بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ورتالىقتىڭ ەكولوگيالىق ورتانى قورعاۋ جاعىندا باقىلاپ - تەكسەرۋ  جۇرگىزەتىن 3 - كەزەكتى 7 - توپتاعى گرۋپپاسى ورنالاسىپ بولدى 

2026.11.17 16:02     كەلۋ قاينارى : حالىق تورابى

حالىق گازەتىنىڭ ءتىلشىسى كوۋ جياڭزى 11 - ايدىڭ 16 – كۇنى بەيجيڭنەن حابارلايدى. ءتىلشىنىڭ 11 - ايدىڭ 16 - كۇنى ەكولوگيالىق ورتانى قورعاۋ مينيسترلىگىنەن ۇعىسۋىنشا، ورتالىقتىڭ ەكولوگيالىق ورتانى قورعاۋ جاعىندا باقىلاپ - تەكسەرۋ جۇرگىزەتىن 3 - رەتكى 7 - توپتاعى گرۋپپالارى جۋىردا باقىلاۋ – تەكسەرۋ جۇرگىزىلەتىن ورىندارعا تۇگەلدەي ورنالاسىپ بولعان. 11 – ايدىڭ 15 – كۇنىنە دەيىن، كەزەكتى باقىلاۋ گرۋپپالارىنان ەكى گرۋپپا جۇرتشىلىقتان كەلگەن تەلەفوندى، حاتتى قابىلداۋ جولىمەن كۇشكە يە اشكەرەلەۋ – مالىمدەۋ ينفورماتسياسىنان جيىنى 607 داناسىن قابىلداعان، قايتالانعان اشكەرەلەۋ – مالىمدەۋ مازمۇنىن سارالاپ بىرىكتىرگەن سوڭ، جيىنى 382 داناسىن باقىلاۋ – تەكسەرۋ وبيەكتىلەرىنىڭ بىتىرۋىنە جوتكەپ بەرگەن. باقىلاۋ - تەكسەرۋ وبيەكتىلەرى 249 داناسىن بىتىرگەن نەمەسە قازىر ءبىتىرۋ ۇستىندە. باقىلاۋ - تەكسەرۋ تاراۋلارىنا قاتىستى سالالارعا جاتپايتىن ەكولوگيالىق ورتاعا قاتىستى ماسەلەلەر جونىندەگى ارىز - ارمان، اشكەرەلەۋ – مالىمدەۋ مازمۇندارى ءتارتىپ بويىنشا قاتىستى جاقتاردىڭ ءبىر جاقتى ەتۋىنە وتكىزىپ بەرىلگەن.

ورتالىقتىڭ ەكولوگيالىق ورتانى قورعاۋدى باقىلاپ – تەكسەرۋ جۇرگىزەتىن 3 - كەزەكتى 7 – توپتاعى گرۋپپاسىنان 5 گرۋپپا 2026 – جىلى 10 – ايدىڭ 13 – كۇنىنەن 10 – ايدىڭ 15 – كۇنىنە دەيىن تۇرعىن ءۇي جانە قالا - اۋىل قۇرىلىسى مينيسترلىگى، اۋىل شارۋاشىلىعى جانە اۋىل – قىستاق مينيسترلىگى سىندى ەكى تاراۋعا بىرتىندەپ ورنالاسىپ، كەزەكتى باقىلاۋ - تەكسەرۋ جۇرگىزۋدى ورىستەتىپ، حۋبەي، حۋنان، گۋاڭشي، چۇڭچيڭ، سىچۋان، گۇيجوۋ، يۇننان قاتارلى 7 ولكەدە (اۆتونوميالى رايون، توتە قاراستى قالا) ۇڭگىرلەردىڭ، شۇڭقىرلاردىڭ، اڭعارلاردىڭ لاستانۋىنا قاتىستى ەكولوگيالىق ورتانى قورعاۋ جاعىندا ارناۋلى تۇردە باقىلاۋ - تەكسەرۋ جۇرگىزگەن.

باقىلاۋ ـ تەكسەرۋ گرۋپپالارى بۇقارانىڭ اڭىسى كۇشتى بولعان ەكولوگيالىق ورتاعا قاتىستى ماسەلەلەردى شەشۋدى باقىلاۋ ـ تەكسەرۋ قىزمەتىنىڭ ءتۇيىنى ەتىپ، ءبىرىنشى شەپكە، جۇمىس باسىنا ىشكەرىلەي بارىپ، ەكولوگيالىق ورتاعا قاتىستى كورنەكتى ماسەلەلەردەن ءبىر توبىن انىقتاعان، شارا قولدانباۋ، شارا قولدانۋى باياۋ بولۋ، جاۋاپكەرشىلىگىن ادا ەتپەۋ، ازۋلىلارمەن الىسا الماۋ، ءتىپتى قول ۇشىمەن ىستەۋ، جالعان ىستەۋ قاتارلى ماسەلەلەردى اداقتاعان. قاتىستى تاراۋلار مەن ولكەلەر (اۆتونوميالى رايون، توتە قاراستى قالا) ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ قىزمەتىنە ايرىقشا ءمان بەرىپ، رەتتەۋ - تۇزەتۋدىڭ تياناقتاندىرىلۋىن كۇش سالا ىلگەرىلەتكەن. جۇرتشىلىقتىڭ ارىز ـ ارمانىنا قاتىستى ماسەلەلەردى شەشۋ بارىسىندا دەلو تەكسەرىپ ءبىر جاقتى ەتۋدى، قاتاڭ رەتتەۋ ـ تۇزەتۋدى مۇقيات ورىنداۋمەن بىرگە، شىندىقتى ءىس جۇزىنەن ىزدەپ، تۇرلەرگە ءبولىپ شارا قولدانىپ، دالمە ـ ءدال، عىلىمي، زاڭ بويىنشا ورىستەتكەن.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى