بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ مەن پىڭ لييۋان ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 33 - رەتكى بەيرەسمي ماجىلىسىنە قاتىناسۋعا كەلگەن قوناقتاردى قارسى الۋ قوناعاسىسىن وتكىزدى

2026.11.19 16:13     كەلۋ قاينارى : حالىق تورابى

11 - ايدىڭ 18 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شىنجىن حالىقارالىق اۋىس - كۇيىس ورتالىعىندا قوناعاسى وتكىزىپ، ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 33 - رەتكى بەيرەسمي ماجىلىسىنە قاتىناسۋعا كەلگەن قوناقتاردى قارسى الدى. سۋرەتتە: شي جينپيڭ ارناۋ ءسوز سويلەۋدە.

سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن.

11 - ايدىڭ 18 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شىنجىن حالىقارالىق اۋىس - كۇيىس ورتالىعىندا قوناعاسى وتكىزىپ، ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 33 - رەتكى بەيرەسمي ماجىلىسىنە قاتىناسۋعا كەلگەن قوناقتاردى قارسى الدى. سۋرەتتە: شي جينپيڭ مەن پىڭ لييۋان قوناقتارمەن بىرگە سۋرەتكە ءتۇسىپ ەستەلىك قالدىرۋدا.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن.

«حالىق گازەتى»، 11 - ايدىڭ 18 - كۇنى، شىنجىن (تىلشىلەر پەي گۋاڭجياڭ، گۇڭ حان). 11 - ايدىڭ 18 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شىنجىن حالىقارالىق اۋىس - كۇيىس ورتالىعىندا قوناعاسى وتكىزىپ، ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 33 - رەتكى بەيرەسمي ماجىلىسىنە قاتىناسۋعا كەلگەن قوناقتاردى قارسى الدى.

شياڭمي كولىنىڭ جاعاسىندا شىراقتار سامالاداي جارقىرايدى، حالىقارالىق اۋىس - كۇيىس ورتالىعىندا ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەكونوميكالىق تۇلعالاردىڭ مۋزىكاسى ورىندالدى.

سەلبەستىك ۇيىمىنا مۇشە ەكونوميكالىق تۇلعالاردىڭ باسشىلارى، ۋاكىلدەرى جانە ولاردىڭ جۇبايلارى، ماجىلىسكە قاتىناسقان حالىقارالىق ۇيىمداردىڭ جاۋاپتىلارى ىركەس - تىركەس جەتىپ، قىزىل كىلەمدى بويلاپ العا تارتتى.

شي جينپيڭ مەن پىڭ لييۋان ىستىق ىقىلاسپەن قارسى الىپ، ولارمەن ىقىلاسپەن قول الىستى ءارى ەستەلىك سۋرەتكە ءتۇستى.

قوناقتاردى قارسى الۋ مۋزىكاسىنىڭ اۋەلەۋىندە شي جينپيڭ مەن پىڭ لييۋان قوناقتارمەن بىرگە قوناعاسى زالىنا كىردى.

شي جينپيڭ ارناۋ ءسوز سويلەپ، جۇڭگو ۇكىمەتى مەن جۇڭگو حالقى اتىنان سيلى قوناقتاردىڭ جۇڭگوعا كەلىپ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 33 - رەتكى بەيرەسمي ماجىلىسىنە قاتىناسۋىن قىزۋ قارسى الدى.

شي جينپيڭ مىنالاردى اتاپ كورسەتتى: مىڭ جىلدىق جۇڭگونى كورۋ ءۇشىن شي - انعا، 500 جىلدىق جۇڭگونى كورۋ ءۇشىن بەيجيڭگە، 100 جىلدىق جۇڭگونى كورۋ ءۇشىن شاڭحايعا، 50 جىلدىق جۇڭگونى كورۋ ءۇشىن شىنجىنگە بارىپ كورۋ كەرەك. ەسىك اشۋ _ شىنجىننىڭ تۋادا بىتكەن گەنى، جاڭالىق اشۋ _ شىنجىننىڭ ومىرشەڭدىك كۇشى، سەلبەستىك _ شىنجىننىڭ كۇش قاينارى. شىنجىننىڭ حيكاياسى _ جۇڭگونىڭ رەفورما جاساپ، ەسىك اشۋىنىڭ ىقشام كورىنىسى ءارى ازيا - تىنىق مۇحيت سەلبەستىگىنىڭ تابىستى ۇلگىسى.

شي جينپيڭ مىنالاردى باسا دارىپتەدى: ازيا - تىنىق مۇحيت ەكونوميكالىق سەلبەستىك ۇيىمى قۇرىلعاننان بەرى، ەسىك اشۋ، جاڭالىق اشۋ، سەلبەستىك جاساۋ ونىڭ ايقىن بەلگىسى بولىپ كەلەدى. سياتلدا تۇڭعىش قول الىسۋدان يانچيحۋ كولىندەگى تاريحي سالتاناتتى جينالىسقا دەيىن، بوگور نىساناسىنداعى ايبىندى ۋادەدەن ازيا - تىنىق مۇحيت ورتاق تۇلعاسىنىڭ ۇلى بولاشاعىنا دەيىن، ازيا - تىنىق مۇحيت ەكونوميكالىق سەلبەستىك ۇيىمى باستان - اياق ءداۋىر تامىرىن يگەرىپ، ازيا - تىنىق مۇحيت ءوڭىرى ەكونوميكاسىنىڭ ءبىر تۇلعالانۋ اياق الىسىنا جەتەكشىلىك ەتىپ، ازيا - تىنىق مۇحيت ءوڭىرىنىڭ دۇنيە ءجۇزى ەكونوميكاسىنداعى ەڭ ومىرشەڭدىك كۇشكە يە وڭىرگە جانە ماڭىزدى ارتتىرۋ قوزعالتقىشىنا اينالۋىنا دەم بەردى. جۇڭگو بيىلعى ازيا - تىنىق مۇحيت ەكونوميكالىق سەلبەستىك ۇيىمىنىڭ ءتوراعا ەلى بولعاننان بەرى، 16 قالادا 300 رەتتەن استام ءماجىلىس جانە قيمىل وتكىزىپ، ”جۇڭگو جىلىنىڭ“ اناعۇرلىم كوپ ماڭىزدى جەتىستىكتەرگە قول جەتكىزۋىنە ۇلەس قوستى، ەرتەڭگى باسشىلار ماجىلىسىندە ءار جاقپەن ازيا - تىنىق مۇحيت ءوڭىرىنىڭ سەلبەستىك ۇلى جوسپارىن اقىلداسۋدى، ازيا - تىنىق مۇحيتتىڭ دامۋ ۇلى ءىسىن بىرگە اقىلداسۋدى ءۇمىت ەتەمىن (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

قوناعاسىدان كەيىن شي جينپيڭ مەن پىڭ لييۋان قوناقتارمەن بىرگە ادەبيەت - كوركەمونەر كونسەرتىن كورىپ، ازيا - تىنىق مۇحيت وركەنيەتىنىڭ ءوزارا توعىسىپ شۇعىلا شاشقان، ءوز كوركەمدىگى مەن باسقالاردىڭ كوركەمدىگى توعىسقان سالتاناتتى كورىنىستەردى تاماشالاپ، ازيا - تىنىق مۇحيت ورتاق تۇلعاسىنىڭ ءوزارا پايدا جەتكىزىپ، تەڭ يگىلىككە كەنەلگەن، قول ۇستاسا تىلەكتەس بولعان جاراسىمدى سيمفونياسىن سەزىندى.

ساي چي، ۋاڭ ي، حى ليفىڭ، حۋاڭ كۇنميڭ، ۋاڭ شياۋحۇڭ قاتارلىلار قيمىلعا قاتىناستى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى