لي كىچياڭ مەملەكەتتىك كەڭەستىڭ «14 – بەسجىلدىق» جوسپاردىڭ «باعدارلاما جوباسىن» جاساۋ قىزمەتىنە باسشىلىق ەتۋ گرۋپپاسىنىڭ ءماجىلىسىن باسقارىپ اشىپ، باعدارلاما جوباسىن جاساۋ جاعدايى جونىندەگى مالىمەتتى تىڭدادى ءارى مىنانى دارىپتەدى
شىندىقتى ءىس جۇزىنەن ىزدەۋدە تاباندى بولىپ، قازىرگى جاعداي مەن ۇزاق بولاشاققا تەڭ ءمان بەرىپ، رەفورما جاساپ، ەسىك اشۋدى تەرەڭدەتىپ، اماليات پەن تاريحتىڭ سىنىنان وتە الاتىن جوبا باعدارلاماسىن جاساۋ كەرەك
حان جىڭ ماجىلىسكە قاتىناستى
2020.12.25 14:22 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 24 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 12 - ايدىڭ 23 - كۇنى مەملەكەتتىك كەڭەستىڭ «14 – بەسجىلدىق» جوسپاردىڭ «باعدارلاما جوباسىن» جاساۋ قىزمەتىنە باسشىلىق ەتۋ گرۋپپاسىنىڭ ءماجىلىسىن باسقارىپ اشىپ، باعدارلاما جوباسىن جاساۋ جاعدايى جونىندەگى مالىمەتتى تاعى ءبىر رەت تىڭدادى ءارى ماڭىزدى ءسوز سويلەدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ماجىلىسكە قاتىناستى.
ماجىلىستە مەملەكەتتىك دامۋ جانە رەفورما كوميتەتى باعدارلاما جوباسىن جاساۋ جونىندە مالىمەت بەردى، ماجىلىسكە قاتىناسقان جولداستار تالقى جۇرگىزدى. لي كىچياڭ بىلاي دەدى: ءار جاقتىڭ بىرگە قۇلشىنۋىندا، باعدارلاما جوباسىن جاساۋدا ماڭىزدى ىلگەرىلەۋشىلىككە قول جەتتى، كوپتىڭ اقىل – پاراساتىن ۇزدىكسىز شوعىرلاندىرىپ، ىشكەرىلەي زەرتتەپ، دالەلدەپ، كەمەلدەندىرە ءتۇسۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرىپ، جالپى ءماجىلىستىڭ «ۇسىنىسىنا» ساي، باعدارلاما جوباسىن دەن قويا جاساپ، جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ تالابىمەن ساباقتاستىرىپ، حالىقتى وزەك ەتكەن دامۋ يدەياسىندا تاباندى بولىپ، جوبا باعدارلاماسىنىڭ ءىس جۇزىندىك قىزمەتكە كورەگەندىكپەن جەتەكشىلىك ەتۋ رولىن شىنايى ساۋلەلەندىرىپ، اماليات پەن تاريحتىڭ سىنىنان وتۋىنە مۇمكىندىك جاساۋ كەرەك.
لي كىچياڭ بىلاي دەپ اتاپ كورسەتتى: باعدارلاما جوباسىن جاساۋدا قازىرگى جاعداي مەن ۇزاق بولاشاققا تەڭ ءمان بەرۋ كەرەك. بەسىنشى جالپى ءماجىلىستىڭ «ۇسىنىسىندا» «14 – بەسجىلدىق» دامۋ جونىندە ءتۇيىندى ورنالاستىرۋ جاسالدى ءارى 2035 – جىلعى بولاشاقتىق نىسانا ورتاعا قويىلدى. بيىلعى ورتالىقتىڭ ەكونوميكالىق قىزمەت ءماجىلىسى كەلەر جىلعى، ءتىپتى تۇتاس «14 – بەسجىلدىق» مەزگىلىن ءبىر تۇتاس ويلاستىرىپ، كەلەر جىلعى ەكونوميكالىق قىزمەتكە ءتۇيىندى ورنالاستىرۋ جاسادى. باعدارلاما جوباسىن جاساعاندا ءارى الداعى 5 جىلداعى دامۋدى ءبىر تۇتاس ويلاستىرىپ، 2035 - جىلعى بولاشاقتىق نىسانامەن ۇشتاستىرۋ، ءارى كەلەر جىل جانە مۇرناعى جىل سىندى 2 جىلداعى ەكونوميكانىڭ قالىپتى ارتۋىن جەبەۋ، دامۋ نەگىزىن بەكەمدەۋ سىندى ەرەكشە جاعدايعا باعىتتاي وتىرىپ، ءبىر تۇتاس جوسپارلاۋ جانە ورنالاستىرۋ كەرەك.
