فۋجيان 21 - عاسىرداعى تەڭىز جىبەك جولى وزەكتى رايونىن قۇلشىنا قۇردى

تەڭىزگە قاراي كوركەيدى، فۋجياننىڭ بايتاق دالاسىندا قۋانىشتى حابارلار ارت - ارتىنان تارالدى: 2026 دۇنيە جۇزىلىك تەڭىزشىلىك جابدىقتارى جينالىسى فۋجوۋدا وتكىزىلدى، ”ءبىر بەلدەۋ، ءبىر جولدى“ بىرگە قۇراتىن 43 مەملەكەتتەن كەلگەن 175 سيلى قوناق ماجىلىسكە قاتىناسىپ، تەڭىز - مۇحيت ەكونوميكالىق كاسىبىن ۇشتاستىرۋ سەلبەستىگىن بىرگە اقىلداستى؛ فۋجياندا دۇنيەگە كەلگەن باكتەريالى ءشوپ تەحنيكاسى 100 دەن استام مەملەكەت پەن رايونعا تارالىپ، 24 مەملەكەتتە ۇلگى كورسەتۋ بازاسى قۇرىلدى؛ بيىل الدىڭعى 3 توقساندا فۋجيان ولكەسىنىڭ ”ءبىر بەلدەۋ، ءبىر جولدى“ بىرگە قۇراتىن ەلدەرگە يمپورت - ەكسپورتى 816 ميلليارد 330 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %9 ارتىپ، ساۋدا كولەمى تاريحتاعى سايكەس مەزگىلدەگى ەڭ جوعارى دەڭگەيگە جەتتى.

2024 - جىلى 10 - ايدا باس شۋجي شي جينپيڭ فۋجياندا قىزمەت تەكسەرگەندە مىنالاردى باسا دارىپتەدى: ”ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، وڭىرلىك كەلەلى ستراتەگيالاردى ىرىقتىلىقپەن ۇشتاستىرىپ، ’ءبىر بەلدەۋ، ءبىر جولدى‘ جوعارى ساپامەن بىرگە قۇرۋدى تەرەڭ توعىستىرىپ، 21 - عاسىرداعى تەڭىز جىبەك جولى وزەكتى رايونىن قۇرىپ، ەل ءىشى مەن حالىقارالىق قوس اينالىمنىڭ ماڭىزدى ءتۇيىنىن، ماڭىزدى ارنا رولىن بەكەمدەۋ، كەڭەيتۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، فۋجيان تەڭىز، قۇرلىق، اۋە سترەولدى تورىن ۇزدىكسىز كەمەلدەندىرىپ، ەكونوميكا - ساۋدا، قارجى قوسۋ سەلبەستىگىن كۇشەيتىپ، گۋمانيتارلىق اۋىس - كۇيىستى كەڭەيتىپ، شار تاراپتى تۇتاستىرۋ ارناسىن اشۋدى ىلگەرىلەتىپ، ءوزارا پايدا جەتكىزىپ، تەڭ يگىلىككە كەنەلۋدى، ءار جاققا تيىمدىلىك جاساۋدى، دوستىق سۇيىسپەنشىلىكتىڭ جۇرت جۇرەگىنە تەرەڭ ۇيالاۋىن ىلگەرىلەتىپ، 21 - عاسىرداعى تەڭىز جىبەك جولىنىڭ وزەكتى رايونىن قۇلشىنا قۇردى.

نەگىزدىك قۇرىلعى قۇرىلىستى جەدەلدەتىپ، ەكونوميكا - ساۋدا بارىس - كەلىسىن ۇزدىكسىز جوعارىلاتتى _

اسپالى كوپىردە جۇك كەمەلەرى قايشالىستى. 11 - ايدىڭ 7 - كۇنى جۇڭگودا جاسالعان زاتتار تولتىرا تيەلگەن ”شينشۇيجوۋ“ كەمەسى شيامىن كەمەجايى حايتيان پورتىنان باياۋ اتتانىپ، ”جىبەك جولى تەڭىز تاسىمالى“ لەنياسىن بويلاپ شىعىس وڭتۇستىك ازياعا جول الدى. ”ەلىمىزدە تۇڭعىش تەڭىز تاسىمالىن نەگىزگى تاقىرىپ ەتكەن، ’ءبىر بەلدەۋ، ءبىر جول‘ حالىقارالىق جالپىلىق زات اينالىمىنىڭ قىزمەت وتەۋ ماركاسى جانە تۇعىرى بولعان ’جىبەك جولى تەڭىز تاسىمالى‘ لەنياسى اشىلعان 8 جىلدان بەرى 160 قا جەتىپ، 50 مەملەكەت پەن رايوننىڭ 153 پورتىن تۇتاستىردى، وداق مۇشەلەرى 393 كە جەتتى“ دەپ تانىستىردى فۋجيان جىبەك جولى تەڭىز تاسىمالى تاسىمال شەكتى سەرىكتەستىگىنىڭ باس مەڭگەرۋشىسى لي نان.

قۇرلىقتا فۋجياننان قاتىناعان جۇڭگو - ەۆروپا (ازيا) كەزەكشى پويەزى 13 مەملەكەتتىڭ 30 نەشە قالاسىنا قاتىناپ، ىشكى قۇرلىق الابى مەن تەڭىز - مۇحيتتى تۇتاستىراتىن ”قۇرىش كۇرە تامىرعا“ اينالدى؛ كەڭىستىكتە ”جىبەك جولىندا سامعاۋ“ ينجەنەريا قۇرىلىسى ورنىقتى ىلگەرىلەپ، فۋجوۋ، شيامىن سىندى 2 ۇلكەن قاقپانى وزەك ەتكەن اۋەجاي تۇگەلدەي وڭىرلىك اۆياتسيا وزەگى بولىپ، حالىقارانى تۇتاستىراتىن، ايقاسپالى ”كەڭىستىك ءدالىزىن“ قالىپتاستىردى.

”كەمەجاي“ توڭىرەكتىڭ ءتورت بۇرىشىن تۇتاستىردى، ”اۆياتسيا“ بەس قۇرلىقتى تۇتاستىردى، ”ساۋدا“ دۇنيە ءجۇزىن تۇتاستىردى. ورتا، باتىس بولەكتەگى كەڭ - بايتاق وڭىرلەردى سۇيەنىش ەتىپ، سولتۇستىكتە چاڭجياڭ اتىراۋىن تۇتاستىردى، وڭتۇستىكتە گۋاڭدۇڭ - شياڭگاڭ - اۋمىندى تۇتاستىردى، فۋجيان ولكەسى ماڭىزدى ارنا فۋنكتسياسىن تياناق ەتىپ، ەكونوميكا - ساۋدا، قارجى قوسۋ سەلبەستىگىن ۇزدىكسىز كۇشەيتىپ، كاسىپ تىزبەگىنىڭ قامداۋ تىزبەگىنىڭ ۇشتاسۋىن تەرەڭدەتىپ، ءوزارا پايدا جەتكىزىپ، تەڭ يگىلىككە كەنەلىپ، ءار جاقتى يگىلىككە كەنەلتتى.

وركەنيەتتەگى اۋىس - كۇيىستى، ءوزارا ۇلگى الۋدى ىلگەرىلەتتى، حالىقارالىق ”دوستار شەڭبەرى“ ۇزدىكسىز كەڭەيدى _

10 - ايدىڭ 17 - كۇنى 24 مەملەكەتتەن كەلگەن ۋاكىلدەر فۋجوۋدا باس قوسىپ، 21 - عاسىرداعى تەڭىز جىبەك جولى جەرگىلىكتى ۇكىمەتتەردىڭ سەلبەستىگى جانە حالىقارالىق دوس قالالاردىڭ كەڭەس جينالىسىنا قاتىناسىپ، دۇنيە جۇزىلىك جونگە سالۋ، تەڭىز - مۇحيت ەكونوميكاسى سياقتى كەڭەستىك تاقىرىپتاردى تالقىلاپ، 7 ءتۇرلى سەلبەستىك جەتىستىگى حۇجاتىن قالىپتاستىردى.

جينالىسقا قاتىناسقان سيلى قوناقتار فۋجوۋ قالاسى سانفاڭ 7 - كوشەسىندەگى تاريحي مادەنيەت ءوڭىرى سياقتى ۇلگىلىك جەرلەردى ىشكەرىلەي ارالاپ، وسى قالانىڭ جاڭا داۋىردەگى اشىق، سيىسىمدى، ەرتە زامان مەن قازىرگىنى توعىستىرعان وزگەشە قۇدىرەتىن كوردى. ”فۋجوۋدىڭ تاريحي استارى تەرەڭ، ادامدارى سيلاسىمدى، اق كوڭىل، مەن ءتىپتى دە كوپ ادامدارعا تانىستىرامىن“ دەدى برازيليا پيوي وبلىسى ستراتەگيالىق قارجى قوسۋدى جەبەۋ مەكەمەسى شيامىن ۋاكىلدەر باسقارماسىنىڭ باس ۋاكىلى ساۋۋرو برانكو.

كوزەلەرىنەن جۇلدىزدار كورىنگەندەي بولادى، اعاش سۋرەتتەرىنەن فۋجياننىڭ تاۋ - وزەندەرى مەنمۇندالايدى؛ شايلارىنان جارتاس اڭعارىنداعى گۇلدەردىڭ حوش ءيىسى اڭقيدى...

بيىلعى حالىقارالىق بەيزاتتىق مادەنيەت مۇرالارى كۇنىندە فۋجيان ولكەلىك مادەنيەت جانە ساياحات مەڭگەرمەسى ”بەيزاتتىق مادەنيەت مۇرالارى - تارتىمدى ساۋعا“ تىزىمدىگىن جاريالاپ، ەل ءىشى - سىرتىنداعى ساياحاتشىلاردى ”تازا فۋجيانمەن“ جۇزدەستىرىپ، ”فۋجيان ۇلگىسىندەگى تۇرمىستى“ سەزىندىردى.

