بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ رەسەيدىڭ زۇڭتۇڭى پۋتينمەن كەزدەستى

2026.11.19 16:14     كەلۋ قاينارى : حالىق تورابى

11 - ايدىڭ 18 - كۇنى مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن رەسەيدىڭ زۇڭتۇڭى پۋتينمەن كەزدەستى.

سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن.

«حالىق گازەتى»، 11 - ايدىڭ 18 - كۇنى، شىنجىن (تىلشىلەر لي شياۋحۇڭ، ياڭ چياۋچۋ). 11 - ايدىڭ 18 - كۇنى مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن رەسەيدىڭ زۇڭتۇڭى پۋتينمەن كەزدەستى.

شي جينپيڭ مىنالاردى اتاپ كورسەتتى: بيىل _ جۇڭگو مەن رەسەيدىڭ ستراتەگيالىق سەلبەستىك سەرىكتەستىك قاتىناسى ورناتىلعاندىعىنىڭ 30 جىلدىعى، سونداي - اق «جۇڭگو مەن رەسەيدىڭ تاتۋ كورشىلىك، دوستىق سەلبەستىك شارتىنا» قول قويىلعاندىعىنىڭ 25 جىلدىعى. جۇڭگو - رەسەي قاتىناسى ”بوران - شاشىننان تايسالمايدى“، ”ءار قانداي قيىن ساتتەردە ۇزاق بولاشاقتى كوزدەيدى“، بىلىقپالىق ورشىگەن دۇنيە جۇزىنە اناعۇرلىم كوپ ورنىقتىلىق جانە تۇراقتىلىق ازىرلەپ، تەڭ تۇرعىدا مامىلە جاسايتىن، ءوزارا قۇرمەت ەتەتىن، سەنىمدىلىككە ءمان بەرىپ، ادىلەتتى جاقتايتىن، سەلبەسىپ تەڭ يگىلىككە كەنەلەتىن جاڭاشا ءىرى ەلدىڭ قاتىناس ۇلگىسىن ورناتتى. بولاشاقتى بەتكە الىپ، ەكى جاقتىڭ ءورىس اشا العا ىلگەرىلەيتىن ومىرشەڭدىك كۇشىن ماڭگى ساقتاپ، جاڭا داۋىردەگى جۇڭگو - رەسەي قاتىناسىنىڭ كومەسكى كۇشى مەن ىشكى ءمانىن ۇزدىكسىز اشۋى كەرەك؛ تىڭعىلىقتى ىستەۋگە تاباندى بولىپ، ەكى ەلدىڭ جان - جاقتى سەلبەستىگىن تەرەڭدەتۋى كەرەك؛ ءىرى ەلدەردىڭ ءتيىستى مىندەتى مەن جاۋاپكەرشىلىگىن باتىل ارقالاپ، دۇنيە ءجۇزىنىڭ كوپ ۇيەكتەنۋى مەن حالىقارالىق قاتىناستىڭ دەموكراتيالانۋىنا جەتەكشىلىك ەتۋى جانە ونى ىلگەرىلەتۋى كەرەك.

