ج ك پ ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشىپ، مىنالاردى دارىپتەدى
ساياسي قۇرىلىستى كۇشەيتىپ، ساياسي قابىلەتتى جوعارىلاتىپ، حالىققا دەگەن سۇيىسپەنشىلىكتەن جازباي، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك
ج ك پ ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى
2020.12.28 15:52 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 25 - كۇنى، بەيجيڭ. ج ك پ ورتالىق كوميتەتى ساياسي بيۋروسى 12 - ايدىڭ 24 - كۇنىنەن 25 - كۇنىنە دەيىن دەموكراتيالىق تۇرمىس جيىنىن اشتى، نەگىزگى تاقىرىبى: شي جينپيڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، ساياسي قۇرىلىستى كۇشەيتىپ، ساياسي قابىلەتتى جوعارىلاتىپ، حالىققا دەگەن سۇيىسپەنشىلىكتەن جازباي، جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ۇلى جەڭىسىنە قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ. ورتالىق كوميتەت ساياسي بيۋروسىنداعى جولداستار ورتالىق كوميتەت ساياسي بيۋروسىنىڭ قىزمەتىمەن بايلانىستىرىپ، ءوز يدەيالارىمەن جانە قىزمەت ءىس جۇزىندىگىمەن بايلانىستىرىپ، ورتالىق كوميتەت ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جونىندەگى ءبىرقانشا بەلگىلەمەسىن باستاماشىلدىقپەن قاتاڭ اتقارۋمەن بايلانىستىرىپ، باس شۋجي شي جينپيڭنىڭ ماڭىزدى نۇسقاۋلارىن، بەكىتۋلەرىن جانە پارتيا ورتالىق كوميتەتتىڭ شەشىم، ورنالاستىرۋلارىن باستاماشىلدىقپەن دايەكتىلەندىرۋ، تياناقتاندىرۋ ءىس جۇزىندىگىمەن بايلانىستىرىپ، ورتالىقتىڭ سەگىز ءتۇرلى بەلگىلەمەسىن جانە ونى اتقارۋدىڭ ەگجەي - تەگجەيلى ەرەجەسىن باستاماشىلدىقپەن قاتاڭ اتقارۋ جانە فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ ءىس جۇزىندىگىمەن بايلانىستىرىپ، ءوز - ءوزىن تەكسەرىپ، پارتيالىلىق تالداۋ جاساپ، سىن جانە ءوز - وزىنە سىن ورىستەتتى.
ج ك پ ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.
جيىننىڭ الدىندا قاتىستى جاقتار دايىندىق جاسادى. ورتالىق كوميتەت ساياسي بيۋروسىنداعى جولداستار قاتىستى جاۋاپتى جولداستارمەن سىرلاسىپ، اڭگىمەلەسىپ، نەگىزگى تاقىرىپتى ارقاۋ ەتىپ ماسەلەلەردى تەكسەرىپ ورتاعا قويىپ، سويلەۋ ماتەريالىن جازدى. جيىن «2020 - جىلعى ورتالىق كوميتەت ساياسي بيۋروسىنىڭ ورتالىقتىڭ سەگىز ءتۇرلى بەلگىلەمەسىن دايەكتىلەندىرۋ، اتقارۋ جاعدايى جونىندەگى باياندامانى» جانە «فورماشىلدىق ماسەلەلەرىن ۇزدىكسىز شەشىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋ، كەڭەيتۋ جاعدايى جونىندەگى باياندامانى» قارادى. ونان سوڭ ورتالىق كوميتەت ساياسي بيۋروسىنداعى جولداستار ءبىر - بىردەن ءسوز سويلەپ، تالاپ بويىنشا سالىستىرىپ تەكسەرۋ جۇرگىزدى.
