پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسى حايناندا ۇگىت - لەكسيا جاسادى (پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرەيىك)

«حالىق گازەتى»، 11 - ايدىڭ 8 - كۇنى، حايكوۋ. پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ورتالىق ۇگىت - لەكسيا ۇيىرمەسى 11 - ايدىڭ 7 - كۇنىنەن 8 - كۇنىنە دەيىن حايناندا ۇگىت - لەكسيا جاسادى، ورتالىق ۇگىت - لەكسيا ۇيىرمەسىنىڭ مۇشەسى، جۇڭگو كوممۋنيستىك پارتياسى ورتالىق كوميتەتى كەڭسەسىنىڭ كۇندەلىكتى قىزمەتكە جاۋاپتى ورىنباسار مەڭگەرۋشىسى مىڭ شياڭفىڭ ۇگىت - لەكسيا بايانداماسىن جاسادى.

بايانداما ماجىلىسىندە مىڭ شياڭفىڭ ۇگىت - لەكسيا جاساۋ نەگىزگى تاقىرىبىمەن تىعىز ۇشتاستىرىپ، باس شۋجي شي جينپيڭنىڭ پارتيا 20 - كەزەكتى ورتالىق كوميتەتىنىڭ بەسىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن جانە جالپى ءماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدەگى ءبىرقانشا كەلەلى ماسەلە تۋرالى قاۋلىسىن» ۇيرەنۋدى، دايەكتىلەندىرۋدى ارقاۋ ەتىپ، جالپى ءماجىلىستىڭ كەلەلى ءمانىن، جاڭا داۋىردە پارتيانى جاپپاي قاتاڭ جونگە سالۋدىڭ ۇلى جەتىستىكتەرىن ىشكەرىلەي ۇيرەنۋ، ءتۇسىنۋ بارىسىندا پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدىڭ ماڭىزدىلىعى، كوكەيتەستىلىگى، جالپى تالابى، ستراتەگيالىق مىندەتى جانە كەلەلى شارالارى سياقتى جاقتاردى جاپپاي دۇرىس يگەرۋ، حايناننىڭ ءىس جۇزىندىك جاعدايىمەن ۇشتاستىرىپ، جاندى مىسالدار مەن ەگجەي - تەگجەيلى ساندى مالىمەتتەر ارقىلى پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە جان - جاقتى ۇگىت - لەكسيا جاسادى جانە ىشكەرىلەي ءتۇسىندىردى.

مىڭ شياڭفىڭ مىنالاردى باسا دارىپتەدى: پارتيا ورتالىق كوميتەتىنىڭ ءبىر تۇتاس ورنالاستىرۋى مەن تالابىنا ساي، پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى كەلەلى ساياسي مىندەت ەتىپ، شي جينپيڭ پارتيا قۇرىلىسى يدەياسىن ۇيرەنۋمەن، تۇسىنۋمەن ساباقتاستىرىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ جاڭا جاعدايىن ۇزدىكسىز اشىپ، پارتيانىڭ 21 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الۋىمىز كەرەك.

بايانداما ماجىلىسىنەن كەيىن، مىڭ شياڭفىڭ سانيا قالاسى جيياڭ رايونى بوحوۋ قىستاعىنا بارىپ ءوزارا ۇگىت - لەكسيا ورىستەتىپ، پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ توڭىرەگىندە جەرگىلىكتى پارتيا مۇشەلەرىمەن، بۇقارامەن بەتپە - بەت پىكىر اۋىستىردى.