2026.11.18 16:01 كەلۋ قاينارى : حالىق تورابى

11 - ايدىڭ 17 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لينمەن كەزدەستى.
سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
«حالىق گازەتى»، 11 - ايدىڭ 17 - كۇنى، شىنجىن (تىلشىلەر ۋ چيچياڭ، ياڭ چياۋچۋ). 11 - ايدىڭ 17 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لينمەن كەزدەستى.
شي جينپيڭ مىنالاردى اتاپ كورسەتتى: تاياۋ جىلداردان بەرى جۇڭگو مەن ۆيەتنام پارتيالارى، ەكى ەلدىڭ ەڭ جوعارى باسشىلارى تىعىز بارىس - كەلىستى ساقتاپ، اناعۇرلىم جوعارى دەڭگەيدەگى ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن جەدەل قۇرۋ جونىندە ماڭىزدى ورتاق تانىمعا كەلىپ، ەكى جاقتى قاتىناستىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، ءوڭىردىڭ بەيبىتشىلىگى مەن دامۋىنا وڭ ەنەرگيا قوستى. تاياۋدا جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ءماجىلىسى پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋ جونىندە جۇيەلى ورنالاستىرۋ جاسادى، ۆيەتنام كوممۋنيستىك پارتياسى 14 - كەزەكتى ورتالىق كوميتەتىنىڭ ءتورتىنشى جالپى ءماجىلىسى دە پارتيا قۇرىلىسىن رەتتەۋدى ۇزدىكسىز تەرەڭدەتۋدى ۇيعاردى. جۇڭگو ۆيەتناممەن تاجىريبە اۋىستىرۋدى كۇشەيتىپ، ءوزارا قولداۋدى بەكەمدەپ، پارتيانى باسقارۋ، پارتيانى جونگە سالۋ اۋىس - كۇيىسىن تەرەڭدەتىپ، جۇڭگو مەن ۆيەتنامنىڭ سوتسياليزم ىستەرى مەن مەملەكەت قۇرىلىسىندا ۇزدىكسىز تىڭ تابىستارعا قول جەتكىزۋىنە كەپىلدىك ەتۋدى قالايدى.
شي جينپيڭ مىنالاردى باسا دارىپتەدى: جۇڭگو - ۆيەتنام جولداس ۇستىنە باۋىرلاس رەتىندە، بوران - شاشىن قانشا كۇشتى بولسا دا، تار جول، تايعاق كەشۋدەن بىرگە وتەدى. ەكى جاق ءوزارا سەنىمدىلىكتى، ىنتىماقتى كۇشەيتىپ، جان - جاقتى سەلبەستىكتى تەرەڭدەتىپ، بەيبىتشىلىك پەن ورنىقتىلىقتى بىرگە ساقتاپ، دامۋدى، گۇلدەنۋدى بىرگە جەبەۋى كەرەك؛ كوپ ولشەمدى بايلانىستى تەرەڭدەتىپ، مۇددەلەردىڭ توعىسۋىن جەبەپ، زەردەلى شەكارا وتكەلى مەن شەكارا اتتاعان ەكونوميكالىق سەلبەستىك رايونىنىڭ ەرتەرەك تياناقتانۋىن ىلگەرىلەتىپ، سيفرلى تيپكە بۇرىلىس جاساۋ، جاسىل، تومەن كومىرتەكتى بولۋ سياقتى سەلبەستىكتەردى كەڭەيتىپ، جاساندى زەردەنى قولدانۋ سەلبەستىگى جونىندە ىزدەنىس جاساۋ كەرەك؛ ءداستۇرلى دوستىقتى جالعاستىرىپ، گۋمانيتارلىق اۋىس - كۇيىستى جيىلەتىپ، حالىق تىلەگىن توعىستىراتىن ماركالاردى ۇزدىكسىز قالىپتاستىرىپ، ”جۇڭگو - ۆيەتنام ساياحات سەلبەستىگى جىلىن“ بىرگە ويداعىداي وتكىزىپ، ەكى ەل حالقىنىڭ، اسىرەسە، جاستاردىڭ جاقىنداسۋىنا مۇمكىندىك جاساۋ كەرەك؛ تەڭىزدەگى الاۋىزدىقتاردى ۇيلەسىمدى تىزگىندەپ، تەڭىزدەگى سەلبەستىكتى ورنىقتى ىلگەرىلەتۋى كەرەك؛ ءتورت ءىرى دۇنيە جۇزىلىك باستامانى قول ۇستاسا تياناقتاندىرىپ، بىرلەسكەن مەملەكەتتەر ۇيىمى، جۇڭگو - شىعىس وڭتۇستىك ازيا ەلدەرى وداعى، لانساڭجياڭ وزەنى - مەكونگ وزەنى سەلبەستىگى سياقتى جۇلگەلىك سەلبەستىكتى كۇشەيتىپ، بيىل جانە كەلەر جىلعى ازيا - تىنىق مۇحيت ەكونوميكالىق سەلبەستىك ۇيىمىنىڭ ءتوراعاسى بولىپ، ازيا - تىنىق مۇحيت ورتاق تۇلعاسىن قۇرۋدى ىلگەرىلەتىپ، اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن ورناتۋ كەرەك.
سۋ لين مىنالاردى ءبىلدىردى: جۇڭگو كوممۋنيستىك پارتياسىنىڭ 20 - كەزەكتى ورتالىق كوميتەتى بەسىنشى جالپى ءماجىلىسىن ءساتتى اشقاندىعىن قۇتتىقتايمىن. مەن بيىل جۇڭگودا مەملەكەتتىك ساپاردا بولعاننان بەرى ەكى ەلدىڭ ساياسي سەنىمدىلىگى اناعۇرلىم بەكەمدەلىپ، جوعارى جىكتەگىلەردىڭ بارىس - كەلىسى اناعۇرلىم جيىلەپ، ەكى جاقتى ساۋدا زور مولشەردە ارتىپ، گۋمانيتارلىق اۋىس - كۇيىس ۇزدىكسىز جانداندى. ۆيەتنام جاق جۇڭگومەن قاتىناسىنا ايرىقشا ءمان بەرەدى، جۇڭگونى ۆيەتنامنىڭ ەڭ ماڭىزدى ستراتەگيالىق سۇيەنىشى دەپ قارايدى. قازىرگى كۇردەلى حالىقارالىق جاعدايدا جۇڭگو جاقپەن ىنتىماقتى، سەلبەستىكتى كۇشەيتىپ، ءوز ەلدەرىنىڭ دامۋىنا دەم بەرۋدى قالايدى. ۆيەتنام جاق جۇڭگو جاقپەن جوعارى جىكتەگىلەردىڭ بارىس - كەلىسىن جيىلەتىپ، ساۋدا دەڭگەيىن جوعارىلاتىپ، نەگىزدىك قۇرىلعى قۇرىلىسى، ەنەرگيا، وقۋ - اعارتۋ سياقتى سالالارداعى ناقتى سەلبەستىكتى كۇشەيتىپ، حالىقتار دوستىعىن نىعايتۋدى قالايدى. جولداستىق ۇستىنە باۋىرلاستىق رۋحپەن تەڭىزدەگى ورنىقتىلىقتى بىرگە قورعايدى. ۆيەتنام APEC داعى ”جۇڭگو جىلىنىڭ“ ءساتتى وتكىزىلگەندىگىن قۇتتىقتايدى. كەلەسى كەزەكتى ءتوراعاسى رەتىندە، ۆيەتنام APEC داعى ”جۇڭگو جىلى“ تابىسىن تياناقتاندىرىپ، ازيا - تىنىق مۇحيت سەلبەستىگىنىڭ اناعۇرلىم زور دامۋعا قول جەتكىزۋىن ۇزدىكسىز ىلگەرىلەتەدى. ۆيەتنام ءتوراعا شي جينپيڭ العا قويعان كەلەلى دۇنيە جۇزىلىك باستامانى بار كۇشپەن قولدايدى، جۇڭگو جاقپەن تىعىز سايكەسىپ، كوپ جاقتىلىقتى قورعاپ، دۇنيە ءجۇزىنىڭ وڭتۇستىگىندەگى ەلدەردىڭ ورتاق مۇددەسىن قورعاۋدى قالايدى.
ساي چي، ۋاڭ ي، حۋاڭ كۇنميڭ قاتارلىلار كەزدەسۋدە بىرگە بولدى.