- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سىرتقى ىستەر مينيسترلىگى «دۇنيە جۇزىلىك ۇيعۇرلار قۇرىلتايىنىڭ» «28 – قازان» وقيعاسى جونىندەگى كۇدىگىنە قاتاڭ جاۋاپ قايتاردى
2013.11.01 15:01 كەلۋ قاينارى : حالىق تورابى
سۇراۋ: حابارعا قاراعاندا «دۇنيە جۇزىلىك ۇيعۇرلار قۇرىلتايى» جۇڭگو ۇكىمەتىنىڭ «28 – قازان» وقيعاسىن ءبىرجاقتىلى ەتۋىنەن كۇدىكتەنىپ، بۇل تۋرالى ايىرىم تەكسەرۋ جۇرگىزۋدى تالاپ ەتكەن ءارى جۇڭگو ۇكىمەتىنىڭ ۇلت – ءدىن ساياساتىنا سىن ايتقان. جۇڭگو ۇكىمەتى بۇعان قالاي قارايدى؟
جاۋاپ: بەيجيڭ قالالىق قوعام حاۋىپسىزدىك مەكەمەسى «28 – قازان» وقيعاسىنىڭ باستاپقى تەكسەرۋ ناتيجەسىن جاريالادى. ساقشى جاعى باستاپقى تەكسەرۋگە نەگىزدەلىپ مۇنى استىرتىن جوسپارلانعان، ۇيىمدى، ماقساتتى تۇردە الىپ بارعان زورلىقتى كۇش لاڭكەستىك شابۋىلداۋ وقيعاسى دەپ تۇراقتاندىردى. كۇناسىز جاي حالىق پەن ساياحاتشىلارعا قاراتىلعان مۇنداي لاڭكەستىك وقيعا ادامزاتقا، قوعامعا، وركەنيەتكە قارسى قىلمىستىق ارەكەت بولىپ، ادامگەرشىلىكتى بىلەتىن زەردەلى جانداردىڭ بۇعان قارعىس ايتىپ، ونى قاتاڭ جازعىرارى داۋسىز.
جۇڭگو زاڭمەن باسقارىلاتىن ەل، جۇڭگو ۇكىمەتى بۇكىل ەلدەگى ءار ۇلت حالقىنىڭ دىنگە سەنۋ ەركىندىگىن قامتىعان ءتۇرلى ۇقىقتارىن زاڭ بويىنشا قورعايدى. زورلىقتى كۇش لاڭكەستەرىن زاڭ بويىنشا قاتاڭ جازالاۋ زاڭنىڭ بەدەلىن قورعاۋدىڭ قاجەتى، قوعام ءتارتىبىن قورعاۋدىڭ قاجەتى، سونداي-اق نەگىزگى ادامدىق ۇقىقتى قورعاۋدىڭ قاجەتى. زاڭمەن باسقارۋدى قۋاتتايتىن ءارقانداي ءبىر جاۋاپكەر ۇكىمەت زورلىقتى كۇش لاڭكەستىك ارەكەتىنە استە جول بەرمەيدى.
جۇڭگو ۇكىمەتى بۇرىننان ءارقانداي فورماداعى لاڭكەستىككە باتىل قارسى تۇرادى جانە وعان قاتاڭ سوققى بەرەدى. ءبىز لاڭكەستىككە قارسى تۇرۋ ماسەلەسىندە «قوس ولشەم» قولدانۋعا قارسى تۇرامىز، لاڭكەستىكتى بەلگىلى ۇلت نەمەسە دىنمەن بايلانىستىرۋعا قارسى تۇرامىز. ءىشىنارا ادامدار ات توبەلىندەي از ساندى ۇشقارىلاردىڭ زورلىقتى كۇش لاڭكەستىك ارەكەتىن ۇلت، ءدىن ماسەلەسىمەن شاتاستىرىپ، ءتىپتى وسىنى جەلەۋ ەتىپ جۇڭگونىڭ ۇلت-ءدىن ساياساتىنا سوقتىعۋدى كوزدەپ وتىر، بۇل مۇلدە قاتە، مۇندا بوتەن نيەت جاتىر.
ەسىڭىزگە مىنانى سالا كەتەيىن، اتالمىش «شىعىس تۇركىستان» لاڭكەستەرى جۇڭگونى بولشەكتەپ، شينجياڭدا اتالمىش «شىعىس تۇركىستان مەملەكەتىن» قۇرۋ ماقساتىنا جەتۋ ءۇشىن، ۇزاقتان بەرى بولشەكتەۋ ارەكەتىمەن اينالىسىپ كەلدى، ءتىپتى حالىقاراداعى لاڭكەستەرمەن استاسىپ جۇڭگودا زورلىقتى كۇش لاڭكەستىك ارەكەتتەرىن جۇرگىزىپ، جۇڭگونىڭ دامۋى مەن ورنىقتىلىعىن بۇلدىرۋگە سۇقتاندى. حالىقارالىق قوعام مەن قاتىستى جاقتاردىڭ مۇنى سەرگەكتىكپەن تانۋىن، مەديالاردىڭ قاتىستى ىستەردى حابارلاعاندا جانە باعا بەرگەندە قاتىستى فاكتىلەردى، ءىستىڭ شىن سىرىن جانە ءمانىن بايىپتىلىقپەن وبيەكتيۆ تۇرعىدان جان – جاقتىلى تانۋىن ءۇمىت ەتەمىز.
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
