بۇكىل ارميا پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ۇگىت لەكسيانىڭ تۇڭعىش رەتكى بايانداما ءماجىلىسى وتكىزىلدى

شينحۋا اگەنتتىگى، 11 - ايدىڭ 9 - كۇنى، بەيجيڭ. بۇكىل ارميا پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ۇگىت لەكسيانىڭ تۇڭعىش رەتكى بايانداما ءماجىلىسى 11 - ايدىڭ 9 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ شىڭمين ۇگىت لەكسيا ۇيىرمەسىنىڭ مۇشەلەرىمەن كەزدەستى.

جاڭ شىڭمين مىنالاردى اتاپ كورسەتتى: پارتيا 20 - كەزەكتى ورتالىق كوميتەتىنىڭ بەسىنشى جالپى ءماجىلىسى سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ شەشۋشى مەزگىلىندە اشىلعان توتەنشە ماڭىزدى ءماجىلىس، جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ جاڭا جاعدايىن ونان ارى اشۋدا كەلەلى ماڭىز الادى. جالپى ءماجىلىستىڭ رۋحىن ىشكەرىلەي ۇيرەنۋ، دايەكتىلەندىرۋ كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت، پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، شي جينپيڭ پارتيا قۇرىلىسى يدەياسى مەن ءتوراعا شي جينپيڭنىڭ جالپى ماجىلىستە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، «جۇڭگٶ كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ جونىندەگى ءبىرقانشا كەلەلى ماسەلە جونىندەگى قاۋلىسىنىڭ» كەلەلى ورنالاستىرۋىن، ماڭىزدى مىندەتىن، ءتۇيىندى قىزمەتىن ارقاۋ ەتىپ، ۇيرەنۋدى، ۇگىتتەۋدى، دايەكتىلەندىرۋدى مىقتى، ناقتى يگەرىپ، بۇكىل ارميا يدەيا مەن ارەكەتتى ءتوراعا شي جينپيڭنىڭ ماڭىزدى سوزىمەن جانە جالپى ءماجىلىستىڭ رۋحىمەن شىنايى بىرلىككە كەلتىرۋى كەرەك.

جاڭ شىڭمين مىنالاردى باسا دارىپتەدى: كۇشتى جاۋاپكەرشىلىك سەزىممەن، بورىشتىلىق سەزىممەن ۇگىت لەكسيا قىزمەتىن ويداعىداي ىستەپ، جاڭا داۋىردە پارتيانى جاپپاي قاتاڭ جونگە سالۋدىڭ ۇلى جەتىستىكتەرىمەن جانە حالىق ارمياسىنىڭ رەتتەۋ - جاتتىعۋ، شىڭدالۋىنىڭ شىت جاڭا بەينەسىمەن تىعىز بايلانىستىرىپ، جالپى ءماجىلىستىڭ رۋحىن ويداعىداي ءتۇسىنىپ، ويداعىداي ۇگىتتەپ، قالىڭ كوماندير - جاۋىنگەرلەردى ”ەكىنى تۇراقتاندىرۋدى“ باتىل قولداۋعا، ”ەكىنى قورعاۋدى“ باتىل ورىنداۋعا، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرۋگە، پارتيا ورتالىق كوميتەتىنە، ورتالىق اسكەري ىستەر كوميتەتىنە جانە ءتوراعا شي جينپيڭنىڭ قولباسشىلىعىنا باتىل بويسۇنۋعا جەتەلەپ، اناعۇرلىم اسقاق رۋحاني كۇيمەن ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋدان قامال الىپ، شىنايى ارەكەت ارقىلى پارتيا 21 - قۇرىلتايىنىڭ جەڭىسپەن اشىلۋىن قارسى الۋى كەرەك.

بايانداما ءماجىلىسى تەلەۆيزور - تەلەفون ءماجىلىسى فورماسىندا وتكىزىلدى. ماجىلىستەن كەيىن ۇگىت لەكسيا ۇيىرمە مۇشەلەرى گرۋپپالارعا ءبولىنىپ بۇكىل ارمياعا بارىپ ارالاپ ۇگىت لەكسيا جاسايدى.