- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ نازاربايەۆپەن كەڭەس وتكىزدى ءارى 20 ەل توبىنا مۇشە ەلدەر باسشىلارىنىڭ باس قوسۋىنا كەلگەن شەتەل باسشىلارىمەن جەكە - جەكە كەزدەستى
2016.09.05 13:21 كەلۋ قاينارى : شينجياڭ گازەتى
شينحۋا اگەنتتىگىنىڭ 2 - قىركۇيەكتە بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - قىركۇيەك كۇنى حاڭجوۋدا قازاقستاننىڭ زۇڭتۇڭى نازاربايەۆپەن كەڭەس وتكىزىپ، نازاربايەۆتىڭ جۇڭگونىڭ شاقىرۋىمەن 20 ەل توبىنا مۇشە ەلدەر باسشىلارىنىڭ باس قوسۋىنا قاتىسۋ ءۇشىن حاڭجوۋعا كەلگەندىگىن قارسى الدى.
شي جينپيڭ مىنالاردى اتاپ كورسەتتى: كەزەكتە جۇڭگو مەن قازاقستاننىڭ قاتىناسى قارقىندى دامۋ بەتالىسىن ساقتاپ، ءار سالاداعى سەلبەستىك جاپپاي ىلگەرىلەپ، جارقىن تۇيىندەر كوپتەپ جارىققا شىقتى. تاراپتار ەندىگى جىلى جۇڭگو مەن قازاقستاننىڭ ديپلوماتيالىق قاتىناس ورناتقانىنا 25 جىل تولۋ ورايىندا، تاتۋ كورشىلىك دوستىقتى ساۋلەلەندىرىپ، ءوزارا پايدالى سەلبەستىكتەردى تەرەڭدەتىپ، ستراتەگيالىق سايكەستىكتەردى كۇشەيتىپ، جۇڭگو مەن قازاقستاننىڭ ءوزارا ادال، سەنىمدى، ىنتىماقتى، ءبىر - بىرىنە قارايلاسىمدى، جاقسى كۇندەر مەن قيىن - قىستاۋ ساتتەردە تىزە قوساتىن، سەلبەسىپ، تەڭ ۇتاتىن جان - جاقتى ستراتەگيالىق سەرىكتەستىك قاتىناسىن بىرگە ورناتۋى كەرەك.
ەكى ەلدىڭ كەلەسى قادامداعى سەلبەستىگىن تىلگە العاندا، شي جينپيڭ مىنالاردى باسا دارىپتەدى: جۇڭگو مەن قازاقستان «ءبىر بەلدەۋ، ءبىر جول» قۇرىلىسىن جاپپاي ىلگەرىلەتىپ، «جۇڭگو مەن قازاقستاننىڭ <جىبەك جولى ەكونوميكالىق بەلدەۋى> قۇرىلىسى مەن <نۇرلى جول> جاڭا ەكونوميكالىق ساياساتىن تۇيىندەستىرۋ ىنتىماقتاستىق جوباسىن» سەلبەسە وتىرىپ ويداعىداي تياناقتاندىرۋ كەرەك. وندىرىستىك قۋات جانە قارجى قوسۋ سەلبەستىكتەرىن ورنىقتى ىلگەرىلەتىپ، ينفورماتسيالىق اۋىس - كۇيىس پەن ساياساتتاردى سايكەستىرۋدى كۇشەيتىپ، باسەكەگە قابىلەتتى، قوسىمشا قۇنى جوعارى ءتىپتى دە كوپ نىسانداردىڭ تياناقتانۋىن جەبەۋ كەرەك. ەكونوميكا - ساۋدا سەلبەستىكتەرىن بەلسەنە دامىتىپ، ساۋدا قۇرىلىمىن جاقسارتىپ، كولەمدى سەلبەستىك نىساندارىن تياناقتاندىرىپ، قارجى قۇراۋ ارنالارىن كەڭەيتىپ، ساۋدانىڭ ارتۋىن جەبەۋ كەرەك. ەنەرگيا - بايلىق سەلبەستىگىن تەرەڭدەتىپ، گۋمانيتارلىق سەلبەستىكتەردى كەڭەيتىپ، حاۋىپسىزدىك اياسىنداعى سەلبەستىكتەردىڭ سەرپىنىن كۇشەيتۋ كەرەك. جۇڭگو قازاقستانمەن بارىس - كەلىستى كۇشەيتىپ، جۇڭگو مەن ەۆرو - ازيالىق