2026.11.18 16:04 كەلۋ قاينارى : حالىق تورابى

11 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن پەرۋدىڭ زۇڭتۇڭى كەيكو فۋجيموريمەن كەزدەستى.
سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن.
«حالىق گازەتى»، 11 - ايدىڭ 17 - كۇنى، شىنجىن (تىلشىلەر حۋاڭ چاۋ، گۇڭ حان). 11 - ايدىڭ 17 - كۇنى تۇستەن كەيىن، مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن پەرۋدىڭ زۇڭتۇڭى كەيكو فۋجيموريمەن كەزدەستى.
شي جينپيڭ مىنالاردى اتاپ كورسەتتى: بيىل _ جۇڭگو مەن پەرۋدىڭ ديپلوماتيالىق قاتىناس ورناتقاندىعىنىڭ 55 جىلدىعى. جارتى عاسىردان استام ۋاقىتتان بەرى ەكى ەل قاتىناسى تاماشا دامۋ جاعدايىن ساقتاپ كەلەدى. جۇڭگو ءۇرتىس 12 جىل پەرۋدىڭ ەڭ ۇلكەن ساۋدا سەرىگىنە جانە ەڭ ۇلكەن ەكسپورت نىسانالى ەلىنە اينالدى، جۇڭگو مەن پەرۋدىڭ ەركىن ساۋدا كەلىسىمىنىڭ دارەجەسىن جوعارىلاتۋ كەلىسىمى ەكى اپتانىڭ الدىندا رەسمي كۇشكە يە بولدى، جۇڭگو كاسىپورىندارىنان قۇرىلىسقا قاتىناسقان چيانكاي پورتى ازيا مەن لاتىن امەريكاسىنىڭ ەكونوميكا - ساۋدا سەلبەستىگىن پارمەندى جەبەدى. جاڭا تاريحي باستامادا جۇڭگو پەرۋمەن بىرگە قۇلشىنىپ، ەكى ەلدىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، ەكى ەل حالقىنا ءتىپتى دە زور باقىت جاراتۋدى قالايدى.
شي جينپيڭ مىنالاردى باسا دارىپتەدى: بيىل _ جۇڭگونىڭ ”15 - بەسجىلدىق“ جوباسىنىڭ باستالعان جىلى، جۇڭگو جاق پەرۋ جاقپەن جۇڭگو ۇلگىسىندەگى وسىزاماندانۋ ورايىنان بىرگە يگىلىكتەنۋدى قالايدى. ەكى جاقتىڭ مىناداي 4 جاقتاعى قىزمەتتى ءتۇيىندى تۇردە ويداعىداي ىستەۋىنە بولادى: ءبىرىنشى، دوستىق بارىس - كەلىستى جيىلەتىپ، ەكى ەل ۇكىمەتى، زاڭ شىعارۋ قۇرىلىمى، ساياسي پارتيا، جەرگىلىكتى ورىن سياقتى ءار سالاداعى، ءار جىكتەگى اۋىس - كۇيىستى كۇشەيتىپ، ساياسي سەنىمدىلىكتى بەكەمدەۋ كەرەك. ەكىنشى، ستراتەگيالىق ۇشتاسۋدى كۇشەيتىپ، ەركىن ساۋدا كەلىسىمىنىڭ دارەجەسىن جوعارىلاتۋ شارتىنىڭ پايداسىن ۇزدىكسىز كورنەكتىلەندىرىپ، نەگىزدىك قۇرىلعى قۇرىلىسى، ەنەرگيا، بايلىق سياقتى ءداستۇرلى سەلبەستىكتى بەكەمدەپ، جاڭا ەنەرگيا، جاساندى زەردە سياقتى جاڭادان گۇلدەنگەن سەلبەستىك كومەسكى كۇشىن اشىپ، بىرگە گۇلدەنۋدى جۇزەگە اسىرۋ كەرەك. ءۇشىنشى، گۋمانيتارلىق اۋىس - كۇيىستى جەبەپ، مادەنيەت، وقۋ - اعارتۋ، ساياحات، ارحەولوگيا، دەنساۋلىق ساقتاۋ سياقتى جاقتارداعى سەلبەستىكتى كۇشەيتىپ، ءداستۇرلى دوستىقتى جالعاستىرۋ كەرەك. ءتورتىنشى، كوپ جاقتى سەلبەستىكتى كۇشەيتىپ، بىرلەسكەن مەملەكەتتەر ۇيىمى، ازيا - تىنىق مۇحيت ەكونوميكالىق سەلبەستىك ۇيىمى سياقتى جۇلگەلىك قاتىناس پەن سايكەسۋدى كۇشەيتىپ، ناعىز كوپ جاقتىلىق پەن ەركىن ساۋدانى قورعاپ، حالىقارالىق تەڭدىك پەن ادىلەتتىلىكتى بىرگە قورعاۋ كەرەك.
كەيكو فۋجيموري مىنالاردى ءبىلدىردى: پەرۋ مەن جۇڭگونىڭ دوستىق قاتىناسى ارىدان باستاۋ الادى، ديپلوماتيالىق قاتىناس ورناتقان 55 جىلدان بەرى ءوزارا ءتيىمدى سەلبەستىك ۇزدىكسىز تەرەڭدەپ، جۇڭگو پەرۋدىڭ ەڭ ۇلكەن ساۋدا سەرىگىنە اينالدى. پەرۋ جۇڭگو كوممۋنيستىك پارتياسىنىڭ جۇڭگو حالقىن باستاپ ەكونوميكالىق، قوعامدىق دامۋدىڭ ۇلى جەتىستىكتەرىنە قول جەتكىزگەندىگىنە سۇيىنەدى. پەرۋ ءبىر جۇڭگو پرينسيبىنە تاباندى بولادى، جوعارى جىكتەگىلەردىڭ بارىس - كەلىسىن جيىلەتىپ، ەركىن ساۋدا كەلىسىمىنىڭ دارەجەسىن جوعارىلاتۋدى وراي ەتىپ، ەكى ەل حالقىنىڭ بارىس - كەلىسىن كۇشەيتىپ، ساۋدا، قارجى قوسۋ، نەگىزدىك قۇرىلعى سياقتى سەلبەستىكتەردى جەبەۋدى قالايدى. چيانكاي پورتى سياقتى نىساندار پەرۋدىڭ ەكونوميكالىق دامۋىندا ماڭىزدى رول اتقاردى، پەرۋ اناعۇرلىم كوپ جۇڭگو قارجىلاندىرعان كاسىپورىنداردىڭ پەرۋگە بارىپ قارجى قوسىپ، شارۋاشىلىقتى گۇلدەندىرۋىن قارسى الادى، اشىق، ورنىقتى شارۋاشىلىق - ساۋدا ورتاسىن ازىرلەۋدى قالايدى. پەرۋ جاق جۇڭگو جاقپەن وقۋ - اعارتۋ، مادەنيەت سياقتى گۋمانيتارلىق اۋىس - كۇيىستى ونان ارى كۇشەيتىپ، پارتيالار ارا بارىس - كەلىستى كۇشەيتۋدى قالايدى. جۇڭگو جاقتىڭ پەرۋدىڭ ەرنينو سايىسىنا توتەپ بەرۋىن قولداعاندىعىنا العىس ايتادى، پەرۋ جۇڭگو جاقپەن كوپ جاقتى سەلبەستىكتى كۇشەيتىپ، ەكى ەل حالقىنىڭ دوستىعىن نىعايتۋدى قالايدى.
ساي چي، ۋاڭ ي، حۋاڭ كۇنميڭ قاتارلىلار كەزدەسۋدە بىرگە بولدى.