ورتالىق كوميتەت ساياسي بيۋروسىنداعى جولداستار سوزىندە 5 ءتۇيىندى يگەردى جانە ايگىلەدى. ءبىرىنشى، شي جينپيڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن ۇيرەنىپ، دايەكتىلەندىرىپ، دۇرىس ساياسي باعداردى يگەرىپ، ساياسي قابىلەتتى جوعارىلاتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋ. ەكىنشى، باستاماشىلدىقپەن پارتيانىڭ جالپى بەتتىك باسشىلىعىندا تاباندى بولىپ جانە ونى كۇشەيتىپ، ءار دارەجەلى پارتيا ۇيىمدارىنىڭ ساياسي يقۋاتىن تولىق ساۋلەلەندىرىپ، حالىق بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىم، ورنالاستىرۋلارىن قاز - قالپىندا بۇلجىتپاي دايەكتىلەندىرۋ، تياناقتاندىرۋ. ءۇشىنشى، باستاماشىلدىقپەن مىندەت اتقارىپ، جاۋاپكەرشىلىكتى وتەپ، جاۋاپكەرشىلىك ارقالاپ، ىسكەرلىك كورسەتىپ، كورنەكتى قايشىلىقتار مەن ماسەلەلەردى كۇش سالا شەشىپ، حاۋىپ - قاتەر مەن سىن - سايىستان ساقتانىپ جانە ونى جويىپ، «التىنى ورنىقتىرۋ» قىزمەتىن ويداعىداي ىستەۋدى، «التىنى قامتاماسىز ەتۋ» مىندەتىن جالپى بەتتىك تياناقتاندىرۋدى ءبىر تۇتاس جوسپارلاپ، كەدەيلىكتەن ارىلتۋدان قامال الۋ سياقتى قىزمەتتەردى بار كۇشپەن ويداعىداي يگەرۋ. ءتورتىنشى، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن باستاماشىلدىقپەن ۇيرەنىپ، دايەكتىلەندىرىپ، پارتيا ورتالىق كوميتەتى ورتاعا قويعان «14 – بەسجىلدىقتاعى» ەكونوميكالىق، قوعامدىق دامۋدىڭ باستى نىسانالارىمەن جانە 2035 - جىلعا دەيىنگى بولاشاقتىق نىسانامەن سالىستىرىپ، عىلمي جوسپارلاۋدى كۇشەيتىپ، ساپالى دامۋدى ىلگەرىلەتۋ. بەسىنشى، پارتيانى جاپپاي قاتاڭ جونگە سالۋ جاۋاپكەرشىلىگىن باستاماشىلدىقپەن تياناقتاندىرىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ايقىن تۋ ۇستاي وتىرىپ بەلگىلەمەگە قايشى، تارتىپكە قايشى ءسوز - ارەكەتتەردى سىنداپ جانە تۇزەتىپ، ورتالىقتىڭ 8 ءتۇرلى بەلگىلەمەسىن جانە ونى اتقارۋدىڭ ەگجەي - تەگجەيلى ەرەجەسىن بۇلجىتپاي تياناقتاندىرىپ، فورماشىلدىققا، تورەشىلدىككە باتىل قارسى تۇرۋ.جيىن مىنالاردى دارىپتەدى: بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، بايسالدىلىقپەن توتەپ بەرىپ، قيىندىقتى ەڭسەرە ورگە ۇمتىلىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، رەفورما جاساۋدى، ەسىك اشۋدى تەرەڭدەتۋ مەن سىرتقى ورتانىڭ قىسىمىنا توتەپ بەرۋدى ءبىر تۇتاس جوسپارلاپ، «التىنى ورنىقتىرۋ» قىزمەتىن ويداعىداي يگەرۋدى، «التىنى قامتاماسىز ەتۋ» مىندەتىن تياناقتاندىرۋدى ءبىر تۇتاس جوسپارلاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزدى. قاجىرلى قۇلشىنىس ارقىلى ىندەتتەن ساقتانۋ - تىزگىندەۋدە ەلەۋلى ستراتەگيالىق ناتيجەگە قول جەتتى، ەكونوميكانىڭ كەرى ارتۋدان وڭ ارتۋعا ويىسۋى الدىمەن جۇزەگە اسىرىلىپ، كەدەيلىكتەن ارىلتۋدان قامال الۋ مىندەتى دەر كەزىندە ورىندالدى، ءار جاقتاعى قىزمەتتە تىڭ ىلگەرىلەۋشىلىككە قول جەتتى، قوعامدىق كەلەلى جاعداي ورنىقتىلىقتى ساقتادى. «13 – بەسجىلدىق» جوسپار تولىق تابىسپەن اياقتالىپ، جاپپاي دوڭگەلەك داۋلەتتى قوعام ورناتۋدا ۇلى تاريحي جەتىستىككە قول جەتتى. ەلەۋلى حاۋىپ - قاتەر مەن سىن - سايىسقا توتەپ بەرۋ، ەلەۋلى قىزمەتتەردى ىلگەرىلەتۋ بارىسىندا ورتالىق كوميتەت ساياسي بيۋروسى ءوز قۇرىلىسىن سانالىلىقپەن كۇشەيتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى سىندى ساياسي ابزالدىقتى ساۋلەلەندىردى.
