بەيجيڭ اۋانىڭ اۋىر دارەجەدە لاستانۋىنان ساقتانۋدىڭ قىزعىلت سارى ءتۇستى ساقتىق سيگنالىن ىسكە قوستى

شينحۋا اگەنتتىگىنىڭ 11 - ايدىڭ 9 – كۇنى بەيجيڭنەن بەرگەن حابارى. ءتىلشىنىڭ 11 - ايدىڭ 9 - كۇنى بەيجيڭ قالالىق ەكولوگيالىق ورتا مەكەمەسىنەن ۇعىسۋىنشا، اۋا ساپاسىنان الدىن الا مالىمەت بەرۋ جاعدايىنا نەگىزدەلگەندە، ءتيىمسىز اۋا رايى شارت - جاعدايىنىڭ ىقپالىنا ۇشىراپ، بەيجيڭ، تيانجين، حىبەي جانە ونىڭ توڭىرەگىندەگى رايونداردا ءبىر رەت وڭىرلىك اۋانىڭ لاستانۋ بارىسى تۋىلادى. مەجەمەن 11 – ايدىڭ 11 – كۇنىنەن 14 – كۇنىنە دەيىن بەيجيڭ قالاسىنىڭ اۋا ساپاسى 4 - دارەجەلى ورتا دارەجەلى لاستانۋعا، ءىشىنارا رايونداردا، ءىشىنارا ۋاقىتتاردا 5 - دارەجەلى اۋىر دارەجەدە لاستانۋعا جەتۋى مۇمكىن. «بەيجيڭ قالاسىنىڭ اۋانىڭ اۋىر دارەجەدە لاستانۋىنا شۇعىل توتەپ بەرۋ جوباسىنداعى (2023 – جىلى وزگەرىس ەنگىزىلگەن)» بەلگىلەمەگە ساي، بەيجيڭ قالاسىنىڭ اۋانىڭ اۋىر دارەجەدە لاستانۋىنا شۇعىل توتەپ بەرۋ قولباسشىلىق شتابى كەڭسەسى مىنانى جاريالادى: بەيجيڭ قالاسى 2026 – جىلى 11 – ايدىڭ 11 – كۇنى ساعات 0 دە اۋانىڭ اۋىر دارەجەدە لاستانۋىنان ساقتانۋدىڭ قىزعىلت سارى ءتۇستى ساقتىق سيگنالىن ىسكە قوسادى. قالا تۇرعىندارىنىڭ دەنساۋلىعىن قورعاۋدى جاقسى ىستەۋىن ءۇمىت ەتەمىز.