ەكونوميكالىق وداققا مۇشە ەلدەر اراسىنداعى ساۋدانىڭ، قارجى قوسۋدىڭ، قىزمەت وتەۋدىڭ قولايلىلىق دەڭگەيىن جوعارىلاتىپ، «ءبىر بەلدەۋ، ءبىر جول» قۇرىلىسى مەن ەۆرو - ازيالىق ەكونوميكالىق وداق قۇرىلىسىن ۇشتاستىرۋ سەلبەستىگىن بىرگە ىلگەرىلەتۋدى قالايدى. جۇڭگو قازاقستاننىڭ كەلەر جىلعى شاڭحاي ىنتىماقتاستىق ۇيىمىنا مۇشە ەلدەر باسشىلارىنىڭ باس قوسۋىن تابىستى وتكىزۋىنە بار كۇشپەن سايكەسۋدى، قازاقستانمەن بىرگە ازياداعى ءوزارا ىقپالداستىق جانە سەنىم شارالارى جونىندەگى كەڭەس اياسىنداعى قارىم - قاتىناس پەن سايكەسۋدى كۇشەيتۋدى، قازاقستاننىڭ 2017 - جىلعى استانا الەمدىك كورمەسىن تابىستى وتكىزۋىنە بەلسەنە قولداۋ كورسەتۋدى قالايدى.
نازاربايەۆ جۇڭگونىڭ 20 ەل توبىنا مۇشە ەلدەر باسشىلارىنىڭ باس قوسۋىنا قاتىناسۋعا ارنايى شاقىرعانىنا العىس ايتاتىندىعىن ءبىلدىردى. ول بىلاي دەدى: قازاقستان جۇڭگومەن ءداستۇرلى دوستىقتى جانە اسا جوعارى ءوزارا ساياسي سەنىمدىلىكتى ساقتاپ كەلەدى. قازاقستان ەكى ەلدىڭ جان - جاقتى ستراتەگيالىق سەرىكتەستىك قاتىناسىن قاستەرلەپ، «جىبەك جولى ەكونوميكالىق بەلدەۋى» قۇرىلىسى مەن «نۇرلى جول» جاڭا ەكونوميكالىق ساياساتىن تۇيىندەستىرۋدى قولدايدى. قازاقستان جۇڭگومەن ساۋدا، اۋىل شارۋاشىلىعى، ەنەرگيا، مۇناي وڭدەۋ، قورشاعان ورتانى قورعاۋ، حاۋىپسىزدىك سياقتى سالالارداعى سەلبەستىكتى تەرەڭدەتۋدى، حالىقارالىق، وڭىرلىك ىستەردەگى، شاڭحاي ىنتىماقتاستىق ۇيىمى اياسىنداعى قارىم - قاتىناستار مەن سايكەسۋدى جيىلەتۋدى قالايدى. قازاقستان جۇڭگونىڭ 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىن تابىستى وتكىزۋىن، سول ارقىلى حالىقارالىق قوعامدى كەزەكتەگى دۇنيە ءجۇزى ەكونوميكاسى ءدوپ كەلگەن سايىستارعا بىرگە توتەپ بەرۋگە جەتەكتەۋىن قولدايدى.
وتكىزىلۋ الدىندا تۇرعان 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋى جونىندە ەكى ەل باسشىلارى باس قوسۋدىڭ جەتەكشى رول اتقارىپ، دۇنيە ءجۇزى ەكونوميكاسىنا ايقىن باعىت سىلتەۋىن، الەمدىك ەكونوميكالىق وسۋگە قوزعاۋشى كۇش قوسىپ، حالىقارالىق بازاردىڭ سەنىمىن كۇشەيتۋدى ءۇمىت ەتەتىندىكتەرىن ءبىلدىردى.
كەڭەستەن كەيىن، ەكى ەل باسشىلارى جۇڭگو - قازاقستان ىنتىماقتاستىق كوميتەتىنىڭ، «جىبەك جولى ەكونوميكالىق بەلدەۋى» قۇرىلىسى مەن «نۇرلى جول» جاڭا ەكونوميكالىق ساياساتىن تۇيىندەستىرۋ سەلبەستىگى، سونداي - اق اۋىل شارۋاشىلىعى، تەكسەرۋ - كارانتيندەۋ سياقتى سالالارداعى سەلبەستىك حۇجاتتارىنا قول قويىسۋعا كۋا بولدى.
ۋاڭ حۋنيڭ، لي جانشۋ، ياڭ جيەچىلار كەزدەسۋدە بىرگە بولدى. شينحۋا اگەنتتىگىنىڭ 2 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 2 - قىركۇيەكتە حاڭجوۋدا 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەن يندونەزيانىڭ زۇڭتۇڭى جوكومەن كەزدەستى.
شي جينپيڭ بىلاي دەپ باسا دارىپتەدى: جۇڭگو مەن يندونەزيا كەڭ كولەمدە ورتاق مۇددەگە يە، ەكى ەلدىڭ دامۋ بەتالىسى مەن دامۋ تەبىنى جاقسى. ءبىز باستان - اياق تاتۋ كورشى، سەنىمدى سەرىك، جاقسى دوس بولۋىمىز، ساياسيداعى ءوزارا سەنىمدىلىكتى ءۇرتىس ارتتىرىپ، ناقتى سەلبەستىكتەردى كەڭەيتىپ، ەكى ەلدىڭ جالپى بەتتىك، ستراتەگيالىق سەرىكتەستىك قاتىناسىنىڭ ۇزدىكسىز العا دامۋىن جەبەۋىمىز ءتيىس. تاراپتار جوعارى جىكتەگىلەردىڭ قارىم - قاتىناسىن ءۇرتىس كۇشەيتىپ، 21 - عاسىرداعى تەڭىز جىبەك جولى دارىپتەمەسى مەن «الەمدىك تەڭىز - مۇحيت ءتۇيىنىن قۇرۋ» ويىن بەلسەنە توعىستىرۋى كەرەك. جاكارتادان باندۇڭعا باراتىن جوعارى قارقىندى تەمىر جول نىسانىن ساتىمەن ىسكە اسىرۋعا شىنايى كەپىلدىك ەتىپ، نەگىزدىك قۇرىلعى قۇرىلىسىن، وندىرىستىك قۋات، ساۋدا، قارجى قوسۋ، فينانس، ەلەكتروندىق ساۋدا سياقتى سالالارداعى سەلبەستىكتى ورىستەتىپ، ءتىپتى دە كوپ باستاماشى نىسانداردى دايىنداۋ كەرەك. وقۋ - اعارتۋ، عىلىم - تەحنيكا، دەنساۋلىق ساقتاۋ، راديو، تەلەۆيزيا، جاستار سياقتى سالالارداعى اۋىس - كۇيىستى كۇشەيتىپ، ەكى ەل قاتىناسىنىڭ حالىقتىق نەگىزىن بەكەمدەۋ كەرەك. جۇڭگو شىعىس وڭتۇستىك ازيا ەلدەرى وداعىنىڭ ىنتىماعى مەن شىعىس وڭتۇستىك ازيا ەلدەرى وداعى ورتاق تۇلعاسى قۇرىلىسىن باتىل قولداپ، يندونەزيامەن بىرگە ب م ۇ، ازيا - تىنىق مۇحيت ەكونوميكالىق سەلبەستىك ۇيىمى، 20 ەل توبى سياقتى كوپ جاقتى ۇيىمدار اياسىندا قارىم - قاتىناس جاساۋدى جانە سايكەسۋدى كۇشەيتىپ، دامۋ ۇستىندەگى ەلدەردىڭ ۇقىق - مۇددەسىن بىرگە قورعاۋعا پەيىل.
جوكو بىلاي دەدى: يندونەزيا جۇڭگونىڭ 20 ەلدەر توبىنا مۇشە ەلدەر باسشىلارىنىڭ حاڭجوۋداعى باس قوسۋىن تابىستى وتكىزۋىن قولدايدى. يندونەزيا مەن جۇڭگو ماڭىزدى سەرىكتەس ەلدەر. ەكى ەلدىڭ جالپى بەتتىك سەلبەستىك سەرىكتەستىك قاتىناسى دۇنيە ءجۇزىنىڭ بەيبىتشىلىگى مەن حاۋىپسىزدىگىنە ۇلەس قوسادى. يندونەزيا 21 - عاسىرداعى تەڭىز جىبەك جولى دارىپتەمەسى مەن «الەمدىك تەڭىز - مۇحيت ءتۇيىنىن قۇرۋ» ويىن بەلسەنە توعىستىرۋ جونىندەگى كەڭەستى قولدايدى، جۇڭگومەن ساۋدا، قارجى قوسۋ، فينانس، نەگىزدىك قۇرىلعى سياقتى سالالارداعى سەلبەستىكتى تەرەڭدەتۋگە پەيىل.
