- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
18 – كەزەكتى ورتالىق كوميتەتتىڭ 6 – جالپى ماجىلىسىندە نەلەر تالقىلانادى
2016.10.26 16:40 كەلۋ قاينارى : حالىق تورابى
حالىق تورابى، 26 – قازان، بەيجيڭ. جۇڭگو كوممۋنيستىك پارتياسى اقپارات تورابىنىڭ حابارلاۋىنشا، پارتيانىڭ 18 – كەزەكتى ورتالىق كوميتەتىنىڭ 6 – جالپى ءماجىلىسى 24 – قازان كۇنى بەيجيڭدە اشىلدى، ورتالىق كوميتەت ساياسي بيۋروسى تۇراقتاندىرعان نەگىزگى كۇن تارتىپكە قاراعاندا، ماجىلىستە پارتيانى جاپپاي قاتاڭ باسقارۋ سىندى كەلەلى ماسەلەنى كەڭەسىپ، جاڭا جاعداي تۇسىندا پارتيا ىشىندەگى ساياسي تۇرمىستىڭ ولشەمدەرىن بەلگىلەيدى، «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىنە (سىناق رەتىندە اتقارىلادى)» تۇزەتۋ ەنگىزىلەدى.
پارتيا 18 – كەزەكتى ورتالىق كوميتەتى 3 – جالپى ماجىلىسىندە رەفورمانى جاپپاي تەرەڭدەتۋ زەرتتەلدى جانە ول جونىندە ورنالاستىرۋ جاسالدى، 4 – جالپى ماجىلىستە مەملەكەتتى جاپپاي زاڭمەن باسقارۋ زەرتتەلدى جانە ول جونىندە ورنالاستىرۋ جاسالدى، 5 – ماجىلىستە جاپپاي دوڭگەلەك داۋلەتتى قوعام قۇرۋدىڭ جەڭىسىنە قول جەتكىزۋ كەزەڭىندەگى اتوي دابىلى سوعىلدى. قازىر اشىلىپ جاتقان 6 – جالپى ماجىلىستە قانداي وزەكتى ماسەلەلەر تالقىلانادى؟ تومەندە حالىق تورابى سىزگە ءبىر – بىردەن بايانداپ بەرەدى.
وزەكتى ءتۇيىن 1
پارتيانى جاپپاي قاتاڭ باسقارۋدى زەرتتەپ، «ءتورتتى جاپپاي ورىنداۋ» يدەياسىن جاڭا دەڭگەيگە كوتەرەدى
«تەمىر سوقساڭ بالعاڭ سوم بولسىن (توتە اۋدارما)» دەگەن ءسوز بار. باس شۋجي شي جينپيڭ 2012 – جىلى 15 – قاراشادا 18 – كەزەكتى ورتالىق كوميتەتتىڭ ساياسي بيۋروسىنىڭ تۇراقتى مۇشەلەرى جانە جۇڭگولىق – شەتەلدىك اقپارات تىلشىلەرىمەن كەزدەسۋ بارىسىندا ايبىندى سەرت بەردى. شي جينپيڭ 2014 – جىلى جەلتوقساندا جياڭسۋ ولكەسىندە قىزمەتتى كوزدەن كەشىرگەندە پارتيانى جاپپاي قاتاڭ باسقارۋ پارتيا قۇرىلىسىن ىلگەرىلەتۋ سىندى جاڭا ۇلى ينجەنەريانىڭ قاجەتتى تالابى ەكەنىن اتاپ كورسەتتى.
پارتيانىڭ 18 – قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى پارتيانىڭ وزىندىك قۇرىلىسىنا وسكەلەڭ ءمان بەرىپ، «پارتيانى جاپپاي قاتاڭ باسقارۋ» سىندى كەلەلى ويدى ورتاعا قويدى ءارى جاپپاي دوڭگەلەك داۋلەتتى قوعام قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن باسقارۋ سىندى يدەيالارمەن بىرلىكتە «ءتورتتى جاپپاي ورىنداۋ» ستراتەگيالىق كەلەلى وي جەلىسىن قالىپتاستىردى. قازىر اشىلىپ جاتقان 6 – كەزەكتى جالپى ماجىلىستە پارتيانى جاپپاي قاتاڭ باسقارۋ سىندى كەلەلى ماسەلە زەتتەلىپ، «ءتورتتى جاپپاي ورىنداۋ» ستراتەگيالىق ورنالاستىرۋىن اناعۇرلىم جۇيەلى تۇردە جاڭا بەلەسكە كوتەرەدى.
وزەكتى ءتۇيىن 2
پارتيا ىشىندەگى ساياسي تۇرمىستى اناعۇرلىم كۇشەيتەدى ءارى جۇيەگە تۇسىرەدى
18 – كەزەكتى ورتالىق كوميتەتتىڭ 6 – جالپى ءماجىلىسىنىڭ ماڭىزدى كۇن تارتىپتەرىنىڭ ءبىرى ــ جاڭا جاعداي تۇسىندا پارتيا ىشىندەگى ساياسي تۇرمىستىڭ تىڭ ولشەمدەرىن بەلگىلەۋ. پارتيا ىشىندەگى ساياسي تۇرمىستى قالاي كۇشەيتۋگە جانە جۇيەگە تۇسىرۋگە بولادى؟
27 – قىركۇيەكتە اشىلعان ج ك پ ورتالىق كوميتەتى ساياسي بيۋروسىنىڭ ماجىلىسىندە ءبىرقىدىرۋ مالىمەتتەر بەرىلدى: جاڭا جاعدايدا پارتيا ىشىندەگى ساياسي تۇرمىستى كۇشەيتۋ مەن جۇيەگە تۇسىرۋدە، ءسوزسىز، پارتيا ۋستاۆى تابان تىرەر تياناق ەتىلىپ، پارتيانىڭ ساياسي لۋشيانىندا، يدەيالىق لۋشيانىندا، ۇيىمدىق لۋشيانىندا، بۇقارالىق لۋشيانىندا تاباندى بولىپ، پارتيا ىشىندەگى ساياسي تۇرمىستىڭ ساياسي سيپاتىن، داۋىرلىك سيپاتىن، پرينسيپتىلىگىن، جاۋىنگەرلىگىن قۇلشىنا كۇشەيتۋ، پارتيانىڭ ءوزىن ءوزى پاكتەندىرۋ، ءوزى ءوزى كەمەلدەندىرۋ، ءوزىن ءوزى جاڭعىرتۋ، ءوزىن ءوزى جوعارىلاتۋ قۋاتىن قۇلشىنا كۇشەيتۋ، پارتيانىڭ باسشىلىق قابىلەتى مەن بيلىك جۇرگىزۋ قابىلەتىن قۇلشىنا جوعارىلاتۋ، ءىرىپ – شىرۋ مەن وزگەرۋدەن ساقتانۋ جانە حاۋىپكە توتەپ بەرۋ قابىلەتىن كۇشەيتۋ، پارتيا ورتالىق كوميتەتىنىڭ بەدەلىن قۇلشىنا قورعاۋ، پارتيانىڭ ىنتىماعى مەن بىرلىگىن قورعاۋ، پارتيانىڭ العاباسارلىعى مەن پاكتىگىن ساقتاۋ، بۇكىل پارتيادا ورتالىقتاندىرۋ دا دەموكراتيا دا بار، ءتارتىپ تە بوستاندىق تا بار، بىرلىككە كەلگەن يرادا دا جەكەلەردىڭ كوڭىل حوشتىعى دا بار جالىندى ساياسي جاعداي قالپىتاستىرۋعا قۇلشىنۋ كەرەك.
وزەكتى ءتۇيىن 3
پارتيا ىشىندەگى باقىلاۋ ەرەجەسىنە وزگەرىس ەنگىزىلەدى
«جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىنە (سىناق رەتىندە اتقارىلادى)» وزگەرىس ەنگىزۋ ــ 18 – كەزەكتى 6 – جالپى ماجىلىستەگى ماڭىزدى كۇن تارتىپتەردىڭ ءبىرى.
پارتيانىڭ 18 – قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى پارتيا ىشىندەگى باقىلاۋعا بارىنشا ءمان بەرىپ، جاسامپازدىققا باي جاڭا ستراتەگيالار مەن جاڭا شارالاردى ورتاعا قويدى. «سىبىردى تىڭداۋ، ەسكەرتۋ، بەتى قىزارۋ، تەر شىعارۋدى» ۇنەمىلىك ىسكە اينالدىرۋدان، «ءمانسابىن ورلەتۋ بار، تومەندەتۋ جوق» جاعدايدى بولعىزباي، ماسەلەسى بار كادردى وسىرۋدەن ساقتانۋعا دەيىن؛ ءتارتىپ تەكسەرۋ تاراۋلارىنىڭ ورنالاستىرعان قۇرىلىمدارىنان ورتالىقتىڭ ارالاپ تەكسەرۋ گرۋپپاسىنىڭ ماسەلەنىڭ ءجىپ ۇشتارىن جوتكەپ بەرۋىنە، ۇيلەسىمدى ۋاقىتتا «قايىرىلا قاراۋدى» ورنالاستىرۋعا دەيىن ... پارتيا قۇرىلىسى مەن ءتارتىپ تەكسەرۋ ءتۇزىمى رەفورماسى ۇزدىكسىز تەزدەپ، پارتيا ىشىندەگى باقىلاۋ بىرتە – بىرتە ءتۇپ قاينارىنان وڭالتۋ، كۇنى بۇرىن ساقتانۋ سىندى اناعۇرلىم بيىك دەڭگەيگە قاراي قادام تاستادى.
پارتيا ىشىندەگى باقىلاۋدىڭ مىندەتى نە؟
بيىل 27 – قىركۇيەكتە اشىلعان ج ك پ ورتالىق كوميتەتى ساياسي بيۋروسىنىڭ ماجىلىسىندە مىناداي انىق جاۋاپ بەرىلدى: پارتيا ىشىندەگى باقىلاۋدىڭ مىندەتى ــ پارتيا ىشىندە پارتيا ۋستاۆىنىڭ، پارتيا ەرەجەسىنىڭ، پارتيا ءتارتىبىنىڭ ءونىمدى اتقارىلۋىنا كەپىلدىك ەتۋ، پارتيانىڭ بەرەكە - بىرلىگىن قورعاۋ، پارتيا باسشىلىعىنىڭ السىرەۋى مەن پارتيا قۇرىلىسىنىڭ كەمەلسىزدىگى، پارتيانى جاپپاي قاتاڭ باسقارۋدىڭ ارمەنسىزدىگى، پارتيالىق كوزقاراسىتىڭ سولعىنداۋى، ۇيىمنىڭ بىتىراڭقىلىعى، ءتارتىپتىڭ بوساڭسۋى، پارتيانى باسقارۋ مەن وڭالتۋدىڭ ارمەنسىزدىگى قاتارلى ماسەلەلەردى ءتۇيىندى تۇردە شەشىم ەتىپ، پارتيا ۇيىمىنىڭ مىندەتىن تولىق اتقارۋىنا، ۇيىتقىلىق رولىن ساۋلەلەندىرۋىنە كەپىلدىك ەتۋ، بارلىق پارتيا مۇشەلەرىنىڭ اۆانگاردتىق، ۇلگىلىك رولدارىن ساۋلەلەندىرۋگە كەپىلدىك ەتۋ، پارتيانىڭ باسشى كادرلارىنىڭ ادال، پاك، باتىل بولۋىنا كەپىلدىك ەتۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
