتەپتىڭ پارتيا ۇيىمىنا داعدىلى شارلاۋ جۇرگىزەدى.

شارلاۋ جۇرگىزىلەتىن ورىندار جەكە - جەكە شارلاۋ جۇرگىزۋگە اتتانىسقا كەلتىرۋ ءماجىلىسىن اشتى. ورتالىقتىڭ شارلاۋ گرۋپپالارىنىڭ باستىقتارى اتتانىسقا كەلتىرۋ ءسوزىن سويلەپ، باس شۋجي شي جينپيڭنىڭ شارلاۋ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ، شارلاۋ قىزمەتىن تىڭعىلىقتى ورىستەتۋ جونىندە تالاپتار قويدى.

ورتالىقتىڭ شارلاۋ گرۋپپالارىنىڭ باستىقتارى مىنالاردى اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شارلاۋدى پارتيا قۇرىلىسىن كۇشەيتۋدىڭ ماڭىزدى شاراسى، پارتيا ىشىندەگى باقىلاۋدىڭ ستراتەگيالىق تۇزىمدىك ورنالاستىرۋى ەتىپ، شارلاۋ قىزمەتىنىڭ دۇرىس جولدان جازباي، جاڭالىق اشۋىنا، ىشكەرىلەي دامۋىنا جەتەكشىلىك ەتىپ، شارلاۋدى پارتيانى باسقارۋدىڭ، پارتيانى جونگە سالۋدىڭ وتكىر سەمسەرىنە، مەملەكەتتى جونگە سالىپ، بيلىك جۇرگىزۋدىڭ وتكىر قارۋىنا اينالدىردى. وقۋ - اعارتۋ _ مەملەكەتتىڭ ۇلى ءىسى، پارتيانىڭ ۇلى ءىسى، جوعارى دارەجەلى وقۋ - اعارتۋ _ وقۋ - اعارتۋدا قۋاتتى ەل قۇرۋدىڭ باستاماشىسى، ول پارتيا مەن مەملەكەت ىستەرىندە ماڭىزدى ورىنعا يە. وقۋ - اعارتۋ مينيسترلىگى مەن ورتالىق باسقارۋىنداعى جوعارى مەكتەپتەرگە شارلاۋ جۇرگىزۋ، شارلاۋ جۇرگىزىلگەن پارتيا ۇيىمدارىنىڭ پارتيانىڭ جاپپاي باسشىلىعىنا تاباندى بولۋىن جانە ونى كۇشەيتۋىن ىلگەرىلەتۋدەگى، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتىنان، بورىشىنان جازباي، جوعارى ساپالى دامۋعا اناعۇرلىم ويداعىداي قىزمەت وتەۋدەگى، تىرەك بولۋداعى، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدەگى ماڭىزدى شارا. ساياسي دەڭگەيدى جوعارىلاتىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، وسكەلەڭ جاۋاپكەرشىلىك سەزىممەن، بورىشتىلىق سەزىممەن پارتيا ورتالىق كوميتەتى تاپسىرعان شارلاۋ مىندەتىن ويداعىداي ورىنداۋ كەرەك.

