بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ جاپونيانىڭ بۇرىنعى باس ءۋازىرى فۋتيان كاڭفۋدىڭ وتباسىنداعىلارعا كوڭىل ايتۋ تەلەگرامماسىن جولدادى

2026.10.28 17:25     كەلۋ قاينارى : حالىق تورابى

شينحۋا اگەنتتىگى، 10 - ايدىڭ 27 - كۇنى، بەيجيڭ. 10 - ايدىڭ 27 - كۇنى مەملەكەت ءتوراعاسى شي جينپيڭ جاپونيانىڭ بۇرىنعى باس ءۋازىرى فۋتيان كاڭفۋدىڭ وتباسىنداعىلارعا كوڭىل ايتۋ تەلەگرامماسىن جولداپ، فۋتيان كاڭفۋدىڭ قايتىس بولعاندىعىنا قايعىراتىنىن ءبىلدىردى، ونىڭ وتباسىنداعىلاردان حال سۇرادى.

شي جينپيڭ مىنالاردى اتاپ كورسەتتى: فۋتيان مىرزا جاپونيانىڭ سەنىمدى، جاۋاپكەرشىلىگى كۇشتى ساياساتكەرى، سونداي - اق جۇڭگو حالقىنىڭ كونە دوسى، ۇزاق ۋاقىتتان بەرى جۇڭگو - جاپونيا دوستىعىن كوكەيىندە ساقتاپ، دۇرىس تاريحي كوزقاراستى ۇستاندى، مىندەت وتەگەن كەزىندە جۇڭگومەن جۇڭگو - جاپونيا 4 - ساياسي حۇجاتىنا قول قويىپ، ەكى ەل قاتىناسىنىڭ دامۋىنا ماڭىزدى پرينسيپتەردى ايقىندادى. فۋتيان مىرزا بو - اۋ ازيا تالقى مىنبەرىنىڭ القا باستىعى بولىپ، ازيا ءوڭىرىنىڭ اۋىس - كۇيىسىن، سەلبەستىگىن جەبەۋدە ماڭىزدى رول اتقاردى. جۇڭگو فۋتيان مىرزانىڭ جۇڭگو - جاپونيا قاتىناسى مەن ازيانىڭ دامۋىنا قوسقان ۇلەسىن ەستە بەرىك ساقتايدى. تۋىس - تۋعاندارىنىڭ فۋتيان مىرزانىڭ مۇراتىنا مۇراگەرلىك ەتىپ، جۇڭگو - جاپونيا دوستىق ىستەرىنە ۇزدىكسىز كۇش سالۋىن ءۇمىت ەتەمىن. جاپونيانىڭ بيلىك اتقارۋشىلارى اعا بۋىن ساياساتشىلاردىڭ جۇرەك قانى مەن قۇلشىنىسىن قاستەرلەپ، جۇڭگو مەن جاپونيانىڭ 4 ساياسي قۇجاتىنا بويسۇنىپ، ەكى جاقتى قاتىناستىڭ ساياسي نەگىزىن شىنايى قورعاۋىن ءۇمىت ەتەمىن.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى