اناعۇرلىم جوعارى دەڭگەيدەگى تىنىش جۇڭگو قۇرۋ جۇڭگو ۇلگىسىندەگى وسىزامانداندىرۋدىڭ ماڭىزدى نىساناسى جانە ماڭىزدى كەپىلى (باس شۋجيدىڭ حالىقشىلدىق سۇيىسپەنشىلىگى)

تاياۋدا باس شۋجي شي جينپيڭ اناعۇرلىم جوعارى دەڭگەيدەگى تىنىش جۇڭگو قۇرۋ جونىندە ماڭىزدى نۇسقاۋ بەرىپ مىنالاردى باسا دارىپتەدى: ”مەملەكەتتى اناعۇرلىم حاۋىپسىز، قوعامدى اناعۇرلىم ءتارتىپتى، جونگە سالۋدى اناعۇرلىم ءونىمدى، حالىقتى اناعۇرلىم رازى ەتۋ جاعىنا ۇزدىكسىز كۇش سالىپ، اناعۇرلىم جوعارى دەڭگەيدەگى تىنىش جۇڭگو قۇرىلىسى ارقىلى جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىن قامتاماسىز ەتۋ كەرەك“.

تىنىشتىق دامۋدىڭ نەگىزى، حالىقتىڭ تىلەگى.

باس شۋجي شي جينپيڭ مىنالاردى باسا دارىپتەدى: ”اناعۇرلىم جوعارى دەڭگەيدەگى تىنىش جۇڭگو قۇرۋ بارلىق ءىسىمىزدىڭ گۇلدەنىپ - كوركەيۋىنە، حالىقتىڭ تاماشا تۇرمىسىنا، مەملەكەتتىڭ باياندى تىنىشتىعىنا سايادى، جۇڭگو ۇلگىسىندەگى وسىزامانداندىرۋدىڭ ماڭىزدى نىساناسى ءارى ماڭىزدى كەپىلى“.

”15 - بەسجىلدىق“ جوبا باعدارلاماسىندا ”مەملەكەت حاۋىپسىزدىگى قالتقىسىن اناعۇرلىم بەكەمدەۋ“ ”15 - بەسجىلدىق“ كەزىندەگى ەكونوميكالىق، قوعامدىق دامۋداعى باستى نىسانالاردىڭ ءبىرى ەتۋ، ”اناعۇرلىم جوعارى دەڭگەيدەگى تىنىش جۇڭگو قۇرىلىسىن تىڭعىلىقتى ىلگەرىلەتۋ“ ورتاعا قويىلدى ءارى ”مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتۋ، اناعۇرلىم جوعارى دەڭگەيدەگى تىنىش جۇڭگو قۇرۋ“ توڭىرەگىندە ورنالاستىرۋ جاسالدى.

سان مىڭداعان وتباسى جونىنەن العاندا، تىنىشتىق دەگەن ءسوز تەڭدەسسىز بايلىققا تاتيدى؛ باسشى كادرلار جونىنەن العاندا، تىنىشتىقتىڭ جاۋاپكەرشىلىگى توتەنشە اۋىر.

”بۇقارانىڭ باقىتىن ساقتاپ، وتباسىنىڭ، وتاننىڭ اماندىعىن قورعايمىز“. بيىل 9 - ايدا باس شۋجي شي جينپيڭ فۋجيان ولكەسىندەگى ”جاڭجوۋ 110“ نىڭ بارلىق اترەت مۇشەسىنە جاۋاپ حات جازدى ءارى قالىڭ قوعام حاۋىپسىزدىگى كادر - ساقشىلارىنا ىقىلاستى تاپسىرما بەردى.

فۋجياندا قىزمەت ىستەگەن كەزدە، شي جينپيڭ جولداس جاڭجوۋعا بارىپ 110 ساقشىعا مالىمدەۋ قىزمەت وتەۋ قىزمەتىن جانە قوسىن قۇرىلىسىن كوزدەن كەشىردى. نەشە ون جىل وتە شىقتى، ”جاڭجوۋ 110“ قوعام حاۋىپسىزدىگى ورگاندارىنىڭ بۇقارا حاۋىپسىزدىگىن قورعاۋداعى التىن تانىسقىسىنا اينالدى.

جىجياڭدا قىزمەت ىستەگەن كەزدە، شي جينپيڭ جولداس ”تىنىش جىجياڭ“ قۇرۋ ويىن العا قويىپ، جىجياڭ ”ۇلكەن تىنىشتىق“ قۇرىلىسى ستراتەگياسىن ەڭ ەرتە العا قويعان ءارى جاپپاي ورنالاستىرعان ولكەگە اينالدى.

يدەيانىڭ دامۋى قاشان دا تامىرلاس.

2013 - جىلى باس شۋجي شي جينپيڭ تىنىش جۇڭگو قۇرۋ جونىندە مىناداي ماڭىزدى نۇسقاۋ بەردى: ”تىنىش جۇڭگو قۇرىلىسىن جۇڭگوشا سوتسياليزم ىستەرىنىڭ دامۋ جالپى جاعدايى تۇرعىسىنان جوبالاۋ“، ”حالىقتىڭ الاڭسىز تىرشىلىك ەتۋىنە، قوعامنىڭ تىنىش، ءتارتىپتى بولۋىنا، مەملەكەتتىڭ باياندى تىنىشتىعىنا كەپىلدىك ەتۋ“.

2025 - جىلى 2 - ايدا باس شۋجي شي جينپيڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ 19 - رەتكى توپتىق ۇيرەنۋىن باسقارعاندا مىنالاردى اتاپ كورسەتتى: ”جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرىپ، مەملەكەتتى اناعۇرلىم حاۋىپسىز، قوعامدى اناعۇرلىم ءتارتىپتى، جونگە سالۋدى اناعۇرلىم ءونىمدى، حالىقتى اناعۇرلىم رازى ەتۋ جاعىنا ۇزدىكسىز كۇش سالىپ، تىنىش جۇڭگو قۇرىلىسىن اناعۇرلىم جوعارى دەڭگەيگە كوتەرۋ كەرەك“.

حاۋىپسىز، تىنىش، ورنىقتى... تىنىش جۇڭگو قۇرىلىسىن جوسپارلاعاندا، باس شۋجي شي جينپيڭ تالماۋ جەردى ءدال تاۋىپ، تارتىمدى تىلمەن جەتكىزدى.

تەلەگراف - توراپ الدامكوستىگى قىلمىسىنا سوققى بەرۋدى جونگە سالۋ قىزمەتى جونىندە ماڭىزدى نۇسقاۋ بەرىپ، مىنالاردى اتاپ كورسەتتى: ”وسى تەكتەس قىلمىستاردىڭ كوپ تۋىلۋ، توقتاۋسىز تۋىلۋ جاعدايىن باتىل تەجەۋ كەرەك“؛ الەۋمەتتىك حاۋىپسىزدىكتى قورعاۋ جونىندە مىنالاردى باسا دارىپتەدى: ”قانداي ماسەلە كورنەكتى بولسا، سول ماسەلەنى كۇشتى شوعىرلاندىرا وتىرىپ شەشۋ كەرەك“.

ءارقانداي ىستە، حالىق بۇقاراسىنىڭ زاڭدى ۇقىق - مۇددەسىن قورعاپ، تىڭعىلىقتى ىلگەرىلەتىپ، تيتتەي دە اعاتتىق جىبەرمەۋ كەرەك.

تىنىشتىق _ حالىق باقىتىنىڭ جان تامىرى. ەكونوميكانىڭ، قوعامنىڭ دامۋىنا ىلەسە، حالىقتىڭ تىنىشتىق پەن حاۋىپسىزدىككە بولعان قاجەتى كۇن سايىن جوعارىلادى. تىنىش جۇڭگو قۇرىلىسى قالىڭ حالىقتىڭ ءتۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، ءبىر جەردى، ءبىر ءوڭىردى، ءبىر كاسىپتى ويداعىداي يگەرۋ ارقىلى مەملەكەتتىڭ جالپى تۇلعالىق حاۋىپسىزدىگىنە شارت - جاعداي ازىرلەپ، حاۋىپسىزدىك ماسەلەلەرىن دەر كەزىندە ءبىر - بىرلەپ ءونىمدى شەشىپ، مەملەكەتتىڭ باياندى تىنىشتىعىنا بەرىك نەگىز قالاۋ قاجەت.

”14 - بەسجىلدىق“ كەزىندە بۇكىل ەلدەگى قوعام حاۋىپسىزدىگى ورگاندارىنىڭ قىلمىستىق ىستەر دەلولارىنا دەلو تۇرعىزۋ سانى زور مولشەردە تومەندەدى، مۇنىڭ ىشىندە 2025 - جىلى دەلو تۇرعىزۋ سانى سايكەس مەزگىلدەگىدەن %12.8 تومەندەدى؛ حالىق سوتى مەكەمەسى 1 - سوتتا وقۋ - اعارتۋ، جۇمىستاندىرۋ، زەينەتكەرلىك، ەمدەۋ سياقتى حالىق تۇرمىسىنا ساياتىن دەلولاردان 23 ميلليون 466 مىڭىن قاراپ اياقتاتتى؛ پروكۋراتۋرا ورگاندارى ەكولوگيالىق ورتا سالاسىنداعى الەۋمەتتىك يگىلىك ارىز - شاعىم دەلوسىنان 348 مىڭىن ءبىر جاقتى ەتتى، قوعام اناعۇرلىم جاراسىمدى، ورنىقتى، تىنىش بولدى.