جيىن بىلاي دەپ قارادى: شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ تاريحتا سيرەك كەزدەسەتىن حاۋىپ - قاتەر مەن سىن - سايىستى جەڭىپ شىعۋ، جاڭا داۋىردەگى جۇڭگوشا سوتسياليزم ىستەرىن قۇلشىنا ىلگەرىلەتۋ بارىسىندا شەشۋشى رول اتقاردى. 2020 - جىل جاڭا جۇڭگو تاريحىندا، جۇڭحۋا ۇلتى تاريحىندا، سونداي - اق ادامزات تاريحىندا دا ايرىقشا وزگەشە ءبىر جىل بولدى. جاڭا تيپتى ايدارشا ۆيرۋس وكپە قابىنۋ ىندەتى توسىن تارالىپ، كوپ جەردە تاسقىن - سەل اپاتى تۋىلدى، ەكونوميكالىق دامۋ ءتۇرلى سوققىلارعا ۇشىرادى، سىرتقى ورتادا بوران ۇدەپ، تولقىن تۋلادى، ساياسي، ەكونوميكا، مادەنيەت، اسكەري ىستەر، قوعام، حالىقارا، جاراتىلىستىق ورتا سياقتى سالالاردا سىن - سايىس تولاسسىز تۋىلدى. ءزىل باتپانداي اۋىر سالماق تۇسكەن قاتەرلى سىن ساعاتتا پارتيا ورتالىق كوميتەتى بيىكتە تۇرىپ الىسقا كوز جىبەرىپ، جاعدايدى باعامداپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ قيىندىقتاردى ەڭسەرە ورگە ۇمتىلىپ، قامال الىپ، قيىندىقتى جەڭىپ، وسى ايرىقشا وزگەشە جىلدا وزگەشە شۇعىلالى ناتيجە جاراتتى. ورتالىق كوميتەت ساياسي بيۋروسىنداعى جولداستار بىلاي دەپ قارادى: اماليات ەلەۋلى تاريحي وتكەل، ەلەۋلى سىناق الدىندا باسشىلىق قابىلەت ەڭ شەشۋشى شارت بولىپ تابىلاتىنىن، پارتيا ورتالىق كوميتەتىنىڭ تۇجىرىمداۋ قابىلەتى، شەشىم جاساۋ قابىلەتى، ارەكەت قابىلەتى شەشۋشى رول اتقاراتىنىن تاعى دا دالەلدەدى. باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى بولۋ ورنىن باتىل قورعاۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋدىڭ ءتۇبىرلى كەپىلى. ورتالىق كوميتەت ساياسي بيۋروسىنداعى جولداستار «ءتورت تانىمدى» كۇشەيتۋ، «ءتورت سەنىمدى» بەكەمدەۋ، «ەكىنى قورعاۋدى» ورىنداۋ جاعىندا جاقسى ونەگە بولىپ، پارتيا ورتالىق كوميتەتىنىڭ باستان - اياق پارتيا مەن حالىق سەنىم ارتاتىن پارمەندى باسشىلىق كوللەكتيۆى بولۋىنا شىنايى كەپىلدىك ەتۋى كەرەك.
