- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى، مەملەكەتتىك كەڭەس «مەملەكەت مەنشىگىندەگى كاسىپورىنداردىڭ رەفورماسىن تەرەڭدەتۋ جونىندەگى جەتەكشى پىكىردى» باسىپ تاراتتى
2015.09.14 13:18 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 13 - قىركۇيەكتە بەيجيڭنەن بەرگەن حابارى. ج ك پ ورتالىق كوميتەتى، مەملەكەتتىك كەڭەس تاياۋدا «مەملەكەت مەنشىگىندەگى كاسىپورىنداردىڭ رەفورماسىن تەرەڭدەتۋ جونىندەگى جەتەكشى پىكىردى» (تومەندە قىسقارتىلىپ «جەتەكشى پىكىر» دەلىنەدى) باسىپ تاراتتى. بۇل جاڭا داۋىردەگى مەملەكەت مەنشىگىندەگى كاسىپورىنداردىڭ رەفورماسىنا جەتەكشىلىك ەتەتىن جانە ونى ىلگەرىلەتەتىن پروگراممالىق حۇجات، ءسوز جوق، مەملەكەت مەنشىگىندەگى كاسىپورىندار دامۋىنىڭ جاڭا پاراعىن اشادى.
«جەتەكشى پىكىر» 8 تاراۋ 30 تارماقتان قۇرالعان، وندا رەفورمانىڭ جالپى تالابىنان مەملەكەت مەنشىگىندەگى كاسىپورىنداردىڭ رەفورماسىن تۇرلەر بويىنشا ىلگەرىلەتۋگە، وسى زامانعى كاسىپورىن ءتۇزىمىن جانە مەملەكەت مەنشىگىندەگى مال - مۇلىكتى باسقارۋ ءتۇزىلىسىن كەمەلدەندىرۋگە، ارالاس مەنشىكتەگى شارۋاشىلىقتى دامىتۋعا، مەملەكەت مەنشىگىندەگى مال - مۇلىكتىڭ زياندالۋىنان ساقتانۋدى باقىلاۋدى كۇشەيتۋگە، پارتيانىڭ مەملەكەت مەنشىگىندەگى كاسىپورىندارعا باسشىلىعىن كۇشەيتۋ جانە جاقسارتۋعا، مەملەكەت مەنشىگىندەگى كاسىپورىنداردىڭ رەفورماسىنا تاماشا ورتا، شارت - جاعدايىن ازىرلەۋگە دەيىنگى ءار جاقتان جاڭا داۋىردەگى مەملەكەت مەنشىگىندەگى كاسىپورىندار رەفورماسىنىڭ نىساناسى مەن مىندەتتەرى جانە كەلەلى شارالارى جاپپاي العا قويىلدى.
«جەتەكشى پىكىردە» بىلاي دەپ اتاپ كورسەتىلدى: مەملەكەت مەنشىگىندەگى كاسىپورىندار رەفورماسىن تەرەڭدەتۋدە، ءسوز جوق، نەگىزگى شارۋاشىلىق تۇزىمىنە تاباندى بولۋ جانە ونى كەمەلدەندىرۋ، سوتسياليستىك بازار شارۋاشىلىعى رەفورماسىنىڭ بەتالىسىنا تاباندى بولۋ، ومىرشەڭدىك كۇشتى ارتتىرۋعا جانە باقىلاۋ مەن باسقارۋدىڭ ءوزارا ۇشتاسۋىن كۇشەيتۋگە تاباندى بولۋ، پارتيانىڭ مەملەكەت مەنشىگىندەگى كاسىپورىندارعا باسشىلىعىنا تاباندى بولۋ، بەلسەندى، ۇتىمدى، ءبىر تۇتاس ىلگەرىلەتۋگە تاباندى بولۋ كەرەك.
رەفورمانىڭ باعىتتامالىلىعىن، باقىلاۋ - باسقارۋدىڭ ونىمدىلىگىن، تەكسەرۋدىڭ، باعالاۋدىڭ عىلميلىعىن جوعارىلاتۋ ءۇشىن، «جەتەكشى پىكىردە» مىنالار العا قويىلدى: مەملەكەت مەنشىگىندەگى كاپيتالدىڭ ستراتەگيالىق ورنىنا جانە دامۋ نىساناسىنا نەگىزدەلىپ، مەملەكەت مەنشىگىندەگى ءار ءتۇرلى كاسىپورىنداردىڭ ەكونوميكالىق، قوعامدىق دامۋداعى رولىنا، قازىرگە احۋالىنا جانە دامۋ قاجەتىنە ۇشتاستىرىپ، مەملەكەت مەنشىگىندەگى كاسىپورىندار ساۋدا تۇرىندەگى جانە الەۋمەتتىك يگىلىك تۇرىندەگى كاسىپورىندار بولىپ بولىنەدى، سونداي - اق تۇرلەر بويىنشا رەفورما جاساۋ، تۇرلەر بويىنشا دامىتۋ، تۇرلەر بويىنشا باقىلاۋ - باسقارۋ، تۇرلەر بويىنشا جاۋاپتاندىرۋ، تۇرلەر بويىنشا تەكسەرۋ اتقارىلىپ، مەملەكەت مەنشىگىندەگى كاسىپورىنداردىڭ بازار شارۋاشىلىعىمەن ىشكەرىلەي توعىسۋى ىلگەرىلەتىلىپ، مەملەكەت مەنشىگىندەگى كاسىپورىنداردىڭ ەكونوميكالىق ونىمدىلىگى مەن قوعامدىق ونىمدىلىگىنىڭ ورگانيكالىق بىرلىگى جەبەلەدى. ساۋدا تۇرىندەگى مەملەكەت مەنشىگىندەگى كاسىپورىندار بازارلاندىرۋ تالابى بويىنشا ساۋدا ارناسىمەن جۇمىس جۇرگىزىپ، مەملەكەت مەنشىگىندەگى شارۋاشىلىقتىڭ ومىرشەڭدىك كۇشىن نىعايتۋ، مەملەكەت مەنشىگىندەگى كاپيتالدىڭ يقۋاتىن ارتتىرۋ، مەملەكەت مەنشىگىندەگى كاپيتالدىڭ قۇنىن ساقتاۋ، قۇنىن ارتتىرۋدى باستى نىسانا ەتەدى. الەۋمەتتىك يگىلىك تۇرىندەگى مەملەكەت مەنشىگىندەگى كاسىپورىندار حالىق تۇرمىسىن قامتاماسىز ەتۋدى، قوعامعا قىزمەت كورسەتۋدى، الەۋمەتتىك ونىمدەرمەن قامداۋدى جانە قىزمەت كورسەتۋدى باستى نىسانا ەتەدى. كىم قارجى شىعارسا، سول تۇرگە ايىرۋ پرينسيبى بويىنشا، قارجى شىعارۋشى جاۋاپكەرشىلىگىن ۇستىنە العان قۇرىلىم قارجى شىعارعان كاسىپورىننىڭ فۋنكتسيا شەكاراسىن بەلگىلەۋ جانە تۇرگە ايىرۋ جوباسىن جاساۋعا، جەرگىلىكتى مەملەكەت مەنشىگىندەگى كاسىپورىنداردىڭ فۋنكتسياسىن تۇرگە ايىرۋعا، احۋالعا قاراي رەتكە سالۋعا جاۋاپتى بولادى.
مەملەكەت مەنشىگىندەگى كاسىپورىنداردا ورىن تەۋىپ وتىرعان شەكتەۋدىڭ جەتكىلىكسىز بولۋ ماسەلەسىنە مەڭزەس، «جەتەكشى پىكىردە» مىنالار العا قويىلدى: ءار ءتۇرلى قارجىگەرلەردى بەلسەنە باۋراپ، جارنا ۇقىعىنىڭ كوپ تۇرلىلىگىن جۇزەگە اسىرۋ، مەملەكەت مەنشىگىندەگى كاسىپورىنداردىڭ ءتۇزىمىن وزگەرتىپ، جارنا بازارىنا كىرۋىن بارىنشا ىلگەرىلەتۋ، توپ سەرىكتەستىكتەردىڭ جالپىلىق جارنا بازارىنا كىرۋىنە شارت - جاعداي ازىرلەۋ كەرەك. مەملەكەت مەنشىگىندەگى ءىشىنارا كاسىپورىنداردىڭ القالار كەڭەسىنىڭ اتى بار، زاتى جوق، «ءبىرىنشى باسشىنىڭ» ايتقانى عانا ەسەپ بولۋ سىندى ماسەلەلەرگە مەڭزەس، جونگە سالۋ قۇرىلىمىن كەمەلدەندىرۋدەگى ماڭىزدى ءتۇيىن − القالار كەڭەسى قۇرىلىسىن ىلگەرىلەتۋدە، شەشىمدەردىڭ اتقارىلۋىن باقىلاۋدىڭ ۇقىق پەن جاۋاپكەرشىلىك تەڭ، اينالىم سايكەسىمدى، تەڭگەرۋ ءونىمدى بولعان مەحانيزمىن قۇرۋدا جانە اقاۋسىزداندىرۋدا ەكەندىگى العا قويىلدى. ءبىر جاعىنان، القالار كەڭەسىنىڭ قىزمەت ۇقىعىن شىنايى تياناقتاندىرۋ جانە قورعاۋ كەرەك، زاڭ ۇقىق بەرمەگەن ءارقانداي ۇكىمەتتىك تاراۋدىڭ جانە قۇرىلىمنىڭ كيلىگۋىنە بولمايدى؛ ەندى ءبىر جاعىنان، القالار كەڭەسىنىڭ ىشكى جاعىنداعى تەڭگەرۋ، تەجەۋدى كۇشەيتۋ كەرەك. مەملەكەت مەنشىگىندەگى ءىشىنارا كاسىپورىنداردىڭ شابىتتاندىرۋىنىڭ، تەجەۋىنىڭ تولىق بولماۋى، ومىرشەڭدىك كۇشىنىڭ جەتكىلىكسىز بولۋى ماسەلەلەرىنە مەڭزەس، مىنالار العا قويىلدى: سوتسياليستىك بازار شارۋاشىلىعىمەن ءوزارا ۇيلەسەتىن كاسىپورىنداردىڭ ەڭبەكاقىسىن بولىسكە سالۋ ءتۇزىمىن جولعا قويىپ، ەڭبەككۇش بازارىمەن نەگىزىنەن سايكەسەتىن، كاسىپورىنداردىڭ ەكونوميكالىق ونىمدىلىگىمەن جانە ەڭبەك ءوندىرىس مولشەرىمەن ءوزارا بايلانىستىرىلعان ەڭبەكاقى بەلگىلەۋ جانە قالىپتى ارتتىرۋ مەحانيزمىن قۇرۋ جانە اقاۋسىزداندىرۋ كەرەك، مەملەكەت مەنشىگىندەگى كاسىپورىنداردىڭ باسشىلارىنا سايلاۋ، مىندەتكە قويۋ تاسىلىمەن ءوزارا ساي كەلەتىن، كاسىپورىنداردىڭ فۋنكتسياسىمەن، سيپاتىمەن ءوزارا سايكەستىرىلگەن، شارۋاشىلىق ناتيجەسىمەن ءوزارا بايلانىستىرىلعان پارىقتى ەڭبەكاقى ءبولىسى ءادىسىن اتقارۋ كەرەك، سونىمەن بىرگە، كاسىپورىنداردىڭ ىشكى جاعىنداعى ادام ىستەتۋ ءتۇزىمى رەفورماسىن ۇزدىكسىز تەرەڭدەتىپ، بازارعا بەت الدىرۋ جولىمەن سايلاناتىن، ۇسىنىس ەتىلەتىن كاسىپتىك مەڭگەرۋشىلەردىڭ سالىستىرماسىن ۇيلەسىمدى ارتتىرىپ، كاسىپورىنداعى ءار ءتۇرلى باسقارۋشىلاردىڭ جانە قىزمەتكەرلەردىڭ ۇيلەسىمدى جىلجۋ مەحانيزمىن شىنايى قالىپتاستىرۋ كەرەك.
مەملەكەت مەنشىگىندەگى كاسىپورىنداردىڭ مال - مۇلكىن باقىلاۋ - باسقارۋ قىزمەتىندە ورىن تەۋىپ وتىرعان ۇقىق كولەمىنەن اسىرا جۇمىس جۇرگىزۋ، مىندەتىن مۇقيات اتقارماۋ، مىندەتىن اتقارا الماۋ سىندى ماسەلەلەرگە مەڭزەس، كاسىپورىنداردى باسقارۋدى نەگىزگى بەتالىس، كاپيتالدى باسقارۋدى نەگىزگى بۇرىلىس ءتۇيىنى ەتۋ تالابىنا ساي، «جەتەكشى پىكىردە» مىنالار العا قويىلدى: ءبىرىنشى، كاپيتالدى باسقارۋدى نەگىز ەتە وتىرىپ، مەملەكەت مەنشىگىندەگى مال - مۇلىكتى باقىلاۋ - باسقارۋ قۇرىلىمدارىنىڭ فۋنكتسياسىنا بۇرىلىس جاساۋدى ىلگەرىلەتىپ، قارجىگەردىڭ قىزمەت جاۋاپكەرشىلىگىن زاڭ بويىنشا اتقارۋ ورنىن دۇرىس يگەرۋ، مەملەكەت مەنشىگىندەگى كاپيتالدىڭ جايعاسۋىن ءتۇيىندى باسقارۋ، كاپيتال اينالىمىن ارناعا ءتۇسىرۋ، كاپيتالدىڭ پايداسىن جوعارىلاتۋ، كاپيتالدىڭ حاۋىپسىزدىگىن قورعاۋ، ۇقىقتى باقىلاۋ - باسقارۋ ەسەبىن جانە جاۋاپكەرشىلىكتى باقىلاۋ - باسقارۋ ەسەبىن ورناتۋ كەرەك. ەكىنشى، كاپيتالدى باسقارۋدى نەگىز ەتىپ، مەملەكەت مەنشىگىندەگى كاپيتالدىڭ شارۋاشىلىق جۇرگىزۋ ۇقىعىن الۋ تۇزىلىسىنە رەفورما جاساپ، مەملەكەت مەنشىگىندەگى كاپيتالدان قارجى قوسىلعان، جۇمىسقا تۇسكەن سەرىكتەستىكتەردى وزگەرتىپ قۇرۋ، قايتا قۇرۋ كەرەك. ءۇشىنشى، كاپيتالدى باسقارۋدى نەگىز ەتىپ، مەملەكەت مەنشىگىندەگى كاپيتالدىڭ ۇيلەسىمدى جىلجۋىن، ساپالى جايعاسۋىن ىلگەرىلەتىپ، مەملەكەت مەنشىگىندەگى كاسىپورىنداردان ءبىر توبىن اداقتاۋ، ءبىر توبىن قايتا ۇيىمداستىرۋ، بىرىكتىرۋ، ءبىر توبىن جاڭالىق اشۋ جولىمەن دامىتۋ كەرەك. ءتورتىنشى، كاپيتالدى باسقارۋدى نەگىز ەتىپ، شارۋاشىلىق سيپاتتى مەملەكەت مەنشىگىندەگى مال - مۇلىكتىڭ شوعىرلى، ءبىر تۇتاس باقىلانىپ باسقارىلۋىن ىلگەرىلەتىپ، مەملەكەت مەنشىگىندەگى بارلىق كاسىپورىندى قامتىعان، دارەجە بويىنشا باسقارىلاتىن مەملەكەت مەنشىگىندەگى كاپيتالدىڭ شارۋاشىلىق مەجە ەسەپ ءتۇزىمىن ورناتۋ كەرەك.
«جەتەكشى پىكىردە» مىنالار العا قويىلدى: ارالاس مەنشىكتى شارۋاشىلىقتى دامىتۋدىڭ نىساناسى − مەملەكەت مەنشىگىندەگى كاسىپورىنداردىڭ شارۋاشىلىق مەحانيزمىنە بۇرىلىس جاساۋ، مەملەكەت مەنشىگىندەگى كاپيتالدىڭ رولىن ۇلعايتۋ، مەملەكەت مەنشىگىندەگى كاپيتالدىڭ جايعاسۋى مەن اينالىم ونىمدىلىگىن جوعارىلاتۋ، ءتۇرلى مەنشىكتەگى كاپيتالدىڭ ءبىر - ءبىرىنىڭ ارتىقشىلىعىن قابىلداپ، ولقىلىقتاردى تولىقتاۋىن، ءوزارا جەبەۋىن، بىرگە دامۋىن ىسكە اسىرۋ. جەرگىلىكتى جاعدايعا، كاسىپ سالاسىنىڭ جاعدايىنا، كاسىپورىننىڭ جاعدايىنا قاراي شارا قولدانۋدا تاباندى بولۋ، ءبارىن ءبىر شىبىقپەن ايداماۋ، ۋاقىت بەلگىلەمەۋ، شارت - جاعدايى پىسىپ - جەتىلگەندەرىن ىلگەرىلەتىپ وتىرۋ كەرەك. مەملەكەت مەنشىگىنە جاتپايتىن كاپيتال سۋبيەكتتەرىن قارجى قوسۋ، جارنا قوسۋ، جارنا ۇقىعىن ساتىپ الۋ، وتكەرۋگە بولاتىن زايومعا جازىلۋ، جارنا ۇقىعىن اۋىستىرۋ سياقتى ءتۇرلى تاسىلدەرمەن مەملەكەت مەنشىگىندەگى كاسىپورىنداردىڭ رەفورماسىنا ات سالىسۋعا شابىتتاندىرۋ، مەملەكەت مەنشىگىندەگى كاپيتالدى ءتۇرلى جولدارمەن مەملەكەت مەنشىگىنە جاتپايتىن كاسىپورىندارعا جارنا قوسۋعا شابىتتاندىرۋ كەرەك.