ورتالىقتىڭ شارلاۋ گرۋپپالارىنىڭ باستىقتارى مىنالاردى باسا دارىپتەدى: ورتالىقتىڭ شارلاۋ گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ جانە 20 - كەزەكتى ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، ورتالىق ءتارتىپ تەكسەرۋ كوميتەتىنىڭ 5 -، 6 - رەتكى جالپى ءماجىلىسىنىڭ ورنالاستىرۋلارىن مۇقيات تياناقتاندىرىپ، ”ەكىنى قورعاۋ“ ءتۇبىرلى مىندەتىن مىقتاپ يگەرىپ، شارلاۋ قىزمەتىنىڭ باعىتىن ىشكەرىلەي دايەكتىلەندىرىپ، ساياسي شارلاۋ تالابىن دالمە - ءدال تياناقتاندىرادى. نازاردى شارلاۋ جۇرگىزىلگەن پارتيا ۇيىمىنىڭ فۋنكتسيالىق جاۋاپكەرشىلىگىنە شوعىرلاندىرىپ، باقىلاۋ ءتۇيىنىن كورنەكتىلەندىرىپ، پارتيا ورتالىق كوميتەتىنىڭ وقۋ - اعارتۋ قىزمەتى جونىندەگى كەلەلى شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى مىقتاپ ارقاۋ ەتىپ، باقىلاۋ ورىستەتىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋ، وقۋ - اعارتۋ، عىلىم - تەحنيكا دارىندىلارىنىڭ دامۋىن ءبىر تۇتاس ىلگەرىلەتۋ جاعدايىن، حاۋىپ - قاتەردەن ساقتانۋ جانە ونى جويۋ جاعدايىن، پارتيانى قاتاڭ باسقارۋ، پارتيانى قاتاڭ جونگە سالۋ، باسشىلار قوسىنى جانە نەگىزگى ساتى پارتيا ۇيىمى قۇرىلىسى جاعدايىن ىشكەرىلەي تەكسەرىپ، ورىن تەۋىپ وتىرعان كورنەكتى ماسەلەلەردى كۇش سالا بايقاپ جانە شەشۋدى ىلگەرىلەتىپ، پارتيا باسشىلىعى مەن پارتيا قۇرىلىسىن كۇشەيتۋگە، وقۋ - اعارتۋ ىستەرىنىڭ جوعارى ساپالى دامۋىن ىلگەرىلەتۋدى پارمەندى كەپىلمەن قامدايدى.

شارلاۋ جۇرگىزىلگەن پارتيا ۇيىمىنىڭ نەگىزگى جاۋاپتىسى مىنالاردى ءبىلدىردى: باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ساياسي جاۋاپكەرشىلىكتى تياناقتاندىرىپ، ۇقساس تاقىرىپقا بىرگە جاۋاپ بەرۋگە تاباندى بولىپ، شارلاۋ قىزمەتىن بەلسەنە قولداپ، سايكەسىپ، باقىلاۋدى سانالىلىقپەن قابىلداپ، رەتتەۋ - تۇزەتۋدى مۇقيات ويداعىداي يگەرىپ، پارتيانىڭ وقۋ - اعارتۋ باعىتىن قاز - قالپىندا دايەكتىلەندىرىپ، مىندەت اتقارىپ، جاۋاپكەرشىلىكتى ادا ەتۋدىڭ ءىس جۇزىندىك ارەكەتى ارقىلى ”ەكىنى قورعاۋدى“ ورىندايمىز.

ۇعىسۋعا قاراعاندا، ورتالىقتىڭ 15 شارلاۋ گرۋپپاسى شارلاۋ جۇرگىزىلگەن ورىنداردا 2 اي شاماسىندا قىزمەت ىستەيدى، شارلاۋ كەزىندە ارناۋلى كەزەكشىلىك تەلەفونى مەن پوچتا حات ساندىعىن ورناتىپ، نەگىزىنەن شارلاۋ جۇرگىزىلگەن پارتيا ۇيىمىنىڭ باسشىلىق القاسى مەن ونىڭ مۇشەلەرىنىڭ، ءبىر دارەجە تومەن پارتيا ۇيىمى نەگىزگى جاۋاپتىلارىنىڭ ماسەلەسى اڭىس ەتىلگەن حاتتاردى، تەلەفونداردى، ارىز - شاعىمداردى قابىلدايدى. مۇندا ساياسي تارتىپكە، ۇيىمدىق تارتىپكە، پاكتىك تارتىپكە بۇقارالىق تارتىپكە، قىزمەت تارتىبىنە، تۇرمىس تارتىبىنە قايشىلىق جاساۋ سياقتى جاقتارداعى اشكەرەلەۋ جانە اڭىس ەتۋ ءتۇيىن ەتىلەدى. شارلاۋ گرۋپپاسىنىڭ ارىز - شاعىم قابىلداۋ ۋاقىتى 2026 - جىلى 12 - ايدىڭ 21 - كۇنىنە دەيىن بولادى.

كەلۋ قاينارى: حالىق تورابى