سىرتقى ىستەر مينيسترلىگى ءۇندىستان جاقتىڭ ۇشقارى ارەكەت قولدانىپ، جۇڭگو جاقتىڭ ادامىن جارالاعانى جونىندە قاتاڭ نارازىلىق ءبىلدىردى
2017.08.22 13:18 كەلۋ قاينارى : حالىق تورابى
شينحۋا اگەنتتىگى، 21 – تامىز، بەيجيڭ (يان زىمين) سىرتقى ىستەر مينيسترلىگىنىڭ مالىمدەمەشىسى حۋا چۇنيڭنىڭ 21 – تامىزدا راستاۋىنشا، ءۇندىستان جاق جۇڭگو – ءۇندىستان شەكاراسىنىڭ باتىس بولەگىندە ۇشقارى ارەكەت قولدانىپ، جۇڭگو جاقتىڭ ادامىن جارالاعان، بۇل تۋرالى جۇڭگو جاق قاتاڭ نارازىلىق ءبىلدىردى.
كەزەكتى تىلشىلەردى قابىلداۋ جيىنىندا، ءتىلشى بىلاي دەپ سۇرادى: ءۇندىستان ۇكىمەتىنىڭ الدىڭعى اپتادا ايتۋىنشا، جۇڭگو – ءۇندىستان شەكاراسىنىڭ باتىس بولەگىندەگى بانگۇڭ كولى ءوڭىرىنىڭ ماڭىندا جۇڭگو اسكەرلەرى مەن ءۇندىستان اسكەرلەرى جولىعىپ قالعان ءارى بەينەجازباعا قاراعاندا ەكى جاقتىڭ اسكەرلەرى ءبىرىن – ءبىرى يتەرمەلەپ، ءبىر – بىرىنە تاس لاقتىرعان. جۇڭگو جاق بۇل ىسكە قانداي پوزيتسيا بىلدىرەدى؟
حۋا چۇنيڭ بىلاي دەدى: جۇڭگو جاقتىڭ تەكسەرۋىنە قاراعاندا، جۇڭگونىڭ شەكارا قورعانىس قوسىندارى 15 – تامىز كۇنى جۇڭگو مەن ءۇندىستان شەكاراسىنىڭ باتىس بولەگىندەگى بانگۇڭ كولى وڭىرىندەگى جۇڭگو جاقتىڭ ناقتى مەڭگەرۋىندەگى وڭىردە قالىپتى شارلاۋ جۇرگىزگەندە، ءۇندىستان شەكارا قورعانىس قوسىنىنىڭ كەدەرگىلىك جاساۋىنا تاپ بولعان. ءۇندىستان جاق ۇشقارى ارەكەت قولدانىپ، جۇڭگو جاقتىڭ ادامدارىنا تيىسكەن ءارى جۇڭگو جاقتىڭ ادامدارىمەن قاقتىعىسىپ، جۇڭگو جاقتىڭ ادامدارىن جارالاعان.
ول بىلاي دەدى: ءۇندىستان جاقتىڭ بۇل ارەكەتى ەكى جاقتىڭ شەكارا ءوڭىردىڭ بەيبىتشىلىگى مەن تىنىشتىعىن قورعاۋ تۋرالى بىرلىككە كەلگەن تانىمىنا قايشى ارەكەت سانالادى، بۇل ارەكەت جۇڭگو مەن ءۇندىستاننىڭ شەكاراسىنىڭ باتىس بولەگىندەگى جاعدايدى ۋشىقتىرادى. جۇڭگو جاق بۇل ىسكە قاتاڭ نارازىلىق ءبىلدىردى ءارى شەكارالىق قارىم – قاتىناس ارقىلى ءۇندىستان جاقپەن قاتاڭ تىلدەستى.
حۋا چۇنيڭنىڭ ايتۋىنشا، جۇڭگو جاق ءۇندىستان جاقتى ەكى ەل اراسىندا قول قويعان قاتىستى كەلىسىمدەردەگى بەلگىلەمەلەرگە، 1959 – جىلى بەلگىلەنگەن ناقتى مەڭگەرۋ سىزىعىنا شىنايى بويسۇنىپ، ءۇندىستان شەكارا قورعانىس قوسىندارىنىڭ ارەكەتىن قاتاڭ تەجەۋگە،ەكى ەلدىڭ شەكارا وڭىرىندەگى بەيبىتشىلىك پەن ورنىقتىلىقتى شىنايى قورعاۋعا ۇندەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
