بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ساۋدا مينيسترلىگى قاتارلى 9 تاراۋ تۋىندامالى بايلىقتاردى جيناپ الۋ جۇيەسىنىڭ قۇرىلىسىن ىشكەرىلەي ىلگەرىلەتتى 

2026.11.17 16:10     كەلۋ قاينارى : حالىق تورابى

ساۋدا مينيسترلىگى، مەملەكەتتىك دامۋ – رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى قاتارلى 9 تاراۋ جۋىردا «تۋىندامالى بايلىقتاردى جيناپ الۋ جۇيەسىن ورناتۋدى ىشكەرىلەي ىلگەرىلەتىپ، جيناپ الۋ سالاسىنىڭ جوعارى ساپالى دامۋىن ىلگەرىلەتۋ تۋرالى پىكىردى» باسىپ تاراتقان، 11 – ايدىڭ 17 – كۇنى جاريالاندى.

پىكىردە تيپتىك جيناۋ ۇلگىسىن جالپىلاستىرۋ جانە قولدانۋ، ”جاڭا ءۇش زات“ تۇرىندەگى قاتتى كۇيدەگى جاراقسىز زاتتاردى جيناپ الۋ مەن بولشەكتەۋدى ويداعىداي ىستەۋ، جيناپ الۋ سالاسىنىڭ ساپاسىن ارتتىرىپ، دارەجەسىن جوعارىلاتۋدى ىلگەرىلەتۋ قاتارلى جاقتاردا 16 ماڭىزدى مىندەت ورتاعا قويىلعان.

پىكىردە جەر – جەردىڭ كوپ ءتۇرلى، ۋنيۆەرسال تۋىندامالى بايلىقتار، جاراقسىز ءىرى ءۇي جيھازدارى، جاراقسىز وتباسىلىق ەلەكتر جابدىقتارى قاتارلى تۇرلەر بويىنشا سول ءوڭىردىڭ جاعدايىنا قاراي تيپتىك جيناۋ ۇلگىسىن تاڭداپ پايدالانۋىنا جەتەكشىلىك ەتىلگەن. سونىمەن بىرگە ”جاڭا ءۇش زات“ تۇرىندەگى قاتتى كۇيدەگى جاراقسىز زاتتاردى جيناپ الۋ، پايدالانۋ جونىندە جالپى ورنالاستىرۋ جاسالعان، قوزعاۋشى كۇش باتەرياسىن جيناپ الۋداعى ولقىلىقتاردى تولىقتاۋدى، فوتو ەلەكتر جابدىقتارىن جيناپ الۋ، پايدالانۋ جۇيەسىن اقاۋسىزداندىرۋدى تالاپ ەتىپ، ”جوبالاۋ – جاساۋ – قولدانۋ – جيناپ الۋ – بولشەكتەۋ – قايتادان پايدالانۋ“ سىندى تۇتاس تىزبەكتى جاپپاي ىركىلىسسىزدەندىرگەن. ءتىلشى: شيە شيياۋ، حۋاڭ تاۋميڭ

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى