- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 27 - رەتكى ءماجىلىسىن باسقارىپ اشقاندا
نەگىزدىك تىرەكتى كۇشەيتىپ، جۇيەلىك شوعىرلاندىرۋعا ءمان بەرىپ، قىزمەت مەحانيزمىن كەمەلدەندىرىپ، قاتاڭ قاداعالاپ - تەكسەرىپ، رەفورمانى ۋاقىت كەستەسى، باعدار كارتاسى بويىنشا ىلگەرىلەتۋدى باسا دارىپتەدى
2016.08.31 13:49 كەلۋ قاينارى : شينجياڭ گازەتى
شينحۋا اگەنتتىگىنىڭ 30 - تامىزدا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ باستىعى شي جينپيڭ 30 - تامىز تۇستەن بۇرىن ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 27 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنانى باسا دارىپتەدى: قازىر جانە الداعى ءبىر مەزگىل − رەفورمانى جاپپاي تەرەڭدەتۋدىڭ قاۋىرت مەزگىلى، رەفورمانىڭ مىندەتىن تياناقتاندىرۋدىڭ قامال الۋ مەزگىلى، سوندىقتان جوبالاۋدى، ءبىر تۇتاس جوسپارلاۋدى، تياناقتاندىرۋدى يگەرۋ مىندەتى ءالى دە جاپالى، اۋىر. بەلگىلەنگەن ۋاقىت كەستەسى، باعدار كارتاسى بويىنشا ەكونوميكالىق ءتۇزىلىس رەفورماسىنىڭ جەتەلەۋ رولىنا ءتىپتى دە ءمان بەرىپ، ءتۇرلى سالاداعى، ءتۇرلى جاقتاعى، ءتۇرلى بۋىنداعى قايشىلىقتار مەن ماسەلەلەردى باعىتتامالى شەشىپ، نەگىزدىك تىرەكتى كۇشەيتىپ، جۇيەلىك شوعىرلاندىرۋعا ءمان بەرىپ، قىزمەت مەحانيزمىن كەمەلدەندىرىپ، قاتاڭ قاداعالاپ - تەكسەرىپ، رەفورمانىڭ دالدىگىن، ىجداعاتتىلىعىن ۇزبەي ءوسىرىپ، رەفورمانى جاپپاي تەرەڭدەتۋدى بۇلجىماي ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ ورىنباسار باستىقتارى لي كىچياڭ، ليۋ يۇنشان، جاڭ گاۋلي ماجىلىسكە قاتىناستى.
ماجىلىستە «جاسىل فينانس جۇيەسىن ورناتۋ جونىندەگى جەتەكشى پىكىر»، «مال - مۇلىك ۇقىعىن قورعاۋ ءتۇزىمىن كەمەلدەندىرىپ، مال - مۇلىك ۇقىعىن زاڭ بويىنشا قورعاۋ جونىندەگى پىكىر»، «ۇكىمەتتىڭ بايلىقتى ورنالاستىرۋ ءتاسىلىن جاڭالاۋ جونىندەگى جەتەكشى پىكىر»، «ءبىلىم قۇنىن ارتتىرۋدى جەتەكشى ەتكەن ءبولىس ساياساتىن اتقارۋعا قاتىستى پىكىر»، «ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋدەگى تاجىريبەلەردى اناعۇرلىم جالپىلاستىرۋعا قاتىستى پىكىر»، «كەدەيلىكتەن قۇتىلدىرۋدان قامال الۋ جاۋاپكەرشىلىك ءتۇزىمىن اتقارۋ ءادىسى»، «اۋىل - قىستاقتارداعى جەر مەنشىك ۇقىعىن، جەردى كوتەرمەگە الۋ ۇقىعىن، جەردەن پايدالانىپ شارۋاشىلىق جۇرگىزۋ ۇقىعىن ايىرۋ ءادىسىن كەمەلدەندىرۋ جونىندەگى پىكىر»، «ءتۇيىندى ەكولوگيالىق فۋنكتسيالىق وڭىرلەردە شۇعىلدانۋعا تيىم سالىنعان كاسىپتەردىڭ تىزىمدىگىن جاساۋ جونىندەگى اتقارۋ ءادىسى»، «ەكولوگيالىق وركەنيەت قۇرىلىسى نىسانالارىنىڭ ورىندالۋ جاعدايىن باعالاۋ ءادىسى»، « ەكولوگيالىق ورتانى بۇلدىرگەندەرگە تولەم اقى تولەتۋ ءتۇزىمى رەفورماسىن ءىشىنارا ولكەلەردە سىناق ەتۋ جونىندەگى بايانداما»، «ءوندىرىس - تيجارات قيمىلدارىمەن شۇعىلداناتىن ءىسورىندارى رەفورماسى جونىندەگى جەتەكشى پىكىر»، «الەۋمەتتىك مادەنيەت قۇرىلعىلارىندا لەي فىڭنان ۇيرەنۋ ەرىكتى قىزمەت وتەۋدى ورىستەتۋ جونىندەگى اتقارۋ ءادىسى»، «رەفورمانى سىناق ەتۋ تۇيىندەرىن اداقتاۋ، جۇيەگە ءتۇسىرۋ جاعدايى جونىندەگى بايانداما»، «رەفورمانى جاپپاي تەرەڭدەتۋدىڭ ماڭىزدى شارالارىنىڭ شىعارىلۋ جانە تياناقتانۋ جاعدايىن باعالاۋ جونىندەگى بايانداما» قارالدى جانە ماقۇلداندى.
ماجىلىستە مىنالار اتاپ كورسەتىلدى: جاسىل فينانستى دامىتۋ − جاسىل دامۋدى جۇزەگە اسىرۋداعى ماڭىزدى شارا ءارى قامداۋ جاعىنداعى قۇرىلىمدىق رەفورمانىڭ ماڭىزدى مازمۇنى. جاڭاشىل فينانس ءتۇزىمىن ورنالاستىرۋ ارقىلى ءتىپتى دە كوپ قوعامدىق كاپيتالدى جاسىل كاسىپتەرگە قارجى قوسۋعا جەتەلەۋ جانە ىنتالاندىرۋ، سونىمەن بىرگە، قورشاعان ورتانى لاستايتىن قارجى قوسۋعا ءونىمدى تيىم سالۋ كەرەك. جاسىل امانات - قارىز، جاسىل زايوم، جاسىل جارنا يندەكىسى جانە قاتىستى ونىمدەر، جاسىل دامۋ قورى، جاسىل قامسىزداندىرۋ، كومىر فينانسى سياقتى فينانس قۇرالدارىنان جانە قاتىستى ساياساتتاردان پايدالانىپ، جاسىل دامۋعا قىزمەت وتەۋ قاجەت. جاسىل فينانس كاسىىبى مەن ونىمدەرىنە باقىلاۋ - باسقارۋدى، سايكەستىرۋدى كۇشەيتىپ، قاتىستى باقىلاۋ - باسقارۋ ءتارتىبى مەن ولشەمىن كەمەلدەندىرۋ ءتيىس.
ءماجىلىس مىنالاردى باسا دارىپتەدى: مال - مۇلىك ۇقىعى ءتۇزىمى − سوتسياليستىك بازار شارۋاشىلىعىنىڭ ىرگە تاسى. مال - مۇلىك ۇقىعىن قورعاۋ ءتۇزىمىن كەمەلدەندىرۋدىڭ، مال - مۇلىك ۇقىعىن زاڭ بويىنشا قورعاۋدىڭ تەتىگى مال - مۇلىك ۇقىعىن قورعاۋعا ساياتىن زاڭ شىعارۋ، زاڭ اتقارۋ، ءادىليا، زاڭعا بويسۇنۋ سياقتى سالالاردا زاڭمەن جونگە سالۋ ساناسىن ايگىلەپ، تەڭ تۇرعىدا قورعاۋعا، جاپپاي قورعاۋعا، زاڭ بويىنشا قورعاۋعا تاباندى بولۋدا. ءتۇرلى مەنشىكتەگى شارۋاشىلىقتىڭ مال - مۇلىك ۇقىعىن قورعاۋدى كۇشەيتۋ، مال - مۇلىك ۇقىعىن تەڭ تۇرعىدا قورعاۋعا قاتىستى زاڭ - تۇزىمدەردى كەمەلدەندىرۋ، دەلوعا ساياتىن مال - مۇلىكتى ءبىر جايلى ەتۋگە قاتىستى زاڭ ءتارتىبىن قاتايتۋ، ۇكىمەتتىڭ ۋادەنى ورىنداۋ مەحانيزمىن، مال - مۇلىكتى الۋ، پايدالانۋ مەحانيزمىن كەمەلدەندىرۋ، ءبىلىم مەنشىك ۇقىعىن قورعاۋ سەرپىنىن ارتتىرۋ، قالا، اۋىل تۇرعىندارىنىڭ مۇلىك سيپاتتى كىرىسىن ارتتىرۋعا قاتىستى تۇزىمدەردى كەمەلدەندىرۋ، ت. ب جاعىندا رەفورما سەرپىنىن ارتتىرىپ، قىزمەت ونىمدىلىگىنە ۇزبەي قول جەتكىزۋ كەرەك.
ءماجىلىس مىنالاردى اتاپ كورسەتتى: ۇكىمەتتىڭ بايلىقتى ورنالاستىرۋ ءتاسىلىن جاڭالاۋدا بازاردىڭ بايلىقتى ورنالاستىرۋ جاعىنداعى شەشۋشى رولىن ساۋلەلەندىرىپ، ۇكىمەتتىڭ رولىن ءتىپتى دە ساۋلەلەندىرە ءتۇسىپ، ۇكىمەتتىڭ بايلىقتى تىكەلەي ورنالاستىرۋىن بارىنشا ازايتىپ، بازار مەحانيزمى مەن بازارلاندىرۋ ءتاسىلىىن ءتىپتى دە كوپ ەنگىزىپ، بايلىقتى ورنالاستىرۋ ونىمدىلىگىن جوعارىلاتۋ كەرەك.جالپىلىق مەنشىكتەگى جاراتىلىستىق بايلىق جونىندە ايقىن مال - مۇلىك ءتۇزىمىن ورناتىپ، باسقارۋ ءتۇزىلىسىن، بايلىقتان اقىلى پايدالانۋ ءتۇزىمىن كەمەلدەندىرۋ قاجەت. فينانستىق جانە فينانستىق ەمەس شارۋاشىلىق جۇرگىزۋ سيپاتىنداعى مەملەكەت مەنشىگىندەگى مال - مۇلىكتە كاپيتالدى باسقارۋدى نەگىز ەتەتىن مەملەكەت مەنشىگىندەگى مال - مۇلىكتى باسقارۋ ءتۇزىلىسىن ورناتىپ جانە كەمەلدەندىرىپ، مەملەكەت مەنشىگىندەگى كاپيتالدىڭ جايعاسۋىن ساپالىلاندىرۋ ءتيىس. الەۋمەتتىك باسقارۋعا جانە الەۋمەتتىك قىزمەت وتەۋگە پايدالانىلاتىن تيجاراتقا جاتپايتىن مەملەكەت مەنشىگىندەگى مال - مۇلىكتە ءادىل ورنالاستىرۋ پرينسيبىنە تاباندى بولىپ، باسەكە مەحانيزمىن ەنگىزىپ، الەۋمەتتىك قىزمەت وتەۋدىڭ قامتىمى مەن ادىلدىگىن كۇشەيتۋ كەرەك.
ءماجىلىس مىنالاردى باسا دارىپتەدى: ءبىلىم قۇنىن ارتتىرۋدى جەتەكشى ەتكەن ءبولىس ساياساتىن اتقارۋدا عىلمي زەرتتەۋ قىزمەتكەرلەرىنىڭ جۇمىس ورنى ەرەكشەلىگىنە باعىتتاي وتىرىپ، جاراتىلىستىق عىلىمدار، فيلوسوفيا جانە قوعامدىق عىلىمدار سياقتى تۇرلىشە ءپان تۇرلەرى جونىندە ءبىر تۇتاس جوسپار جاساپ، نەگىزدىك زەرتتەۋ، تەحنيكالىق اشۋ، عىلىم - تەحنيكا جەتىستىكتەرىن يگىلىككە جاراتۋ، جاڭالىق اشۋ جەلىسىن ءبىر تۇتاس جوسپارلاپ، جۇيەلى جوبالاۋدى، ءبىر تۇتاس باسقارۋدى كۇشەيتىپ، اقىل - وي ەڭبەگى قۇنىن ايگىلەيتىن ەڭبەكاقى جۇيەسى مەن كىرىستى ارتتىرۋ مەحانيزمىن ورناتىپ، عىلمي زەرتتەۋ قىزمەتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋ كەرەك. قىزمەت ونىمدىلىگى ەڭبەكاقى ءبولىسى ارقىلى ىنتالاندىرۋ سەرپىنىن ارتتىرىپ، عىلمي زەرتتەۋ جەتىستىگى سيپاتىنداعى كىرىس سياقتى ىنتالاندىرۋ شارالارى ارقىلى ءبولىس مەحانيزمىن كەمەلدەندىرىپ، عىلمي زەرتتەۋ قىزمەتكەرلەرىنىڭ ەڭبەكاقىسىن جۇمىس ورنى جاۋاپكەرشىلىگىمەن، قىزمەت ناتيجەسىمەن، قوسقان ۇلەسىمەن تىعىز بايلانىستىرۋ قاجەت.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋدە ماڭىزدى ىلگەرىلەۋشىلىككە قول جەتىپ، رەفورما بارىسىندا باتىلدىقپەن ىزدەنىس جاساپ، جاڭالىق اشاتىن ءبىر توپ وزات تيپتەر جارىققا شىعىپ، ءىس جۇزىندىك جاعدايعا ۇيلەسەتىن، كادەگە جارايتىن تاجىريبەلەر مەن ادىستەر قالىپتاستى. جەر - جەردى جەرگىلىكتى جاعدايعا قاراي جۇمىس ىستەۋگە ىنتالاندىرىپ، جەر - جەردىڭ پارىقتى ىزدەنىسىنە قولداۋ كورسەتىپ، ۇكىمەت قۇرعان شيپاحانالاردىڭ اينالىم مەحانيزم رەفورماسى، ەمدەۋ قامسىزداندىرۋ جۇمىسىن ءبىتىرۋ ىستەرىن باسقارۋ ءتۇزىلىسى، ءدارى - دارمەكپەن قامداۋدى قامتاماسىز ەتۋ ءتۇزىمى قۇرىلىسى، دارەجەلەر بويىنشا دياگنوز قويۋ، ەمدەۋ ءتۇزىمى قۇرىلىسى، جالپىلىق باقىلاۋ - باسقارۋ ءتۇزىمى قۇرىلىسى، ەمدەۋ سالاسىنىڭ ەرەكشەلىگىنە ۇيلەسەتىن كادرلاردىڭ ەڭبەكاقى ءتۇزىمى، ت. ب جاعىندا باتىلدىقپەن ىزدەنىس جاساپ، جاڭالىق اشىپ، ناتيجەگە قول جەتكىزۋگە كۇش سالۋ كەرەك.
ءماجىلىس بىلاي دەپ اتاپ كورسەتتى: كەدەيلىكتەن قۇتىلدىرۋدان قامال الۋ قىزمەتىن ىلگەرىلەتۋدىڭ تەتىگى جاۋاپكەرشىلىكتى ادام باسىنا تياناقتاندىرۋدا. كەدەيلەردى سۇيەمەلدەۋ، وركەندەتۋ قىزمەتىندە ورتالىق ءبىر تۇتاس جوسپارلاپ، ولكە، اۆتونوميالى رايون، قالالار جاۋاپتى بولىپ، قالا، اۋداندار تياناقتاندىراتىن قىزمەت مەحانيزمىن جەدەل قالىپتاستىرۋ كەرەك. جاۋاپكەرشىلىك ايقىن بەلگىلەنگەن، ءارقايسى ورىن ءوز مىندەتىنە جاۋاپتى، بىرىگىپ قامال الاتىن جاۋاپكەرشىلىك جۇيەنى توڭىرەكتەي وتىرىپ ناقتى شارالاردى العا قويىپ، پارمەندى شارالار ارقىلى اۋىر مىندەتتى ورىنداۋدى قامتاماسىز ەتۋگە قولايلىلىق جاراتۋ كەرەك. ءار دارەجەلى پارتكومدار مەن ۇكىمەتتەر، وتە - موتە، كەدەي وڭىرلەردەگى پارتكومدار مەن ۇكىمەتتەر كەدەيلىكتەن قۇتىلدىرۋدان قامال الۋدىڭ جاۋاپكەرشىلىك ءتۇزىمىن ساتىلار بويىنشا تياناقتاندىرۋى كەرەك. ورتالىقتاعى ءارقايسى تاراۋلار تەڭ قيمىلداپ، سايكەسىپ قىزمەت اتقارۋى، قىزمەت بورىشىن ىجداعاتتىلىقپەن وتەۋلەرى كەرەك.
ءماجىلىس بىلاي دەپ اتاپ كورسەتتى: اۋىل - قىستاقتاردىڭ جەر ءتۇزىمى رەفورماسىن تەرەڭدەتىپ، مەنشىك ۇقىعى، كوتەرمەگە الۋ ۇقىعى، تيجارات ەتۋ ۇقىعى سىندى «ءۇش ۇقىقتى ءبولۋ» ءتۇزىمىن اتقارۋ − جەردى وتباسىلارىنا ءبولىپ كوتەرمەگە بەرۋ تۇزىمىنەن كەيىنگى اۋىل - قىستاق رەفورماسىندا تۋىلعان تاعى ءبىر تۇزىمدىك جاڭالىق، اۋىل - قىستاق نەگىزگى تيجارات ءتۇزىمىنىڭ ءوزىن - ءوزى كەمەلدەندىرۋى سانالادى. شارۋالار مەن جەردىڭ قاتىناسىن دۇرىس ءبىر جايلى ەتۋ سىندى رەفورمانىڭ وسى ءبىر وزەكتى ارقاۋىن توڭىرەكتەي وتىرىپ، اۋىل - قىستاق جەرى كوللەكتيۆ مەنشىك ءتۇزىمىن ءونىمدى ىسكە اسىراتىن ۇلگى قالىپتاستىرۋ جونىندە تىنباي ىزدەنىس جاساۋ كەرەك. اۋىل - قىستاق جەرىنىڭ شارۋالار كوللەكتيۆىنىڭ مەنشىگىندە بولۋىندا، ءسوز جوق، تاباندى بولۋ، شارۋالاردىڭ جەردى كوتەرمەگە الۋ ۇقىعىن باتىل قورعاۋ كەرەك، ءارقانداي ۇيىم مەن جەكە شارۋا وتباسىلارىنىڭ جەردى كوتەرمەگە الۋداعى ورنىن باسا المايدى، ولاردىڭ شارۋا وتباسىلارىنىڭ جەردى كوتەرمەگە الۋ ۇقىعىن زاڭسىز كۇشىنەن قالدىرۋىنا، شەك قويۋىنا مۇلدە جول قويىلمايدى. جەردىڭ تيجارات ەتۋ ۇقىعىن تومەنگە بەرۋ، ودان يكەمدى پايدالانۋ، كوللەكتيۆ مەنشىك ۇقىعى مەن شارۋا وتباسىلارىنىڭ جەردى كوتەرمەگە الۋ ۇقىعىن زاڭ بويىنشا قورعاۋ العى شارتىندا، جەردەن پايدالانىپ تيجارات ەتىپ وتىرعان جاقتىڭ توقتامدى اينالىمعا سالۋ ارقىلى قول جەتكىزگەن تيجارات ۇقىعىن تەڭ تۇرعىدا قورعاۋ، ونىڭ ورنىقتى تيجارات مەجەلىك مەرزىمى بولۋىن قامتاماسىز ەتۋ كەرەك.
ءماجىلىس بىلاي دەپ باسا دارىپتەدى: ءتۇيىندى ەكولوگيالىق فۋنكتسيالىق وڭىرلەردە شۇعىلدانۋعا تيىم سالىنعان كاسىپتەردىڭ تىزىمدىگىن جاساۋ ءار الۋان اشۋ قيمىلدارىن قاتاڭ باسقارۋ، ەكولوگيالىق جۇيەگە جاسايتىن ىقپالىن ازايتۋ، ەكولوگيالىق جۇيەنىڭ ورنىقتىلىعى مەن كەمەلدىلىگىن قورعاۋ جونىنەن كەلەلى ءمان الادى.اۋدان، قالا بەكىتەتىن، ولكە دارەجەلى ورىن ءبىر تۇتاس جوسپارلايتىن، مەملەكەت ۇشتاستىراتىن، سىرتقا جاريا ۇستالاتىن مەحانيزمگە ساي، اتقارۋ ءتارتىبىن، ارناعا ءتۇسىرۋ تالاپتارىن، تەحنيكالىق تەكسەرۋ تالاپتارىن قاتاڭ بەلگىلەپ، ءار جەردىڭ ءىس جۇزىندىك جاعدايىنا ساي دامىتۋعا شەك قويىلعان جانە تيىم سالىنعان كاسىپتەر جونىندە باعىتتامالىلىعى ءبىرشاما كۇشتى تىزىمدىك جاساۋ كەرەك. ولكە دارەجەلى پارتكومدار مەن ۇكىمەتتەردىڭ ەكولوگيالىق وركەنيەت قۇرىلىسىنداعى سۋبيەكتتىك جاۋاپكەرشىلىگىن كۇشەيتۋ، ءارقايسى وڭىرلەردىڭ ەكولوگيالىق وركەنيەت قۇرىلىىسنىڭ جالپى احۋالىن ءتۇيىندى تۇردە باعالاۋ، حالىق شارۋاشىلىعى مەن قوعامدىق دامۋ جوبا پروگرامماسىندا بەلگىلەنگەن بايلىق ورتاسىنا قاتىستى شەكتەۋ سيپاتىندىق نىسانالاردىڭ ورىندالۋ جاعدايىن، سونداي - اق ەكولوگيالىق وركەنيەت قۇرىلىسىنداعى ماڭىزدى نىسانا، مىندەتتەردىڭ ورىندالۋ احۋالىن تەكسەرۋ كەرەك. ءماجىلىس ەكولوگيالىق ورتاعا زيان سالعاندارعا تولەم تولەتۋ ءتۇزىمى رەفورماسىن جيلين، جياڭسۋ، شاندۇڭ، حۋنان، چۇڭچيڭ، گۇيجوۋ، يۇننان قاتارلى 7 ولكە، قالادا سىناق رەتىندە اتقارۋدى ماقۇلدادى.
ءماجىلىس مىنالاردى اتاپ كورسەتتى: وندىرىسپەن، تيجاراتپەن شۇعىلداناتىن ءىسورىندار رەفورماسىن ىلگەرىلەتۋدە، سوتسياليستىك بازار شارۋاشىلىعى رەفورماسىنىڭ باعىتىنان جازباۋ، ۇكىمەت پەن كاسىپورىنداردىڭ قىزمەت جاۋاپكەرشىلىگىن ايىرۋدا، ءىسورىندار مەن كاسىپورىنداردىڭ قىزمەت جاۋاپكەرشىلىگىن ايىرۋدا تاباندى بولۋ، بازاردىڭ بايلىقتى ورنالاستىرۋداعى ءوندىرىس، تيجارات قيمىلىن، ءسوز جوق، بازاردىڭ ەركىنە ساي جۇرگىزۋ، تيجارات جۇرگىزۋدى نەگىز ەتكەن ءىسورىنداردىڭ باسقارۋ تۇزىلىسىنە بىرتىندەپ بۇرىلىس جاساپ، ولاردى كاسىپورىنعا اينالدىرۋ، كاسىپورىنعا اينالعان ءىسورىنداردىڭ زاڭدىق يەسىنە زاڭ بويىنشا مال - مۇلىك ۇقىعى مەن دەربەس تيجارات ۇقىعىن بەرىپ، ولاردىڭ ومىرشەڭدىك كۇشى مەن جاسامپازدىق قۋاتىن جانداندىرۋ كەرەك. جۇمىس ءتارتىبىن قاتاڭ ارناعا ءتۇسىرۋ، مەملەكەت مەنشىگىندەگى مال - مۇلىكتەردى زاڭ بويىنشا، قاعيداعا ساي ءبىر جايلى ەتۋ، ادامداردى ۇيلەسىمدى ورنالاستىرۋ، قوعامدىق قامتاماسىز ەتۋدى ۇشتاسىترۋدى كۇشەيتۋ، قاتىستى جاقتاردىڭ زاڭدى ۇقىق - مۇددەسىن قورعاۋ كەرەك.
ءماجىلىس مىنالاردى اتاپ كورسەتتى: الەۋمەتتىك مادەنيەت قۇرىلعىلارىندا لەي فىڭنان ۇيرەنۋ ەرىكتى قىزمەت وتەۋ قيمىلىن ورىستەتىپ، سوتسياليستىك وزەكتى قۇن كوزقاراسىن جەتىلدىرۋ جانە ونى امالياتتا ايگىلەۋ ارقىلى حالىقتىڭ كۇن سايىن ارتىپ كەلە جاتقان رۋحاني مادەنيەت قاجەتىن قاناعاتتاندىرۋدى شىعار ءتۇيىن ەتىپ، الەۋمەتتىك كىتاپحانالار، مۇراجاي، مادەنيەت سارايلارى، كوركەمونەر سارايلارى، عىلىم - تەحنيكا سارايلارى جانە توڭكەرىستىك ەسكە ءتۇسىرۋ سارايلارىنان پايدالانىپ، الەۋمەتتىك مادەنيەت قۇرىلعىلارى بويىنشا ەرىكتى قىزمەت وتەۋ ورىندارىنىڭ قۇرىلىسىن ورنىقتى ىلگەرىلەتۋ، ەرىكتىلەر قاۋىمىن مادەنيەت جاعىنداعى ەرىكتى قىزمەت وتەۋ قيمىلدارىنا ات سالىسۋعا باۋراۋ، لەي فىڭنان ۇيرەنۋ ەرىكتى قىزمەت وتەۋ قوسىنىن دامىتۋ، الۋەتتەندىرۋ، ەرىكتى قىزمەت وتەۋدى قامتاماسىز ەتۋ جانە وعان قولداۋ كورسەتۋ تەبىنىن كۇشەيتۋ كەرەك.