جيىن مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسى امالياتتىق، داۋىرلىك، جاسامپازدىق سيپات الاتىن ايقىن قاسيەتكە يە، جاڭا داۋىردەگى جۇڭگوشا سوتسياليزمنىڭ بارلىق امالياتى بارىسىندا تۋىنداعان نازاريا جاۋھارى، جاڭا داۋىردەگى پارتيا مەن مەملەكەت ىستەرىنىڭ ۇزدىكسىز العا دامۋىن ىلگەرىلەتۋدىڭ عىلمي باعدارناماسى. بۇكىل پارتيا وسى عىلمي نازاريامەن وي - سانانى قارۋلاندىرۋدا، امالياتقا جەتەكشىلىك ەتۋدە، قىزمەتتەردى ىلگەرىلەتۋدە تاباندى بولىپ، ىستەردى دامىتۋدا ۇزدىكسىز جاڭا جاعداي جاراتۋى كەرەك. ورتالىق كوميتەت ساياسي بيۋروسىنداعى جولداستار، ءسوز جوق، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىندا بۇكىل پارتياعا ونەگە بولىپ، ۇزدىكسىز ۇيرەنىپ، ۇزدىكسىز امالياتتا ايگىلەپ، ۇزدىكسىز ءتۇسىنىپ، نازاريالىق ساپانى، ساياسي ساپانى ۇزدىكسىز جوعارىلاتىپ، پارتيانىڭ جاسامپاز نازاريالارىن دۇنيەنى تانۋدىڭ، دۇنيەنى وزگەرتۋدىڭ قۋاتتى رۋحاني قارۋىنا اينالدىرۋى كەرەك. ساياسي تانىمدى كۇشەيتىپ، ساياسي تاباندىلىقتى ساقتاپ، ساياسي باعداردى يگەرىپ، ساياسي جاۋاپكەرشىلىكتى ارقالاپ، ساياسي قابىلەتتى جوعارىلاتىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، قامال الىپ، قيىندىقتى جەڭىپ، ءورىس اشا جاڭالىق جاراتىپ، پارتيا مەن حالىق ءۇشىن اناعۇرلىم ويداعىداي قىزمەت ىستەۋ كەرەك.
ءماجىلىس مىنالاردى اتاپ كورسەتتى: 2012 - جىلى 12 - ايدا ورتالىق كوميتەت ساياسي بيۋروسىنىڭ ءماجىلىسى «18 - كەزەكتى ورتالىق كوميتەت ساياسي بيۋروسىنىڭ قىزمەت ستيلىن جاقسارتۋ، بۇقارامەن تىعىز بايلانىس جاساۋ جونىندەگى 8 ءتۇرلى بەلگىلەمەسىن» قاراپ ماقۇلداعاننان بەرى تاباندىلىقپەن تىنباي قۇلشىنىس جاساۋدىڭ ارقاسىندا ءبىز بۇرىندارى تەجەۋ مۇمكىن ەمەس دەپ قارالعان ءىشىنارا بۇرىس ستيل مەن تەرىس پيعىلداردى تەجەدىك، ۇزاقتان بەرى شەشۋدى ويلاساق تا، شەشىلمەي كەلگەن ءسىڭىستى دەرتتەردى شەشتىك، پارتيا ستيلى، ۇكىمەت ستيلى شىت جاڭا بەينەگە ەندى. پارتيا ورتالىق كوميتەتى فورماشىلدىق، تورەشىلدىكتەگى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋدى ستيل قۇرىلىسىنىڭ ماڭىزدى ءتۇيىنى ەتىپ، نەگىزگى ساتىنىڭ اۋىرتپالىعىن جەڭىلدەتۋگە كۇش سالىپ، دالمە - ءدال شارا قولدانىپ، ءداپ باسىپ جونگە سالىپ، كەشەندى شارا قولدانىپ، تاماشا ناتيجەگە قول جەتكىزدى. سونىمەن بىرگە، «ءتورت ءتۇرلى بۇرىس ستيل» ماسەلەسىنىڭ تامىرى ۇزىلمەگەنىن، توپىراعى ءالى بار ەكەنىن كورە ءبىلۋىمىز كەرەك، تيتتەي دە دامىل المايتىن، استە بوساڭسىمايتىن تاباندىلىقپەن قايتا - قايتا يگەرەتىن، يگەرۋدى قايتا - قايتا جالعاستىراتىن قايسارلىقپەن، شەگە قاعۋ رۋحىمەن ورتالىقتىڭ 8 ءتۇرلى بەلگىلەمەسىن جانە ونى اتقارۋ ەگجەي - تەگجەيلى ەرەجەسىن دايەكتىلەندىرىپ، «ءتورت ءتۇرلى بۇرىس ستيلدى» جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدىڭ ءتۇرلى بەلگىلەمەلەرىندە تياناقتاندىرىپ، باياندى مەحانيزم ورناتۋىمىز، اقاۋسىزداندىرۋىمىز كەرەك. اسىرەسە، ورتالىق كوميتەت ساياسي بيۋروسىنداعى جولداستار ۇزدىكسىز قۇلشىنىپ، بۇكىل پارتياعا ويداعىداي باستاماشى بولۋى، ۇلگى كورسەتۋى كەرەك.
ءماجىلىس بىلاي دەپ قارادى: كەلەر جىل − «14 – بەسجىلدىق» جوسپاردى اتقاراتىن، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايتىن العاشقى جىل ءارى پارتيا قۇرىلعانىنىڭ 100 جىلدىعى. بارلىق قىزمەتتەردى، باستامانى جاقسى اشۋدى، قادامدى جاقسى تاستاۋدى توڭىرەكتەي وتىرىپ ورىستەتىپ، پارتيا قۇرىلعانىنىڭ 100 جىلدىعىن ەرەن ناتيجەمەن قارسى الۋىمىز كەرەك. ورتالىق كوميتەت ساياسي بيۋروسىنداعى جولداستار پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن باستاماشىلدىقپەن ۇيرەنىپ، دايەكتىلەندىرىپ، پارتيا ورتالىق كوميتەتى ورتاعا قويعان «14 – بەسجىلدىقتاعى» ەكونوميكالىق، قوعامدىق دامۋدىڭ باستى نىسانالارىنا جانە 2035 - جىلعا دەيىنگى بولاشاقتىق نىساناعا سالىستىرىپ، ساپالى دامۋ سىندى وسى نەگىزگى تاقىرىپپەن تىعىز بايلانىستىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، عىلمي جوبالاۋدى كۇشەيتىپ، رەفورما جاساۋدى، جاڭالىق جاراتۋدى تەرەڭدەتىپ، پارتيا ورتالىق كوميتەتىنىڭ شەشىم، ورنالاستىرۋلارىن ءارقايسى ءوڭىردىڭ، ءارقايسى تاراۋدىڭ، ءار جاقتىڭ قىزمەتتەرىندە دايەكتىلەندىرۋى، تياناقتاندىرۋى كەرەك.
شي جينپيڭ سوزىندە ورتالىق كوميتەت ساياسي بيۋروسىنداعى ءاربىر جولداستىڭ سالىستىرىپ تەكسەرۋ سوزىنە باعا بەردى، ناتيجەلەردى تۇراقتاندىردى، تالاپ قويدى، وسى رەتكى جيىندى قورىتىندىلادى ءارى ورتالىق كوميتەت ساياسي بيۋروسىنىڭ «بەلگىلەمەنى»، «اتقارۋ ەگجەي - تەگجەيلى ەرەجەسىن» دايەكتىلەندىرۋى، تياناقتاندىرۋى جونىندە تالاپ قويدى، بۇل رەتكى ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنى وتە جاقسى اشىلدى، كوپشىلىك قول جەتكىزگەن تابىستارىن تىلگە تيەك ەتتى، وي ءبولىستى، ماسەلەلەردى تەكسەرىپ ورتاعا قويدى، قۇلشىنۋ بەتالىستارىن العا قويدى، بۇنىڭ ورتالىق كوميتەت ساياسي بيۋروسىنىڭ ىنتىماقتى نىعايتۋىنا، قىزمەتتى جاقسارتۋىنا اسا زور كومەگى تيەدى دەپ قارادى.شي جينپيڭ بىلاي دەپ دارىپتەدى: پارتيامىز الدا 100 جىلدىق مەرەي تويىن قارسى الادى. پارتيا قۇرىلعان كۇننەن باستاپ جاڭا جۇڭگو قۇرىلعان تىڭ جاڭارۋعا، رەفورما جاساپ، ەسىك اشقان عالامات وزگەرىسكە، ونان پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي ناتيجەلەرگە قول جەتكىزگەنگە، تاريحي وزگەرىس تۋىلعانعا دەيىنگى ءتۇبىرلى سەبەپ − پارتيامىزدىڭ جۇڭگو حالقىن باقىتقا كەنەلتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ اۋەلگى ماقساتى مەن بورىشىندا باستان - اياق تاباندى بولعانىندا. پارتيامىز باستان - اياق اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا مەن حالىق ىستەرىن باياندى ىلگەرىلەتۋ ءۇشىن، ءسوز جوق، ساياسي تانىمدى كۇشەيتىپ، ماسەلەنى ساياسي جاقتان قاراستىرۋعا شەبەر بولىپ، ساياسي كەلەلى جاعدايدى يگەرۋگە شەبەر بولىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋى كەرەك.شي جينپيڭ بىلاي دەپ اتاپ كورسەتتى: تۋدى ايقىن ۇستاي وتىرىپ ساياسيدى دارىپتەۋ − ءارى ماركسيزمدىك ساياسي پارتيانىڭ ايقىن ەرەكشەلىگى، ءارى پارتيامىزدىڭ باستان - اياق دايەكتىلەندىرىپ كەلگەن ساياسي ابزالدىعى. پارتيانىڭ حالىققا باسشىلىق ەتىپ ەل باسقارۋىندا دۇرىس ساياسي بەتالىستا تاباندى بولىپ، پارتيامىزدىڭ ساياسي قاسيەتىن باستان - اياق ساقتاپ، باستان - اياق جۇڭگوشا سوتسياليزم جولىن بويلاي العا باسۋى − ەڭ ماڭىزدى. ورتالىق كوميتەت ساياسي بيۋروسىنداعى جولداستار باعداردى ءدال تاۋىپ، ورىندى ءدال تاڭداپ، نىسانانى ءدال كوزدەپ، ماسەلەلەردى ساياسي جاقتان بايقاۋعا جانە ءبىر جاقتى ەتۋگە شەبەر بولىپ، ساياسيدى دارىپتەۋ تالابىن سىرتقى تالاپتان ىشكى ىرىقتىلىققا اينالدىرۋى كەرەك.شي جينپيڭ بىلاي دەپ دارىپتەدى: ساياسيدى دارىپتەۋدە، ءسوز جوق، ساياسي تۇجىرىمداۋ قابىلەتىن جوعارىلاتۋ كەرەك. پارتيامىزدىڭ حالىققا باسشىلىق ەتىپ توڭكەرىس، قۇرىلىس، رەفورما جۇرگىزۋ تاريحي بارىسى: ساياسي جاقتاعى ىرىقتىلىق − ەڭ ءتيىمدى ىرىقتىلىق، ساياسي جاقتاعى ىرىقسىزدىق − ەڭ قاتەرلى ىرىقسىزدىق دەگەن قيسىندى قايتا - قايتا دالەلدەدى. ساياسي تۇجىرىمداۋ قابىلەتىن كۇشەيتۋدە مەملەكەتتىڭ ساياسي حاۋىپسىزدىگىن باستى ورىنعا قويۋ، حالىقتى ءتۇيىن، جۇڭگوشا سوتسياليزمدە تاباندى بولۋدى جانە ونى دامىتۋدى نەگىز ەتىپ، جاعدايدىڭ وزگەرىسىن عىلمي يگەرۋ، قۇبىلىستىڭ ءمانىن دالمە - ءدال تانۋ، ءىس - ارەكەتتىڭ دۇرىس - بۇرىستىعىن سەرگەكتىكپەن ايقىن ايىرۋ، حاۋىپ - قاتەر مەن سىن - سايىسقا ءونىمدى توتەپ بەرۋ قابىلەتىن كۇشەيتۋ كەرەك. ورتالىق كوميتەت ساياسي بيۋروسىنداعى جولداستار پارتيا مەن مەملەكەت قىزمەتىنىڭ كەلەلى جاعدايىنا ساياتىن ءتۇبىرلى سيپات الاتىن، جالپى جاعدايلىق سيپات الاتىن، ۇزاق بولاشاقتىق سيپات الاتىن ماسەلەلەرگە وي جۇگىرتۋگە شەبەر بولىپ، ستراتەگيالىق، جۇيەلىلىك، كورەگەندىك سيپاتتاعى زەرتتەۋدى، جوبالاۋدى كۇشەيتىپ، كەلەلى ماسەلەلەر مەن شەشۋشى بۋىنداردا وي - سانانى ەرەكشە سەرگەك ۇستاپ، ەرەكشە قىراعى بولىپ، ادەتتەگى ىستەردەن ساياسي ماسەلەلەردى بايقاۋعا شەبەر بولىپ، پيعىلدىق، نىشاندىق ماسەلەلەردەن ساياسي ىڭعىلىن بايقاۋعا شەبەر بولىپ، قىم - قۋىت، كۇردەلى قايشىلىقتى قاتىناستاردان ساياسي لوگيكانى يگەرۋگە شەبەر بولىپ، ساياسي تۇرعىدان اۋىتقىماۋدا، ساياسي بەتالىستان جازباۋدا تاباندى بولۋى كەرەك.شي جينپيڭ بىلاي دەپ اتاپ كورسەتتى: ساياسيدى دارىپتەۋدە، ءسوز جوق، ساياسي ءتۇسىنۋ قابىلەتىن جوعارىلاتۋ كەرەك. باسشى كادرلار، اسىرەسە، جوعارى دارەجەلى باسشى كادرلار ساياسي جاۋاپكەرشىلىك ارقالاپ وتىر، ءسوز جوق، پارتيا ورتالىق كوميتەتىنىڭ رۋحىن ىشكەرىلەي ۇيرەنىپ، قانىق ءتۇسىنىپ، جەتە يگەرىپ، پارتيا ورتالىق كوميتەتىنىڭ رۋحى ارقىلى جاعدايعا تالداۋ جاساۋدا، قىزمەتتى ىلگەرىلەتۋدە تاباندى بولىپ، باستان - اياق پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ورتالىق كوميتەت ساياسي بيۋروسىنداعى جولداستار − پارتيا ورتالىق كوميتەتىنىڭ رۋحىن دايەكتىلەندىرۋدىڭ، تياناقتاندىرۋدىڭ ماڭىزدى ۇيىمداستىرۋشىلارى جانە ىلگەرىلەتۋشىلەرى، ولار ساياسي ءتۇسىنۋ قابىلەتىن ۇزدىكسىز جوعارىلاتىپ، مەملەكەتتىڭ زور ىستەرى جونىندە كوڭىلدە ەسەپ جاساپ، وزدەرىنىڭ قىزمەت جاۋاپكەرشىلىگى ورنىن ايقىنداۋى كەرەك.
شي جينپيڭ بىلاي دەپ دارىپتەدى: ساياسيدى دارىپتەۋدە، ءسوز جوق، ساياسي اتقارۋ قابىلەتىن جوعارىلاتۋ كەرەك. باسشى كادرلار، اسىرەسە، جوعارى دارەجەلى كادرلار پارتيا ورتالىق كوميتەتىنىڭ رۋحىمەن ۇنەمى سالىستىرىپ، تۋرالانىپ، پارتيا ورتالىق كوميتەتىنىڭ دارىپتەمەسىنە شىن مانىندە باتىل ءۇن قوسۋى، پارتيا ورتالىق كوميتەتىنىڭ ۇيعارىمىن باتىل اتقارۋى، پارتيا ورتالىق كوميتەتى تيىم سالعان ىستەردى باتىل ىستەمەۋى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋى، قاتاردان قالماۋى، اۋىتقىماۋى، پارتيا ورتالىق كوميتەتىنىڭ رۋحىن دايەكتىلەندىرۋدى، تياناقتاندىرۋدى بۇلجىماي ويداعىداي يگەرۋى كەرەك. تومەنگى شەكتە ويلاۋدا تاباندى بولۋدى، ماسەلەنى باعدار ەتۋدە تاباندى بولۋدى قىزمەتتىڭ باس - اياعىمەن ساباقتاستىرىپ، ماسەلەنىڭ قىلپىنان ءمانىن اڭعارۋ، الدىن الا ساقتانۋ كەرەك. جاۋاپكەرشىلىك تانىمىن كۇشەيتىپ، جاۋاپكەرشىلىكتى كوڭىلىندە ساقتاپ، جاۋاپكەرشىلىكتى ارقالاپ، جاۋاپكەرشىلىكتى ارەكەتىندە ادا ەتىپ، ماسەلەگە باتىلدىقپەن بەتپە - بەت كەلىپ، قايشىلىقتان تايساقتاماي، ماسەلەنى جاسىرماي، ماسەلە شىقسا باتىلدىقپەن جاۋاپكەرشىلىك ارقالاۋ كەرەك.شي جينپيڭ بىلاي دەپ اتاپ كورسەتتى: ساياسيدى دارىپتەۋدە، ءسوز جوق، ءوزىن قاتاڭ تارتىپكە سالۋ كەرەك. ورتالىق كوميتەت ساياسي بيۋروسىنداعى جولداستار، ءسوز جوق، ءوزىن باۋلىپ، ءوزىن تارتىپكە سالىپ، باستان - اياق ىجداعاتتىلىقپەن تاباندى بولىپ، قاي - قاشان دا ءوزىن قاستەرلەپ، ءوزىن تەكسەرىپ، ءوزىن ساقتاندىرىپ، ءوزىن شابىتتاندىرىپ، وڭاشا جۇرگەندە دە تەجەمدى بولىپ، باسىنان باستاپ ساق بولىپ، كىشكەنە ىستەردە دە ساق بولىپ، دوس تۇتۋدا دا اباي بولۋى كەرەك. بەينە، ءومىردى قاستەرلەگەندەي ءوز قۇلىق - قاسيەتىن قاستەرلەپ، شاڭ جۇقتىرمايتىن ادام بولۋ كەرەك. وتباسىن باسقارۋدا باستاماشىلدىقپەن پاك بولۋ، ەرەكشە ۇقىققا باستاماشىلدىقپەن قارسى تۇرۋ كەرەك.
شي جينپيڭ بىلاي دەپ دارىپتەدى: كەلەر جىلدان باستاپ ولكە، قالا، اۋدان، اۋىلداردىڭ باسشىلىق القاسى شوعىرلى كەزەك اۋىستىرۋدى ىركەس - تىركەس باستايدى. ءار دارەجەلى پارتكوم كەزەك اۋىستىرۋدى ويداعىداي جوبالاپ، ويداعىداي ۇيىمداستىرىپ، ساتىلار بويىنشا جاۋاپكەرشىلىكتى ناقتىلاندىرىپ، ستيلى پاك، سالتى دۇرىس بولۋعا شىنايى كەپىلدىك ەتۋى كەرەك. باسشى كادرلار، اسىرەسە، جوعارى دارەجەلى كادرلار ءوزى ونەگە كورسەتىپ، كەزەك اۋىستىرۋ تارتىبىنە باستاماشىلدىقپەن بويسۇنۋى كەرەك. قالىڭ پارتيا مۇشەلەرىن، كادرلاردى ساياسي ءتارتىپ پەن ساياسي قاعيداعا قاتاڭ بويسۇنۋعا تاربيەلەپ، جەتەكتەپ، ۇيىمدىق، كادرلار ىستەرى تارتىبىنە قاتاڭ بويسۇنۋ كەرەك. باسشى كادرلارعا يدەيالىق تاربيەنى ىشكەرىلەي ەگجەي - تەگجەيلى ويداعىداي ىستەپ، باسشى كادرلاردى جەكە مەن ۇيىمنىڭ قاتىناسىن دۇرىس ءبىر جاقتى ەتىپ، ۇيىمنىڭ ورنالاستىرۋىن سانالىلىقپەن قابىلداۋعا جانە وعان بويسۇنۋعا تاربيەلەۋ، جەتەكتەۋ كەرەك.
شي جينپيڭ بىلاي دەپ اتاپ كورسەتتى: وسى رەتكى دەموكراتيالىق تۇرمىس جيىنىندا ورتالىق كوميتەت ساياسي بيۋروسىنداعى جولداستار قىزمەتتى ويداعىداي ىستەۋ جونىندە كوپتەگەن وتە تاماشا پىكىر جانە ۇسىنىس قويدى، كەيبىرى ورتالىقتىڭ قىزمەتىنە سايادى، كەيبىرى تاراۋلاردىڭ قىزمەتىنە سايادى، كەيبىرى جەرگىلىكتى ورىننىڭ قىزمەتىنە سايادى، جيىننان كەيىن ۋاقىتتى مىقتى يگەرىپ اقىلداسىپ، شارالاردى الىپ شىعىپ، قىزمەتتى جاقسارتىپ، ناقتى ونىمدىلىككە قول جەتكىزۋگە ۇمتىلۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
