- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزىل ارميا ۇزاق جورىعىنىڭ جەڭىسكە جەتكەندىگىنىڭ 80 جىلدىعىن اتاپ ءوتۋ جونىندەگى «ماڭگىلىك ۇزاق جورىق» اتتى كونسەرت بەيجيڭدە وتكىزىلدى
شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي كونسەرتتى تاماشالادى
2016.10.21 10:15 كەلۋ قاينارى : شينجياڭ گازەتى
شينحۋا اگەنتتىگىنىڭ 19 - قازاندا بەيجيڭنەن بەرگەن حابارى. قىزىل ارميا ۇزاق جورىعىنىڭ جەڭىسكە جەتكەندىگىنىڭ 80 جىلدىعىن اتاپ ءوتۋ جونىندەگى «ماڭگىلىك ۇزاق جورىق» اتتى كونسەرت 19 - قازان كۇنى كەشتە بەيجيڭ حالىق سارايىندا قويىلدى. شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلى پارتيا مەن مەملەكەتتىڭ باسشىلارى استاناداعى 3000نان استام بۇقارامەن بىرگە كونسەرتتى تاماشالاپ، شۇعىلالى كۇندەردى بىرگە ەسكە ءتۇسىردى.
حالىق سارايىنىڭ 10 مىڭ ادامدىق زالىندا شامدار جارقىراپ، 2 - قاباتقا «شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ۇلى ۇزاق جورىق رۋحىنا مۇراگەرلىك ەتىپ جانە ونى اسقاقتاتىپ، اۋەلگى ماقساتتى ۇمىتپاي، ۇزدىكسىز العا باسىپ، جاڭا ۇزاق جورىقتى ءساتتى باسايىق!» دەگەن كەرمە تۋ ءىلىندى، ساحنادا اسەم شاپاق جامىلىپ، ۇزىننان - ۇزاققا كوسىلىپ جاتقان تاۋلار، قىزىل ارميا قولباسشىلارى مەن اسكەرلەرىنىڭ قايراتتانا العا باسقان كەيىپكەرلەر بەينەسى اينىتپاي كەسكىندەلدى، التىن ارىپپەن جازىلعان «ماڭگىلىك ۇزاق جورىق» جازۋى جارقىراپ تۇر. ساحنانىڭ ەكى جاعىندا بەرىك قورعان قىزىل ءتۇستى بەس جۇلدىزدى بيىك كوتەرىپ، ۇلى توڭكەرىستىڭ شۇعىلالى بولاشاققا باستاعانىن استارلادى، جەڭىستىڭ جىل ساناعىنان دەرەك بەرەتىن «1936 − 2016» جازۋى كوزگە ايىرىقشا باسىلدى.
ساعات 19دان 55 مينۋت وتكەندە، قوناقتى قارسى الاتىن ويناقى مۋزيكا ورىندالدى، شي جينپيڭ قاتارلى باسشىلار زالعا كىرىپ، قارت قىزىل ارميا جاۋىنگەرلەرىنىڭ ۋاكىلدەرىمەن ىقىلاستى تۇردە قول الىسىپ، ولارعا وسكەلەڭ قۇرمەت ءبىلدىردى. زالدان قىزۋ قول شاپالاق ءۇنى كوتەرىلدى.
«ۇزاققا سوزىلعان جورىق، جەلبىرەيدى قىزىل تۋ، ماڭگىلىك نۇر شاشادى...». قوڭىراۋدىڭ قوڭىر داۋىسىمەن بىرگە قىزىل ارميانىڭ وبرازى بەينەلەنگەن الىپ ورنەكتى تام باياۋ كوتەرىلدى، حور ۇيىرمەسى «جەلبىرەيدى قىزىل تۋ» ءانىن شىرقاپ، ويىن - ساۋىق كەشىنىڭ شىمىلدىعىن اشتى.
«قۇرساۋدى بۇزۋ»، «ون التى ءسوزدى ءۇش ولەڭ. تاۋ» «قىزىل ارميانى ون رەت اتتاندىرۋ . الپەنشەك»، «شياڭجياڭ وزەنىندەگى قاندى شايقاس»، «قىزىل ارميا جاۋىنگەرلەرى ماۋ زىدۇڭدى ساعىنادى. زۇن - ي ءماجىلىسى شۇعىلا شاشادى» سياقتى نومىرلەر اسقاق ايبىنىمەن جان دۇنيەنى تەبىرەنتتى... «قىزىل ارميا ۇزاق جورىقتىڭ ماشاقاتىنان قورىقپايدى» اتتى 1 - ءبولىمى ادامزات تاريحىندا سيرەك كەزىگەتىن ستراتەگيالىق ۇلى ويىسۋدى قايتالاي كورسەتىپ، جۇڭگو توڭكەرىسىنىڭ قالىڭ قاننان قاجىرلىلىقپەن باس كوتەرىپ، دۇرىس جولعا قادام تاستاعان ۇلى بۇرىلىسىن جىرلادى. «ءور اسۋ − قۇرىش قامال دەمە استە وتە الماس» اتتى 2 - بولىمىندە «قىزىل سۋدى ءتورت كەشكەن حيكىمەتتى جاساق»، «جاراتىلىستىق بوگەتتەردەن ءوتۋ»، «اياز قىسقان شىنجىر كوپىر، ىستىق قان» سياقتى نومىرلەر ۇلى جورىقتاعى ايتۋلى شايقاستاردى قايتالاي كورسەتىپ، قىزىل ارميا قولباسشىلارى مەن اسكەرلەرىنىڭ قۇربان بەرۋدەن قورىقپايتىن، العان بەتىنەن قايتپايتىن قاھارماندىق ارىنىن ايگىلەدى. «توڭكەرىستىك مۇرات بارىنەن اسقاق» اتتى 3 - بولىمىندە «قارلى تاۋدان اسۋ»، «قۇي - باتپاق»، «شوپتەسىن الاپتان ءتىرى ءوتۋ» نومىرلەرى كورەرمەندەرگە ۇزاق جورىقتىڭ جاپا - ماشاقاتى مەن قاسىرەتىن سەزىندىردى، «تاۋ ءلالاسى قىزىل گۇل اشتى. قىزىل ارميانىڭ شانشيدىڭ سولتۇستىگىنە جەڭىسپەن جەتۋى. قوسىننىڭ كەزدەسۋ جىرى»، «قىزىل ارميانى ون رەت اتتاندىرۋ»، «جەتى ءسوزدى ىرعاقتى ولەڭ. ۇزاق جورىق» سياقتى ەل اۋزىنان تاستامايتىن ىرعاقتار كورەرمەندەردى جەڭىستى قۇتتىقتاعان ساتتەگى اسقاق سەزىم مەن ايبىندى شاققا باستادى. «ماڭگىلىك الاۋ»، «ءبىز گۋتياننان قايتا اتقا قوندىق»، «اۋەلگى ماقساتتى ۇمىتپايمىز»، «سىزگە ىلەسەمىز»... ءتورتىنشى ءبولىم «ارمان ساۋلەسى نۇرلاندىرعان جاڭا جورىقتا»، جىگەرلى، ەكپىندى اندەر، ەرشىمدى، ايبىندى بيلەر، «جاڭا ۇزاق جورىقتى ءساتتى باسايىق» ءانى كونسەرتتى شىرقاۋ شىڭعا كوتەردى.
تۇتاس كونسەرت كولەمدى سيۋجەتتى ەپوس تۇرىندە، مۋزيكا، ءبي، دراما، سيۋجەتتىك قويىلىم، كوپ مەديالى كورسەتىلىم سياقتى ساحنالىق تاسىلدەردەن كەشەندى پايدالانىپ، قىزىل ارميا جاۋىنگەرلەرىنىڭ ۇزاق جورىقتا تولارساقتان قان كەشىپ، قات - قابات قيىنشىلىقتاردى جەڭگەن شايقاس ءومىرىن كورنەكتىلەندىرە بەينەلەپ، جۇڭگو كوممۋنيستەرىنىڭ مىزعىماس سەنىمىن، ارمانعا تالپىنىپ، قۇربان بەرۋدەن قورىقپاي، ەر جۇرەكتىلىكپەن جەڭىسكە قول جەتكىزگەن رۋحاني قاسيەتتەرىن كورنەكتىلەندىرە بەينەلەپ، ۇزاق جورىق رۋحىنىڭ تاريحي جالعاستىعى مەن جاڭا داۋىرلىك ءمانىن كورنەكتىلەندىرە بەينەلەپ، جۇڭگو كوممۋنيستىك پارتياسىنىڭ ۇلتتى قاتەردەن قۇتقارعان تاريحي ەڭبەگىن جانە ۇلتتى قايتا گۇلدەنۋگە باستاعان تىرەكتىك رولىن ونان ارى ايگىلەپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ اۋەلگى ماقساتتى ۇمىتپاي، ۇدەرە العا باساتىن سەنىمى مەن قۋاتىن ونان ارى ۇيىستىردى.
ج ك پ ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى كونسەرتتى تاماشالادى.
كونسەرتتى تاعى قارت قىزىل ارميا جاۋىنگەرلەرىنىڭ، قارت جولداستاردىڭ ۋاكىلدەرى، ورتالىقتاعى پارتيا، ۇكىمەت، اسكەري، بۇقارالىق توپتاردىڭ جانە بەيجيڭ قالاسىنىڭ نەگىزگى جاۋاپتى جولداستارى، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىىلارى جانە پارتيادا، توپتا جوق قايراتكەرلەردىڭ ۋاكىلدەرى، ازاتتىق ارميانىڭ، قارۋلى ساقشى ءبولىمىنىڭ وفيتسەر - جاۋىنگەر ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى دە تاماشالادى.
قىزىل ارميا ۇزاق جورىعىنىڭ جەڭىسكە جەتكەندىگىنىڭ 80 جىلدىعىن اتاپ ءوتۋ جونىندەگى «ماڭگىلىك ۇزاق جورىق» اتتى كونسەرت 19 - قازان كەشتە بەيجيڭ حالىق سارايىندا قويىلدى. شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلى پارتيا مەن مەملەكەتتىڭ باسشىلارى استاناداعى 3000نان استام بۇقارامەن بىرگە كونسەرتتى تاماشالادى. (شينحۋا اگەنتتىگى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
