بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

15 مينۋتتا كەدەننەن وتۋگە بولادى، بۇدان بايقالاتىنى شىنجىننىڭ ونىمدىلىگى عانا ەمەس

— APEC سيلى قوناقتارىنىڭ شەكارادان كىرۋدەگى ”ءبىرىنشى بەكەتى“ شىنجىننىڭ ەسىك اشۋىنىڭ جەمىسى

2026.11.18 16:29     كەلۋ قاينارى : حالىق تورابى

APEC ءماجىلىسى اپتالىعىندا شىنجىن باۋ - ان حالىقارالىق اۋەجايىندا شەكارادان كىرگەن جولاۋشىلار قاۋىرت كوبەيدى. شەتەلدەن كەلگەن ءبىر سيلى قوناق ۇشاقتان ءتۇسىپ بولعانشا، ونىڭ جونەلتكەن سومكاسى ارت جاقتاعى تەكشەدە سۇرىپتاۋ جەلىسىندە زەردەلى تەكسەرۋدەن ءوتىپ بولدى، سومكانى كوتەرىپ قايتادان قاتارعا تۇرىپ، اسپاپتان وتپەي – اق سومكاسىن الىپ توتە كەتە بەردى —— باس – اياعى 15 مينۋتقا جەتپەيدى.

15 مينۋت، ۋاقىت قالاي ۇنەمدەلدى؟

بۇرىن شەكارادان كىرگەن جولاۋشىلار جۇكتەرىن الىپ بولعاننان كەيىن، جۇكتەرىن كوتەرىپ X اپپاراتىنان وتەتىن، ءتارتىبى كوپ، ۋاقىتى ۇزاق بولاتىن. شىنجىن باۋ ـ ان اۋەجايى كەدەندىك جولاۋشى تەكسەرۋ 9 - ءبولىمىنىڭ باستىعى جاڭ لۋدان بىلاي دەپ تانىستىردى: جىلدامدىقتى تەزدەتۋ ەكى جەردىڭ جۇمىس ءتارتىبىن ساپالىلاندىرۋدان كەلەدى: قولعا كوتەرگەن جۇكتەردى الدىن الا تەكسەرۋدى، دەنە تەمپەراتۋراسىن باقىلاۋ ـ ولشەۋدى ءبىر تۇلعالانعان اسپاپپەن ءبىر جولدا توپتىق تەكسەرۋ؛ جوتەلتۋگە بەرىلگەن جۇكتەردى ”الدىن الا ماشينامەن تەكسەرۋدى“ جولعا قويىپ، X ساۋلەلى اپپاراتتى جۇكتەردى سۇرىپتاۋ جەلىسىنە كىرگىزىپ، جولاۋشىلار جۇكتەرىن الۋدان بۇرىن سۇعاناقتىققا جاتپايتىن تەكسەرۋدى ورىنداپ بولۋ، قالىپسىزدىق بايقالماعان جۇكتەردى ەكىنشى رەت اسپاپتان وتكىزۋدىڭ قاجەتى جوق.

”وسىمەن اقتادى ما؟“ جاڭا ۇلگى جەلىگە شىققان العاشقى كەزدە، كوپتەگەن جولاۋشىلار تەكسەرۋ رايونىنا بارعاندا داعدى بويىنشا جۇكتەرىن كوتەرىپ اسپاپتان وتۋگە دايىندالاتىن، جۇكتىڭ الدىن الا تەكسەرىلىپ بولعاندىعىن ەستىگەندە، قۋانىشتارى قويىنا سيماي قۋانىپ وسى سۇراقتى قوياتىن. كەدەننەن ءوتۋ ۋاقىتى شامامەن 45 مينۋتتان 15 مينۋتقا قىسقارىپ، ونىمدىلىگى %60 تەن استى.

15 مينۋت، ماجىلىستەن كەيىن دە وسىلاي ىستەۋگە بولا ما؟

ەگەر تەك عانا ماجىلىس كەزىندەگى قىزمەت وتەۋ عانا بولسا، وندا بۇل 15 مينۋت ءبىر رەتكى قوناق قابىلداۋ ورنالاستىرۋى عانا بولماق. شىنجىن كەدەنى الدىن الا اسپاپپەن تەكسەرۋ ۇلگىسى ماجىلىستەن كەيىن ۇدايىلاندىرىلىپ ىسكە قوسىلدى دەگەندى انىق تۇراقتاندىردى.

سەنىمدىلىك تۇزىمنەن كەلەدى. شىنجىن قالاسى «2026 ـ جىلى شەكارا وتكەلىنىڭ ساۋدا ورتاسىن ساپالىلاندىرۋ جونىندەگى ءبىرقانشا شارانى» شىعارىپ، APEC ورايىنا سۇيەنىپ، شەكارا وتكەلىنىڭ كەدەننەن ءوتۋ ورتاسىن دامىتىپ، جاسىل ارنا اشىپ، كەدەننەن تەز ءوتۋدى قامتاماسىز ەتىپ، باياندى جونگە سالۋ مەحانيزمىن بىرگە ورناتۋدى العا قويدى. APEC نىڭ كەدەننەن ءوتۋىن قامتاماسىزداندىرۋ وسىدان باستاپ شىنجىن وتكەلىنىڭ ساۋدا ورتاسىن ساپالىلاندىرۋدىڭ ۇزاق ۋاقىتتىق رەفورما ورنالاستىرۋىنا ەنگىزىلدى، ءبىر جولدىق عانا قارجى قوسۋ ەمەس.

شىنجىن جونىنەن العاندا، APEC نىڭ قالدىرعانى بىرنەشە كۇندىك سالتاناتتى جينالىس عانا ەمەس. ناقتى جۇمىس سىناعىنان وتكەن جۇمىس ءتارتىبى قالانىڭ حالىقارالىق بارىس - كەلىسىنە ۇزدىكسىز قىزمەت وتەيدى. ”تەز كىرۋ، تەز شىعۋدى“ ورنىقتى، مەجەلەۋگە بولاتىن كۇندەلىكتى كەدەننەن ءوتۋ ۇلگىسىنە اينالدىرادى. سىرتقى ساۋدا دامىعان، ساۋدامەن كەلگەن جولاۋشى توبىمەن اعىلعان شىنجىندا بۇل تۇراقتىلىقتىڭ ءوزى باسەكەلىك قۋات ءارى ساۋدا ورتاسىنىڭ ەڭ شىنايى ءمانى.

”ەسىك اشۋ“ ۇران ەمەس، قايتا ولشەۋگە، كوشىرىپ قولدانۋعا بولاتىن جۇمىس ءتارتىبى. سيلى قوناقتارعا ءتىپتى دە تەرەڭ اسەر قالدىرعانى وسى قالانىڭ ەسىك اشۋ ۇستانىمىن جۇمىس تارتىبىنە ءتۇسىرىپ، جۇمىس ءتارتىبىن باياندى قىزمەت وتەۋگە اينالدىرۋدىڭ نەگىزى ەتكەندىگى.

سالتاناتتى جينالىس اياقتايدى، قىزمەت وتەۋ ۇزاق ۋاقىت جالعاسادى. وسى 15 مينۋتتىق كەشىرمە ەسىك اشۋدىڭ ناقتى تياناقتانۋىنىڭ جاندى تۇسىندىرمەسى.

جاۋاپتى رەداكتورى : مانەپ ەربول ۇلى