«جۇڭي شيپاگەرلىگى، ءدارى - دارمەك ءداستۇرلى بىلىمدەرىن قورعاۋ ەرەجەسىن» جاريالادى

شينحۋا اگەنتتىگى، 11 - ايدىڭ 9 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، «جۇڭي شيپاگەرلىگى، ءدارى - دارمەك ءداستۇرلى بىلىمدەرىن قورعاۋ ەرەجەسىن» (تومەندە قىسقاشا «ەرەجە» دەلىنەدى) جاريالادى، 2027 - جىلى 1 - ايدىڭ 1 - كۇنىنەن باستاپ اتقارىلادى.

«ەرەجەدە» جۇڭي شيپاگەرلىگى، ءدارى - دارمەك ءداستۇرلى بىلىمدەرىن قورعاپ، جۇڭي شيپاگەرلىگى، ءدارى - دارمەك ءداستۇرلى بىلىمدەرىنىڭ جالعاسۋى مەن دامۋىن جەبەۋ، جۇڭي شيپاگەرلىگى مادەنيەتىن ساۋلەلەندىرۋ ماقسات ەتىلدى. «ەرەجە» جيىنى 32 تارماقتان قۇرالعان، وندا نەگىزىنەن تومەندەگىدەي مازمۇندار بەلگىلەندى.

ءبىرىنشى، ايقىندالعان جالپى تۇلعالىق تالاپ. جۇڭي شيپاگەرلىگى، ءدارى - دارمەك ءداستۇرلى بىلىمدەرىنىڭ كولەمىن بەلگىلەپ، قورعاۋ قىزمەتىنىڭ پرينسيپىن العا قويۋ كەرەك. ۇكىمەتتىڭ قورعاۋ قىزمەتىن كۇشەيتۋى، قوعامدى ات سالىسۋعا شابىتتاندىرۋى جانە جەتەكتەۋى بەلگىلەندى. جۇڭي شيپاگەرلىگى، ءدارى - دارمەك ءداستۇرلى بىلىمدەرىنىڭ سىرتپەن اۋىس - كۇيىسى مەن سەلبەستىگىن قولداپ، حالىقارالىق تاراتۋ مەن قولدانۋدى جەبەۋ كەرەك. جۇڭي شيپاگەرلىگى، ءدارى - دارمەك ءداستۇرلى بىلىمدەرىن قورعاۋعا قاتىستى قۇپيالىقتى ساقتاۋ سياقتى قىزمەتتەردى ويداعىداي ىستەۋ كەرەك.

ەكىنشى، جۇڭي شيپاگەرلىگى، ءدارى - دارمەك ءداستۇرلى بىلىمدەرىن جاپپاي اشۋ، رەتتەۋ. جۇڭي شيپاگەرلىگى، ءدارى - دارمەككە قاتىستى بايىرعى شىعارمالاردى رەتتەۋ، سارالاۋ، جۇڭي شيپاگەرلىگى، ءدارى - دارمەك ءداستۇرلى بىلىمدەرىن تەكسەرۋ، يەگەرلەرىن مالىمدەۋگە شابىتتاندىرۋ سياقتى تاسىلدەر ارقىلى جۇڭي شيپاگەرلىگى، ءدارى - دارمەك ءداستۇرلى بىلىمدەرىن كوپ ارنامەن اشىپ جانە رەتتەپ، قورعاۋ ساندى مالىمەت قويماسىن قۇرۋ كەرەك. قورعاۋ ساندى مالىمەت قامباسىنان پايدالانۋدى كۇشەيتىپ، جۇڭي شيپاگەرلىگى، ءدارى - دارمەك ءداستۇرلى بىلىمدەرىنىڭ تارالۋىن جەبەۋ كەرەك. جۇڭي شيپاگەرلىگى، ءدارى - دارمەك ءداستۇرلى يەگەرلەرى ءتۇزىمىن كەمەلدەندىرۋ، الەۋمەتتىك سالادا تۇراتىن ءارى اشىق الۋعا بولاتىن جۇڭي شيپاگەرلىگى، ءدارى - دارمەك ءداستۇرلى بىلىمدەرىنە، ۇيلەسىمدى پايدالانۋعا قولداۋ كورسەتۋگە قاراتا، مەملەكەتتىك كەڭەستىڭ جۇڭي شيپاگەرلىگى، ءدارى - دارمەك باسقارۋ تاراۋلارى يەگەرلەردىڭ مىندەت جاۋاپكەرشىلىگىن تۇراقتاندىرۋ كەرەك.

ءۇشىنشى، ماڭىزدى جۇڭي شيپاگەرلىگى، ءدارى - دارمەك ءداستۇرلى بىلىمدەرىن قورعاۋدى، جالعاستىرۋدى، پايدالانۋدى كۇشەيتۋ كەرەك. قورعاۋ تىزىمدىگىن ورناتۋ، قابىلداۋ ولشەمىن ايقىنداۋ، ماماندار گرۋپپاسىنىڭ سارالاۋى، حابارلاۋى جانە جاريالاۋى سياقتى تارتىپتەر ارقىلى ۋاكىلدىك سيپاتقا، ەرەكشەلىككە جانە ماڭىزدى قورعاۋ قۇنىنا يە جۇڭي شيپاگەرلىگى، ءدارى - دارمەك ءداستۇرلى بىلىمدەرىن قورعاۋ تىزىمدىگىنە ەنگىزۋ كەرەك. قورعاۋ تىزىمدىگىنە ەنگىزىلگەن جۇڭي شيپاگەرلىگى، ءدارى - دارمەك ءداستۇرلى بىلىمدەرىن جالعاستىرۋعا، تاراتۋعا قولداۋ كورسەتىپ، جالپىلاستىرۋدى، قولدانۋدى كۇشەيتىپ، زەرتتەۋدى، جاڭالىق اشۋدى جەبەۋ كەرەك.

بۇدان سىرت، «ەرەجەگە» قايشى ارەكەتتەر جونىندە سايكەستى زاڭدىق جاۋاپكەرشىلىك ايقىندالدى.