ۋاڭ حۋنيڭ، لي جانشۋ، ياڭ جيەچىلار كەزدەسۋدە بىرگە بولدى.
شينحۋا اگەنتتىگىنىڭ 2 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 2 - قىركۇيەكتە حاڭجوۋدا سەنەگالدىڭ زۇڭتۇڭى ساللمەن كەزدەسىپ، ساللدىڭ سيلى قوناق، ەل باسشىسى ساناتىندا 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەنىن قارسى الاتىنىن ءبىلدىردى.
شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو مەن سەنەگالدىڭ ءتۇرلى سالاداعى سەلبەستىگى قارىشتاپ دامىدى، جۇڭگو سەنەگالمەن بىرگە جۇڭگو - سەنەگال قاتىناسىن جالپى بەتتىك، ستراتەگيالىق، سەلبەستىك سەرىكتەستىك قاتىناس دەڭگەيىنە كوتەرىپ، جۇڭگو - افريكا سەلبەستىك تالقى مىنبەرى يوگاننەسبۋرگتەگى باسشىلار كەڭەسىنىڭ تابىستارىن بەلسەنە تياناقتاندىرىپ، ەكى ەلدىڭ ءتۇرلى سالاداعى دوستىق، ءوزارا پايدا جەتكىزۋ سەلبەستىگىن تەرەڭدەتىپ، ەكى ەل حالقىن باقىتقا كەنەلدىرۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن سەنەگالدىڭ دوستىق سەلبەستىك قاتىناسىن جاپپاي ىلگەرىلەتۋ ءۇشىن، جۇڭگو سەنەگالمەن بىرگە ەكى ەل قاتىناسىنىڭ دەڭگەيىن جوعارىلاتۋدى وراي ەتە وتىرىپ، ساياسي قارىم - قاتىناستى كۇشەيتىپ، تاراپتاردىڭ ءوزارا سەنىمدىلىگىن بەكەمدەۋدى؛ ەكونوميكا - ساۋدا سەلبەستىگىن كەڭەيتىپ، ەكونوميكا ىستەرىندەگى ءوزارا تولىقتاۋ سيپاتى كۇشتى باسىمدىلىقتاردى تولىق پايدالانىپ، دامۋ جوباسىن ىشكەرىلەي توعىستىرىپ، سەنەگالدىڭ ونەركاسىپتەنۋدى شاپشاڭ ىسكە اسىرۋىنا كومەكتەسىپ، اۋىل شارۋاشىلىعىن وسىزامانداندىرۋ دەڭگەيىن جوعارىلاتىپ، دەربەس دامۋ قۋاتىن جوعارىلاتۋدى؛ گۋمانيتارلىق اۋىس - كۇيىستى تەرەڭدەتىپ، حالىق تىلەگىن توعىستىرۋدى جەبەپ، سەنەگالدىڭ ەكونوميكاسىن دامىتۋعا دارىندى دايىنداپ بەرۋدى؛ بەيبىتشىلىكتى قورعاۋ سياقتى حاۋىپسىزدىك سالالارداعى سەلبەستىكتى كۇشەيتىپ، بەيبىتشىلىكتىڭ نەگىزىن بىرگە بەكەمدەۋدى؛ حالىقارالىق ىستەردە تىعىز قارىم - قاتىناس ورناتۋ جانە سايكەسۋ جاعدايىن ساقتاپ، حالىقارالىق ساياسي، ەكونوميكالىق ءتارتىپتىڭ اناعۇرلىم ءادىل دە ۇيلەسىمدى بەتالىسقا قاراي دامۋىن بىرگە ىلگەرىلەتۋدى قالايدى.
سالل بىلاي دەدى: ءتوراعا شي جينپيڭنىڭ ۇسىنىسىمەن 20 ەلدەر توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسقانىما قۋانىشتىمىن، بۇل جۇڭگونىڭ افريكاعا نازار اۋدارعانىن بەينەلەيدى، سەنەگالدىڭ جۇڭگوعا دوستىق سۇيىسپەنشىلىگى تەرەڭ، جۇڭگونىڭ سەنەگالدى، سونداي - اق افريكانى ۇزاق ۋاقىتتاردان بەرى قولداپ كەلگەنىنە العىس ايتامىز. سەنەگال ءتوراعا شي جينپيڭنىڭ بىلتىر جۇڭگو − افريكا سەلبەستىك تالقى مىنبەرى يوگاننەسبۋرگتەگى باسشىلار كەڭەسىندە جاريالاعان افريكامەن سەلبەستىك جاساۋ جوسپارىن جانە جۇڭگونىڭ تياناقتاندىرۋ شارالارىن جوعارى باعالايدى، جۇڭگومەن تىعىز سەلبەسىپ، افريكانىڭ ءوز كۇشىنە سۇيەنىپ دامۋىن ىسكە اسىرۋدى قالايدى. ۋاڭ حۋنيڭ، لي جانشۋ، ياڭ جيەچىلار كەزدەسۋدە بىرگە بولدى.
شينحۋا اگەنتتىگىنىڭ 2 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 2 - قىركۇيەك حاڭجوۋدا 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەن سيلى قوناق لاوس حالىق دەموكراتيالىق رەسپۋبليكاسىنىڭ ءتوراعاسى بوڭناڭمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن لاوس تاتۋ كورشى، جاقىن دوس، ايرىلماس سەرىكتەر. جۇڭگو مەن لاوس ديپلوماتيالىق قاتىناس ورناتقان 55 جىلدان بەرى ەكى ەلدىڭ ءداستۇرلى دوستىعى جۇرت جۇرەگىنە تەرەڭ ۇيالاپ، ءارقايسى سالاداعى سەلبەستىكتەرى جاپپاي ىلگەرىلەپ، ەكى ەل حالقىنا شىنايى يگىلىكتەر اكەلدى. ءسىز بيىل مامىردا جۇڭگوعا ساپارلاي كەلگەن كەزىڭىزدە، ءبىز جاڭا داۋىردەگى جۇڭگو مەن لاوستىڭ جالپى بەتتىك ستراتەگيالىق سەلبەستىك قاتىناسى جونىندە ورتاق تانىم قالىپتاستىرعان ەدىك. جۇڭگو لاوسپەن بىرگە ەكى ەلدىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن ۇزدىكسىز ىلگەرىلەتىپ، جۇڭگو مەن لاوستىڭ مىزعىماس تاعدىرلاس ورتاق تۇلعاسىن تىزە قوسا بىرگە قالىپتاستىرۋدى ءۇمىت ەتەدى.
شي جينپيڭ مىنالاردى باسا دارىپتەدى: ءبىز جوعارى جىكتەگىلەردىڭ بارىس - كەلىسىن جيىلەتىپ، ستراتەگيالىق قارىم - قاتىناستى تەرەڭدەتۋىمىز، پارتيانى باسقارۋ، ەل بيلەۋ جاعىندا تاجىريبە اۋىستىرۋدى كۇشەيتۋىمىز كەرەك. دامۋ ستراتەگيالارىن توعىستىرىپ، ءوزارا تيىمدىلىك جاساپ، سەلبەستىك ورناتۋدى تەرەڭدەتۋىمىز، «ءبىر بەلدەۋ، ءبىر جول» قۇرىلىسى مەن وندىرىستىك قۋات سەلبەستىگىن تىزە قوسا ىلگەرىلەتۋىمىز، نەگىزدىك قۇرىلعى قۇرىلىستارى، ەنەرگيا اشۋ، ەكونوميكالىق سەلبەستىك باقشاسى سياقتى سالالار بويىنشا سەلبەستىك ورناتۋدى كۇشەيتىپ، مۇددە ورتاقتىعىن كەڭەيتە ءتۇسۋىمىز كەرەك. ەكى ەلدىڭ ديپلوماتيالىق قاتىناس ورناتقاندىعىنىڭ 55 جىلدىعىن ەسكە تۇسىرۋگە قاتىستى قۇتتىقتاۋ قيمىلدارىن ۇزدىكسىز ويداعىداي ورىستەتىپ، وقۋ - اعارتۋ، مادەنيەت، ساياحات، زاڭ اتقارۋ، حاۋىپسىزدىك سياقتى سالالارداعى اۋىس - كۇيىس پەن سەلبەستىكتى كۇشەيتۋىمىز كەرەك. لاوستىڭ شىعىس وڭتۇستىك ازيا ەلدەرى وداعىنا كەزەكتى ءتوراعا ەل بولۋ سالاۋاتىمەن، 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋى كەلەلى مانگە يە. ءبىز لاوستى قامتىعان ءارقايسى ەلمەن تىزە قوسا تىعىز سايكەسىپ باس قوسۋدىڭ بەلسەندى ناتيجەگە قول جەتكىزۋىن ءۇمىت ەتەمىز.
بوڭناڭ بىلاي دەدى: جۇڭگو جاقتىڭ لاوستى 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا ۇسىنىس ەتكەندىگىنە العىس ايتامىز، لاوس جۇڭگونىڭ دامۋدى باس قوسۋدىڭ ءتۇيىندى تاقىرىبى ەتكەندىگىنە، سونداي - اق باس قوسۋدىڭ بەلسەندى ناتيجەگە قول جەتكىزۋى جولىندا كورسەتكەن قۇلشىنىستارىنا وسكەلەڭ باعا بەرەدى. قازىر لاوس پەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قاتىناسى تەز قارقىنمەن دامىپ، ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ءار سالاداعى سەلبەستىگى تىنباي ىلگەرىلەپ، ەكى ەل حالقىنا شىنايى يگىلىكتەر اكەلدى. لاوس جۇڭگونىڭ حالىقارالىق جانە وڭىرلىك ىستەردە ماڭىزدى رول اتقارۋىن ۇزدىكسىز قولدايدى، سونداي - اق جۇڭگومەن اۋىس - كۇيىس جاساۋدى، سايكەسۋدى كۇشەيتۋدى قالايدى.
ۋاڭ حۋنيڭ، لي جانشۋ، ياڭ جيەچىلار كەزدەسۋدە بىرگە بولدى.
شينحۋا اگەنتتىگىنىڭ 2 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 2 - قىركۇيەكتە حاڭجوۋدا 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەن برازيليانىڭ زۇڭتۇڭى تەمەرمەن كەزدەستى. شي جينپيڭ الدىمەن برازيليانىڭ ريو - دە - جانەيرو وليمپياداسىن تابىستى وتكىزگەنىن قۇتتىقتادى، جۋىق ارادا اشىلاتىن ريو - دە جانەيرو مۇگەدەكتەر وليمپياداسىنىڭ دا تولىق تابىسقا جەتۋىن تىلەدى.
شي جينپيڭ مىنالاردى اتاپ كورسەتتى: جۇڭگو مەن برازيليانىڭ دوستىق قاتىناسى − ەكى ەلدىڭ ءار كەزەكتى ۇكىمەتتەرىنىڭ جانە قوعامداعى ءار سالاداعىلاردىڭ تاباندى قولداۋىنا يە بولعان، كەمەلىنە كەلگەن ءارى بەكەمدەلگەن مەملەكەت ارا قاتىناس. جۇڭگو برازيليانىڭ دامۋ بولاشاعىنا، جۇڭگو - برازيليا سەلبەستىگىنە تولىق سەنىم ارتادى. جۇڭگو مەن برازيليا ءبىر - بىرىنە دامۋ ورايىن بەرەدى جانە دامۋداعى سەرىكتەستەر دەپ ساناۋدان جازباي، ەكى ەل سەلبەستىگىن كۇشەيتىپ، جۇڭگو مەن برازيليانىڭ جالپى بەتتىك ستراتەگيالىق سەرىكتەستىك قاتىناسىن ۇزبەي تىڭ ساتىعا كوتەرۋى كەرەك.شي جينپيڭ مىنالاردى باسا دارىپتەدى: جۇڭگو مەن برازيليا جوعارى جىكتەگىلەردىڭ جانە ءارقايسى سالالاردىڭ تىعىز بارىس - كەلىسىن ساقتاۋى كەرەك. ەكونوميكادا ءبىرىن - ءبىرى ارتىقشىلىقتارىمەن تولىقتاۋ باسىمدىلىعىن ساۋلەلەندىرىپ، ەكونوميكا - ساۋدا سەلبەستىگىن ىلگەرىلەتىپ، ورتاق دامۋدى جەبەۋى قاجەت. كاسىپ سالاسىن توعىستىرۋ مەن وندىرىستىك قۋات سەلبەستىگىن كۇشەيتىپ، «ەكى مۇحيت تەمىر جولى» سياقتى كەلەلى نىسانداردا ماندىك ىلگەرىلەۋشىلىككە قول جەتكىزۋدى جەبەۋى ءتيىس. عىلىم - تەحنيكادا جاڭالىق اشۋ ارقىلى ەكى ەلدىڭ ناقتى سەلبەستىگىنە تىڭ ومىرشەڭدىك كۇش قوسۋ كەرەك. ەنەرگيا ۇنەمدەۋ، قورشاعان ورتانى قورعاۋ، قايتا تۋىندايتىن ەنەرگيا سياقتى جاڭادان گۇلدەنگەن سالالاردىڭ سەلبەستىگىن تەرەڭدەتىپ، قارجى توپتاۋ سەلبەستىگى اياسىن كەڭەيتۋ قاجەت. گۋمانيتارلىق اۋىس - كۇيىس، جاستار، دەنە تاربيە سياقتى سالالارداعى اۋىس - كۇيىس، سەلبەستىك اياسىن كەڭەيتۋ قاجەت. الەمدىك جونگە سالۋ، باياندى دامۋ، الەمدىك ساۋدا ۇيىمىنىڭ دوحا كەڭەسى، كليمات وزگەرىسى سياقتى حالىقارالىق كەلەلى ماسەلەلەردە ستراتەگيالىق سايكەسۋدى كۇشەيتۋى ءتيىس. 20 ەل توبى، بريكس ەلدەرى جۇلگەسىندەگى سايكەسۋ مەن سەلبەستىكتى نىعايتۋ كەرەك.
شي جينپيڭ مىنالاردى اتاپ كورسەتتى: جۇڭگو لاتىن امەريكاسىنداعى ەلدەردىڭ دامۋ بولاشاعىنا باستان - اياق سەنىم ارتىپ كەلەدى. جۇڭگو مەن لاتىن امەريكاسىنداعى ەلدەردىڭ جالپىلىق سەلبەستىگى جونىندە برازيليامەن تىلدەسۋدى، سايكەسۋدى ۇزبەي جالعاستىرىپ، جۇڭگو مەن لاتىن امەريكاسىنداعى ەلدەردىڭ تالقى مىنبەرى قۇرىلىسىن بىرگە ىلگەرىلەتۋدى، جۇڭگو مەن لاتىن امەريكاسىنداعى ەلدەردىڭ جالپى بەتتىك ستراتەگيالىق سەرىكتەستىك قاتىناسىنىڭ مازمۇنىن ۇزبەي تولىقتاۋدى قالايدى.تەمەر بىلاي دەدى: زۇڭتۇڭدىق مىندەتكە تاعايىندالعاننان كەيىن جۇڭگوعا تۇڭعىش رەت ساپارلاي كەلگەنىمدى ءارى 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناساتىنىمدى توتەنشە قۋانىش سانايمىن. برازيليا جۇڭگومەن جالپى بەتتىك ستراتەگيالىق سەرىكتەستىك قاتىناستى ورنىقتى، باياندى تەرەڭدەتۋگە ءمان بەرەدى. ەكى ەلدىڭ ەكونوميكا - ساۋدا، ەنەرگيا، اۆياتسيا، ەگىن - مال شارۋاشىلىعى، قارجى قوسۋ، قارجى توپتاۋ، نەگىزدىك قۇرىلعىلار سياقتى سالالارداعى سەلبەستىكتى كۇشەيتۋدى، كليمات وزگەرىسىنە توتەپ بەرۋ سەكىلدى حالىقارالىق ىستەردە تىعىز تىلدەسۋ مەن سايكەسۋدى كۇشەيتۋدى قالايدى.
ۋاڭ حۋنيڭ، لي جانشۋ، ياڭ جيەچىلار كەزدەسۋدە بىرگە بولدى.
شينحۋا اگەنتتىگىنىڭ 2 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 2 - قىركۇيەك حاڭجوۋدا سينگاپۋردىڭ زۇڭليى لي شيانلۇڭمەن كەزدەستى.
شي جينپيڭ لي شيانلۇڭنىڭ 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەندىگىن قارسى الدى. شي جينپيڭ بىلاي دەپ باسا دارىپتەدى: بىلتىر جۇڭگو مەن سينگاپۋر داۋىرمەن تەڭ ىلگەرىلەگەن جالپى بەتتىك سەلبەستىك سەرىكتەستىك قاتىناس ورناتتى. تاريحتىڭ وسىنداي تىڭ بەلەسىندە، ەكى جاق جوعارى دەڭگەيدەگى جوبانى ويداعىداي جاساپ، ەكى ەل قاتىناسىن دامىتۋدى ويداعىداي جوسپارلاپ، جوعارى جىكتەگىلەردىڭ قارىم - قاتىناسىن ساقتاپ، اۋىس - كۇيىس جاساۋدى كۇشەيتۋى، ەكى جاق وزەكتى مۇددە ماسەلەسى مەن باسا نازار اۋدارعان ماڭىزدى ماسەلەلەرگە ءدوپ كەلگەندە ءوزارا ءتۇسىنىسىپ، ءوزارا قۇرمەت ەتۋى كەرەك. جۇڭگو سينگاپۋردىڭ «ءبىر بەلدەۋ، ءبىر جول» قۇرىلىسىنا ات سالىسۋدى قالايتىن بەلسەندىلىگىنە وسكەلەڭ ءمان بەرەدى، سونداي - اق جۇڭگو - سينگاپۋر چۇڭچيڭ ستراتەگيالىق بايلانىستان، قارىم - قاتىناستان ۇلگى كورسەتەتىن نىسانداردى ەكى ەل سەلبەستىگىنىڭ جارقىن تۇيىنىنە اينالدىرۋدى ءۇمىت ەتەدى. ەكى جاق سۋجوۋ ونەركاسىپ باقشا رايونى مەن تيانجين ەكولوگيالىق قالاسى سىندى ونەگەلىك رول اتقاراتىن 2 نىساننىڭ ساپاسى مەن دەڭگەيىن جوعارىلاتۋى، فينانس، عالامتور، ينفورماتسيا، حابارلاسۋ تەحنيكاسى قوعامدىق باسقارۋ، زاڭ اتقارۋ، حاۋىپسىزدىك، لاڭكەستىككە قارسى تۇرۋ، جەمقورلىقپەن كۇرەسۋ سياقتى سالالارداعى سەلبەستىكتەرىن تەرەڭگە بويلاتا ءتۇسۋى كەرەك. سينگاپۋردىڭ جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسىن سايكەستىرەتىن ەل بولۋ تۇرعىسىنان بەلسەندى رول اتقارۋىن، جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسىنىڭ اقاۋسىز، ورنىقتى دامىتۋىن ىلگەرىلەتۋىن ءۇمىت ەتەمىن. جۇڭگو سينگاپۋرمەن وڭىرلىك جانە حالىقارالىق مەحانيزم اياسىنداعى قارىم - قاتىناستى، سايكەسۋدى كۇشەيتۋدى قالايدى.
لي شيانلۇڭ بىلاي دەدى: ۇسىنىس بويىنشا جۇڭگوعا كەلىپ 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسقاندىعىما ايرىقشا قۋانىشتامىن. سينگاپۋر مەن جۇڭگونىڭ داۋىرمەن تەڭ ىلگەرىلەگەن جالپى بەتتىك سەلبەستىك سەرىكتەستىك قاتىناسىنىڭ ءجون سىلتەۋىندە ەكى ەلدىڭ ءار سالاداعى سەلبەستىكتەرى ءساتتى ىلگەرىلەدى. سينگاپۋر - جۇڭگو چۇڭچيڭ ستراتەگيالىق بايلانىستان، قارىم - قاتىناستان ۇلگى كورسەتۋ نىساندارى بىرتىندەپ تۇلعالاندى، سينگاپۋر وسى ورايدى مىقتى يگەرىپ، ەكى ەلدىڭ «ءبىر بەلدەۋ، ءبىر جول» جۇلگەسىندە اۆياتسيا، فينانس، بايلانىس، قارىم - قاتىناس جاساۋ سياقتى سالالارداعى سەلبەستىكتەردىڭ ءورىسىن كەڭەيتۋدى ءۇمىت ەتەدى. جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسىن سايكەستىرەتىن ەل بولۋ ساناتىندا، سينگاپۋر جۇڭگو مەن شىعىس وڭتۇستىك ازيا ەلدەرى وداعىنىڭ ءوزارا تيىمدىلىك جاساپ، سەلبەستىك ورناتۋىن ۇزدىكسىز جەبەيدى.
ۋاڭ حۋنيڭ، لي جانشۋ، ياڭ جيەچىلار كەزدەسۋدە بىرگە بولدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
