- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ وبامامەن، پان كيمۇنمەن بىرگە كليمات وزگەرىسى جونىندەگى «پاريج كەلىسىمىن» بەكىتۋ قۇجاتىن ساقتاۋعا تاپسىرۋ سالتىنا قاتىناستى
G20 حاڭجوۋ باس قوسۋىنا قاتىناسۋعا كەلگەن ءار ەلدىڭ باسشىلارىمەن جەكە - جەكە كەزدەستى
2016.09.05 13:32 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 3 - قىركۇيەكتە حاڭجوۋدا ا ق ش زۇڭتۇڭى وبامامەن جانە ب م ۇ - نىڭ باس حاتشىسى پان كيمۇنمەن بىرگە كليمات وزگەرىسى جونىندەگى «پاريج كەلىسىمىن» بەكىتۋ حۇجاتىن ساقتاۋعا تاپسىرۋ سالتىنا قاتىناستى.
سالت تۇستەن كەيىن ساعات 5تەن 30 مينۋت وتكەندە باستالدى. شي جينپيڭ مەن وباما جەكە - جەكە پان كيمۇنعا جۇڭگو مەن ا ق ش - تىڭ كليمات وزگەرىسى جونىندەگى «پاريج كەلىسىمىن» بەكىتۋ حۇجاتىن تاپسىردى. سوڭىنان شي جينپيڭ ءسوز سويلەدى.
شي جينپيڭ بىلاي دەپ اتاپ كورسەتتى: كليمات وزگەرىسى حالىقتىڭ باقىتىمەن، ادامزاتتىڭ بولاشاعىمەن قاتىستى. «پاريج كەلىسىمى» 2020 - جىلدان كەيىنگى الەمدىك سەلبەستىك ورناتىپ كليمات وزگەرىسىنە توتەپ بەرۋ جونىندە ايقىن باعدار نۇسقادى، ول دۇنيە ءجۇزىنىڭ كليماتىن جونگە سالۋدىڭ سەلبەسىپ ورتاق يگىلىككە كەنەلەتىن، ءادىل، ۇيلەسىمدى جۇيەسىنىڭ قالىپتاسىپ كەلە جاتقانىن كورسەتەدى. جۇڭگو كليمات وزگەرىسىنە توتەپ بەرۋ جولىندا ەلەۋلى ۇلەستەر قوستى. جۇڭگو 20 ەل توبىنا ۇندەۋ تاستاپ، كليمات وزگەرىسى ماسەلەسىنە قاتىستى ءتوراعالار مالىمدەمەسىن جاريالاپ، «پاريج كەلىسىمىنە» الدىمەن قول قويدى. جۇڭگونىڭ ب م ۇ - عا بەكىتۋ حۇجاتىن ساقتاۋعا تاپسىرۋى − جۇڭگو ۇكىمەتىنىڭ جاڭا ايبىندى ۋادەسى.
شي جينپيڭ بىلاي دەپ باسا دارىپتەدى: جۇڭگو جاۋاپكەرشىلىكتى باتىلدىقپەن ارقالاي الاتىن دامۋ ۇستىندەگى ءىرى ەل، الەمدىك كليمات جاعدايىن جونگە سالۋعا بەلسەنە ات سالىسۋشى. جۇڭگو جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىككە كەنەلەتىن دامۋ سىندى دامۋ كوزقاراسىن تياناقتاندىرىپ، ەنەرگيانى ۇنەمدەپ، جاراقسىز زاتتاردىڭ شىعارىلۋىن ازايتۋدى جانە تومەن كومىرتەكتى دامۋدى جاپپاي ىلگەرىلەتىپ، ەكولوگيالىق وركەنيەتتىڭ جاڭا داۋىرىنە قادام تاستايدى.
وباما سوزىندە بىلاي دەدى: كليمات وزگەرىسى ماسەلەسىنە توتەپ بەرۋ − حالىقارالىق قوعامنىڭ تىزە قوسا قۇلشىنۋىنا مۇقتاج. ا ق ش پەن جۇڭگو حالىقارالىق سەلبەستىكتى ىلگەرىلەتۋ، «پاريج كەلىسىمىنىڭ» جاسالۋىن جەبەۋ جولىندا ماڭىزدى رول اتقاردى. ا ق ش جۇڭگومەن ۇزدىكسىز تىعىز سەلبەسىپ، اناعۇرلىم حاۋىپسىز ءارى گۇلدەنگەن دۇنيە قۇرۋ جولىندا قۇلشىنۋدى قالايدى.