تىنىش جۇڭگو قۇرىلىسى حالىق ءۇشىن ءارى حالىققا سۇيەنەدى.

قايتكەندە بۇقارانىڭ ارىز - ارمان ايتۋ ارناسىن اناعۇرلىم ىركىلىسسىزدەندىرىپ، بۇقارانى اناعۇرلىم تىنىش، اناعۇرلىم باقىتتى سەزىندىرۋگە بولادى؟

بۇل ماسەلەنى باس شۋجي شي جينپيڭ ەسىنەن شىعارمادى.

2020 - جىلى 3 - ايدىڭ 30 - كۇنى باس شۋجي شي جينپيڭ جىجياڭ ولكەسى انجي اۋدانىنىڭ قوعامدىق قايشىلىقتار مەن داۋ - شارلاردى جاراستىرۋ، شەشۋ ورتالىعىنا كەلىپ، بۇقارانىڭ قايشىلىقتارى مەن داۋ - شارلارىن ءبىر بەكەتتىك قابىلداۋ، ءبىر تۇتاس رەتتەۋ، تۇتاس تىزبەكتى شەشۋ ۇلگىسىنىڭ اينالىم جاعدايىن ۇعىستى.

باس شۋجي شي جينپيڭ مىناداي ىقىلاستى تاپسىرما بەردى: ”بۇقارانىڭ ماسەلەگە جولىققاندا ’ايتۋىنا‘ مۇمكىندىك جاساپ، قايشىلىق شىعا سالا شىن مانىندە شەشۋ، نەگىزگى ساتىدا شەشۋ كەرەك“.

قوعامدىق جونگە سالۋدىڭ ءبىر جاعى مەملەكەت پەن قوعامنىڭ باياندى تىنىشتىعىنا، ەندى ءبىر جاعى حالىق تۇرمىسىنىڭ مۇڭ - مۇقتاجىنا سايادى، ول اناعۇرلىم جوعارى دەڭگەيدەگى تىنىش جۇڭگو قۇرۋدىڭ شەشۋشى بۋىنى.

پارتيا 18 - قۇرىلتايىنان بەرى، باس شۋجي شي جينپيڭ تۇرلىشە ورىنداردا جاڭا داۋىردەگى ”فىڭچياۋ تاجىريبەسىنە“ تاباندى بولۋدى جانە ونى دامىتۋدى كوپ رەت تىلگە تيەك ەتىپ، ”كىشى - گىرىم ىستەردى قىستاقتان شىعارماۋدى، ۇلكەن ىستەردى قالاشىقتان شىعارماۋدى، قايشىلىقتى جوعارىعا تاپسىرماۋدى“ ورىنداۋدى تاپسىرىپ، قوعامدىق جونگە سالۋ جۇيەسىن كەمەلدەندىرۋگە، نەگىزگى ساتىنىڭ جونگە سالۋ ونىمدىلىگىن جوعارىلاتۋعا ايقىن باعدار كورسەتتى.

”بۇقارا ماڭايىنداعى ۇلكەندى - كىشىلى ىستەردى ويداعىداي شەشۋ، كوپشىلىكتىڭ اناعۇرلىم كوپ كوڭىلدەنۋىنە، كوڭىلدەرىن اناعۇرلىم جادىراتۋىنا مۇمكىندىك جاساۋ كەرەك“ بۇل كوكەيدە بەرىك ساقتاپ ءجىتى قاداعالايتىن ءارى ۇزاق ۋاقىت ۇلەس قوساتىن شىنايى ارەكەت.

ۋاقىت - كۋاگەر، حالىق - ساراپشى. تىنىش جۇڭگو قۇرىلىسىندا تاريحي تابىستارعا قول جەتىپ، مەملەكەت حاۋىپسىزدىگى جاپپاي كۇشەيىپ، دامۋ حاۋىپسىزدىگىن قامتاماسىزداندىرۋ اناعۇرلىم پارمەندى بولدى.

گۋاڭجوۋ شەكارالىق تەكسەرۋ باس بەكەتى باييۇن شەكارالىق تەكسەرۋ بەكەتىندە مالايزيالىق ءبىر جولاۋشى شەكارادان شىعۋدان بۇرىن قىزمەتكەرلەرگە: ”جۇڭگو قازىر ويداعىداي تىنىش، جۇڭگولىقتار قازىر توتەنشە باقىتتى“ دەدى.

”تىنىش جۇڭگو“ كوزگە تۇسەرلىك ”مەملەكەت تانىسقىسىنا“ اينالدى.

تىنىش جۇڭگو، جۇڭگو تىنىش.