لي كىچياڭ جاڭادان ۇسىنىس ەتىلگەن مەملەكەتتىك كەڭەستىڭ اقىلشىلارىنا، ورتالىق مادەنيەت - تاريح زەرتتەۋ ورنىنىڭ قىزمەتكەرلەرىنە ۇسىنىس ەتۋ حاتىن بەردى ءارى مىنانى دارىپتەدى
دامۋ جالپى جاعدايىنا قىزمەت وتەپ، بۇقارانىڭ ارمان ـ تىلەگىن اڭىس ەتىپ، تاڭداۋلى مادەنيەتتى اسقاقتاتىپ، ەكونوميكانىڭ، قوعامنىڭ دامۋىن جەبەۋدە بەلسەندى رولدارىڭىزدى ساۋلەلەندىرىڭىزدەر
2020.08.20 16:44 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 19 - كۇنى، بەيجيڭ. 8 - ايدىڭ 19 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جاڭادان ۇسىنىس ەتىلگەن مەملەكەتتىك كەڭەستىڭ اقىلشىلارى جۋ گۋاڭياۋ، ۋاڭ جاۋشيڭ، گى جيانپيڭ، ۋاڭ ليفاڭ، داي چيۇڭحاي، لي ۋي، جياۋ حۇڭچاڭ، ليۋ ي، ليۋ يۋانلي، جۋ تۇڭ، دۋ يىڭفىنگە جانە ورتالىق مادەنيەت - تاريح زەرتتەۋ ورنىنىڭ قىزمەتكەرلەرى چىن لي، چىن شياۋميڭ، سۋ شىشۋ، دۇڭ جىڭحى، ياڭ جيڭماۋ، شۇي شىحۇڭ، حى جيايىڭدەرگە ۇسىنىس ەتۋ حاتىن بەردى.
ۇسىنىس ەتۋ حاتىن بەرگەننەن كەيىن لي كىچياڭ ماڭىزدى ءسوز سويلەدى. ول مىنانى اتاپ كورسەتتى: ۇكىمەت ىستەرى اقىلشىلىق ءتۇزىمىن ورناتۋ جانە مادەنيەت - تاريح سارايىن قۇرۋ − پارتيامىزدىڭ بىرلىكسابىنىڭ مەملەكەت اكىمياتى قۇرىلىسىنداعى زور جاسامپازدىعى. قازىرگە دەيىنگى 70 جىلدىق بارىستا اقىلشىلار، زەرتتەۋ ورنى قىزمەتكەرلەرى مەملەكەتتىڭ ەكونوميكالىق، قوعامدىق دامۋىنا، جۇڭحۋانىڭ تاڭداۋلى مادەنيەتىنە مۇراگەرلىك ەتۋگە، ۇكىمەتتىڭ عىلمي، دەموكراتيالى شەشىم جاساۋىنا بەلسەنە ۇلەس قوستى.
لي كىچياڭ جاڭادان ۇسىنىس ەتىلگەن اقىلشىلاردى، زەرتتەۋ ورنى قىزمەتكەرلەرىن قۇتتىقتادى ءارى ءۇمىتىن ورتاعا قويدى. ءبىرىنشى، دامۋدىڭ جالپى جاعدايىن ارقاۋ ەتە وتىرىپ بەلسەندىلىكپەن اقىل - كەڭەس بەرۋ. دامۋ ‐ ەلىمىزدىڭ بارلىق ماسەلەسىن شەشۋدىڭ نەگىزى جانە تەتىگى. بۇرىن بولىپ كورىلمەگەن جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى مەن كۇردەلى دە قاتاڭ ەكونوميكالىق جاعداي الدىندا كوپشىلىكتىڭ اماليات تاجىريبەسى مول، نازاريالىق ساپاسى جوعارى بولۋ ابزالدىعىن ساۋلەلەندىرىپ، كوپتىڭ اقىل - پاراساتىن، كۇش - قۋاتىن توپتاپ، ەكونوميكانىڭ نەگىزدىك جاعدايىن ورنىقتىرۋ، تۇتاس جىلدىق نىسانا ـ مىندەتتەردى ورىنداۋ، بولاشاق دامۋ نەگىزىن ويداعىداي قالاۋ ءۇشىن كورەگەندىكپەن اناعۇرلىم كوپ باعىتتامالى پىكىر - ۇسىنىس بەرۋىن ءۇمىت ەتەمىن. ەكىنشى، حالىق تۇرمىسىنا نازار اۋدارىپ، بۇقارانىڭ تىلەگىن دەر كەزىندە اڭىس ەتۋ. دامۋداعى ماقسات − حالىق تۇرمىسىن ۇزدىكسىز جاقسارتۋ. ەلىمىزدىڭ دامۋى ءالى دە بىركەلكى، تولىق ەمەس، اقىلشىلار، زەرتتەۋ ورنى قىزمەتكەرلەرى قوعاممەن كەڭ كولەمدە ارالاسادى، ءار جاقتىڭ اڭىسىن كوپتەپ تىڭدايدى، كوپشىلىكتىڭ دامۋ بارىسىنداعى حالىق تۇرمىسى ماسەلەسىنە نازار اۋدارىپ، نازاردى بۇقارا كوڭىل ءبولىپ وتىرعان جۇمىستاندىرۋ، ەمدەۋ، وقۋ ـ اعارتۋ، زەينەتكەرلىك، بالا باقشا سياقتى سالالارعا شوعىرلاندىرىپ، احۋالدى انىق ءبىلىپ، شىندىقتى ءىس جۇزىنەن ىزدەي وتىرىپ ماسەلەلەردى اڭىس ەتىپ، شەشۋ ءادىسى جونىندەگى ۇسىنىستاردى العا قويىپ، ۇكىمەتتىڭ شەشىم جاساپ، حالىق بۇقاراسىنىڭ تۇرمىستى ۇزدىكسىز جاقسارتۋ تىلەگىنە اناعۇرلىم جاقسى سايكەسۋىنە دەم بەرۋىن ءۇمىت ەتەمىن. ءۇشىنشى، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋ جاۋاپكەرلىگىن اناعۇرلىم ويداعىداي ارقالاۋ. اقىلشىلاردىڭ، زەرتتەۋ ورنى قىزمەتكەرلەرىنىڭ عىلمي ءبىلىمى تەرەڭ، نەگىزى مىعىم. كوپشىلىكتىڭ كاسىپتىك رۋحتى، شەبەرلەر رۋحىن ۇستانىپ، دەن قويا ۇيرەنىپ، جۇڭحۋانىڭ تاڭداۋلى ءداستۇرلى مادەنيەتىنىڭ بۇكىل قوعامعا، اسىرەسە، جاس ۇرپاقتارعا كەڭ كولەمدە جالعاسۋىن ىلگەرىلەتۋىن ءۇمىت ەتەمىن. مەملەكەتتىك كەڭەستىڭ تاراۋلارى ولاردىڭ زەرتتەۋ تابىستارى مەن ساياسات جاعىنداعى ۇسىنىستارىن زەيىن قويىپ زەرتتەۋى جانە قابىلداۋى، قىزمەتتى اناعۇرلىم جاقسارتىپ، شەشىم جاساۋ ورەسىن جوعارىلاتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
