مەملەكەتتىك 13 - كەزەكتى سپورت جينالىسى تيانجيندە سالتاناتپەن باستالدى
شي جينپيڭ اشىلۋ سالتىنا قاتىناستى ءارى جينالىستىڭ باستالعانىن جاريالادى
2017.08.28 16:25 كەلۋ قاينارى : حالىق تورابى
«حالىق گازەتى»، 27 - تامىز، تيانجين (تىلشىلەر حۋ گو، لي جۇڭۋىن، دۋ شاڭزى). جۇڭحۋا حالىق رەسپۋبليكاسىنىڭ 13 - كەزەكتى سپورت جينالىسى 27 - تامىز كەشتە تيانجيندە سالتاناتپەن باستالدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اشىلۋ سالتىنا قاتىناستى ءارى جينالىستىڭ باستالعانىن جاريالادى.27
- تامىز كەشتە تيانجين وليمپيادالىق ستاديونى سامالاداي جارقىراپ، كورىكتى بەينەگە ەندى، الاڭدى قۋانىش كەرنەپ، دابىل ءۇنى اسپاندى جاڭعىرىقتىرىپ، شالقار شاتتىق قۇشاعىنا شومدى.
19 ساعات 57 مينۋتتا ويناقى مۋزىكا ءۇنى ىشىندە شي جينپيڭ قاتارلىلار ءتوراعالار مىنبەسىنە كوتەرىلىپ، كورەرمەندەرگە قول بۇلعاپ قۇرمەت ءبىلدىردى. الاڭنان ۇزاققا سوزىلعان قىزۋ شاپالاق ءۇنى كوتەرىلدى.
20 ساعاتتا مەملەكەتتىك 13 - كەزەكتى سپورت جينالىسىنىڭ اشىلۋ سالتاناتى رەسمي باستالدى. اسقاق تا اسەم «وتاندى جىرلايمىز» ءانىنىڭ اۋەنىمەن قۇرمەت قاراۋىلىنىڭ مۇشەلەرى نارتتاي جايناعان بەس جۇلدىزدى قىزىل تۋدى ۇستاپ ستاديونعا كىردى. قۇيقىلجىعان «سپورتشىلار مارىشى» ورىندالىپ، مەملەكەتتىك سپورت جينالىسىنىڭ تۋى، مەملەكەتتىك 13 - كەزەكتى سپورت جينالىسىنىڭ تۋى جانە 100 تۋشىدان ۇيىمداسقان شارشى توپ پەن تورەشىلەر ۋاكىلدەرىنىڭ شارشى توبى ءتوراعالار مىنبەسىنە قاراي ءجۇردى، ولاردىڭ ءىزىن باسا 38 ۋاكىلدەر ۇيىرمەسىنىڭ رۋحى اسقاق سپورتشى ۋاكىلدەرى كەلدى، ولار ولكە، اۆتونوميالى رايون، توتە قاراستى قالالاردان، شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان، ازاتتىق ارميادان، شينجياڭ ءوندىرىس - قۇرىلىس بيڭتۋانىنان جانە 3 كاسىپتىك سپورت قوعامىنان كەلگەن. كورەرمەندەر شاتىرلاعان شاپالاق ۇنىمەن، الاقايلاعان شات داۋىسپەن سپورتشىلارعا قۇرمەت ءبىلدىردى.
الاڭعا كىرۋ اياقتاعاننان كەيىن بارلىق ادام تەگىس ورىندارىنان تۇرىپ جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. ايبىندى مەملەكەت ءانى ىشىندە بەس جۇلدىزدى قىزىل تۋ باياۋ كوتەرىلىپ، جەلبىرەدى.
تيانجين قالالىق پارتكومنىڭ شۋجيى لي حۇڭجۇڭ تيانجين قالالىق پارتكوم، قالالىق ۇكىمەت جانە قالاداعى 16 ميلليون حالىق اتىنان سيلى قوناقتار مەن سپورتشى، باپكەر، تورەشىلەردى ىستىق ىقىلاسپەن قارسى الدى ءارى ولارعا شىن ىقىلاسپەن العىس ايتتى.
مەملەكەتتىك 13 - كەزەكتى سپورت جينالىسى ۇيىمداستىرۋ كوميسسياسىنىڭ مەڭگەرۋشىسى، مەملەكەتتىك دەنەتاربيە باس مەكەمەسىنىڭ باستىعى گوۋ جۇڭۋىن بەتاشار ءسوزىن سويلەپ، وسى كەزەكتى سپورت جينالىسىن وتكىزىپ وتىرعان تيانجين قالاسىنا شىن ىقىلاسپەن راقىمەت ايتىپ، مەملەكەتتىك سپورت جينالىسىنا دايىندالعان قىزمەتكەرلەر مەن ەرىكتىلەرگە اسا جوعارى باعا بەردى.
20 ساعات 40 مينۋتتا شي جينپيڭ اسقاق ۇنمەن: «جۇڭحۋا حالىق رەسپۋبليكاسىنىڭ 13 - كەزەكتى سپورت جينالىسى باستالدى!» دەپ جاريالادى، سول ساتتە ستاديون قىزۋ مەرەيگە شومىپ، شاپالاق ءۇنى مەن الاقايلاعان داۋىستار كوپكە دەيىن تولاستامادى.مەملەكەتتىك 13 - كەزەكتى سپورت جينالىسىنىڭ ءان ۇرانى ورىندالىپ، مەملەكەتتىك سپورت جينالىسىنىڭ تۋى مەن مەملەكەتتىك 13 - كەزەكتى سپورت جينالىسىنىڭ تۋى شىعارىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
