چاڭجياڭ وزەنىندەگى ءتۇيىندى سۋ ايدىندارىندا بالىق اۋلاۋعا تيىم سالۋ مىندەتى ورىندالدى
بالىقشىلاردى ورنالاستىرۋ مەن قامتاماسىز ەتۋ كۇشەيتىلىپ، جۇمىستاندىرۋ جاعىنان ىزىنە ءتۇسىپ سۇيەمەلدەۋ ويداعىداي ىستەلدى
2020.12.07 16:06 كەلۋ قاينارى : حالىق تورابى
«حالىق گازەتى»، 12 - ايدىڭ 6 - كۇنى، بەيجيڭ (ءتىلشى يۇي جيڭشيان). كەلەر جىلى 1 - ايدىڭ 1 - كۇنىنەن باستاپ چاڭجياڭ وزەنىنىڭ نەگىزگى اعارى مەن ماڭىزدى تارماق اعارلارى، چاڭجياڭ وزەنىمەن تۇتاسقان كولەمدى كولدەر سياقتى ءتۇيىندى سۋ ايدىندارىندا 10 جىل بويى بالىق اۋلاۋعا تيىم سالىنادى. ءتىلشىنىڭ بىرنەشە كۇننىڭ الدىندا اۋىل شارۋاشىلىعى، اۋىل - قىستاق مينيسترلىگىنەن ۇعىسۋىنشا، ورتالىق 9 ميلليارد 200 ميلليون يۋان كومەك قارجىنى تولىق تۇسىرگەن، جەر - جەر 10 ميلليارد 726 ميلليون يۋان سايكەستى قارجىنى تياناقتاندىرعان. بيىل 11 - ايدىڭ 27 - كۇنىنە دەيىن چاڭجياڭ وزەنىندەگى ءتۇيىندى سۋ ايدىندارىندا بالىق اۋلاۋعا تيىم سالۋ مىندەتى ورىندالعان، كاسىپتەرى توقتاتىلعان بالىقشىلاردىڭ قوعامدىق قامسىزداندىرۋعا قاتىناسۋ شاماسى مەن باسقا كاسىپكە ويىسىپ جۇمىستانۋ سالىستىرماسى جەكە - جەكە %99.83 كە جانە %98.35 كە جەتكەن.
قازىر بالىق اۋلاۋعا 10 جىل تيىم سالۋ شاراسىنىڭ رەسمي اتقارىلۋىنا ءبىر ايعا جەتپەيتىن ۋاقىت قالدى. اۋىل شارۋاشىلىعى، اۋىل – قىستاق مينيسترلىگى بالىقشىلىق ىستەرىن باسقارۋ مەكەمەسىنىڭ قاتىستى جاۋاپتىسى تانىستىرىپ بىلاي دەدى: جەر – جەردىڭ 12 - ايدىڭ 1 - كۇنىنەن باستاپ زاڭسىز بالىق اۋلاۋ كومەسكى قاتەرىن ىشكى جاقتا تەكسەرىپ تۇزەتۋىنە، دەرەۋ تەكسەرىپ، تاباندا تۇزەتۋىنە قۋزاۋشىلىق ەتتىك؛ قوعام حاۋىپسىزدىگى، قاتىناس - تاسىمال قاتارلى تاراۋلارمەن بىرلەسىپ، 12 - ايدىڭ 15 - كۇنىنەن باستاپ بالىق اۋلاۋعا تيىم سالىنعان سۋ ايدىندارىندا كەڭ كولەمدە تەكسەرۋ جۇرگىزىپ، «كەمەنى، توردى، وزەندى، كولدى تازالاۋعا» شىنايى كەپىلدىك ەتەمىز، «بالىق اۋلاۋ كەمەسى بولماۋدى، اۋ تورى بولماۋدى، بالىقشىلار بولماۋدى، بالىق اۋلاۋ ءوندىرىسى بولماۋدى» ىسكە اسىرامىز. سونىمەن بىرگە، بالىقشىلاردى ورنالاستىرۋ، قامتاماسىز ەتۋ ىستەرىن كۇشەيتىپ، جۇمىستانۋعا قاداعالاي كومەكتەسۋ ىستەرىن ويداعىداي ىستەيمىز.
زاڭسىز بالىق اۋلاۋ ارەكەتىنە قاراتا اۋىل شارۋاشىلىعى، اۋىل - قىستاق مينيسترلىگى قوعام حاۋىپسىزدىگى مينيسترلىگىمەن، بازار باقىلاۋ - باسقارۋ باس مەكەمەسىمەن بىرگە كوپتەگەن تاراۋ قاتىناسقان، سۋ ايدىنىن اتتاعان سايكەستى زاڭ اتقارۋ مەحانيزمىن ورناتىپ، ارناۋلى وڭاۋ قىزمەتىن ورىستەتتى. 6 - ايدىڭ سوڭىنان بەرى زاڭعا، بەلگىلەمەگە قايشى جيىنى 6 مىڭ 797 دەلو تەكسەرىپ ءبىر جاقتى ەتىلىپ، كۋالىكسىز 31 مىڭ 950 بالىقشىلىق كەمەسى، بەلگىلەمەگە قايشى 242 مىڭ 827 پارشا اۋ تورى جيناپ الىندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