مەملەكەت مەنشىگىندەگى كاپيتالدىڭ زياندالۋىنىڭ الدىن الۋدى باقىلاۋدى كۇشەيتۋ جونىندە، «جەتەكشى پىكىردە» بىلاي دەلىندى: ءبىرىنشى، كاسىپورىنداردىڭ ىشكى جاعىنداعى باقىلاۋدى كۇشەيتۋ، شەشۋشى قىزمەت ورىنىن، ءتۇيىندى ادامداردى، وتە - موتە، ءبىرىنشى باسشىنى» باقىلاۋدى كورنەكتىلەندىرىپ، ۇقىق شوعىرلانعان، قارجى كوپ، بايلىق مول، مال - مۇلىك توپتالعان تاراۋلار مەن قىزمەت ورىندارىن باقىلاۋدى كۇشەيتىپ، ۇقىقتىڭ بەتالدى پايدالانىلۋىنان ساقتانۋ كەرەك؛ ەكىنشى، جوعارى ءونىمدى سايكەسىمدى سىرتقى باقىلاۋ مەحانيزمىن ورناتىپ جانە كەمەلدەندىرىپ، قارجى قوسۋشى جاقتىڭ باقىلاۋ - باسقارۋى، باقىلاۋ القاسىن جىبەرىپ باقىلاۋ جانە قازىنالىق تەكسەرۋ جۇرگىزۋ، ءتارتىپ تەكسەرۋ، باقىلاۋ - تەكسەرۋ، ارالاپ تەكسەرۋ سياقتى باقىلاۋشى كۇشتەردى بىرىكتىرىپ، باقىلاۋ قىزمەت كەڭەسى ءتۇزىمىن ورناتىپ، ءبىر تۇتاس جوسپاردى كۇشەيتىپ، قايتالاما تەكسەرۋلەردى ازايتىپ، باقىلاۋ ءونىمىن جوعارىلاتۋ كەرەك؛ ءۇشىنشى، ينفورماتسيانى اشىق ۇستاپ، قوعامنىڭ باقىلاۋىن كۇشەيتۋ كەرەك؛ ءتورتىنشى، كەلەلى ىستەرگە شەشىم جاساۋدا اعاتتىق جىبەرگەندەردىڭ، قىزمەت بورىشىن وتەمەگەندەردىڭ، قىزمەتتە جاۋاپكەرسىزدىك ىستەگەندەردىڭ جاۋاپكەرشىلىگىن قۋزاستىرۋ جانە قايىرىلا تەكسەرۋ مەحانيزمىن ورناتۋ، كەمەلدەندىرۋ، مەملەكەت مەنشىگىندەگى مال - مۇلىكتى قىمقىرعان، قيانات ىستەگەن، تاسىعان، توگىپ - شاشقان جانە فينانس قارىزىنان قاشقالاقتاعان ارەكەتتەردى قاتاڭ تەكسەرىپ، ءبىر جايلى ەتۋ كەرەك.
