سىرتقى ىستەر مينيسترلىگى: جۇڭگو جاق تايۋانعا قارۋ – جاراق ساتۋعا قاتىناسقان ا ق ش سەرىكتەستىكتەرىنە جازالاۋ شارالارىن اتقارادى
2019.08.22 13:14 كەلۋ قاينارى : حالىق تورابى
شينحۋا اگەنتتىگى، 8 – ايدىڭ 21 – كۇنى، بەيجيڭ (ءتىلشى: ما جويان) ا ق ش – تىڭ تايۋانعا قارۋ – جاراق ساتۋى جونىندە سىرتقى ىستەر مينيسترلىگىنىڭ مالىمدەمەشىسى گىڭ شۋاڭ 8 – ايدىڭ 21 – كۇنى بىلاي دەدى: جۇڭگو جاق ءوزىنىڭ ۇقىق – مۇددەسىن قورعاۋ ءۇشىن ءارقانداي قاجەتتى شارالاردى قولدانادى، بۇل شارالار وسى رەت تايۋانعا قارۋ – جاراق ساتۋعا قاتىناسقان ا ق ش سەرىكتەستىكتەرىنە جازالاۋ شارالارىن اتقارۋدى دا قامتيدى.
سول كۇنى وتكىزىلگەن داعدىلى تىلشىلەردى قابىلداۋ جيىنىندا ءتىلشى بىلاي دەپ سۇرادى: بەيجيڭ ۋاقىتى بويىنشا 8 – ايدىڭ 2 1- كۇنى ا ق ش قورعانىس مينيسترلىگى پارلامەنتكە رەسمي ۇقتىرۋ جىبەرىپ، ا ق ش جاقتىڭ تايۋانعا قۇنى 8 ميلليارد ا ق ش دوللارىندىق 66 دانا F-16 وزىق سوعىس ۇشاعى مەن قاتىستى جابدىقتاردى ساتىپ بەرۋدى جانە قولداۋ كورسەتۋدى جوسپارلاعانىن ايتقان. بۇل جونىندە جۇڭگو جاق قانداي پىكىر بىلدىرەدى؟
گىڭ شۋاڭ بىلاي دەدى: ا ق ش – تىڭ تايۋانعا قارۋ – جاراق ساتىپ بەرۋى حالىقارالىق زاڭ مەن حالىقارالىق قارىم – قاتىناستىڭ نەگىزدىك ولشەمدەرىنە اۋىر دارەجەدە قايشىلىق جاساۋ بولىپ تابىلادى، مۇنداي ارەكەت ءبىر جۇڭگو پرينسيپى مەن جۇڭگو مەن ا ق ش اراسىنداعى ءۇش رەتكى بىرلەسكەن مالىمدەمەدەگى، وتە – موتە، «17 – تامىز» مالىمدەمەسىندەگى بەلگىلەمەلەرگە اۋىر دارەجەدە قايشىلىق جاساعاندىق، جۇڭگونىڭ ىشكى ىستەرىنە اۋىر دارەجەدە كيلىگىپ، جۇڭگونىڭ يەلىك ۇقىعى مەن حاۋىپسىزدىك جاعىنداعى مۇددەسىنە زيان سالعاندىق بولىپ ەسەپتەلەدى. جۇڭگو جاق بۇل ىسكە باتىل قارسى تۇرادى، ا ق ش جاقپەن رەسمي تۇردە قاتاڭ تىلدەستى ءارى قارسىلىق ءبىلدىردى. جۇڭگو جاق ءوزىنىڭ مۇددەسىن قورعاۋعا ءارقانداي قاجەتتى شارالاردى قولدانادى، مۇندا وسى رەت تايۋانعا قارۋ – جاراق ساتۋعا قاتىناسقان ا ق ش سەرىكتەستىكتەرىنە جازالاۋ شارالارىن اتقارۋ دا قامتىلادى.
گىڭ شۋاڭ: تايۋان ماسەلەسىنىڭ جۇڭگونىڭ يەلىك ۇقىعى مەن تەرريتوريا تۇتاستىعىنا، جۇڭگونىڭ وزەكتى ۇقىق – مۇددەسىنە ساياتىن ماسەلە ەكەنىن اتاپ وتكەن ءجون. جۇڭگو جاقتىڭ ءوزىنىڭ يەلىك ۇقىعىن، ءبىرتۇتاستىعى مەن حاۋىپسىزدىگىن قورعاۋ بەكىمى مىزعىماستاي بەرىك، — دەدى. ءبىز ا ق ش جاقتى ءبىر جۇڭگو پرينسيپى مەن جۇڭگو – ا ق ش اراسىنداعى ءۇش رەتكى بىرلەسكەن مالىمدەمەدەگى بەلگىلەمەلەرگە بويسۇنىپ، جوعارىدا ايتىلعان تايۋانعا قارۋ – جاراق ساتۋ جوسپارىن دەرەۋ كۇشىنەن قالدىرۋعا، تايۋانعا قارۋ – جاراق ساتۋ مەن ا ق ش – تايۋان اراسىنداعى اسكەري ىستەردەگى قارىم – قاتىناستى توقتاتۋعا قۋزايمىز. ويتپەگەندە، وسىدان تۋىنداعان زارداپتى، ءسوزسىز، بۇكىلدەي ا ق ش جاق جاۋاپتى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