شي جينپيڭ مىنالاردى باسا دارىپتەدى: ەكى جاق ەكى ەل ۇكىمەتتەرى، زاڭ شىعارۋ قۇرىلىمدارى، ارميا، پارتيا ارا قاتىناس مەحانيزمىنىڭ رولىن ساۋلەلەندىرىپ، ەكى ەل مەملەكەت باسشىلارى كەلىسكەن ورتاق تانىمداردىڭ ءونىمدى تياناقتانۋىنا شىنايى كەپىلدىك ەتۋى كەرەك. جۇڭگو مەن رەسەيدىڭ ناقتى سەلبەستىگى ءوزارا سەنىم ارتاتىن ساياسي باسىمدىققا، دامۋ، گۇلدەنۋ ورتاق نىساناسىنا، ءوزارا پايدا جەتكىزىپ، تەڭ يگىلىككە كەنەلەتىن تومەنگى ساتىداعى لوگيكاعا يە، قازىرگى سەلبەستىكتى ساپالىلاندىرىپ، كۇشەيتىپ، ساقتالۋ مولشەرىن بەكەمدەپ، ارتۋ مولشەرىن كەڭەيتۋ كەرەك. اناعۇرلىم ورنىقتى، مەجەلى قارجى قوسۋ جانە ساۋدا ورتاسىن ازىرلەپ، ەكى ەل كاسىپورىندارىنىڭ زاڭدى ۇقىق - مۇددەسىن ويداعىداي قورعاۋ كەرەك. جۇڭگو - رەسەي دامۋى ازيا - تىنىق مۇحيت ءوڭىرىنىڭ دامۋىمەن تىعىز بايلانىستى، ازيا - تىنىق مۇحيت ەكونوميكالىق سەلبەستىك ۇيىمى سەلبەستىكتى كۇشەيتۋدىڭ ماڭىزدى تۇعىرى. جۇڭگو رەسەيدى قامتىعان ازيا - تىنىق مۇحيت ۇلى شاڭىراعىمەن بىرگە ازيا - تىنىق مۇحيت ءوڭىرىنىڭ گۇلدەنىپ - كوركەيۋ، دامۋ ۇلى جوسپارىن بىرگە جوسپارلاپ، ازيا - مۇحيت ورتاق تۇلعاسىن قول ۇستاسا قۇرۋدى قالايدى.

پۋتين مىنالاردى ءبىلدىردى: جۇڭگو كوممۋنيستىك پارتياسى 20 - كەزەكتى ورتالىق كوميتەتى بەسىنشى جالپى ءماجىلىسىنىڭ ءساتتى اشىلعاندىعىن قىزۋ قۇتتىقتايمىن. بيىل جىل باسىنان بەرى، مەن ءتوراعا شي جينپيڭمەن 4 رەت ءونىمدى كەڭەس وتكىزدىم، رەسەي - جۇڭگو قاتىناسىنىڭ تاماشا دامۋ جاعدايىن ساقتاۋىن ىلگەرىلەتتىك، ەكى جاقتىڭ جوعارى جىكتەگىلەرىنىڭ بارىس - كەلىسى جيىلەپ، ەكى جاقتى ساۋدا سوماسى تاعى دا تىڭ دەڭگەيگە كوتەرىلدى، ءار سالاداعى ناقتى سەلبەستىكتە باياندى ىلگەرىلەۋشىلىككە قول جەتتى، رەسەي - جۇڭگو وقۋ - اعارتۋ تاقىرىپتىق جىلى قيمىلى كەڭ كولەمدە ورىستەتىلىپ، ۆيزاسىز ساياساتى ەكى ەل ادامدارىنىڭ بارىس - كەلىسىن بارىنشا جەبەدى. رەسەي جاق جۇڭگو جاقپەن ”ارقا سۇيەۋ“ ستراتەگيالىق سەلبەستىگىن كۇشەيتىپ، تاجىريبەلەردى قورىتىندىلاپ، بولاشاقتى جوسپارلاپ، ساۋدا، ەنەرگيا، وقۋ - اعارتۋ سياقتى سالالارداعى سەلبەستىكتى ىشكەرىلەي كەڭەيتىپ، گۋمانيتارلىق اۋىس - كۇيىستى كەڭەيتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى. جۇڭگونىڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن ءساتتى وتكىزگەندىگىن قۇتتىقتايمىن. رەسەي جۇڭگومەن بىرگە ازيا - تىنىق مۇحيت ءوڭىرىنىڭ دامۋىن، سەلبەستىگىن جەبەپ، دۇنيە ءجۇزىنىڭ كوپ ۇيەكتەنۋ اياق الىسىن بىرگە ىلگەرىلەتىپ، اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن ورناتۋدى ىلگەرىلەتىپ، حالىقارالىق قاتىناستىڭ ورنىقتىلىعىن قورعاۋدا ماڭىزدى رول اتقارۋدى قالايدى.

ساي چي، ۋاڭ ي، حۋاڭ كۇنميڭ قاتارلىلار كەزدەسۋگە قاتىناستى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى