2026.10.28 17:24 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 27 - كۇنى، بەيجيڭ. 10 - ايدىڭ 27 - كۇنى مەملەكەت ءتوراعاسى شي جينپيڭ لۋلاعا تەلەگرامما جولداپ، ونىڭ برازيليا فەدەراتسيالىق رەسپۋبليكاسىنىڭ زۇڭتۇڭى بولىپ قايتا سايلانعاندىعىن قۇتتىقتادى.
شي جينپيڭ مىنالاردى اتاپ كورسەتتى: لۋلا زۇڭتۇڭ جۇڭگو - برازيليا قاتىناسىنىڭ دامۋىن ىلگەرىلەتۋگە ماڭىزدى ۇلەس قوستى. تاياۋ جىلداردان بەرى، لۋلا زۇڭتۇڭ ەكەۋىمىز تۇرلىشە تاسىلدەر ارقىلى تىعىز قاتىناستى ساقتاپ، اناعۇرلىم ءادىل دۇنيەنى جانە اناعۇرلىم باياندى پلانەتانى بىرگە قۇراتىن، جۇڭگو - برازيليا تاعدىرلاس ورتاق تۇلعاسىنىڭ تىڭ ىلگەرىلەۋشىلىككە جەتۋىنە بىرگە جەتەكشىلىك ەتتىك، ەكى ەل قاتىناسىنىڭ دۇنيە جۇزىلىك، ستراتەگيالىق، ۇزاق بولاشاقتىق سيپاتى اناعۇرلىم كورنەكتىلەنىپ، دۇنيە جۇزىندەگى وڭتۇستىك ەلدەردىڭ ىنتىماقتاسا سەلبەسۋىنىڭ ۇلگىسىنە اينالدى. مەن جۇڭگو - برازيليا قاتىناسىنىڭ دامۋىنا ايرىقشا ءمان بەرەمىن، لۋلا زۇڭتۇڭمەن بىرگە قۇلشىنىپ، جۇڭگو - برازيليا تاعدىرلاس ورتاق تۇلعاسى قۇرىلىسىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، ەكى ەلدىڭ جان - جاقتى ستراتەگيالىق سەلبەستىگىنە اناعۇرلىم كەڭ ءورىس اشىپ، ەكى ەل حالقىنىڭ باقىتىن ۇزدىكسىز مولايتۋدى قالايمىن.
سول كۇنى مەملەكەت ءتوراعاسىنىڭ ورىنباسارى حان جىڭ برازيليا زۇڭتۇڭىنىڭ ورىنباسارى اركىميڭگە قۇتتىقتاۋ تەلەگرامماسىن جولدادى.
كەلۋ قاينارى: حالىق تورابى