- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى، مەملەكەتتىك كەڭەس «<سالاماتتى جۇڭگو 2030>
جوبا باعدارلاماسىن» باسىپ تاراتتى
2016.10.26 15:47 كەلۋ قاينارى : شينجياڭ گازەتى
شينحۋا اگەنتتىگىنىڭ 25 - قازاندا بەيجيڭنەن بەرگەن حابارى. تاياۋدا ج ك پ ورتالىق كوميتەتى، مەملەكەتتىك كەڭەس «<سالاماتتى جۇڭگو 2030> جوبا باعدارلاماسىن» باسىپ تاراتتى ءارى حابارلاندىرۋ شىعارىپ، رايونداردان، تاراۋلاردان ءىس جۇزىندىك جاعدايمەن ۇشتاستىرا وتىرىپ، مۇقيات دايەكتى تياناقتاندىرۋدى تالاپ ەتتى. «<سالاماتتى جۇڭگو 2030> جوبا باعدارلاماسى» جالپى ستراتەگيا، سالاماتتى تۇرمىستى جالپىلاستىرۋ، سالاماتتىققا قىزمەت وتەۋدى ساپالىلاندىرۋ، سالاماتتىقتى قامتاماسىز ەتۋدى كەمەلدەندىرۋ، سالاماتتى ورتا قۇرۋ، سالاماتتىق كاسىپتەرىن دامىتۋ، دەمەۋ مەن قامتاماسىز ەتۋدى كەمەلدەندىرۋ، ۇيىمداستىرىپ اتقارۋدى كۇشەيتۋ سياقتى 8 بولىمنەن قۇرالىپ، 29 تاراۋعا بولىنگەن.
جوبا باعدارلاماسىندا بىلاي دەپ اتاپ كورسەتىلدى: سالاماتتىق − ادامنىڭ جان - جاقتى دامۋىن جەبەۋدىڭ تابيعي تالابى، ەكونوميكالىق، قوعامدىق دامۋدىڭ نەگىزدىك شارتى. حالىقتىڭ سالامات بولىپ، ۇزاق عۇمىر ءسۇرۋىن ىسكە اسىرۋ − مەملەكەتتىڭ بايىپ، قۇدىرەتتەنۋىنىڭ، ۇلتتىڭ گۇلدەنۋىنىڭ ماڭىزدى بەلگىسى ءارى بۇكىل ەلدەگى ءار ۇلت حالقىنىڭ ورتاق تىلەگى.
سالاماتتى جۇڭگو قۇرىلىسىن ىلگەرىلەتۋ − جاپپاي دوڭگەلەك داۋلەتتى قوعام قۇرۋدىڭ، سوتسياليستىك وسىزاماندانۋدى نەگىزىنەن جۇزەگە اسىرۋدىڭ ماڭىزدى نەگىزى، جۇڭحۋا ۇلتىنىڭ سالاماتتىق ساپاسىن جاپپاي جوعارىلاتۋداعى، حالىقتىڭ سالاماتتىعى مەن ەكونوميكانىڭ، قوعامنىڭ سايكەستى دامۋىن جۇزەگە اسىرۋداعى مەملەكەتتىك ستراتەگيا، عالامدىق سالاماتتىق ىستەرىن جونگە سالۋعا بەلسەنە ات سالىسۋداعى، 2030 - جىلعا دەيىنگى باياندى دامۋدىڭ كەڭەستىك ءتارتىبى جونىندەگى حالىقارالىق ۋادەنى ورىنداۋداعى كەلەلى شارا. الداعى 15 جىل − سالاماتتى جۇڭگو قۇرىلىسىن ىلگەرىلەتۋدىڭ ماڭىزدى ستراتەگيالىق وراي مەزگىلى. ەكونوميكانىڭ ورتاشا جوعارى جىلدامدىقپەن ارتۋدى ساقتاۋى حالىقتىڭ سالاماتتىعىن قورعاۋعا مىعىم نەگىز قالايدى، تۇتىنۋ قۇرىلىمى دەڭگەيىنىڭ ءوسۋى سالاماتتىق قىزمەتىن دامىتۋعا كەڭ ءورىس ازىرلەيدى، عىلىم - تەحنيكالىق جاسامپازدىق سالاماتتىق ورەسىن جوعارىلاتۋعا پارمەندى سۇيەنىش بولادى، ءار جاقتاعى ءتۇزىمنىڭ اناعۇرلىم كەمەلدەنىپ، اناعۇرلىم تۇلعالانا ءتۇسۋى سالاماتتىق سالاسىنىڭ باياندى دامۋىن پارمەندى قامتاماسىز ەتەدى.
جوبا باعدارلاماسىندا مىنالار باسا دارىپتەلدى: سالاماتتى جۇڭگو قۇرىلىسىن ىلگەرىلەتۋدە، ءسوز جوق، جۇڭگوشا سوتسياليزم ۇلى تۋىن بيىك ۇستاپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ كوزقاراسىن مىقتاپ ورناتىپ جانە دايەكتىلەندىرىپ، دەنساۋلىق ساقتاۋ جانە سالاماتتىق قىزمەتىنىڭ دۇرىس باعىتىنا تاباندى بولۋ، حالىقتىڭ سالاماتتىق ورەسىن جوعارىلاتۋدى وزەك، ءتۇزىلىس - مەحانيزمدى رەفورمالاۋ مەن وعان جاڭالىق ەنگىزۋدى قوزعاۋشى كۇش، سالاماتتى تۇرمىستى جالپىلاستىرۋدى، سالاماتتىق قىزمەتىن ساپالىلاندىرۋدى، سالاماتتىقتى قامتاماسىز ەتۋدى كەمەلدەندىرۋدى، سالاماتتى ورتا قۇرۋدى، سالاماتتىق كاسىپتەرىن دامىتۋدى ءتۇيىن ەتىپ، سالاماتتىقتى بارلىق ساياساتپەن توعىستىرىپ، سالاماتتىق سالاسىنىڭ دامۋ تاسىلىنە جەدەل بۇرىلىس جاساپ، حالىقتىڭ سالاماتتىعىن جان - جاقتى، تولىق قورعاپ جانە قامتاماسىز ەتىپ، سالاماتتىق ورەسىن بارىنشا جوعارىلاتىپ، سالاماتتىق جاعىنداعى ادىلدىكتى كورنەكتى تۇردە جاقسارتىپ، «قوس 100 جىلدىق» كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا سالاماتتىق جاعىنان بەرىك نەگىز قالاۋ كەرەك. جوبا باعدارلاماسىندا، باستىسى، سالاماتتىقتى الدىڭعى ورىنعا قويۋ، رەفورما جاساۋ، جاڭالىق اشۋ، عىلمي دامۋ، تەڭدىك، ادىلدىك پرينسيبى نەگىزگە الىندى. جوبا باعدارلاماسىندا بىلاي دەپ اتاپ كورسەتىلدى: «بىرگە قۇرۋ، بىرگە يگىلىكتەنۋ، جالپى حالىقتىڭ سالاماتتىعى» − سالاماتتى جۇڭگو قۇرۋدىڭ ستراتەگيالىق تاقىرىبى. ونىڭ ارقاۋى − حالىقتىڭ سالاماتتىعىن نەگىز ەتىپ، نەگىزگى ساتىنى ءتۇيىن، رەفورما جاساۋدى، جاڭالىق اشۋدى قوزعاۋشى كۇش، الدىن الۋدى نەگىز ەتىپ، جۇڭگو شيپاگەرلىگى مەن باتىس شيپاگەرلىگىنە بىردەي ءمان بەرىپ، سالاماتتىقتى بارلىق ساياساتپەن توعىستىرىپ، حالىقتىڭ بىرگە قۇرۋ، بىرگە يگىلىكتەنۋ سىندى دەنساۋلىق ساقتاۋ جانە سالاماتتىق قىزمەتى باعىتىنا تاباندى بولۋ.
بىرگە قۇرۋ، بىرگە يگىلىكتەنۋ − سالاماتتى جۇڭگو قۇرىلىسىنىڭ نەگىزگى جولى. قامداۋ مەن قاجەتسىنۋ جاقتارىنان بىردەي كۇش سالىپ، قوعام، كاسىپ جانە جەكە ادام تۇرعىسىنان ءبىر تۇتاس جوبالاپ، سالاماتتىقتى قورعاۋ مەن جەبەۋدىڭ پارمەندى بىرىككەن كۇشىن قالىپتاستىرۋ كەرەك.
جالپى حالىقتىڭ سالاماتتىعى − سالاماتتى جۇڭگو قۇرىلىسىنىڭ تۇپكىلىكتى ماقساتى. بارلىق ادامدار مەن ءومىردىڭ بارلىق كەزەڭىن − وسى 2 ءتۇيىندى تياناق ەتىپ، ادىلەتتى، قولجەتىمدى، جۇيەلى، ۇلاسپالى سالاماتتىق قىزمەت وتەۋمەن قامتاماسىز ەتىپ، جالپى حالىقتىڭ سالاماتتىعىن اناعۇرلىم جوعارى دەڭگەيگە كوتەرۋ كەرەك.
جوبا باعدارلاماسىندا مىنالار العا قويىلدى: 2020 - جىلعا دەيىن، قالا مەن اۋىلدى تەگىس قامتىعان جۇڭگولىق ەرەكشەلىككە يە نەگىزگى ەمدەۋ - دەنساۋلىق ساقتاۋ جۇيەسىن ورناتىپ، سالاماتتىق ساپانىڭ دەڭگەيىن ۇزدىكسىز كوتەرىپ، سالاماتتىققا قىزمەت وتەۋ جۇيەسىن جەتىلدىرىپ جانە ونىڭ تيىمدىلىگىن جوعارىلاتىپ، بارشا ادامدى نەگىزگى ەمدەۋ - دەنساۋلىق ساقتاۋ قىزمەت وتەۋىنەن جانە نەگىزگى سپورتتىق شىنىعۋ قىزمەت وتەۋىنەن يگىلىكتەندىرىپ، مازمۇنى باي، قۇرىلىمى ۇيلەسىمدى سالاماتتىق كاسىپ جۇيەسىن نەگىزىنەن قالىپتاستىرىپ، سالاماتتىقتىڭ باستى كورسەتكىشتەرىن كىرىسى ورتاشادان جوعارى ەلدەردىڭ الدىڭعى قاتارىنا وتكىزۋ كەرەك.
2030 - جىلعا دەيىن، جالپى حالىقتىڭ سالاماتتىعىن جەبەۋدىڭ ءتۇزىم جۇيەسىن ونان ارى كەمەلدەندىرىپ، سالاماتتىق سالاسىنىڭ دامۋىن ونان ارى سايكەستىرىپ، سالاماتتى ءومىر سالتىن جاپپاي جالپىلاستىرىپ، سالاماتتىققا قىزمەت وتەۋدىڭ ساپاسى مەن دەنساۋلىقتى قامتاماسىز ەتۋدىڭ دەڭگەيىن ۇزبەي كوتەرىپ، سالاماتتىق كاسىبىن گۇلدەندىرىپ جانە دامىتىپ، سالاماتتىق سالاسىنداعى ادىلەتتىلىكتى نەگىزىنەن ىسكە اسىرىپ، سالاماتتىقتىڭ نەگىزگى كورسەتكىشتەرىن كىرىسى جوعارى ەلدەرگە جەتكىزۋ كەرەك. 2050 - جىلى سوتسياليستىك وسىزاماندانعان مەملەكەت دەڭگەيىنە ۇيلەسەتىن سالاماتتى مەملەكەت قۇرۋ كەرەك.
2030 - جىلعا دەيىن ناقتىلى ىسكە اسىرىلاتىن نىسانالار:
حالىقتىڭ دەنساۋلىق دەڭگەيىن ۇزدىكسىز كوتەرۋ. حالىقتىڭ دەنە ساپاسىن ايتارلىقتاي كۇشەيتىپ، 2030 - جىلى ادامداردىڭ ورتاشا عۇمىرىن مەجەمەن 79.0 جاسقا جەتكىزىپ، ورتاشا عۇمىر جاسىن كورنەكتى ۇزارتۋ.
دەنساۋلىققا زياندى نەگىزگى فاكتورلاردى ءونىمدى تۇردە شەكتەۋ. جالپى حالىقتىڭ سالاماتتىق ساپاسىن ايتارلىقتاي جوعارىلاتىپ، سالاماتتى ءومىر سالتىن جاپپاي قالىپتاستىرىپ، سالاماتتىققا پايدالى ءوندىرىس - تۇرمىس ورتاسىن نەگىزىنەن ازىرلەپ، ازىق - تۇلىك جانە ءدارى - دارمەك حاۋىپسىزدىگىن ءونىمدى تۇردە قامتاماسىز ەتىپ، ءبىرسىپىرا سالماقتى اۋرۋلاردىڭ قاتەرىن جويۋ.
سالاماتتىققا قىزمەت وتەۋ قابىلەتىن قاۋىرت جوعارىلاتۋ. ەمدەۋ - دەنساۋلىق ساقتاۋ جاعىنان قىزمەت وتەۋدىڭ ساپالى دا ءونىمدى بىرىككەن جۇيەسى مەن جالپى حالىقتىق دەنە شىنىقتىرۋعا الەۋمەتتىك قىزمەت وتەۋدىڭ كەمەلدى جۇيەسىن جاپپاي ورناتىپ، سالاماتتىقتى قامتاماسىزداندىرۋ جۇيەسىن ونان ارى كەمەلدەندىرىپ، سالاماتتىق سالاسىنداعى عىلىم - تەحنيكالىق جاڭالىق اشۋدىڭ جالپىلىق قۋاتىن الەمنىڭ الدىڭعى قاتارىنا شىعارىپ، سالاماتتىققا قىزمەت وتەۋدىڭ ساپاسى مەن دەڭگەيىن كورنەكتى تۇردە جوعارىلاتۋ.
سالاماتتىق كاسىبىنىڭ كولەمىن ايتارلىقتاي كەڭەيتۋ. جۇيەسى كەمەلدى، قۇرىلىمى ساپالى سالاماتتىق كاسىپ جۇيەسىن ورناتىپ، ءبىرشاما كۇشتى جاڭالىق اشۋ قابىلەتى مەن حالىقارالىق باسەكەلىك قابىلەتكە يە ءىرى كاسىپورىنداردان ءبىر توبىن تۇلعالاپ، ونى حالىق شارۋاشىلىعىنىڭ تىرەكتى سالاسىنا اينالدىرۋ.
سالاماتتىقتى جەبەۋ جۇيەسىن ونان ارى كەمەلدەندىرۋ. سالاماتتىققا پايدالى ساياسات، زاڭ - ەرەجە جۇيەسىن ونان ارى كەمەلدەندىرۋ، سالاماتتىق سالاسىنىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن نەگىزىنەن ىسكە اسىرۋ.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