ءماجىلىس بىلاي دەپ اتاپ كورسەتتى: ج ك پ 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلعانىنا 3 جىلدىڭ ءجۇزى بولايىن دەدى. باعالاۋعا نەگىزدەلگەندە، رەفورمانى جاپپاي تەرەڭدەتۋدىڭ اياق الىسى ءساتتى، ءارقايسى سالالاردا ۋاكىلدىك سيپاتقا يە، تىرەكتى رول اتقاراتىن رەفورما مىندەتتەرى نەگىزىنەن العا قويىلعان، ماڭىزدى سالالار مەن ءتۇيىندى بۋىندارداعى رەفورمالار قامال الۋ سيپاتىنداعى ىلگەرىلەۋشىلىكتەرگە قول جەتكىزگەن، رەفورمانى جاپپاي تەرەڭدەتۋ، مەملەكەتتى زاڭ بويىنشا جاپپاي جونگە سالۋدىڭ نەگىزگى جۇلگەسى بىرتىندەپ تۇراقتانۋ ۇستىندە. رەفورماداعى پارمەندى، باتىل شارالار اتقارىلىپ، قاتەرلى وڭىرلەرگە بويلاپ، مۇددەگە ءتيسىپ، قيىن تۇيىندەرگە اۋىز سالۋدىڭ ارقاسىندا، وتكەندە قامال الۋ مۇمكىن ەمەس دەپ قارالعان ءبىرقانشا تۇيىندەردەن قامال الىنىپ، ۇزاق جىلداردان بەرى شەشەيىك دەسەك تە ويداعىداي شەشىلمەگەن ءبىر قىدىرۋ ماسەلەلەر شەشىلدى، قورعاندى تىنباي بەكەمدەپ، كۇش - قۋاتتى نىعايتىپ، كەلەسى قادامداعى رەفورمانى تەرەڭدەتۋگە تاماشا شارت - جاعداي ازىرلەندى.
ءماجىلىس بىلاي دەپ باسا دارىپتەدى: باتىل بولعاندا عانا رەفورمادا جەڭىسكە جەتۋگە بولادى، ءسوز جوق، ورشەلەنە العا ۇمتىلىپ، تەبىندەي ءتۇسۋىمىز كەرەك. قيىن تۇيىندەردى مىقتى ۇستاپ، ولقىلىقتاردى تولىقتىرۋ، ءالى العا قويىلماعان رەفورما شارالارىن تەزدەن ورتاعا سالۋ، العا قويىلعان رەفورما شارالارىن ناقتى تياناقتاندىرۋدى جەدەلدەتۋ كەرەك. تۇيىندەردە سىناق ەتۋدى مىقتى ۇستاپ، قامال الۋعا ۇمتىلۋ، تۇيىندەردە سىناق ەتۋ قىزمەتىن ءبىر تۇتاس جوسپارلاۋدى كۇشەيتىپ، تۇيىندەردە سىناق ەتۋدە قول جەتكەن تابىستاردى، تاجىريبەلەر مەن ماسەلەلەردى دەر كەزىندە باعالاۋ، تابىسقا جەتكەن تاجىريبەلەر مەن امالداردى دەر كەزىندە جالپىلاستىرۋ، قولدانۋ كەرەك. باقىلاۋ - تەكسەرۋدى مىقتى ۇستاپ، تياناقتاندىرۋدى جەبەۋ، باقىلاۋ - تەكسەرۋ جاۋاپكەرشىلىگىن تياناقتاندىرۋ، باقىلاۋ - تەكسەرۋ قىزمەتىنە قاتاڭ تالاپ قويىپ، باقىلاۋ - تەكسەرۋ قىزمەتىنىڭ بەدەلى مەن اتقارۋ قابىلەتىن جوعارىلاتۋ كەرەك. ۇگىتتى كۇشەيتىپ، ورتاق تانىم قالىپتاستىرۋ، يدەيا - ساياسي قىزمەتىن كۇشەيتىپ، حالىق جۇرتشىلىعىنىڭ مۇددە جونىندەگى مۇڭ - مۇقتاجىن دەر كەزىندە يەلەۋ، نەگىزگى ساتىنىڭ جاسامپازدىق رۋحىنا قۇرمەت ەتىپ، نەگىزگى ساتىداعى جاڭالىق اشۋداعى تيپتەردى بايقاپ، دەر كەزىندە ۇگىتتەۋ، قورىتىندىلاۋ، جالپىلاستىرۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
