- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى، مەملەكەتتىك كەڭەس
تەلەگرامما جولداپ، مۇگەدەكتەر وليمپياداسىنا قاتىناسقان جۇڭگو دەنە تاربيە ۋاكىلدەر ۇيىرمەسىن قۇتتىقتادى
2016.09.21 11:05 كەلۋ قاينارى : شينجياڭ گازەتى
شينحۋا اگەنتتىگىنىڭ 19 - قىركۇيەكتە بەيجيڭنەن بەرگەن حابارى. ج ك پ ورتالىق كوميتەتى، مەملەكەتتىك كەڭەس 19 - قىركۇيەكتە 15 - كەزەكتى مۇگەدەكتەر وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنە قۇتتىقتاۋ تەلەگرامماسىن جولدادى. قۇتتىقتاۋ تەلەگرامماسىنىڭ تولىعى تومەندەگىدەي:
15 - كەزەكتى مۇگەدەكتەر وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنە:
15 - كەزەكتى مۇگەدەكتەر وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسىندەگى مۇگەدەك ساڭلاقتار قايسارلىقپەن سايىسىپ، ۇزدىك ناتيجەگە قۇلشىنىپ، 107 التىن مەدال، 81 كۇمىس مەدال، 51 قولا مەدال الىپ، 51 تۇردە دۇنيە جۇزىلىك رەكوردتى جاڭالادى، ءۇرتىس 4 كەزەك مۇگەدەكتەر وليمپيادا سپورت جارىسىندا التىن مەدال تاقتاسى مەن مەدال تاقتاسىنان ءبىرىنشى ورىندى يەلەدى، ورشەلەنە العا باساتىن جەڭىس جىرىن شىرقاپ، جۇڭگو مۇگەدەكتەرىنىڭ تالىقپاي تالپىناتىن حيكاياسىن بايانداپ، وتانىمىزعا جانە حالىققا داڭق اپەردى، پارتيا ورتالىق كوميتەتى، مەملەكەتتىك كەڭەس سىزدەرگە جالىندى سالەم جولدايدى جانە سىزدەردەن شىنايى حال سۇرايدى!
وسى كەزەكتى مۇگەدەكتەر وليمپيادا سپورت جارىسىندا، ەلىمىزدىڭ دەنە تاربيە ۋاكىلدەر ۇيىرمەسىندەگى مۇگەدەك ساڭلاقتار وليمپيادا رۋحى مەن جۇڭحۋا دەنە تاربيە رۋحىن بار كۇشپەن ساۋلەلەندىرىپ، بەلدى ارىپتەستەردەن سەسكەنبەي، ءبىرىنشى بولۋعا قۇلشىنىپ، وزدەرىن جەڭىپ، نەبىر قيىندىقتارعا سايىس جاريالاپ، ەلىمىز مۇگەدەكتەرىنىڭ ار - نامىستى ساقتاۋ، وزىنە سەنۋ، قۇلشىنۋ، دەربەس بولۋ سىندى رۋحاني بەينەسىن تولىق ايگىلەپ، تابىسقا قول جەتكىزىپ، قۇرمەتكە يە بولىپ، دوستىقتى كۇشەيتىپ، وبراز تىكتەپ، حالىقارالىق مۇگەدەكتەر وليمپيادا سپورتىنىڭ دامۋىن ىلگەرىلەتۋگە تىڭ ۇلەس قوستى. سىزدەردىڭ ۇزدىك ناتيجەلەرىڭىز دۇنيە جۇزىنە ەلىمىز مۇگەدەكتەرىنىڭ بويىنداعى وڭ ەنەرگيانى ايگىلەپ، ەلىمىزدەگى ءار ۇلت حالقى مەن ەل ءىشى - سىرتىنداعى جۇڭگو ۇلاندارىن ايرىقشا شابىتتاندىردى، وتان مەن حالىق سىزدەردى ماقتان ەتەدى!
سىزدەردىڭ جاڭا باستامادا بيىكتەن − بيىككە شىرقاپ، ۇدەرە العا تارتىپ، مۇگەدەكتەردىڭ دەنە شىنىقتىرۋعا قاتىناسۋ ىنتاسىن اناعۇرلىم مازداتىپ، مۇگەدەكتەردىڭ اراسىندا شىنىعۋ سپورتى، ساۋىعۋ سپورتى، ونەر سپورتىن جالپىلاستىرۋدى جەتەكتەپ، ەلىمىزدىڭ مۇگەدەكتەر دەنە تاربيە ىستەرىنىڭ دامۋىن جەبەۋ، سالاماتتى جۇڭگو قۇرىلىسىن ىلگەرىلەتۋ ءۇشىن قۇلشىنا بەرۋلەرىڭىزدى، ەلىمىزدىڭ 2022 - جىلعى قىسقى وليمپيادا مەن قىسقى مۇگەدەكتەر وليمپياداسىن ءساتتى وتكىزۋ، جاپپاي دوڭگەلەك داۋلەتتى قوعام قۇرۋ كۇرەس نىساناسىن ىسكە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جاڭا دا كەسەك ۇلەس قوسۋلارىڭىزدى ءۇمىت ەتەمىز.
وتان مەن حالىق جەڭىسپەن ورالۋلارىڭىزدى ءتورت كوزبەن كۇتەدى!
ج ك پ ورتالىق كوميتەتى
مەملەكەتتىك كەڭەس
2016 - جىلى 19 - قىركۇيەك
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