پارتيانىڭ مەملەكەت مەنشىگىندەگى كاسىپورىندارعا باسشىلىعىن كۇشەيتۋ جانە جاقسارتۋ جونىندە، «جەتەكشى پىكىردە» بىلاي دەپ باسا دارىپتەلدى: پارتيانىڭ باسشىلىعىن كۇشەيتۋ مەن سەرىكتەستىكتى جونگە سالۋدى بىرلىككە كەلتىرىپ، پارتيا قۇرىلىسى قىزمەتىنىڭ جالپى تالابىن مەملەكەت مەنشىگىندەگى كاسىپورىنداردىڭ ۋستاۆىنا ەنگىزىپ، مەملەكەت مەنشىگىندەگى كاسىپورىنداردىڭ پارتيا ۇيىمىنىڭ سەرىكتەستىكتىڭ زاڭدىق يەسىن جونگە سالۋ قۇرىلىمىنداعى زاڭدىق بەدەلىن ايقىنداپ، پارتيانى قاتاڭ باسقارۋ، پارتيانى قاتاڭ جونگە سالۋدىڭ جاۋاپكەرشىلىگىن شىنايى ارقالاپ جانە ويداعىداي تياناقتاندىرىپ، مەملەكەت مەنشىگىندەگى كاسىپورىنداردىڭ باسشىلىق القا قۇرىلىسى مەن دارىندىلار قوسىنى قۇرىلىسىن اناعۇرلىم كۇشەيتۋ كەرەك. مەملەكەت مەنشىگىندەگى كاسىپورىنداردىڭ باسشىلارىنا، وتە - موتە، نەگىزگى باسشىلارعا كۇندەلىكتى باقىلاۋ - باسقارۋ جۇرگىزۋدى جانە جان - جاقتى تەكسەرىپ باعالاۋدى كۇشەيتىپ، قىزمەتتىڭ ۇددەسىنەن شىعا المايتىن، جارامسىز باسشىلاردى دەر كەزىندە رەتتەۋ كەرەك. مەملەكەت مەنشىگىندەگى كاسىپورىنداردىڭ جەمقورلىققا قارسى تۇرىپ، پاكتىكتى دارىپتەۋدەگى «ەكى جاۋاپكەرشىلىگىن» شىنايى تياناقتاندىرىپ، جەمقورلىققا قارسى تۇرىپ، پاكتىكتى دارىپتەۋ ءتۇزىمى جۇيەسىن كەمەلدەندىرىپ، كاسىپورىن باسشىلارىن جەمقورلىق ىستەۋگە باتىلدىعىن جەتكىزبەيتىن، ولاردى جەمقورلىققا جىبەرمەيتىن، جەمقورلىقتى ويعا الدىرمايتىن ءونىمدى مەحانيزم قۇرۋ ءۇشىن قۇلشىنۋ كەرەك.
مەملەكەت مەنشىگىندەگى كاسىپورىنداردىڭ رەفورما جاساۋىنا تاماشا ورتا، شارت - جاعداي ازىرلەۋ جونىندە، «جەتەكشى پىكىردە» مىنالار العا قويىلدى: ءبىرىنشى، قاتىستى زاڭ - بەلگىلەمەلەر مەن سايكەستى ساياساتتاردى كەمەلدەندىرىپ، كەلەلى رەفورمالاردىڭ زاڭدىق نەگىزى بولۋىنا كەپىلدىك ەتۋ كەرەك؛ ەكىنشى، كاسىپورىنداردىڭ قوعامدىق فۋنكتسياسىن جەدەل ايىرىپ جانە تاريحتان قالعان ماسەلەلەردى تەزىرەك شەشىپ، مەملەكەت مەنشىگىندەگى كاسىپورىنداردىڭ بازار باسەكەسىنە ءادىل تۇردە قاتىناسۋىنا شارت - جاعداي ازىرلەۋ كەرەك؛ ءۇشىنشى، رەفورما جاساپ، جاڭالىق اشۋعا شابىت بەرەتىن اۋقىم قالىپتاستىرۋ، ورتالىقتىڭ مەملەكەت مەنشىگىندەگى كاسىپورىندار رەفورماسىن جاپپاي تەرەڭدەتۋگە قاتىستى باعىت - ساياساتتارىن، رەفورما بارىسىنداعى تيپتىك مىسالدار مەن تاجىريبەلەردى بارىنشا ۇگىتتەپ، مەملەكەت مەنشىگىندەگى كاسىپورىنداردىڭ رەفورما جۇرگىزۋىنە ءتيىمدى جاماعات پىكىرى ورتاسىن ازىرلەۋ كەرەك؛ ءتورتىنشى، مەملەكەت مەنشىگىندەگى كاسىپورىنداردىڭ رەفورماسىنا ۇيىمدىق باسشىلىقتى، ءبىر تۇتاس سايكەستىرۋدى كۇشەيتىپ، جاۋاپكەرشىلىك پەن جۇمىس ءبولىسىن ايقىنداپ، نىسانا مىندەتتەردى اشالاپ، قاداعالاۋ مەن تياناقتاندىرۋدى كۇشەيتىپ، مەملەكەت مەنشىگىندەگى كاسىپورىندار رەفورماسىنىڭ ءساتتى ىلگەرىلەتىلىپ، ناقتى ونىمدىلىككە قول جەتكىزۋىنە كەپىلدىك ەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
