2026.11.19 16:07 كەلۋ قاينارى : حالىق تورابى

11 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ شىنجىن چيانحاي حالىقارالىق ءماجىلىس ورتالىعىندا 2026 - جىلعى ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارى جينالىسىنىڭ اشىلۋ سالتىنا قاتىناستى ءارى «سەنىمدى بەكەمدەپ، ەرلىكپەن العا باسىپ، ازيا - تىنىق مۇحيت ءوڭىرىنىڭ نۇرلى بولاشاعىن بىرگە جاراتايىق» دەگەن تاقىرىپتا ارقاۋ ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن.
«حالىق گازەتى»، 11 - ايدىڭ 18 - كۇنى، شىنجىن (تىلشىلەر دۋ حايتاۋ، چىن شاڭۋىن). 11 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ شىنجىن چيانحاي حالىقارالىق ءماجىلىس ورتالىعىندا 2026 - جىلعى ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارى جينالىسىنىڭ اشىلۋ سالتىنا قاتىناستى ءارى «سەنىمدى بەكەمدەپ، ەرلىكپەن العا باسىپ، ازيا - تىنىق مۇحيت ءوڭىرىنىڭ نۇرلى بولاشاعىن بىرگە جاراتايىق» دەگەن تاقىرىپتا ارقاۋ ءسوز سويلەدى (ارقاۋ ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).
شي جينپيڭ مىنالاردى اتاپ كورسەتتى: قازىر حالىقارالىق جاعدايدا قۇبىلمالى بىلىقپالىق، دۇنيە ءجۇزى ەكونوميكاسىن ارتتىراتىن قوزعاۋشى كۇش جەتكىلىكسىز بولۋ، سىڭار جاقتىلىق، قورعامپازدىق ءورشي ءتۇستى. سونىمەن بىرگە، دۇنيە جۇزىلىك ساۋدا كەرى اۋقىمدىق ارتۋدى ساقتاپ، جاڭادان گۇلدەنگەن تەحنيكالار جەدەل قامال الىپ، دۇنيە ءجۇزى دامۋ جاعدايىنا تەرەڭ ىقپال جاساۋدا. ەسىك اشۋ كەرەك پە، الدە قۇرساۋلانۋ كەرەك پە، سەلبەستىك جاساۋ كەرەك پە، الدە جىكتەلۋ كەرەك پە، وزگەرىس جاساۋ كەرەك پە، الدە كونەدەن جازباۋ كەرەك پە دەگەن ماسەلە جاۋاپ بەرۋگە ءتيىستى داۋىرلىك تاقىرىپ بولدى. ازيا - تىنىق مۇحيت ەكونوميكالىق سەلبەستىك ۇيىمى ەكونوميكانىڭ جەرشارىلانۋى تولقىنىمەن بىرگە جارىققا شىعىپ، ازيا - تىنىق مۇحيت وڭىرىندەگى دامۋدىڭ الدىڭعى لەگىنە جەتەكشىلىك ەتىپ ىلگەرىلەتتى. بيىل جۇڭگو ازيا - تىنىق مۇحيت ەكونوميكالىق سەلبەستىك ۇيىمىنىڭ ءتوراعا ەلى بولىپ 3 - رەت تاعايىندالدى، ءار جاقپەن بىرگە سەنىمدى بەكەمدەپ، ەرلىكپەن العا باسىپ، ازيا - تىنىق مۇحيت ورتاق تۇلعاسىن قول ۇستاسا قۇرىپ، ازيا - تىنىق مۇحيتتىڭ بىرگە گۇلدەنۋىن جەبەۋدى قالايدى.
شي جينپيڭ وسى جونىندە مىناداي 4 ءتۇرلى ۇسىنىس قويدى:
ءبىرىنشى، بەيبىتشىلىك، ورنىقتىلىق جالپى جاعدايىن قورعاۋ. سىرتقى جاعداي نەعۇرلىم كۇردەلى بولعان سايىن، سوعىستان كەيىنگى حالىقارالىق ءتارتىپتى سولعۇرلىم باتىل قورعاپ، دۇنيە ءجۇزىنىڭ تەڭ، ءتارتىپتى كوپ ۇيەكتەنۋىن، جالپىعا ءتيىمدى، سيىسىمدى ەكونوميكالىق جاھاندانۋىن ىلگەرىلەتۋ؛ الاۋىزدىقتاردى پىكىرلەسۋ، كەڭەسۋ ارقىلى شەشۋگە سولعۇرلىم تاباندى بولىپ، ىنتىماقتاسا سەلبەسۋ ارقىلى سىن - سايىستارعا توتەپ بەرىپ، ازيا - تىنىق مۇحيت ءوڭىرىنىڭ باياندى تىنىشتىعىنا بەرىك نەگىز قالاۋ.
ەكىنشى، اشىق سەلبەستىك كوپىرىن ورناتۋ. دۇنيە جۇزىلىك ساۋدا ۇيىمىن وزەك، ەرەجەنى نەگىز ەتكەن كوپ جاقتى ساۋدا ءتۇزىلىسىن باتىل قورعاپ، ەركىن، اشىق ساۋدا مەن قارجى قوسۋدى قولداپ، دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن قورعاۋ. ازيا - تىنىق مۇحيت ەركىن ساۋدا رايونىنىڭ اياق الىسىن ورنىقتى ىلگەرىلەتىپ، جان - جاقتى ۇلاستىرۋ - تۇتاستىرۋ تورابىن قۇرىپ، ازيا - تىنىق مۇحيت ەكونوميكاسىن ءبىر تۇلعالاندىرۋ قۇرىلىسىنا جول اشىپ، كوپىر سالۋ.
ءۇشىنشى، جاڭالىق اشا ارتۋدىڭ قوزعاۋشى كۇشىن قاۋلاتۋ. عىلىم - تەحنيكادا جاڭالىق اشاتىن سەرىكتەستىك قاتىناستى بەلسەنە ورناتىپ، سيفرلى ەكونوميكا، جاساندى زەردە سەلبەستىگىن تەرەڭدەتىپ، جاسىل، تومەن كومىرتەكتى تيپتە بۇرىلىس جاساۋدى جەبەپ، جاڭالىق اشۋ باسىمدىعىن ارتتىرۋدىڭ قوزعاۋشى كۇشىنە ۇزدىكسىز اينالدىرىپ، ازيا - تىنىق مۇحيت ءوڭىرى ەكونوميكاسىنىڭ ارتۋىنا پارمەندى قوزعاۋشى كۇش ازىرلەۋ.
ءتورتىنشى، ءوزارا تيىمدىلىك جەتكىزىپ، تەڭ يگىلىككە كەنەلۋ جولىن كەڭەيتۋ. ساۋداداعى جانە قارجى قوسۋداعى كەدەرگىلەردى جويىپ، اشىق ازيا - تىنىق مۇحيت ەكونوميكاسىن قۇرۋمەن بىرگە، جالپىعا ءتيىمدى، بىركەلكى دامۋدى ىلگەرىلەتىپ، ونىمدىلىك پەن ادىلدىككە تەڭ ءمان بەرۋ. حالىقتى وزەك ەتكەن دامۋ ۇستانىمىنا تاباندى بولىپ، دامۋ جەتىستىكتەرىنەن ەكونوميكالىق تۇلعالار مەن تۇرلىشە جىكتەردى، ادامداردى يگىلىكتەندىرۋ. ازيا - تىنىق مۇحيت وڭىرىنە دۇنيە جۇزىندەگى ەڭ ماڭىزدى شىعاناق رايوندارى شوعىرلانعان، جۇڭگو دۇنيە جۇزىلىك شىعاناق رايوندار ەكونوميكالىق سەلبەستىك وداعىن قۇرۋدى قولداپ، شىعاناق رايوندارىنىڭ اۋىس - كۇيىسىن، ىقپالداستىعىن تەرەڭدەتىپ، ازيا - تىنىق مۇحيت ەكونوميكالىق سەلبەستىگىنىڭ جاڭا جولىن قاراستىرادى.
شي جينپيڭ مىنالاردى اتاپ كورسەتتى: جۇڭگو ەكونوميكاسى جاڭا، ساپالى، جاقسى دامۋ جاعدايىن ساقتاپ، قۇدىرەتتى سەرپىمدىلىك پەن ومىرشەڭدىك كۇشتى ايگىلەدى. الدىڭعى 3 توقساندا جۇڭگو ەكونوميكاسىنىڭ ارتۋ قارقىنى %4.6 كە جەتىپ، جاڭاشا وندىرگىش كۇشتەر جەدەل دامىپ، جاڭا دامۋ جاعدايى جەدەل قالىپتاسىپ، جاسىل، تومەن كومىرتەكتى تيپكە بۇرىلىس جاساۋ تەز، ورنىقتى بولدى. جۇڭگونىڭ ”15 - بەسجىلدىق“ جوباسى _ ءارى ءوزىنىڭ دامۋ جوباسى، ازيا - تىنىق مۇحيت وڭىرىنە، ءتىپتى، دۇنيە ءجۇزى ەكونوميكاسىنىڭ ارتۋىنا وراي سيلادى، بۇل جۇڭگونىڭ دۇنيە ءجۇزى ونەركاسىپ - ساۋدا سالاسىنا جولداعان سەلبەستىك ۇسىنىسى.
_ جۇڭگو دۇنيە ءجۇزىنىڭ ونەركاسىپ - ساۋدا سالاسىن ەرەكشە كولەمدى اشىق بازارمەن قامدايدى. جۇڭگو دۇنيە جۇزىندەگى ەكىنشى ۇلكەن تۇتىنۋ بازارى، دۇنيە جۇزىندەگى كولەمى ەڭ ۇلكەن ورتاشا كىرىستى قاۋىمعا يە، قارجى قوسۋ مەن تۇتىنۋدىڭ كومەسكى كۇشى زور. جۇڭگو اشىق ءىرى بازار قۇرۋدى جەدەلدەتىپ، ساپالى ونىمدەر مەن يمپورتقا قىزمەت وتەۋدى كەڭەيتىپ، الۋان ءتۇرلى جاڭا سۇرانىستى ۇزدىكسىز تۋىنداتۋدا. جۇڭگو ”جۇڭگوعا ەكسپورت ەتۋ“ سياقتى جەلىلەس قيمىلداردى ۇزدىكسىز وتكىزىپ، ءار ەل ساپالى تاۋارلارىنىڭ جۇڭگو بازارىنا كىرۋىنىڭ جوعارى ءونىمدى ارناسىن قۇرادى.
_ جۇڭگو دۇنيە ءجۇزىنىڭ ونەركاسىپ - ساۋدا سالاسىن بولاشاعى زور دامۋ كەڭىستىگىمەن قامدايدى. جاڭالىق اشۋ ارقىلى دەم بەرۋ، جاسىل تيپتە بۇرىلىس جاساۋ جۇڭگو ەكونوميكاسىنىڭ شەشۋشى ءسوزى. جۇڭگونىڭ ەرەكشە كولەمدى جاڭالىق اشۋ سىناق الاڭى الدىڭعى لەكتەگى تەحنيكانى ناقتى ورتادا سىننان وتكىزىپ، ۇرپاقتار بويى جاڭالاپ، جوعارى ساپالى دامۋدىڭ ومىرشەڭدىك كۇشىنە ۇزدىكسىز اينالدىردى. جۇڭگو وسىزاماندانعان كاسىپ جۇيەسىن جەدەل ورناتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، ءداستۇرلى كاسىپتەردىڭ تيپىن وزگەرتىپ، دارەجەسىن جوعارىلاتۋدى، جاڭادان گۇلدەنگەن كاسىپتەردىڭ دامۋىن، زورايۋىن، بولاشاق كاسىپتەردىڭ كورەگەندىكپەن ورنالاسۋىن قولداپ، دۇنيە جۇزىندەگى كاسىپورىنداردىڭ تەحنيكادا جاڭالىق اشۋىنا جانە دامىپ زورايۋىنا پارمەندى قوزعاۋشى كۇش ازىرلەيدى.
_ جۇڭگو دۇنيە ءجۇزىنىڭ ونەركاسىپ - ساۋدا سالاسىنا ءبىرىن - ءبىرى جەبەپ، بىرگە ىلگەرىلەيتىن سەلبەستىك ورتاسىن ازىرلەيدى. سىڭار جاقتىلىق، قورعامپازدىق سوققىسى الدىندا، جۇڭگو باستان - اياق ناعىز كوپ جاقتىلىقتى امالياتتا ايگىلەپ، دۇنيە ءجۇزى ەكونوميكاسىنىڭ ارتۋىنا جانە حالىقارالىق ەكونوميكا - ساۋدا سەلبەستىگىنە ورنىقتىلىق جانە تۇراقتىلىق ۇستەدى. حالىقارالىق جاعداي قالاي قۇبىلسا دا، جۇڭگونىڭ دۇنيە جۇزىندەگى ءار ەلمەن سەلبەسىپ تەڭ يگىلىككە كەنەلۋ بەكىمى وزگەرمەيدى، دۇنيە جۇزىندەگى كاسىپورىنداردىڭ جۇڭگوعا كەلىپ قارجى قوسىپ، شارۋاشىلىقتى گۇلدەندىرۋىنە اناعۇرلىم ورنىقتى، اناعۇرلىم مەجەلى ساپالى ورتا ازىرلەيدى.
شي جينپيڭ مىنالاردى باسا دارىپتەدى: ازيا - تىنىق مۇحيت ءوڭىرى _ ءبىزدىڭ بىرگە داميتىن ءورىسىمىز ءارى تىزە قوسا سەلبەسەتىن ساحنامىز. ازيا - تىنىق مۇحيت ونەركاسىپ - ساۋدا سالاسى _ دۇنيە ءجۇزى ەكونوميكاسىنىڭ تولقىنى. كوپشىلىكتىڭ جۇڭگونىڭ رەفورما جاساۋ، ەسىك اشۋ جانە وسىزامانداندىرۋ قۇرىلىسىنا ۇزدىكسىز بەلسەنە ات سالىسىپ، جۇڭگو ۇلگىسىندەگى وسىزامانداندىرۋ ورايىنان بىرگە يگىلىكتەنۋىن قارسى الامىز. ءبىز قول ۇستاسىپ، ەسىك اشۋ ارقىلى دامۋ قيىنشىلىعىن شەشىپ، جاڭالىق اشۋ ارقىلى ارتۋدى شوعىرلاندىرىپ، سەلبەستىك ارقىلى بىرگە يگىلىككە كەنەلۋدىڭ باقىتىن كوزدەپ، ازيا - تىنىق مۇحيت ورتاق تۇلعاسىن قۇرىپ، ازيا - تىنىق مۇحيت ءوڭىرىنىڭ نۇرلى بولاشاعىن بىرگە جاراتايىق!
چيليدىڭ زۇڭتۇڭى كاست، مالايزيانىڭ زۇڭليى ءانۋار قاتارلىلار قاتىناستى.
ساي چي، ۋاڭ ي، حى ليفىڭ، حۋاڭ كۇنميڭ، ۋاڭ شياۋحۇڭ قاتارلىلار قاتىناستى.
كەلۋ قاينارى: حالىق تورابى