مادەنيەت جۇلگەسىمەن قول ۇستاسىپ، ەتەنە بولدى (ورتاق تۇلعانى سومداعان جۇڭحۋانىڭ ەتەنە شاڭىراعى)

تەاتر كيىمىن كيىپ، ءبىر - بىرلەپ ”ءان ايتىپ، ءبي بيلەدى“. شينجياڭ التاي قالالىق 3 - ورتا مەكتەپتىڭ ساتىلى ساباقحاناسىندا بەيجيڭ تەاترى قوعامدىق ۇيىمدارىنىڭ بالالارى بەيجيڭ تەاترى ويىندارىنا جاتتىعۋدا.

”بەيجيڭ تەاترى اۋەنىنە ماشىعۋدا جانە دەنە جاتتىقتىرۋدا، ءداستۇرلى كوركەمونەردىڭ بولمىسىن سەزىندىم“. 8 - جىلدىقتىڭ وقۋشىسى ايدانا ۇمىتبەك: كىشكەنتايىمنان ءان ايتۋدى جاقسى كورەمىن، ۇنەمى كەڭ تارالعان اندەردەگى تەاتر اۋەنىنە قىزىعامىن، ورتالاۋ مەكتەپتىڭ 1 - جىلدىعىندا مەكتەپكە كىرىسىمەن - اق بەيجيڭ تەاترى قوعامدىق ۇيىمىنا كىرىپ، ءداستۇرلى مادەنيەتتىڭ باي مازمۇندى ەكەنىن تەرەڭ سەزىندىم، _ دەدى.

التاي قالالىق 3 - ورتا مەكتەپتە 2500 دەن استام وقۋشى بار، 16 ۇلتتى قامتيدى، مەكتەپ جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن مەكتەپ باسقارۋدىڭ، مەكتەپتى جونگە سالۋدىڭ تۇتاس بارىسىنا ءسىڭىرىپ، ءمورال ارقىلى ادام تاربيەلەۋدىڭ ءارقايسى بۋىندارىمەن توعىستىردى. قوعامدىق توپتار قيمىلى ءدال وسى مەكتەپتىڭ مادەنيەت ارقىلى ادام تاربيەلەۋدىڭ، سۇيىسپەنشىلىك ارقىلى جۇرت تىلەگىن توعىستىرۋدىڭ ەڭ جاندى تۇسىندىرمەسى.

”اۋىل - قىستاقتان كەلگەن قازاق بالانىڭ داۋىسى ەرەكشە جاعىمدى ەكەن، بايقاۋعا قاتىناسقان «المۇرت گۇلى جىرى» ايماق دارەجەلى جارىستىڭ 1 - دارەجەلى سيلىعىنا يە بولدى، ۇنەمى بايقاۋعا قاتىناسسا، بارعان سايىن سەنىمگە يە بولادى، جۇڭحۋانىڭ تاڭداۋلى ءداستۇرلى مادەنيەتى ونىڭ جۇرەگىنە تەرەڭ ۇيالادى“ دەدى ورىنباسار مەكتەپ باستىعى سۇن ليپيڭ.

مادەنيەت جۇلگەسىمەن قول ۇستاسىپ، تۋىسقاندىق سۇيىسپەنشىلىك ورناتىپ، تۇرلىشە مادەنيەتتى ءوزارا ۇيرەنىپ، جۇرەك پەن جۇرەكتى جاقىنداتتى. 8 - جىلدىقتاعى ياڭ زىشيان دومبىرا قوعامدىق ۇيىمىنىڭ ءبىر مۇشەسى، ”قوعامدىق ۇيىمنان ءتىپتى دە كوپ دوس تاپتىم. دومبىرا قازاق ۇلتىنىڭ مۋزيكا اسپابى، قاتىستى مۋزيكا بىلىمدەرىن ۇيرەنۋدەن سىرت، مەن كلاستاعى قازاق ساباقتاستارىممەن ءتىپتى دە كوپ ورتاق تىلگە يە بولدىم“.

بەيجيڭ تەاترىنان، دومبىرادان سىرت، التاي قالالىق 3 - ورتا مەكتەپ بەيزاتتىق مادەني مۇرا، عىلىم - تەحنيكا، كوركەمونەر سياقتى سالالاردى قامتىعان 40 قا جۋىق قوعامدىق ۇيىم اشتى، بۇل قاعاز ويما، حاتكەرلىك سياقتىلاردى قامتيدى. 8 - جىلدىقتاعى رانا تايىرجان حاتكەرلىك قوعامدىق ۇيىمىنىڭ ءبىر مۇشەسى، بيىل عانا حاتكەرلىكتى ۇيرەنە باستادى، ول: ”قىل قالاممەن ءتورتبۇرىش جۇڭگو ءارىبىن جازىپ، قالام قۋاتىمەن جۇڭحۋا مادەنيەتىن سەزىنىپ، جۇڭحۋا ۇلتىنىڭ ءبىر مۇشەسى بولعان ماقتانىش سەزىمىم تاسقىندادى“ دەدى.

سونىمەن بىرگە، مەكتەپ تاعى ”ارالاس وقىتۋدى، ارالاس جاتاقتا جاتقىزۋدى، بىرگە تاماقتانۋدى“ جولعا قويىپ، ارالاسۋدى، ىشتەسۋدى، توعىسۋدى ناقتى تۇرمىس ورتاسىندا تياناقتاندىرىپ، ءار وقۋ ماۋسىمىندا ”ۇلتتار ىنتىماعىندا جاقسى پارتالاس، جاقسى تاماقتاس، جاقسى جاتاقتاستاردى“ باعالادى. سۇن ليپيڭ: ۇقساماعان ۇلت بالالارى ءبىر ۇستەلدە ۇيرەنىپ، ءبىر بولمەدە جاتىپ، ءبىر ۇستەلدە تاماقتانعاندا، كۇندىز - ءتۇنى بىرگە بولۋ بارىسىندا تابيعي دوس بوپ وسەدى، مۇراتتاستىعى دا بىلىنبەي جۇرەكتەرىنە ۇيالايدى، _ دەدى.