پان كيمۇن ارناۋ سوزىندە بىلاي دەدى: جۇڭگو مەن ا ق ش - تىڭ «پاريج كەلىسىمىنە» الدىمەن قول قويىپ بەكىتۋى وسى كەلىسىمنىڭ بيىل كۇشكە يە بولۋىن پارمەندى ىلگەرىلەتەدى. ب م ۇ جۇڭگو مەن ا ق ش - تىڭ كليمات وزگەرىسىنىڭ سىن - سايىسىنا توتەپ بەرۋدە اتقارعان باسشىلىق رولىن جوعارى باعالايدى. ۇلى مۇراتقا ۇمتىلعان «پاريج كەلىسىمى» الداعى جەردە بۇكىل جەر شارىنىڭ باياندى دامۋىنا جاڭا تۇراقتى جۇلگە ازىرلەپ، ءبىزدىڭ ورتاق مەكەنىمىزگە قالقان بولادى.
ۋاڭ حۋنيڭ، ۋاڭ ياڭ، لي جانشۋ، ياڭ جيەچى قاتارلىلار سالتقا قاتىناستى.
شينحۋا اگەنتتىگىنىڭ 3 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 3 - قىركۇيەكتە حاڭجوۋداعى شيحۋ مەملەكەتتىك قوناق ۇيىندە 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەن ا ق ش زۇڭتۇڭى وبامامەن كەزدەستى. ەكى ەل باسشىلارى جۇڭگو - ا ق ش قاتىناسى جانە بىرگە كوڭىل اۋدارىپ وتىرعان كەلەلى حالىقارالىق، رايوندىق ماسەلەلەر جونىندە رياسىز، تەرەڭ ءارى دوستىق تۇرعىدا پىكىر اۋىستىرىپ، ءبىر قىدىرۋ ماڭىزدى ورتاق تانىم قالىپتاستىردى.
شي جينپيڭ بىلاي دەپ اتاپ كورسەتتى: 44 جىلدىڭ الدىندا، جۇڭگو مەن ا ق ش - تىڭ باسشىلارى ءدال وسى شيحۋ قوناق ۇيىندە «شاڭحاي مازمۇنداماسىن» ماقۇلداپ، ەكى ەل قاتىناسىنىڭ قالىپقا ءتۇسۋىنىڭ تاريحي ءۇردىسىن باستاعان ەدى. 2013 - جىلى ءبىز اننەنبەرگ شارۋا قوجالىعىندا كەڭەسكەننەن بەرى، تاراپتاردىڭ بىرگە قۇلشىنۋىندا جۇڭگو مەن ا ق ش - تىڭ جاڭاشا ءىرى ەلدەر قاتىناس قۇرىلىسىندا كوپتەگەن ناقتى جەتىستىكتەرگە قول جەتتى. جۇڭگو مەن ا ق ش - تىڭ ەكى جاقتى ساۋدا سوماسىندا، قوس باعىتتى قارجى سالۋىندا، ادامدار بارىس - كەلىسىندە تاريحتاعى ەڭ جاڭا ناتيجە جارىققا شىقتى. تاراپتار كليمات وزگەرىسىنە توتەپ بەرىپ، ەكى جاقتى قارجى قوسۋ كەلىسىمى كەلىسسوزىن ىلگەرىلەتۋ، ەكى ەل ارميالارىنىڭ ءوزارا سەنىم مەحانيزمىن ورناتۋ، ينتەرنەتتىك قىلمىستارعا سوققى بەرۋ، افريكاداعى ەبولا ىندەتىنە توتەپ بەرۋ، يراننىڭ يادرو ماسەلەسى جونىندە جان - جاقتى كەلىسىمگە كەلۋ جاقتارىندا ماڭىزدى ىلگەرىلەۋشىلىكتەرگە قول جەتكىزدى. وسى جەتىستىكتەر جۇڭگو - ا ق ش قاتىناسىنىڭ ستراتەگيالىق ماڭىزى مەن بۇكىل الەمدىك ىقپالىن تولىق كورسەتىپ، جۇڭگو مەن ا ق ش - تىڭ اراسىنداعى ورتاق مۇددەنىڭ الاۋىزدىقتان باسىم تۇراتىندىعىن، جۇڭگو مەن ا ق ش سەلبەسسە ەكى ەلگە جانە دۇنيە جۇزىنە پايدالى قىرۋار كەلەلى ىستەردى تىندىرا الاتىندىعىن تولىق ءتۇسىندىردى.
شي جينپيڭ بىلاي دەپ باسا دارىپتەدى: جۇڭگو مەن ا ق ش ەكى ەل قاتىناسىنىڭ دامۋىنىڭ دۇرىس بەتالىسىن مىقتاپ يگەرىپ، قاقتىعىسپاۋ، قارسىلاسپاۋ، ءوزارا قۇرمەت ەتۋ، سەلبەسىپ تەڭ يگىلىككە جەتۋ پرينسيبىنە تاباندى بولىپ، ءوزارا سەنىمدى ىلگەرىلەتىپ، سەلبەستىكتى تەرەڭدەتىپ، الاۋىزدىقتى سىندارلى تاسىلمەن مەڭگەرىپ، جۇڭگو - ا ق ش قاتىناسىنىڭ باياندى، اقاۋسىز، ورنىقتى دامۋىن جەبەۋ كەرەك.