قازىرگە دەيىن فۋجيان ولكەسى 53 مەملەكەتتىڭ 138 ولكە (وبلىس) قالاسىمەن (رايون) دوس قالا قاتىناسىن ورناتتى. جازۋدى دانەكەر ەتكەن فۋجياننىڭ ”دوستار شەڭبەرى“ بارعان سايىن ۇلعايدى.

حالىق تۇرمىسى سالاسىنداعى سەلبەستىكتى كۇشەيتىپ، دوستىق سۇيىسپەنشىلىك جۇرت جۇرەگىنە تەرەڭ ۇيالادى _

10 - ايدىڭ 16 - كۇنى جۇڭگو - افريكا سياقتى 4 ەلدىڭ 22 كۋرسانتى فۋجيان اۋىل ەگىن - ورمان شارۋاشىلىعى داشۋەسى مەملەكەتتىك جۇنساۋ ينجەنەرياسى تەحنيكاسىن زەرتتەۋ ورتالىعىنا بارىپ، جۇنساۋ ەگۋ، ساڭىراۋقۇلاق جەتىلدىرۋ سياقتى بىلىمدەردى جۇيەلى ۇيرەندى. فۋجيان ەگىن - ورمان شارۋاشىلىعى داشۋەسى ەل ءىشى - سىرتىندا 480 دەن استام حالىقارالىق كۋرس اشتى، 118 مەملەكەتتىڭ 23 مىڭ كۋرسانتى كۋرسقا قاتىناستى. تاربيەلەنۋشىلەردىڭ ۋاكىلى سوسالامبە سەسير: ”ۇيرەنىپ ەلىمە قايتقاننان كەيىن، ۇيرەنگەن وزىق تەحنيكالارىمدى، پىسىپ - جەتىلگەن ۇلگىلەردى جانە قۇندى تاجىريبەلەردى كادەگە جاراتامىن“ دەدى.

لي ميڭ كاسىپتىك داشۋەسىنىڭ ينفورماتسيا جانە ەلەكترون ينجەنەرياسى شۋەيۋانىندا مالايزيالىق وقۋشى جاڭ ۋىنجيان مۇعالىممەن بىرگە اۆتوكولىك بورشالاۋدا. ”بۇل ارادا كوپتەگەن وزىق جاڭا ەنەرگيالى اۆتوكولىكتەردى تۇسىنە الامىن، نازاريا مەن پراكتيكانى ۇشتاستىرعان وقىتۋ ءتاسىلى ماعان مول پايدا جەتكىزدى“ دەدى جاڭ ۋىنجيان.

سەنەگالعا 21 توپ، بوتسۆاناعا 18 توپ ەمدەۋ كومەك اترەتىن قۇرىپ، جالپى رەت سانى بويىنشا 6 ميلليون 900 مىڭنان استام ناۋقاسقا دياگنوز قويىپ، ەمدەپ، 200 مىڭنان استام رەت وپەراتسيا جاسادى؛ جوعارى دەڭگەيلى وقۋ - اعارتۋدىڭ سىرتقا ەسىك اشۋىن ۇزدىكسىز ىلگەرىلەتىپ، ”شەتەلدە وقىپ جاتقان فۋجيان“ ماركاسىن جاراتتى... فۋجيان ”شاعىن ءارى كوركەم“ حالىق تۇرمىسى نىساندارىن ءبىر تۇتاس جوسپارلاپ ىلگەرىلەتىپ، ”ءبىر بەلدەۋ، ءبىر جولدى“ بىرگە قۇراتىن ەلدەردەگى بۇقارانىڭ ناقتى تابىس سەزىمىن كۇشەيتتى.

تاپسىرمانى ەستە بەرىك ساقتادى، فۋجيان بەيبىتشىلىكتى، سەلبەستىكتى، اشىق، سيىسىمدى بولۋدى، ءوزارا ۇيرەنۋدى، ءوزارا ۇلگى الۋدى، ءوزارا پايدا جەتكىزىپ، تەڭ يگىلىككە كەنەلۋدى وزەك ەتكەن جىبەك جولى رۋحىنا تاباندى بولىپ، نەگىزدىك قۇرىلعىلاردىڭ ”بەرىك تۇتاسۋىن“، ەرەجە - ولشەمدەردىڭ ”جۇمساق تۇتاسۋىن“ جانە بىرگە قۇراتىن ەلدەردىڭ حالىقتارىمەن ”جۇرەكتەس بولۋدى“ سايكەستى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋعا قۇلشىنىپ، 21 - عاسىرداعى تەڭىز جىبەك جولى وزەكتى رايونى قۇرىلىسىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتتى.