لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2019.08.22 14:59 كەلۋ قاينارى : حالىق تورابى
ەركىن ساۋدا سىناق رايونىندا «تيجارات كۋالىگى مەن رۇقسات كۋالىگىن ايىرۋ» رەفورماسىن جاپپاي قامتۋدى تۇيىندە سىناق ەتۋدى ورىستەتۋ ۇيعارىلدى، قارتتاردى كۇتىمدەۋ قىزمەت وتەۋىمەن قامداۋدى كەڭەيتىپ، قارتتاردى كۇتىمدەۋ قىزمەت وتەۋ تۇتىنۋىن جەبەۋ ورنالاستىرىلدى، ءتىرى دوڭىز ءوندىرىسىن جانە دوڭىز ەتىمەن قامداۋدى، باعانى ورنىقتىرۋ شارالارى بەلگىلەندى
شينحۋا اگەنتتىگى، 8 - ايدىڭ 21 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 8 – ايدىڭ 21 – كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە ەركىن ساۋدا سىناق رايونىندا «تيجارات كۋالىگى مەن رۇقسات كۋالىگىن ايىرۋ» رەفورماسىن جاپپاي قامتۋدى تۇيىندە سىناق ەتۋدى ورىستەتۋ ۇيعارىلدى، قارتتاردى كۇتىمدەۋ قىزمەت وتەۋىمەن قامداۋدى كەڭەيتىپ، قارتتاردى كۇتىمدەۋ قىزمەت وتەۋ تۇتىنۋىن جەبەۋ ورنالاستىرىلدى، ءتىرى دوڭىز ءوندىرىسىن جانە دوڭىز ەتىمەن قامداۋدى، باعانى ورنىقتىرۋ شارالارى بەلگىلەندى.
ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن تەرەڭدەتىپ، «تيجارات كۋالىگى مەن رۇقسات كۋالىگىن ايىرۋدى» ىلگەرىلەتىپ، «بازارعا كىرۋگە رۇقسات ەتكەنمەن، تيجاراتقا رۇقسات ەتپەۋ» ماسەلەسىن شەشۋ كەرەك، بۇل بازارلاندىرۋ، زاڭمەن جونگە سالۋ سىندى حالىقارالانعان تيجارات - ساۋدا ورتاسىن قالىپتاستىرۋعا ءتيىمدى، سونداي - اق كاسىپتەندىرۋدى ورنىقتىرۋدىڭ پارمەندى شاراسى. ماجىلىستە مىنالار ۇيعارىلدى: 12 - ايدىڭ 1 - كۇنىنەن باستاپ مەملەكەتتىك ەركىن ساۋدا سىناق رايونىندا «تيجارات كۋالىگى مەن رۇقسات كۋالىگىن ايىرۋ» رەفورماسىن جاپپاي جالپىلاستىرۋ سىناق ءتۇيىنى قىزمەتىن ورىستەتىپ، ورتالىق دەڭگەيىندە بەلگىلەنگەن كاسىپورىنداردىڭ تيجارات رۇقساتىنا ساياتىن جالپى 523 ءتۇرلى ءىس جونىندە رۇقسات كۋالىگى بەرىلگەننەن كەيىن تيجارات كۋالىگىنە بايلانىستى رەسميات ءتۇرىن ازايتۋدى تەكسەرىپ بەكىتۋدى ىقشامداۋدى ىلگەرىلەتۋ كەرەك. ءبىرىنشى، سىرتقى ساۋدا تيجاراتشىلارىن تىزىمگە الۋ سياقتى 13 ءتۇرلى تەكسەرىپ بەكىتۋدى كۇشىنەن قالدىرۋ. ەكىنشى، كەدەنگە مالىمدەۋشى كاسىپورىندى تىزىمگە الدىرۋ سياقتى 8 ءتۇرلى تەكسەرىپ بەكىتۋدى ەستەلىككە الۋعا وزگەرتۋ. ءۇشىنشى، ادام كۇشى بايلىعى جونىنەن قىزمەت وتەۋ رۇقساتى سياقتى 60 ءتۇرلى تەكسەرىپ بەكىتۋدە ۋادە بەرۋ ءتۇزىمىن اتقارۋ. ءتورتىنشى، قالعان 442 ءتۇرلى تەكسەرىپ بەكىتۋدە ماتەريالداردى جانە ۋاقىت شەگىن قىسقارتۋ، كۇشكە يە ۋاقىتىن ۇزارتۋ نەمەسە كۇشىنەن قالدىرۋ، توراپتا ءبىتىرۋ، ناق مايداندا تەكسەرۋدى كۇشىنەن قالدىرۋ سياقتى ساپالى قىزمەت وتەۋ شارالارىن قولدانۋ. بەسىنشى، جوعارىدا ايتىلعان كاسىپورىنداردىڭ تيجاراتىنا ساياتىن رۇقسات ەتىلگەن ىستەر تۇگەلدەي تىزىمدىككە ەنگىزىپ باسقارىلىپ، قوعامعا جاريا ەتىلەدى ءارى مەرزىم بويىنشا رەتكە سالىنادى. سول سەبەپتى ماجىلىستە مىنالار ۇيعارىلادى: ەركىن ساۋدا سىناق رايونىندا قاتىستى اكىمشىلىك زاڭ - ەرەجەلەر مەن مەملەكەتتىك كەڭەستىڭ ۇيعارىمىن ۋاقىتتىق رەتتەپ اتقارۋ؛ ساياتىن زاڭداردى مەملەكەتتىك حالىق قۇرىلتايى تۇراقتى كوميتەتىنىڭ ۇقىق بەرۋىمەن مەملەكەتتىك كەڭەستىڭ رەتتەپ اتقارۋىنا ۇسىنۋ كەرەك. ماجىلىستە مىنالار دارىپتەلدى: «تيجارات كۋالىگى مەن رۇقسات كۋالىگىن ايىرۋ» رەفورماسىنىڭ تەبىنىن ارتتىرىپ، ءۇرتىس ىلگەرىلەتىپ، بازار نەگىزگى تۇلعالارىنا بىردەي مامىلە جاساپ، بازارعا كىرۋ رۇقساتىن اناعۇرلىم كەڭەيتىپ، قولايلىلاندىرۋدى ىلگەرىلەتۋ كەرەك، سونداي - اق ءادىل باقىلاۋ - باسقارۋدى، جۇمىس بارىسىنداعى، جۇمىستان كەيىنگى باقىلاۋ - باسقارۋدى كۇشەيتىپ، باسقارۋدى قىزمەت وتەۋ بارىسىنا ءسىڭىرۋ، پىسىپ - جەتىلگەن تاجىريبەلەردى بۇكىل ەلگە دەر كەزىندە جالپىلاستىرۋ كەرەك.
ماجىلىستە مىنالار اتاپ كورسەتىلدى: سۇرانىستى جەتەكشى ەتىپ، زەينەتكەرلىككە قىزمەت وتەۋدى دامىتۋ − قارتتانۋعا توتەپ بەرىپ، قارتتاردىڭ تۇرمىس ساپاسىن جوعارىلاتۋداعى ماڭىزدى شارا. بىرىنشىدەن، الەۋمەتتىك اۋماقتىڭ دامۋىنا سۇيەنىپ، وتباسىن نەگىز ەتكەن الۋان تۇرلىلەنگەن زەينەتكەرلىك قاجەتىنە قىزمەت وتەپ، قارتتارعا تاماقتانۋ، شيپاگەرگە كورىنۋ، ءجۇرىس - تۇرىس، تازالىق جاقتارىنان قولايلى قىزمەت وتەۋ كەرەك. جاڭادان قۇرىلعان شاعىن رايوندار مەن كونە شاعىن رايونداردى وزگەرتۋدە قارتتاردى كۇتىمگە الۋعا قىزمەت وتەۋدى ماڭىزدى كورسەتكىش ەتۋ كەرەك. ەكىنشى، قوعامدىق كۇشتەردى جۇمىلدىرىپ، قارتتاردىڭ تۇتىنۋىنا ۇيلەسەتىن ساياحات، كۇتىنۋ سياقتى قىزمەت وتەۋدى دامىتۋ كەرەك. كاسىپورىنداردىڭ ساپالى، قولدانىلمالى قارتتار تۇتىنۋ بۇيىمدارىن زەرتتەپ اشۋىنا دەم بەرۋ كەرەك. ساناتوريانىڭ باستىعى، سەستىرالارى، قوعامدىق قىزمەتكەرلەرى قاتارلىلاردى زور كولەمدە جەتىلدىرۋ كەرەك. ۇشىنشىدەن، ساۋدالىق زەينەتكەرلىك قامسىزداندىرۋىن دامىتۋدى قولداپ، قامسىزداندىرۋ، يگىلىك جانە قۇتقارۋ - كومەك بەرۋدى ءوزارا ۇشتاستىرعان ۇزاق ۋاقىت كۇتىمدەۋدى قامتاماسىزداندىرۋ ءتۇزىمىن ورناتىپ، ەكونوميكالىق قيىنشىلىعى اۋىر، قابىلەتىنەن ايىرىلعان قارتتارعا ۇزاق ۋاقىت كۇتىمدەۋگە بەرىلەتىن قوسىمشا قاراجاتتى ارتتىرۋ كەرەك. ءتورتىنشى، زەينەتكەرلىك ونىمدەرى مەن قىزمەت وتەۋ ساپاسىن باقىلاۋدى كۇشەيتىپ، قارتتاردىڭ ۇقىق - مۇددەسىنە زالال جەتكىزەتىن ارەكەتتەردى قاتاڭ تەكسەرىپ ءبىر جاقتى ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
