- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ مەملەكەتتىك 1 - كەزەكتى وركەنيەتتى وتباسىلاردىڭ ۋاكىلدەرىمەن كەزدەسكەن كەزدە
قوعامنىڭ ءار سالاسىن وتباسى وركەنيەتى قۇرىلىسىنا كەڭىنەن ات سالىسۋعا جۇمىلدىرىپ، سوتسياليستىك وتباسى وركەنيەتىنىڭ جاڭا سالتىن قالىپتاستىرۋدى باسا دارىپتەدى
ليۋ يۇنشان كەزدەسۋدە بىرگە بولدى جانە ماداقتاۋ - سيلاۋ جينالىسىندا ءسوز سويلەدى
2016.12.13 10:34 كەلۋ قاينارى : شينجياڭ گازەتى
شينحۋا اگەنتتىگىنىڭ 12 - جەلتوقساندا بەيجيڭنەن بەرگەن حابارى. مەملەكەتتىك 1 - كەزەكتى وركەنيەتتى وتباسىلاردى سيلاۋ - ماداقتاۋ جينالىسى 12 - جەلتوقساندا بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك وركەنيەتتى وتباسىلاردىڭ ۋاكىلدەرىمەن ىقىلاسپەن كەزدەستى، سونداي - اق ماڭىزدى ءسوز سويلەدى. ول مىنالاردى باسا دارىپتەدى: ءبىز وتباسى وركەنيەتى قۇرىلىسىنا ءمان بەرىپ، بىزدەگى ميلليونداعان وتباسىلاردى مەملەكەت دامۋىنىڭ، ۇلتتىڭ العا باسۋىنىڭ، قوعام جاراسىمدىلىعىنىڭ ماڭىزدى تىرەگى ەتۋگە، حالىقتىڭ ارمان وتىن جاعاتىن جەرىنە اينالدىرۋعا قۇلشىنۋىمىز كەرەك. قوعامنىڭ ءار سالاسىن وتباسى وركەنيەتى قۇرىلىسىنا كەڭىنەن ات سالىسۋعا جۇمىلدىرىپ، وتاندى، وتباسىن سۇيەتىن، ەتەنە بولاتىن، ءبىر - ءبىرىن سۇيەتىن، العا، ىزگىلىككە ۇمتىلاتىن، بىرگە كوركەيىپ، تابىستان بىرگە يگىلىكتەنەتىن سوتسياليستىك وتباسى وركەنيەتىنىڭ جاڭا سالتىن قالىپتاستىرۋدى جەبەۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق رۋحاني وركەنيەت قۇرىلىسىنا جەتەكشىلىك ەتۋ كوميتەتىنىڭ مەڭگەرۋشىسى ليۋ يۇنشان كەزدەسۋدە بىرگە بولدى جانە ماداقتاۋ- سيلاۋ جينالىسىنا قاتىناستى.
12 - قىركۇيەك تۇستەن بۇرىن، جيڭشي قوناق ءۇيى ءماجىلىس عيماراتىنىڭ الدىڭعى زالى ادامعا تولىپ، دىر - دۋمانعا بولەندى. مەملەكەتتىك 1 - كەزەكتى وركەنيەتتى وتباسىلاردىڭ ءتۇرلى - ءتۇستى كيىنگەن ۋاكىلدەرىنىڭ رۋحتى جۇزدەرىنەن قۋانىش لەبى ەستى.ساعات 9دان 30 مينۋت وتكەندە، شي جينپيڭ باستاعان باسشىلار وسى جەرگە كەلدى، زالدان كوتەرىلگەن دۋ قول شاپالاق ءۇنى ۇزاق ۋاقىت تولاستامادى. شي جينپيڭ باستاعان باسشىلار ۋاكىلدەرمەن ىقىلاسپەن قول الىسىپ، ارا - تۇرا پىكىرلەسىپ، سالەمدەستى. ۋاكىلدەر جابال باس شۋجيگە سالەم بەرىپ، ءوز وتباسىلارى اتىنان باس شۋجيگە شىن جۇرەكتى ىزگى تىلەكتەر ايتتى. شي جينپيڭ ۋاكىلدەرمەن بىرگە سۋرەتكە ءتۇسىپ، ەستەلىك قالدىردى.
دۋ قول شاپالاق ءۇنى ىشىندە، شي جينپيڭ ماڭىزدى ءسوز سويلەدى. ول، الدىمەن، پارتيا ورتالىق كوميتەتى اتىنان مەملەكەتتىك 1 - كەزەكتى وركەنيەتتى وتباسى بولىپ ماداقتالىپ - سيلانعاندارعا شىن جۇرەكتەن قۇتتى بولسىن ايتىپ، رۋحاني وركەنيەت قۇرىلىسىنىڭ ءبىرىنشى شەبىندە قىزمەت ىستەپ جاتقان جولداستارعا شىنايى سالەم جولدادى.
شي جينپيڭ مىنالاردى اتاپ كورسەتتى: جۇڭحۋا ۇلتى تاريحتان وتباسىنا ءمان بەرەدى. جۇڭحۋا ۇلتىنىڭ ءداستۇرلى وتباسىلىق تاماشا ءمورالى − جۇڭگولىقتاردىڭ كوكەيىندە ساقتالىپ، قان تامىرىمەن بىتە قايناسقان، ول جۇڭحۋا ۇلتىنىڭ ءتۇتىنى ماڭگى وشپەي، ۇرپاقتان - ۇرپاققا جالعاسۋىنداعى ماڭىزدى رۋحاني كۇش، وتباسى وركەنيەت قۇرىلىسىنىڭ اسىل رۋحاني قازىناسى. ءداۋىر قالاي وزگەرسە دە، ەكونوميكا، قوعام قالاي دامىسا دا، بەلگىلى ءبىر قوعام ءۇشىن، وتباسىلىق ءومىر ارقاۋىنىڭ ورنىن، وتباسىنىڭ قوعامدىق فۋنكتسياسىنىڭ ورنىن، وتباسىنىڭ وركەنيەتتەگى رولىنىڭ ورنىن ەشتەڭە باسا المايدى. مەن سىزدەردىڭ وتباسىنا، وتباسى تاربيەسىنە، وتباسى سالتىنا ءمان بەرۋلەرىڭىزدى ءۇمىت ەتەمىن.
شي جينپيڭ مىنالاردى باسا دارىپتەدى: وتباسى − قوعامنىڭ كلەتكاسى. وتباسى جاراسىمدى بولسا، قوعام تىنىش، وتباسى باقىتتى بولسا، قوعام بەرەكەلى، وتباسى وركەنيەتتى بولسا، قوعام دا وركەنيەتتى بولادى. ءبىز مىنانى تانۋىمىز كەرەك: وتباسىلارىمىزدىڭ بارلىعى جاقسى بولسا عانا، مەملەكەتتىڭ، ۇلتتىڭ جاعدايى جاقسى بولادى. مەملەكەتتىڭ بايىپ - قۇدىرەتتەنۋى، ۇلتتىڭ گۇلدەنۋى، حالىقتىڭ باقىتى، تۇپتەپ كەلگەندە، سانسىز وتباسىلاردىڭ باقىتىندا، ميلليارد حالىقتىڭ تۇرمىسىنىڭ ۇزدىكسىز جاقسارۋىندا بەينەلەنۋى كەرەك. ءبىز مەملەكەت، ۇلت جاقسى بولسا عانا وتباسى جاقسى بولاتىنىن دا جەتە تانۋىمىز كەرەك. تەك جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرعاندا عانا وتباسىنىڭ ارمانى ورىندالادى. بارشا وتباسىلار وتباسىن ءسۇيۋ مەن وتاندى ءسۇيۋدى بىرلىككە كەلتىرىپ، وتباسى ارمانىن ورىنداۋدى ۇلت ارمانىنا قامتىپ، ءبىر نيەتپەن تىزە قوسىپ، جۇمىلا جۇك كوتەرۋى، 400 ميلليوننان استام وتباسىنىڭ، ءبىر ميلليارد 300 ميلليوننان استام حالىقتىڭ پاراساتىمەن، ىقىلاسىمەن «قوس 100 جىلدىق» كۇرەس نىساناسىن ورىندايتىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىندايتىن مىعىم كۇش توپتاۋى كەرەك.
شي جينپيڭ بىلاي دەپ اتاپ كورسەتتى: وتباسى − ادام ءومىرىنىڭ تۇڭعىش ساباقحاناسى، اتا - انا − بالانىڭ العاشقى ۇستازى. وتباسى تاربيەسى جان - جاققا سايىپ جاتادى، الايدا، ەڭ ماڭىزدىسى، ءمورال تاربيەسى، قالاي ادام بولۋ تاربيەسى. تاماشا ءمورالدىق كوزقاراستى بالاعا كىشكەنتايىنان ءسىڭىرىپ، ولاردى ۇجداندى، نامىستى بولۋعا جەتەلەپ، ولاردىڭ تاماشا جان دۇنيە قالىپتاستىرۋىنا كومەكتەسىپ، اقاۋسىز ەرجەتۋىن جەبەپ، ەرجەتكەن سوڭ مەملەكەت پەن حالىققا جارامدى ادام بولىپ شىعۋىنا كومەكتەسۋ كەرەك. جالپى وتباسىلار سوزىمەن، ىسىمەن، بىلىمىمەن تاربيەلەۋى، مورالىمەن باۋلۋى، بالالارىنىڭ ومىردەگى العاشقى قادامىن جاقسى باسۋىنا، ءومىرىنىڭ العاشقى ساتىسىن دۇرىس اتتاۋىنا كومەكتەسۋى كەرەك. سوتسياليستىك وزەكتى قۇن كوزقاراسىن وتباسىندا جەتىلدىرىپ جانە ونى امالياتتا ايگىلەپ، وتباسى مۇشەلەرىن، اسىرەسە، ۇرپاقتاردى پارتيانى، وتاندى، حالىقتى، جۇڭحۋا ۇلتىن سۇيۋگە جەتەكتەۋ كەرەك. جۇڭحۋا ۇلتىنىڭ ءداستۇرلى اسىل ءمورالىن بەلسەنە جالپىلاستىرىپ، ۇلكەندەردى قۇرمەتتەۋ، كىشىلەردى ايالاۋ، ەر - ايەل تەڭدىگى، ەرلى - زايىپتىلار تاتۋ بولۋ، وتباسىن ۇنەمشىلدىكپەن ۇستاۋ، كورشىلەر ارا ىنتىماقتى بولۋ كوزقاراسىن جالعاستىرىپ، ادال بولۋ، جاۋاپتى بولۋ، باۋىرمال بولۋ، ۇيرەنۋ، يگىلىكتى ءىس ىستەۋ يدەياسىن دارىپتەپ، ادامداردىڭ وتباسىنان باقىت ىزدەۋ، باسقالارعا قامقورلىق جاساۋ، قوعامعا ۇلەس قوسۋ بارىسىندا رۋحاني جان دۇنيەسىن بايىتۋىن، وركەنيەت ستيلىن جەتىلدىرۋىن ىلگەرىلەتۋ كەرەك.
شي جينپيڭ مىنانى باسا دارىپتەدى: وتباسى سالتى − قوعامدىق سالتتىڭ ماڭىزدى قۇرامداس بولىگى. وتباسى − ادامداردىڭ تۇراعى عانا ەمەس، جان دۇنيەسىنىڭ تياناعى. وتباسى سالتى جاقسى بولسا، وتباسىنىڭ ءال - اۋقاتى وركەندەپ، تاتۋ - ءتاتتى، جاراسىمدى بولادى؛ وتباسى سالتى ناشار بولسا، ۇرپاقتارىنا كەسىرى ءتيىپ، قوعامعا زالالىن تيگىزەدى. جالپى وتباسىلار وتباسى تاماشا سالتىن ساۋلەلەندىرىپ، سان مىڭداعان وتباسىلاردىڭ تاماشا سالتىن تۇتاس قوعامنىڭ جاقسى سالتىنىڭ تىرەگى ەتۋ كەرەك. اسىرەسە، ءار دارەجەلى باسشى كادرلار وتباسى جاقسى سالتىن باستاماشىلدىقپەن مىقتاپ يگەرىپ، توڭكەرىسشىل اعا بۋىنداردىڭ توڭكەرىستىك وتباسى سالتىنا مۇراگەرلىك ەتىپ جانە ونى اسقاقتاتىپ، جياۋ يۇيلۋ، گۋ ۋىنچاڭ، ياڭ شانجوۋ سياقتى جولداستاردان ۇيرەنىپ، وتباسى سالتى قۇرىلىسىنىڭ ۇلگىسى بولۋلارى كەرەك. ءار دارەجەلى باسشى كادرلار تۋىس - تۋعاندارى مەن پەرزەنتتەرىن تارتىپكە، زاڭعا بويسۇناتىن، قاجىرلى دا قاراپايىم، ءوز كۇشىنە سۇيەنەتىن تاماشا كوزقاراس ورناتۋعا تاربيەلەپ، پايدا ءۇشىن اردان بەزۋ، جەمقورلىق ىستەپ زاڭ بۇزۋ سياقتىلاردىڭ ءبارى ءمورالسىز ءىس ەكەنىن ءتۇسىنىپ، تۇتاس قوعامعا ۇلگى كورسەتۋى كەرەك.
شي جينپيڭ بىلاي دەپ اتاپ كورسەتتى: ءار دارەجەلى پارتكومدار مەن ۇكىمەتتەر وتباسى وركەنيەتى قۇرىلىسىن كەڭەستىك كۇن تارتىپكە شىنايى ەنگىزۋى كەرەك. جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىمدار ءوز ەرەكشەلىكتەرىنە ۇشتاستىرىپ، وتباسى وركەنيەتى قۇرىلىسى قيمىلىن بەلسەنە ۇيىمداستىرۋى، ورىستەتۋى كەرەك. ءار جاق تۇرمىسىندا قيىنشىلىعى بار وتباسىلارعا قىزۋ ىنتامەن قامقورلىق جاساۋى جانە كومەكتەسۋى، ولاردىڭ قيىنشىلىعىن شەشۋگە جاردەمدەسۋى كەرەك. رۋحاني وركەنيەت قۇرىلىسى قىزمەت تاراۋلارى ءبىر تۇتاس جوسپارلاۋ، سايكەستىرۋ، جەتەكشىلىك ەتۋ، قۋزاۋ رولىن ساۋلەلەندىرۋى كەرەك.
ليۋ يۇنشان جينالىستا بىلاي دەپ اتاپ كورسەتتى: باس شۋجي شي جينپيڭنىڭ ۋاكىلدەردى ىقىلاستى تۇردە قابىلداۋى جانە ماڭىزدى ءسوز سويلەۋى پارتيا ورتالىق كوميتەتىنىڭ رۋحاني وركەنيەت قۇرىلىسىنا وسكەلەڭ ءمان بەرەتىندىگىن، بۇكىل ەلىمىزدەگى ميلليونداعان وتباسىلارعا بولعان ىقىلاستى مەيىرىن ايگىلەپ، وتباسى وركەنيەتى قۇرىلىسىن ىلگەرىلەتۋدى ماڭىزدى ولشەممەن قامدادى. باس شۋجي شي جينپيڭنىڭ ماڭىزدى سوزدەرىنىڭ رۋحىن سانالى تۇردە جەتەكشى ەتىپ، وتباسى وركەنيەتى قۇرىلىسىنىڭ مەملەكەتتىڭ دامۋىنداعى، ۇلتتاردىڭ العاباسارلىعىنداعى، قوعامنىڭ جاراسىمدىلىعىنداعى ماڭىزدى رولىن جەتە تانىپ، وتباسىنا، وتباسى تاربيەسىنە، وتباسى سالتىنا اناعۇرلىم ءمان بەرىپ، وتباسى وركەنيەتى قۇرىلىسىن ۇزاق ۋاقىتتىق مىندەت رەتىندە شىنايى، جاقسى يگەرۋ كەرەك. ءار دارەجەلى پارتكومدار مەن ۇكىمەتتەر «ەكى جاعىن تەڭ يگەرۋ، ەكى جاعىن دا قاتاڭ يگەرۋ» باعىتىن دەن قويا دايەكتىلەندىرىپ، قىزمەت جەتەكشىلىگى مەن ساياساتتىق قولداۋدى كۇشەيتىپ، ءار جاقتىڭ بايلىعى مەن كۇشىن ءبىر تۇتاس ورنالاستىرىپ جانە ونى ويداعىداي قولدانىپ، وتباسى وركەنيەتى قۇرىلىسى مىندەتتەرىنىڭ شىنايى تياناقتانۋىن ىلگەرىلەتۋ كەرەك.
ليۋ ياندۇڭ كەزدەسۋدە بىرگە بولدى ءارى جينالىستا ماداقتاۋ - سيلاۋ قارارىن وقىدى، ليۋ چيباۋ كەزدەسۋدە بىرگە بولدى ءارى جينالىستى باسقاردى. جينالىستا ماداقتالىپ - سيلانعان وتباسى ۋاكىلدەرىنە سيلىق تاراتىلدى.
باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، «وتباسىنا، وتباسى تاربيەسىنە، وتباسى سالتىنا ءمان بەرۋ» جونىندە جاساعان ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، وتباسى وركەنيەتى قۇرىلىسىن تەرەڭدەتۋ ءۇشىن، ورتالىقتىڭ رۋحاني وركەنيەت قۇرىلىسىنا جەتەكشىلىك ەتۋ كوميتەتى مەملەكەتتىك 1 - كەزەكتى وركەنيەتتى وتباسىلاردى تاڭداۋ، ماداقتاپ - سيلاۋ قيمىلىن ورىستەتكەن. وسى رەتكى قيمىل وتاندى ءسۇيۋ، زاڭعا بويسۇنۋ، ءمورالدى، ادەپتى بولۋ، تەڭ، جاراسىمدى بولۋ، كاسىبىن سۇيەتىن، سەنىمدى بولۋ، وتباسى تاربيەسى جاقسى بولۋ، وتباسى سالتى قاراپايىم بولۋ، جاسىل تۇرمىسقا تالپىنىپ، ۇنەمشىل بولۋ، الەۋمەتتىك يگىلىكتى ىستەرگە پەيىلدى بولۋ سىندى 8 جاقتى تاڭداۋ ولشەمى ەتىپ، بۇكىل ەلىمىز كولەمىنەن 300 وركەنيەتتى وتباسىن تاڭداعان.12- جەلتوقساندا پارتيا مەن مەملەكەت باسشىلارىنان شي جينپيڭ، ليۋ يۇنشان قاتارلىلار بەيجيڭدە مەملەكەتتىك 1 - كەزەكتى وركەنيەتتى وتباسىلاردىڭ ۋاكىلدەرىمەن كەزدەستى. )شينحۋا اگەنتتىگىنەن(
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