لي كىچياڭ بىلاي دەدى: باعدارلاما جوباسىن جاساعاندا شىندىقتى ءىس جۇزىنەن ىزدەۋدە تاباندى بولىپ، زاڭدىلىققا بويسۇنۋ كەرەك. «14 - بەسجىلدىق» دامۋ نىساناسىن عىلمي بەلگىلەپ، ءارى جۇرت كوڭىلىن جەلپىندىرىپ، ءارى مۇمكىندىك قالدىرىپ، تۇتاس قوعامنىڭ ورتاق تانىمىن قالىپتاستىرۋ كەرەك. ەلىمىز ەكونوميكاسىنىڭ نەگىزدىك سانى نەداۋىر زور، الداعى 5 جىلدا ۇيلەسىمدى قارقىنمەن ورنىقتى ارتسا، قوردالانۋدىڭ ءوزى كەرەمەت تابىس بولىپ تابىلادى. كاسىپ سالاسىنىڭ دامۋىن جەبەۋ، نەگىزدىك قۇرىلعىلاردى كۇشەيتۋ، حالىق تۇرمىسى ينجەنەرياسىن اتقارۋ سياقتى مىندەتتەر مەن شارالاردى العا قويعاندا، ءتۇيىندى كورنەكتىلەندىرىپ، كۇش سالا ىستەۋ ءارى شاماعا قاراي ىستەۋ، كوزسىزدىكپەن «جايما اشپاۋ»، العا قويىلعانداردىڭ ءبارىن ورىنداۋعا كەپىلدىك ەتۋ كەرەك. باعدارلاما جوباسىنىڭ ارناۋلى جوبالارمەن، جەرگىلىكتى جوبالارمەن ۇشتاسۋىن كۇشەيتۋ، قاتىستى تاراۋلار ءوز سالاسىنىڭ ءىس جۇزىندىك جاعدايىمەن ۇشتاستىرىپ، قاجەتكە جانە مۇمكىندىككە قاراي وي جۇگىرتىپ، نىسانا مەن مىندەتتى ويداعىداي يگەرۋ؛ سونىمەن بىرگە جەر - جەردى جەرگىلىكتى جوسپاردى عىلمي جاساۋعا جەتەكتەپ، وڭىرلەردىڭ سايكەستى دامۋىن جەبەۋ كەرەك.
لي كىچياڭ بىلاي دەپ اتاپ كورسەتتى: باعدارلاما جوباسىن جاساۋدا رەفورما جاساپ، ەسىك اشۋدى تەرەڭدەتۋدى ايگىلەۋ، جۇڭگونىڭ رەفورما جاساپ، ەسىك اشۋدى تاباندىلىقپەن ىلگەرىلەتۋ بەكىمىن ايگىلەۋ كەرەك. بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرۋ كەرەك. باعدارلامانىڭ جوباسىندا رەفورمانىڭ وي جەلىسى مەن ءادىسىن قولدانۋدى كورنەكتىلەندىرۋ كەرەك. جۇمىستانۋدى ارتتىرۋ، جاڭالىق جاراتۋدى ىلگەرىلەتۋ، بايلىق جاراتۋ، باياندى دامۋدى جەبەۋ سياقتىلاردىڭ بارىندە رەفورمانى تەرەڭدەتۋ ارقىلى بازار تۇلعالارىنىڭ ومىرشەڭدىگى مەن قوعامنىڭ جاسامپازدىق قۋاتىن بارىنشا تاسقىنداتۋ كەرەك. ءتۇيىندى حالىق تۇرمىسى ينجەنەرياسىن اتقارۋ، ۇتىمدى قارجى قوسۋدى كەڭەيتۋ سياقتىلاردا ءتۇزىلىس، مەحانيزمدە جاڭالىق اشۋ ارقىلى ۇكىمەت قارجىسىنىڭ قوزعاۋشىلىق رولىن ويداعىداي ساۋلەلەندىرىپ، قوعامدىق كاپيتالدى بىرگە ات سالىسۋعا جەتەكتەۋ كەرەك. سىرتقا ەسىك اشۋدى كەڭەيتۋ جاعىندا ەسىك اشۋدىڭ اناعۇرلىم كوپ تۇزىمدىك جاڭا شارالارىن شىعارىپ، سىرتقى ساۋدانىڭ، شەتەل قارجىسىنىڭ ورتاسىن جاقسارتىپ، حالىقارالىق اۋىس - كۇيىستى، سەلبەستىكتى كۇشەيتىپ، تەڭ يگىلىككە كەنەلەتىن دامۋدى جەبەۋ كەرەك.
لي كىچياڭ بىلاي دەدى: رەفورما جاساپ، ەسىك اشقان 40 نەشە جىلداعى دامۋ تابىستارىن جالپى حالىق قاجىرلىلىقپەن ەڭبەكتەنىپ جاراتقان، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ۇزدىكسىز تىڭعىلىقتى ىستەپ، قاجىماي - تالماي كۇرەس جۇرگىزۋ كەرەك. كەلەر جىل − «14 – بەسجىلدىق» جوسپار باستالاتىن جىل، توتەنشە ماڭىزدى، ەكونوميكانىڭ ورنىقتى قالپىنا كەلۋ جاعدايىن كۇش سالا بەكەمدەپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، «14 – بەسجىلدىق» دامۋ ءۇشىن تاماشا باستاما اشۋ كەرەك.
سۇن چۇنلان، حۋ چۇنحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
