- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ فيليپپيننىڭ زۇڭتۇڭى دۋتەرتپەن كەڭەس وتكىزدى
2016.10.21 10:22 كەلۋ قاينارى : شينجياڭ گازەتى
شينحۋا اگەنتتىگىنىڭ 20 - قازاندا بەيجيڭنەن بەرگەن حابارى. مەملەكەت ءتوراعاسى شي جينپيڭ 20 - قازان حالىق سارايىندا فيليپپيننىڭ زۇڭتۇڭى دۋتەرتپەن كەڭەس وتكىزدى. تاراپتار ەكى ەلدىڭ ءتۇپ نەگىزىن جانە ورتاق مۇددەسىن شىعار ءتۇيىن ەتىپ، حالىقتىڭ تىلەگىنە ۇيلەسىپ، جۇڭگو مەن فيليپپين قاتىناسىنىڭ جاپپاي جاقسارۋىن جانە اناعۇرلىم زور دامۋىن ىلگەرىلەتىپ، ەكى ەل حالقىن يگىلىككە كەنەلتۋگە ءبىر اۋىزدان قوسىلدى.
شي جينپيڭ بىلاي دەپ اتاپ كورسەتتى: جۇڭگو مەن فيليپپين اراسىن شالقار تەڭىز ءبولىپ جاتقان جاقىن كورشى، ەكى ەل حالقى قانداستىق قاتىناسى جاقىن باۋىرلاستار. دامۋ ۇستىندەگى ەلدەر ساناتىنداعى جۇڭگو مەن فيليپپين جونىنەن العاندا، بەرەكە - بىرلىك، ءوزارا كومەكتەسۋ، سەلبەسۋ، دامۋ ءبىزدىڭ ورتاق نىسانامىز بولىپ تابىلادى. ءبىز ىستىق - سۋىقتى باستان كەشكەنىمىزبەن، تاتۋ، دوس كورشى سۇيىسپەنشىلىك نەگىزىمىز بەن سەلبەستىك نيەتىمىز وزگەرگەنى جوق. جۇڭگو جۇڭگو مەن فيليپپيننىڭ قاتىناسىنا ايرىقشا ءمان بەرەدى، فيليپپينمەن بىرگە قۇلشىنىپ، ساياسي سەنىمدىلىكتى تىنباي جەبەپ، ءوزارا پايدا جەتكىزەتىن سەلبەستىكتى تەرەڭدەتىپ، الاۋىزدىقتاردى يكەمدىلىكپەن ءبىر جايلى ەتىپ، سۇيىسپەنشىلىك جاعىندا جاقىن، تامىرلاس بولاتىن، سەلبەستىك بارىسىندا ءوزارا كومەكتەسىپ قارايلاساتىن، دامۋ بارىسىندا قول ۇستاسىپ العا ىلگەرىلەيتىن تاتۋ كورشى، تاماشا سەرىك بولۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن فيليپپين قاتىناسىنىڭ بولاشاعىنا ءتىپتى دە جاقسى جول اشۋ ءۇشىن، ءبىز وتكەندى قورىتىندىلاپ، تاجىريبە قابىلداۋىمىز قاجەت. تاراپتار بەرەكەلى، تاتۋ كورشىلىك سەلبەستىككە تاباندى بولۋى كەرەك. جۇڭگو مەن فيليپپيننىڭ ۇرپاقتان - ۇرپاققا جالعاسقان تاماشا دوستىق نەگىزى بار، جاۋلاسۋىنىڭ، قارسىلاسۋىنىڭ ەشقانداي قيسىنى جوق. جۇڭگو مەن فيليپپيننىڭ تاتۋ كورشىلىك قاتىناسىنا پايدالى ىستەردى تىڭعىلىقتى جاقسى ىستەۋ كەرەك. تاراپتار الاۋىزدىقتاردى يكەمدىلىكپەن ءبىر جايلى ەتۋگە تاباندى بولۋى كەرەك. ەكى ەل ديپلوماتيالىق قاتىناس ورناتقاننان بەرگى باسىم كوپ ساندى ۋاقىتتا تاراپتار نانحاي تەڭىزى ماسەلەسىندەگى الاۋىزدىقتاردى ەكى جاقتى تىلدەسۋ، كەڭەسۋ ارقىلى يكەمدىلىكپەن مەڭگەرىپ كەلگەن، بۇل ساۋلەلەندىرۋگە تاتيتىن ساياسي پاراسات، سونداي - اق جالعاستىرۋعا بولاتىن تابىستى اماليات، ونان دا ماڭىزدىسى، جۇڭگو مەن فيليپپين قاتىناسىنىڭ اقاۋسىز، ورنىقتى دامۋىنا شىنايى كەپىلدىك ەتەتىن ماڭىزدى ورتاق تانىم نەگىزى. ءبىز دوستىقپەن تىلدەسۋگە، كەڭەسۋگە تاباندى بولساق، ءارقانداي ماسەلەدە بۇكپەسىز پىكىر اۋىستىرۋىمىزعا، الاۋىزدىقتاردى ويداعىداي مەڭگەرۋىمىزگە، سەلبەستىكتى ويداعىداي ورىستەتىپ، قازىرشە ءبىر اۋىزدىلىققا كەلۋگە كەلمەيتىندەرىن ۋاقىتشا قايىرىپ قويۋىمىزعا بولادى. تاراپتار قول ۇستاسا بىرگە دامۋعا تاباندى بولىپ، ەكى ەل حالقىنىڭ اناعۇرلىم كوپ ناقتى مۇددەسىن كوزدەۋى كەرەك.
شي جينپيڭ جۇڭگو مەن فيليپپين قاتىناسىنىڭ بولاشاقتاعى دامۋى جونىنەن مىناداي 4 ءتۇرلى ۇسىنىستى العا قويدى:
ءبىرىنشى، تاراپتار ساياسي جاقتاعى ءوزارا سەنىمدىلىكتى كۇشەيتۋى كەرەك. جۇڭگو بەيبىت دامۋ جولىمەن جۇرۋگە تاباندى بولادى، كورشىلەردى قاستەرلەيتىن، سەرىگىنە بالايتىن تاتۋ كورشىلىك ساياساتتان جازبايدى. جۇڭگو مەملەكەتتىڭ يەلىك ۇقىعىن باتىل قورعايدى، سونىمەن بىرگە، داۋ - شاردى بەيبىت جولمەن شەشۋگە تاباندى بولادى. تاراپتار جوعارى جىكتەگىلەردىڭ بارىس - كەلىسىن كۇشەيتىپ، جوعارى جىكتەگىلەردىڭ ستراتەگيالىق اۋىس - كۇيىسىنىڭ ەكى ەل قاتىناسىنىڭ دامۋىنداعى جەتەكشىلىك ەتۋ رولىن ساۋلەلەندىرۋى كەرەك. وسى جولعى ساپاردى وراي ەتىپ، ەكى ەل ۇكىمەتىنىڭ، ساياسي پارتيالارىنىڭ، پارلامەنتىنىڭ، جەرگىلىكتى ورىندارىنىڭ جان - جاقتى بارىس - كەلىسى مەن سەلبەستىگىنە قوزعاۋشىلىق ەتۋ كەرەك.
ەكىنشى، تاراپتار ناقتى سەلبەستىك ورىستەتۋى كەرەك. ەكى ەلدىڭ دامۋ ستراتەگياسىن جاپپاي ۇلاستىرۋ كەرەك، جۇڭگو فيليپپينمەن «ءبىر بەلدەۋ، ءبىر جول» جۇلگەسىندەگى سەلبەستىكتى كۇشەيتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋدى تالقىلاۋعا دايىن. جۇڭگو فيليپپيننىڭ تەمىر جول، قالا رەليستى قاتىناسى، تاس جول، پورت سياقتى نەگىزدىك قۇرىلعى قۇرىلىسىنا بەلسەنە ات سالىسىپ، جەرگىلىكتى ورىنداعى حالىقتى يگىلىككە كەنەلتۋدى قالايدى. تاراپتار زاڭ اتقارۋ، قورعانىس ىستەرى جاعىنداعى سەلبەستىكتى كۇشەيتۋى كەرەك. جۇڭگو فيليپپين جاڭا ۇكىمەتىنىڭ ەسىرتكىگە تيىم سالۋ، لاڭكەستىككە قارسى تۇرۋ، قىلمىسقا سوققى بەرۋ جاعىنداعى قۇلشىنىستارىن قولدايدى، فيليپپينمەن قاتىستى سەلبەستىكتەردى قانات جايدىرۋدى قالايدى. تاراپتار ەكونوميكا - ساۋدا، قارجى قوسۋ سەلبەستىگىن كەڭەيتۋى كەرەك. جۇڭگو كاسىپورىنداردىڭ فيليپپينگە قارجى قوسۋ سەرپىنىن ارتتىرۋىن جەبەپ، فيليپپين ەكونوميكاسىنىڭ اناعۇرلىم جاقسى، اناعۇرلىم تەز دامۋىنا كومەكتەسۋگە دايىن.
ءۇشىنشى، تاراپتار حالىقتىق بارىس - كەلىستى ىلگەرىلەتۋى كەرەك. جۇڭگو جۇڭگولىق ساياحاتشىلاردى فيليپپينگە ساياحاتتاي بارۋعا بەلسەنە ىنتالاندىرادى، ەكى ەلدىڭ وقۋ - اعارتۋ، اقپارات، مادەنيەت، مەديا سياقتى سالالارداعى بارىس - كەلىسىن كۇشەيتەدى، جەرگىلىكتى ورىنداردىڭ سەلبەستىگىن جەبەيدى. جۇڭگو ەكى ەل كەلەر جىلى فيليپپين سۋلۋ پاتشاسىنىڭ جۇڭگوعا تۇڭعىش رەت ساپارلاي كەلگەندىگىنىڭ 600 جىلدىعىنا بايلانىستى ءبىرسىپىرا ەسكە ءتۇسىرۋ قيمىلدارىن وتكىزۋى كەرەك دەگەن ۇسىنىس قويادى.
ءتورتىنشى، تاراپتار وڭىرلىك جانە كوپ جاقتى ىستەردەگى سەلبەستىكتى كۇشەيتۋى كەرەك. جۇڭگو مەن فيليپپين دامۋ ۇستىندەگى مەملەكەت، حالىقارالىق قاتىناستىڭ دەموكراتيالانۋىن بىرگە ىلگەرىلەتۋى، حالىقارالىق ءتارتىپتىڭ ءادىل، لايىقتى بەتالىسقا قاراي دامۋىن جەبەۋى ءتيىس. جۇڭگو فيليپپينمەن ب م ۇ، ازيا - تىنىق مۇحيت ەكونوميكالىق سەلبەستىك ۇيىمى سياقتى كوپ جاقتى جۇلگەدەگى سايكەسۋدى كۇشەيتىپ، دامۋ ۇستىندەگى ەلدەردىڭ مۇددەسىن قورعاۋدى قالايدى، فيليپپينمەن تىزە قوسىپ، جۇڭگو − شىعىس وڭتۇستىك ازيا ەلدەرى وداعىنىڭ قاتىناسى مەن شىعىس ازيا سەلبەستىگىندە اناعۇرلىم زور دامۋعا قول جەتكىزۋدى جەبەۋگە دايىن.
دۋتەرت بىلاي دەدى: جۇڭگو − ۇلى ەل، فيليپپين مەن جۇڭگونىڭ ۇزاقتان جالعاسىپ كەلە جاتقان دوستىعى ماڭگى مىزعىمايدى. جۇڭگونىڭ وراسان زور دامۋ جەتىستىكتەرى دۇنيە ءجۇزى حالقىن ءتانتى ەتتى. كەزەكتە فيليپپين مەن جۇڭگونىڭ دامۋ ستراتەگياسى بيىك ورەدە قابىسىپ، تاراپتاردىڭ سەلبەستىگى وراسان ارتۋ مۇمكىنشىلىگىنە يە بولدى. فيليپپين ەكى ەلدىڭ قارىم - قاتىناسىن بەلسەنە دامىتۋعا كۇش سالىپ، جۇڭگومەن سەلبەستىگىن كۇشەيتتى، بۇل ەكى ەل حالقىن باقىتقا كەنەلتەدى. جۇڭگونىڭ فيليپپيننىڭ ەكونوميكالىق، قوعامدىق دامۋىن بارىنشا قولداعانىنا فيليپپين العىس ايتادى، ەكى ەل ءار سالاسىنىڭ بارىس - كەلىسىن نىعايتۋدى قولدايدى، مەملەكەتتى دامىتۋ، قوعامدى جونگە سالۋ جاعىندا ىشكەرىلەي پىكىر اۋىستىرىپ، ەكونوميكا - ساۋدا، قارجى قوسۋ، اۋىل شارۋاشىلىعى، عىلىم - تەحنيكا، جاساۋ كاسىبى، نەگىزدىك قۇرىلعىلار، اپات شىعىنىن ازايتۋ، اپاتتان ساقتانۋ، ساياحات، اۆياتسيا، اقپارات قۇرالدارى، ۋلى زاتتاردى تيۋ، لاڭكەستىككە قارسى تۇرۋ، تەڭىز ساقشىسى، گۋمانيتارلىق جاقتارداعى سەلبەستىكتەردى بارىنشا ىلگەرىلەتەدى، ازيا نەگىزدىك قۇرىلعىلارعا قارجى قوسۋ بانكەسىنىڭ فيليپپيننىڭ ەكونوميكانى دامىتۋىنا ءتىپتى زور رول اتقارۋىن ءۇمىت ەتەمىن. فيليپپين جۇڭگو مەن شىعىس وڭتۇستىك ازيا ەلدەرى وداعىنىڭ قارىم - قاتىناسىن ءتىپتى دە جاقسى دامىتۋدى قالايدى، حالىقارالىق، وڭىرلىك ىستەردە سايكەسۋدى، سەلبەسۋدى كۇشەيتەدى.
دۋتەرت مىنانى باسا دارىپتەدى: تاريحي سيپاتقا يە بۇگىنگى كەڭەس ەكى ەلدىڭ بايلانىسىن جاپپاي جاقسارتتى جانە دامىتتى، وسى رەتكى مەملەكەتتىك ساپار فيليپپين مەن جۇڭگو حالقىن باقىتقا كەنەلتەتىنى داۋسىز.
كەڭەستەن سوڭ ەكى ەل باسشىلارى جۇڭگو مەن فيليپپيننىڭ ەكونوميكا - ساۋدا، قارجى قوسۋ، ءوندىرىس قۋاتى، اۋىل شارۋاشىلىعى، اقپارات، ساپانى تەحنيكالىق تەكسەرۋ، ساياحات، ۋلى زاتتاردى تيۋ، فينانس، تەڭىز ساقشىسى، نەگىزدىك قۇرىلعىلار قۇرىلىسى سياقتى تاراپتار سەلبەستىگىنىڭ 13 حۇجاتىنا قول قويىسۋىنا كۋا بولدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