شي جينپيڭ مىنالاردى اتاپ كورسەتتى: جۇڭگو ا ق ش - تىڭ جۇڭگونىڭ 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىن ۇيىمداستىرۋىنا سايكەسكەنىن جانە قولداعانىن القايدى. وسى جولعى باس قوسۋدى ويداعىداي وتكىزۋ − حالىقارالىق قوعامنىڭ ورتاق تىلەگى ءارى دۇنيە ءجۇزىنىڭ الدىڭعى قاتارداعى ەكى ءىرى ەكونوميكالىق تۇلعاسى ەسەپتەلەتىن جۇڭگو مەن ا ق ش - تىڭ وتەۋگە ءتيىستى جاۋاپكەرشىلىگى. جۇڭگو ا ق ش - مەن، سونداي - اق باسقا جاقتارمەن بىرگە قۇلشىنىپ، باس قوسۋدىڭ قوماقتى جەتىستىكتەرگە قول جەتكىزىپ، دۇنيە ەكونوميكاسىنا قوزعاۋشى كۇش قوسىپ، سەنىمدى سەرپىلتۋىن قامتاماسىز ەتەدى.
شي جينپيڭ بىلاي دەپ اتاپ كورسەتتى: كليمات وزگەرىسىنە توتەپ بەرۋ سەلبەستىگى جۇڭگو - ا ق ش قاتىناسىنداعى ۇلكەن جارقىن تۇيىنگە اينالىپ وتىر. جۇڭگو مەن ا ق ش «پاريج كەلىسىمىن» الدىمەن بەكىتتى ءارى ب م ۇ - نىڭ باس حاتشىسىنا بەكىتۋ حاتىن بىرلەسىپ تاپسىردى، 20 ەل توبى اياسىندا جانعىش قازىندىلارعا بەرىلەتىن قوسىمشا قاراجاتتى قاراۋ بايانداماسىن الدىمەن جازىپ، حالىقارالىق قوعامنىڭ وسى عالامدىق سايىسقا بىرگە توتەپ بەرۋىنە تاعى دا ماڭىزدى ۇلەس قوستى. تاراپتار ەنەرگيا ۇنەمدەپ جاراقسىز زاتتاردىڭ شىعارىلۋىن ازايتۋ، تازا ەنەرگيا، ينتەلەكتۋالدى ەلەكتر تورى، جاسىل پورت، تومەن كومىرتەكتى قالا سياقتى سالالارداعى ناقتى سەلبەستىك اياسىن ۇزدىكسىز كەڭەيتۋى كەرەك.
شي جينپيڭ: جۇڭگو مەن ا ق ش ەكى ەل ارمياسى، جەمقورلىققا قارسى تۇرۋ جانە زاڭ اتقارۋ، ينتەرنەت حاۋىپسىزدىگى، گۋمانيتارلىق، جەرگىلىكتى ورىندار، ب م ۇ - نىڭ حاۋىپسىزدىكتى قورعاۋى سياقتى سالالارداعى ناقتى سەلبەستىكتەردى ۇزدىكسىز بەلسەندى تۇردە كەڭەيتۋى كەرەك، - دەپ اتاپ كورسەتتى.
ەكى ەل باسشىلارى تاراپتار اراسىندا ورىن تەۋىپ وتىرعان ءىشىنارا الاۋىزدىق ماسەلەلەرى جونىندە پىكىر اۋىستىرىپ، ونى سىندارلى ءتاسىل ارقىلى ءبىر جايلى ەتۋگە جانە مەڭگەرۋگە قوسىلدى. شي جينپيڭ جۇڭگونىڭ تايۋانعا، شيزاڭعا ساياتىن ماسەلەلەر مەن ادامدىق ۇقىق سياقتى ماسەلەلەرى جونىندەگى پرينسيپتىك مايدانىن پايىمدادى. شي جينپيڭ بىلاي دەپ اتاپ كورسەتتى: جۇڭگو مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاپ، «تايۋان تاۋەلسىزدىگىن» قۋاتتايتىن كەز كەلگەن فورماداعى بولشەكتەۋ ارەكەتتەرىن باتىل اۋىزدىقتاپ، ەكى جاعالاۋ قاتىناسىنىڭ بەيبىت دامۋىن قۇلشىنا قورعاپ، مەملەكەتتىڭ بەيبىت جولمەن بىرلىككە كەلۋ بولاشاعىنا ۇمتىلادى. ا ق ش - تىڭ ءبىر جۇڭگو ساياساتىنان جانە جۇڭگو مەن ا ق ش - تىڭ ءۇش بىرىككەن مازمۇنداماسىنىڭ پرينسيبىنەن اۋىتقىماي، ەكى جاعالاۋ قاتىناسىنىڭ بەيبىت جولمەن دامۋىن جانە جۇڭگو - ا ق ش سەلبەستىگىنىڭ جالپى جاعدايىن ناقتى ارەكەت ارقىلى قورعاۋىن ءۇمىت ەتەدى. ا ق ش - تىڭ شيزاڭعا ساياتىن ماسەلەلەردە جۇڭگوعا بەرگەن ۋادەسىن ورىنداپ، «شيزاڭ تاۋەلسىزدىگى» كۇشتەرىن جانە جۇڭگوعا قارسى بولشەكتەۋ ارەكەتتەرىن قولداماۋىن ءۇمىت ەتەدى. جۇڭگو ادامدىق ۇقىققا بارىنشا ءمان بەرىپ، ونى قورعاپ جانە جەبەپ، ازاماتتاردىڭ ءدىني سەنىم ەركىندىگىن زاڭ بويىنشا قامتاماسىز ەتەدى. جۇڭگونىڭ ادامدىق ۇقىق ىستەرىندە قول جەتكىزگەن جەتىستىكتەرىن جۇرتتىڭ ءبارى كورىپ وتىر. جۇڭگو تەرەزەسى تەڭ بولۋ، ءوزارا قۇرمەت ەتۋ نەگىزىندە باسقا ەلدەرمەن ادامدىق ۇقىق ماسەلەسى جونىندە كەڭەس وتكىزىپ، بارىس - كەلىس جاساۋدى قالايدى، ءبىراق كەز كەلگەن ءبىر ەلدىڭ ادامدىق ۇقىق ماسەلەسىنەن پايدالانىپ جۇڭگونىڭ ىشكى ىسىنە ارالاسۋىنا قارسى تۇرادى.
نانحاي ماسەلەسى جونىندە شي جينپيڭ مىنالاردى اتاپ كورسەتتى: جۇڭگو ءوزىنىڭ نانحاي تەڭىزىندەگى تەرريتوريالىق يەلىك ۇقىعى مەن تەڭىز - مۇحيتتاعى ۇقىق - مۇددەسىن ۇزدىكسىز باتىل قورعاۋمەن بىرگە، ىسكە تىكەلەي قاتىستى جاقتارمەن كەڭەسۋ، كەلىسسوز وتكىزۋگە جانە بىتىمگەرشىلىك جولمەن تالاستى شەشۋگە تاباندى بولىپ، شىعىس وڭتۇستىك ازيا ەلدەرى وداعىنا مۇشە ەلدەرمەن بىرگە نانحاي تەڭىزىنىڭ بەيبىتشىلىگى مەن ورنىقتىلىعىن قورعايدى. ا ق ش - تىڭ نانحاي تەڭىزى ءوڭىرىنىڭ بەيبىتشىلىگى مەن ورنىقتىلىعىن قورعاۋدا ناتيجەلى رول كورسەتۋىن ءۇمىت ەتەدى.
كورەي تۇبەگىنىڭ يادرو ماسەلەسىندە، شي جينپيڭ مىنالاردى باسا دارىپتەدى: جۇڭگو كورەي تۇبەگىن يادرولىق قارۋسىزداندىرۋعا قاشاندا تاباندى بولىپ، تۇبەكتىڭ بەيبىتشىلىگى مەن تۇراقتىلىعىن قورعاۋدان، پىكىرلەسۋ ارقىلى كەڭەسىپ، ماسەلەنى شەشۋدەن جازباي كەلەدى. تاراپتار تۇبەك جاعدايىن شيەلەنىستىرەتىن ارەكەت قولدانۋدان ساقتانۋى، جاعدايدى جاراستىرۋدى جەبەۋگە بىرگە بەلسەنە قۇلشىنۋى ءتيىس. جۇڭگو ا ق ش - تىڭ وڭتۇستىك كورەيادا «ساد» زىمىرانعا قارسى جۇيەسىن ورنالاستىرۋىنا قارسى تۇرىپ، ا ق ش - تان جۇڭگونىڭ ستراتەگيالىق حاۋىپسىزدىك مۇدددەسىنە شىنايى قۇرمەت ەتۋدى تالاپ ەتەدى.
وباما بىلاي دەدى: ا ق ش پەن جۇڭگو قاتىناسى تاريحىندا ماڭىزدى ءمان الاتىن حاڭجوۋدا شي جينپيڭ توراعامەن قايتالاي كەزدەسىپ، ا ق ش پەن جۇڭگو قاتىناسىنىڭ كەڭدىگى جانە تەرەڭ مۇمكىندىكتەرى جونىندە ارى قاراي پىكىر اۋىستىرعانىما قۋانىشتىمىن. ا ق ش پەن جۇڭگو بۇگىن «پاريج كەلىسىمىن» الدىمەن ماقۇلدادى جانە قابىلدادى، بۇل ەكى ەل سەلبەستىگىنىڭ ىقپال قۋاتىن تاعى ءبىر رەت كورسەتتى. ا ق ش ەكى ەلدىڭ ەنەرگيا، عىلىم - تەحنيكا، ءبىلىم بەرۋ سياقتى جاقتارداعى اۋىس - كۇيىسىنىڭ ورنىقتى ىلگەرىلەۋشىلىكتەرگە قول جەتكىزگەنىنە قۋانادى، جۇڭگومەن بىرگە مەملەكەت ارالىق قىلمىستارعا سوققى بەرۋ سياقتى زاڭ اتقارۋ سەلبەستىكتەرىن جۇرگىزۋدى، ساۋدا - ەكونوميكا جانە قارجى قوسۋ سياقتى جاقتاردا جۇڭگومەن ءتىپتى دە كۇشتى قارىم - قاتىناس ورناتۋدى تالقىلاۋدى، سونداي - اق وڭىرلىك جانە الەمدىك حاۋىپسىزدىكتى ىلگەرىلەتۋ سياقتى ءتىپتى دە كەڭ سالالاردا جۇڭگومەن سەلبەستىكتى كۇشەيتۋدى قالايدى.
وباما بىلاي دەدى: تايۋان ماسەلەسىندە ا ق ش ءبىر جۇڭگو ساياساتىن جۇرگىزۋدى وزگەرتپەيدى، تايۋاننىڭ «تاۋەلسىزدىگىن» كوزدەيتىن ءارقانداي ارەكەتكە قارسى تۇرادى. ا ق ش شيزاڭنىڭ جۇڭگونىڭ ءبىر بولىگى ەكەنىن مويىندايدى. ا ق ش پەن جۇڭگو قاتىناسى ەكى ەلدىڭ مۇددەسى بىردەي سالالاردا ناتيجەلى سەلبەستىك جاساسۋعا كەپىلدىك ەتۋى، سونىمەن بىرگە الاۋىزدىق بار سالالاردا قاتىستى ماسەلەلەردى جاقسى مەڭگەرۋى، ونىڭ ەكى ەل قاتىناسىنا ىقپال ەتۋىنەن ساقتانۋى كەرەك.
تاراپتار باسقا دا حالىقارالىق، وڭىرلىك ماسەلەلەر جونىندە تەرەڭدەي پىكىر اۋىستىردى. تاراپتار بىلاي دەپ قارادى: جۇڭگو مەن ا ق ش - تىڭ ازيا - تىنىق مۇحيت ءوڭىرى ىستەرىندە كەڭ ورتاق مۇددەلەرى بار. تاراپتار بارىس - كەلىس پەن سەلبەستىكتى ۇزدىكسىز كۇشەيتۋى، الاۋىزدىقتى لايىقتى مەڭگەرۋى ءتيىس. تاراپتار قاتىستى وڭىرلىك قولامتالى ماسەلەلەردە جانە الەمدىك سايىستارداعى سايكەسۋ مەن سەلبەسۋدى كۇشەيتۋدى، حالىقارالىق قوعاممەن بىرگە، قاتىستى ماسەلەلەردىڭ لايىقتى شەشىلۋىن جەبەپ، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن جەبەۋدە بەلسەنە رول كورسەتۋدى قالايدى.
شينحۋا اگەنتتىگىنىڭ 3 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 3 - قىركۇيەكتە حاڭجوۋداعى شيحۋ قوناق ۇيىندە 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەن ارگەنتينانىڭ زۇڭتۇڭى ماكريمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن ارگەنتينا بازارى جاڭادان گۇلدەنگەن ماڭىزدى ەل، سونداي - اق ءوزارا جاپپاي ستراتەگيالىق سەرىكتەستىك قاتىناس ورناتقان ەل، سوندىقتان اۋىس - كۇيىس جاساۋدى، سەلبەستىك ورناتۋدى كۇشەيتىپ، سىن - سايىستارعا بىرگە توتەپ بەرۋى، ورتاق دامۋدى ىسكە اسىرۋى كەرەك. جۇڭگو جۇڭگو مەن ارگەنتينا قاتىناسىنىڭ قازىرگى جاقسى بەتالىسىنا ءدان ريزا، ارگەنتينامەن تىزە قوسا قۇلشىنىپ، ەكى ەل قاتىناسىنىڭ جاڭا داۋىردە ونان ارى دامۋىن ىلگەرىلەتۋدى ءۇمىت ەتەمىن.
شي جينپيڭ بىلاي دەپ باسا دارىپتەدى: كەلەسى قادامدا ەكى ەل جوعارى جىكتەگىلەردىڭ تىعىز قارىم - قاتىناسىن ساقتاپ، ەكى جاقتى قاتىناستىڭ دامۋ جالپى بەتالىسىن مىقتى يگەرىپ، ساياساتتاردى بايلانىستىرۋ مەن دامۋ ستراتەگياسىن ۇشتاستىرۋدى كۇشەيتىپ، ءوز باسىمدىلىقتارى مەن قاجەتتەرىن اناعۇرلىم ويداعىداي ۇشاستىرىپ، ساۋدا، قارجى قوسۋ، فينانس سىندى «ءۇش اربانى» تەڭ ىلگەرىلەتۋى كەرەك. جۇڭگو ارگەنتينانىڭ 20 ەل توبىنىڭ 2018 - جىلعى ءتوراعا ەلى بولعاندىعىن قۇتتىقتايدى.
ماكري بىلاي دەدى: ارگەنتينا ارگەنتينا مەن جۇڭگونىڭ ءداستۇرلى دوستىعىن تەرەڭدەتۋگە قۇلشىنادى. ارگەنتينا مەن جۇڭگونىڭ ەكونوميكا جاقتاعى ءوزارا تولىقتاۋ مۇمكىنشىلىگى زور، ارگەنتينا ەكى ەلدىڭ ەنەرگيا، ساۋدا، قارجى قوسۋ، ساپا تەكسەرۋ، نەگىزدىك قۇرىلعىلار قۇرىلىسى، ساياحات سالالارىنداعى سەلبەستىگىن ۇزدىكسىز ىلگەرىلەتۋدى ءۇمىت ەتەدى. ارگەنتينا حالىقارالىق ىستەردە جۇڭگومەن جاقىن قارىم - قاتىناس جاساپ، تىعىز سايكەسۋدى قالايدى، جۇڭگونىڭ 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىن ءساتتى وتكىزۋىن قولدايدى.
شينحۋا اگەنتتىگىنىڭ 3 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 3 - قىركۇيەكتە حاڭجوۋدا 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەن وڭتۇستىك افريكانىڭ زۇڭتۇڭى زۋمامەن كەزدەستى.
شي جينپيڭ بىلاي دەپ اتاپ كورسەتتى: جۇڭگو جۇڭگو - وڭتۇستىك افريكا قاتىناسىنا باستان - اياق ستراتەگيالىق تۇرعىدا جانە ۇزاق بولاشاقتىق تۇرعىدا مامىلە جاساپ، جولداستىقتان دامىپ اعايىن بولۋداي ەرەكشە قاتىناستى ورناتۋعا كۇش سالدى. قازىرگى تاڭدا، جۇڭگو مەن وڭتۇستىك افريكانىڭ جان - جاقتى ستراتەگيالىق سەرىكتەستىك قاتىناسى تاراپتار تۇراقتاندىرعان باعىتقا قاراي ارشىندى قاداممەن ىلگەرىلەپ، ەكى ەل قاتىناسى تاريحتاعى ەڭ تاماشا كەزەڭگە قادام قويىپ، تاريحي دامۋ ورايىنا ءدوپ كەلىپ وتىر. جۇڭگو وڭتۇستىك افريكامەن بىرگە، جۇڭگو−وڭتۇستىك افريكا قاتىناسىنىڭ تىڭ بەلەسكە كوتەرىلۋىن جەبەۋدى قالايدى. تاراپتار ساياسيداعى ءوزارا سەنىمدىلىكتى كەڭەيتىپ، ساياسي پارتيالار، ۇكىمەتتەر، زاڭ شىعارۋ ورگاندارى، ارميالار اراسىنداعى اۋىس - كۇيىستى كۇشەيتىپ، ءوزارا ستراتەگيالىق سەلبەستىكتى تەرەڭدەتۋى كەرەك. جەرگىلىكتى ورىنداردىڭ سەلبەستىگىنە دەم بەرىپ، قارجى قوسۋ مەن كاسىپتەنۋدى ارتتىرۋ كەرەك. گۋمانيتارلىق بارىس - كەلىستى كەڭەيتىپ، ەكى ەل دوستىعىنىڭ جۇرت تىلەگى نەگىزىن بەكەمدەۋ كەرەك.
زۋما بىلاي دەدى: وڭتۇستىك افريكا مەن جۇڭگو دوستىعىنىڭ تامىرى تەرەڭدە، ەكى ەل قاتىناسى ۇزدىكسىز تەرەڭدەپ، ءتۇرلى سالاداعى سەلبەستىگى جەدەل دامىپ كەلەدى. وڭتۇستىك افريكا جۇڭگونىڭ افريكانىڭ دامۋىنا قوسقان ۇلەستەرىن القايدى، جۇڭگومەن بىرگە ب م ۇ، 20 ەل توبى، بريكس ەلدەرى، جۇڭگو - افريكا سەلبەستىك تالقى مىنبەرى سياقتى كوپ جاقتى جۇلگە اياسىنداعى سەلبەستىكتەردى نىعايتۋدى قالايدى.
شينحۋا اگەنتتىگىنىڭ 3 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 3 - قىركۇيەكتە حاڭجوۋدا 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەن تۇركيانىڭ زۇڭتۇڭى ەردوعانمەن كەزدەستى.
شي جينپيڭ بىلاي دەپ اتاپ كورسەتتى: بىلتىر تۇركيا 20 ەل توبىنا مۇشە ەلدەر باسشىلارىنىڭ انتالياداعى باس قوسۋىن تابىستى وتكىزدى ءارى حاڭجوۋ باس قوسۋىنىڭ دايىندىق جۇمىستارى جونىندە جۇڭگومەن تاماشا قارىم - قاتىناستى ساقتادى. تاراپتاردىڭ ورتاق قۇلشىنۋىندا سىزبەن ارادا قالىپتاستىرعان جۇڭگو مەن تۇركيانىڭ ەكى جاقتى قاتىناسىن دامىتۋدى ىلگەرىلەتۋ جونىندەگى كوپتەگەن ورتاق تانىم الدەقاشان تياناقتاندى نەمەسە تياناقتانۋ ۇستىندە. بۇل قۋانارلىق جەتىستىك. جۇڭگو بيىل جۇڭگو مەن تۇركيانىڭ ديپلوماتيالىق قاتىناس ورناتقانىنا 45 جىل تولعاندىعىن عانيمەت وراي ەتىپ، تۇركيامەن بىرگە قۇلشىنىپ، جۇڭگو مەن تۇركيانىڭ ستراتەگيالىق سەلبەستىك قاتىناسىنىڭ اناعۇرلىم زور دامۋعا قول جەتكىزۋىن جەبەۋدى قالايدى.
شي جينپيڭ بىلاي دەپ باسا دارىپتەدى: ەكى ەل ساياسي ءوزارا سەنىمدىلىكتىڭ وزەكتى ماسەلەلەرىن مىقتى يگەرۋى كەرەك، جۇڭگو تۇركيانىڭ جۇڭگونىڭ حاۋىپسىزدىگى ماسەلەسىنە زيان سالاتىن ىستەردىڭ تۇركيادا تۋىلۋىنا جول بەرمەيتىندىگىن دارىپتەگەنىن القاپ، تاراپتاردىڭ لاڭكەستىككە قارسى تۇرۋ ىستەرى بويىنشا حاۋىپسىزدىك سەلبەستىگىندە ءتىپتى دە مول ماندىك تابىستارعا قول جەتكىزۋىن ءۇمىت ەتەدى. جۇڭگو تۇركيامەن تىعىز سەلبەسىپ، 20 ەل توبىنىڭ دۇنيە ءجۇزى ەكونوميكاسىن رەتكە سالۋدا ءتىپتى زور رولىن ساۋلەلەندىرۋىن جەبەۋدى قالايدى.
ەردوعان بىلاي دەدى: تۇركيا جۇڭگونىڭ تۇركيانىڭ مەملەكەت حاۋىپسىزدىگى مەن قوعام ورنىقتىلىعىن قورعاۋدى قولداعانىنا العىس ايتادى، جۇڭگومەن بىرگە قارجى قوسۋ، ەنەرگيا، اۆياتسيا، اۋىل شارۋاشىلىعى، ساياحات، لاڭكەستىككە قارسى تۇرۋ سالالارىنداعى سەلبەستىكتى تەرەڭدەتىپ، نەگىزدىك قۇرىلعىلار قۇرىلىسى سالاسىنداعى سەلبەستىكتى كۇشەيتىپ، ءۇشىنشى جاق بازارىن بەلسەنە اشۋدى ءۇمىت ەتەدى.
كەزدەسۋدەن كەيىن ەكى ەل باسشىلارى ەنەرگيا، تەكسەرۋ، كارانتيندەۋ سياقتى سالالارداعى سەلبەستىك حۇجاتتارىنىڭ قول قويىلۋ ساتىنە كۋا بولدى.
شينحۋا اگەنتتىگىنىڭ 3 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 3 - قىركۇيەكتە حاڭجوۋدا افريكا ەلدەرى وداعىنىڭ كەزەكتى ءتوراعاسى، چادتىڭ زۇڭتۇڭى دەبيمەن كەزدەستى.
شي جينپيڭ دەبيدىڭ افريكا ەلدەرى وداعى اتىنان 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسقانىن قارسى الدى، افريكا قۇرلىعىنىڭ دۇنيە ءجۇزىن جونگە سالۋعا جانە دۇنيە ءجۇزى ەكونوميكاسىنىڭ ارتۋىن ىلگەرىلەتۋگە بەلسەندى ۇلەس قوسۋىن قولدادى.
شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو مەن چادتىڭ قاتىناسى جاپپاي، شاپشاڭ دامىدى، جۇڭگو چاد ەلىمەن بىرگە قۇلشىنىپ، جۇڭگو مەن چادتىڭ دوستىق، سەلبەستىك قاتىناسىن ۇزدىكسىز بايىتىپ جانە تولىقتىرىپ، ەكى ەل حالقىن اناعۇرلىم باقىتقا كەنەلتۋگە پەيىل. ءبىز ءبىر - ءبىرىمىزدىڭ وزەكتى مۇددەمىزدە جانە كوڭىل بولەتىن ماڭىزدى ماسەلەلەرىمىزدە ءوزارا ءتۇسىنىسۋىمىز جانە قولداۋىمىز كەرەك.
شي جينپيڭ بىلاي دەپ باسا دارىپتەدى: افريكا ەلدەرىمەن ىنتىماقتى، سەلبەستىكتى دامىتۋ − جۇڭگونىڭ ۇزاق ۋاقىتتىق جانە باتىل ستراتەگيالىق تالعامى. جۇڭگو افريكاعا شىنايى، جاقىن ساياسات، باعىت جانە دۇرىس مىندەت - ۇقىق كوزقاراسىن ۇستانىپ، جۇڭگو مەن افريكانىڭ «10 ءىرى سەلبەستىك جوسپارىن» كۇش سالا اتقارىپ، جۇڭگونىڭ دامۋىن افريكانىڭ دامۋىنا دەم بەرۋمەن تىعىز ۇشتاستىرىپ، افريكانىڭ ونەركاسىپتەندىرۋدى جانە اۋىل شارۋاشىلىعىنىڭ وسىزاماندانۋىن تەزدەتۋىن قولداپ، سەلبەسىپ تەڭ يگىلىككە كەنەلەدى، بىرگە داميدى.
دەبي بىلاي دەدى: جۇڭگونىڭ چادتى 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا افريكا ەلدەرى وداعىنىڭ اتىنان شاقىرعانىنا العىس ايتامىن. چاد جۇڭگومەن ءداستۇرلى دوستىعىن قاستەرلەيدى، جۇڭگومەن قايتا تۋىندايتىن ەنەرگيا، ساۋدا، حالىق تۇرمىسى، ەمدەۋ، دەنساۋلىق ساقتاۋ سياقتى سالالارداعى سەلبەستىكتى كۇشەيتۋدى قالايدى.
شينحۋا اگەنتتىگىنىڭ 3 - قىركۇيەكتە حاڭجوۋدان بەرگەن حابارى. مەملەكەت ءتوراعاسى شي جينپيڭ 3 - قىركۇيەكتە حاڭجوۋدا يتاليانىڭ زۇڭليى رەنزيمەن كەزدەستى.
شي جينپيڭ رەنزيدىڭ 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا قاتىناسۋعا كەلگەنىن قارسى الدى. شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو مەن يتاليا قاتىناسى قارىشتاي دامىدى، تاراپتار ءوزارا قۇرمەت ەتۋ، ءوزارا تيىمدىلىك جاساۋ، تەڭ يگىلىككە كەنەلۋ رۋحىنا ساي، ساياسي سەنىمدىلىكتى تەرەڭدەتىپ، ناقتى سەلبەستىكتەردى كەڭەيتىپ، ەكى ەل حالقىنىڭ ناقتى پايداعا قول جەتكىزۋىنە مۇمكىندىك جاسادى. جۇڭگو يتاليامەن قول ۇستاسا قۇلشىنۋ ارقىلى ەكى ەلدىڭ جان - جاقتى ستراتەگيالىق سەرىكتەستىك قاتىناسىن ۇزدىكسىز العا ىلگەرىلەتۋدى قالايدى. جۇڭگو يتاليانىڭ «ءبىر بەلدەۋ، ءبىر جول» قۇرىلىسىنا بەلسەنە قاتىناسۋىن قارسى الادى. ءبىز حالىقارالىق جانە وڭىرلىك ىستەردەگى سايكەسۋ جانە سەلبەسۋدى كۇشەيتىپ، سەلبەسىپ تەڭ يگىلىككە كەنەلۋدى وزەك ەتكەن جاڭاشا حالىقارالىق قاتىناستى ورناتۋعا قۇلشىنۋىمىز كەرەك.
رەنزي بىلاي دەدى: يتاليا مەن جۇڭگو سىندى ەكى بايىرعى وركەنيەتتى ەلدەر دوستىعىنىڭ تامىرى تەرەڭدە جاتىر. جۇڭگومەن ەكونوميكا - ساۋدا، فينانس، پورت قۇرىلىسى، مادەنيەت، ەمدەۋ سياقتى سالالارداعى سەلبەستىكتى تەرەڭدەتۋدى ءۇمىت ەتەمىز، «ءبىر بەلدەۋ، ءبىر جول» قۇرىلىسىنا قاتىناسۋدى قالايمىز. يتاليا 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنىڭ تابىستى بولۋىن تىلەيدى.
شي جينپيڭ وبامامەن، پان كيمۇنمەن بىرگە كليمات وزگەرىسى جونىندەگى «پاريج كەلىسىمىن» بەكىتۋ حۇجاتىن ساقتاۋعا تاپسىرۋ سالتىنا قاتىناستى
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
