2026.11.18 16:02 كەلۋ قاينارى : حالىق تورابى

11 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن مەكسيكانىڭ زۇڭتۇڭى شەينباۋممەن كەزدەستى.
سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن.
«حالىق گازەتى»، 11 - ايدىڭ 17 - كۇنى، شىنجىن (تىلشىلەر ياڭ شۋەبو، ۋاڭ يۇيلين). 11 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن مەكسيكانىڭ زۇڭتۇڭى شەينباۋممەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن مەكسيكا _ تىنىق مۇحيتتى ەندەي وتەتىن جاقسى دوس، ەكى ەل دە دۇنيە ءجۇزىنىڭ وڭتۇستىگىندەگى ءىرى ەل، ەكەۋى دە دامۋ، گۇلدەنۋدىڭ شەشۋشى كەزەڭىندە تۇر. قازىرگى كۇردەلى دە قۇبىلمالى حالىقارالىق جاعدايدا جۇڭگو - مەكسيكا قاتىناسىن اناعۇرلىم جوعارى دەڭگەيگە، اناعۇرلىم كەڭ سالاعا، اناعۇرلىم تەرەڭ ساتىعا قاراي دامىتىپ ىلگەرىلەتۋ ءار ەلدىڭ دامۋ ستراتەگياسىن جۇزەگە اسىرۋدا، دۇنيە ءجۇزىنىڭ وڭتۇستىگىنىڭ بىرلەسىپ ءوزىن الۋەتتەندىرۋىن جەبەۋدە ماڭىزدى مانگە يە. جۇڭگو جاق جۇڭگو - مەكسيكا قاتىناسىنا باستان - اياق ۇزاق بولاشاقتىق تۇرعىدان مامىلە جاسايدى، مەكسيكا جاقپەن بىرگە ەكى ەل قاتىناسىنىڭ جوعارى ساپالى دامۋىنا جەتەكشىلىك ەتۋدى، گۇلدەنىپ - كوركەيگەن، ورنىقتى، اشىق، توعىسقان، جالپىعا ءتيىمدى، سيىسىمدى، ءبىر جاعادان باس، ءبىر جەڭنەن قول شىعاراتىن ازيا - تىنىق مۇحيت ءوڭىرىن جانە اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن قۇرۋدى بىرگە ىلگەرىلەتىپ، دۇنيە ءجۇزىنىڭ بەيبىتشىلىگىن قورعاۋعا، بىرگە دامۋدى جۇزەگە اسىرۋعا ۇلەس قوسۋدى قالايدى.
شي جينپيڭ مىنالاردى باسا دارىپتەدى: جۇڭگو مەن مەكسيكا ەكى جاق بىرىنشىدەن، ءبىر - بىرىنە شىنايى مامىلە جاساۋعا تاباندى بولىپ، ساياسي سەنىمدىلىكتى تەرەڭدەتىپ، ەكى ەل قاتىناسى دامۋىنىڭ دۇرىس بەتالىسىن مىقتى يگەرىپ، ءار سالاداعى، ءار جىكتەگى اۋىس - كۇيىستى، سەلبەستىكتى جيىلەتىپ، كەلەر جىلعى ەكى ەلدىڭ ديپلوماتيالىق قاتىناس ورناتقاندىعىنىڭ 55 جىلدىعىن قۇتتىقتاۋ قيمىلىن بىرگە ويداعىداي وتكىزۋى كەرەك. ەكىنشى، ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، دوستىق سەلبەستىكتى ىلگەرىلەتىپ، ستراتەگيالىق ۇشتاسۋدى كۇشەيتىپ، نەگىزدىك قۇرىلعى قۇرىلىسى، عىلىم - تەحنيكا، تازا ەنەرگيا، مادەنيەت، ساياحات سياقتى جاقتارداعى سەلبەستىكتى تەرەڭدەتۋى كەرەك. ءۇشىنشى، ادىلدىك پەن ادىلەتتىلىككە تاباندى بولىپ، كوپ جاقتى سەلبەستىكتى جيىلەتىپ، بىرلەسكەن مەملەكەتتەر ۇيىمى سياقتى كوپ جاقتى تۇعىرلاردا سايكەسۋدى كۇشەيتىپ، حالىقارالىق قاتىناستىڭ نەگىزگى ولشەمىن قورعاۋى كەرەك. ءتورتىنشى، تاعدىرلاس ورتاق تۇلعاعا تاباندى بولىپ، جۇڭگو - لاتىن امەريكاسى سەلبەستىگىن تەرەڭدەتىپ، جۇڭگو - لاتىن امەريكاسى تاعدىرلاس ورتاق تۇلعاسىن بىرگە قۇرۋ سىندى 5 ءىرى ينجەنەريانىڭ تەرەڭدەۋىن، ناقتىلانۋىن ىلگەرىلەتۋى كەرەك.
شەينباۋم مىنالاردى ءبىلدىردى: مەكسيكا مەن جۇڭگونىڭ دوستىق نەگىزى تەرەڭ، ەكى ەلدىڭ دامۋ ۇستانىمى توعىسقان، ءار سالاداعى سەلبەستىكتە سۇبەلى تابىستارعا قول جەتكىزىلدى. مەكسيكا ءبىر جۇڭگو پرينسيبىنە تاباندى بولىپ، جۇڭگومەن قاتىناسىنا ايرىقشا ءمان بەرەدى، ”مەكسيكا جوسپارىن“ ىلگەرىلەتۋ بارىسىندا، جۇڭگو جاقپەن ساۋدا، قارجى قوسۋ، عىلىم - تەحنيكا، جاساۋ كاسىبى، جاساندى زەردە، اۋىل شارۋاشىلىعى، سۋ يگىلىگى سياقتى سالالارداعى سەلبەستىكتى كۇشەيتىپ، دەنساۋلىق ساقتاۋ، وقۋ - اعارتۋ، مادەنيەت - ساياحات اۋىس - كۇيىسىن جەبەپ، ەكى ەل قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. بيىلعى ازيا - تىنىق مۇحيت ەكونوميكالىق سەلبەستىك ۇيىمىنىڭ ءتوراعا ەلى رەتىندە، جۇڭگو ازيا - تىنىق مۇحيت ءوڭىرىنىڭ سەلبەستىگىن ىلگەرىلەتۋدە ماڭىزدى رول اتقاردى، الدا وتكىزىلەتىن باسشىلار بەيرەسمي ءماجىلىسىنىڭ تولىق تابىسقا جەتىپ، بۇدان بىلايعى ازيا - مۇحيت ءوڭىرىنىڭ سەلبەستىگىنە بەرىك نەگىز قالايتىندىعىنا سەنەمىن. مەكسيكا جاق 2028 - جىلعى ازيا - تىنىق مۇحيت ەكونوميكالىق سەلبەستىك ۇيىمىنىڭ ءماجىلىسىن وتكىزەدى، جۇڭگو جاقپەن كوپ جاقتى سايكەسۋدى كۇشەيتىپ، كوپ جاقتىلىققا تاباندى بولىپ، دۇنيە ءجۇزىنىڭ وڭتۇستىگىنىڭ ورتاق مۇددەسىن قورعاۋدى قالايدى.
ساي چي، ۋاڭ ي، حۋاڭ كۇنميڭ قاتارلىلار كەزدەسۋدە بىرگە بولدى.