- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان ىلەدە تەكسەرۋ – زەرتتەۋ جۇرگىزگەندە مىنانى باسا دارىپتەدى
جاڭا جاعدايعا سايكەسىپ، ءالسىز بۋىنداردى تاۋىپ، ءبىر تۇتاس جوسپارلاپ، كۇش ـ قۋاتتى، قىزمەتتى تياناقتاندىرۋعا شوعىرلاندىرۋ كەرەك
2014.10.14 16:45
قازاننىڭ 9 – كۇنىنەن 11 – كۇنىنە دەيىن ج ك پ ورتالىق كوميتەتى ساياسي بيۋروسىنىڭ مۇشەشى، اۆتونوميالى رايوندىق پارتكومنىڭ شۋجيى جاڭ چۇنشيان ورتالىقتىڭ شەشىمدەرىن، اۆتونوميالى رايوندىق پارتكومنىڭ تامىزدىڭ 20 – كۇنگى اشقان ءماجىلىسىنىڭ، قىركۇيەكتىڭ 8 – كۇنى ياركەندە تەكسەرۋ – زەرتتەۋ جۇرگىزگەندەگى تالاپتارىنىڭ رۋحىن ىشكەرىلەي دايەكتى تياناقتاندىرۋ ءۇشىن ىلە وبلىسىنا توتە قاراستى ورىنداردا تەكسەرۋ – زەرتتەۋ جۇرگىزدى. جاڭ چۇنشيان مىنانى باسا دارىپتەدى: «باستى نىسانانى توڭىرەكتەي وتىرىپ، ءالسىز بۋىنداردى تاۋىپ، دەلولاردان تاجىريبە – ساباق قابىلداپ، قىزمەتتە تياناقتاندىرۋدى مىقتى يگەرۋ» تالابى بويىنشا جاڭا جاعدايعا سايكەسىپ، ءالسىز بۋىنداردى تاۋىپ، كورنەكتى ماسەلەلەردى شەشىپ، ۇنەمىلىك باسقارۋدى مىقتى يگەرىپ، قوعام ورنىقتىلىعى مەن باياندى تىنىشتىققا بەرىك نەگىز قالاۋ كەرەك.
ورتالىقتىڭ، اۆتونوميالى رايوندىق پارتكومنىڭ ورنالاستىرۋلارى مەن تالاپتارىنا ساي، وبلىسقا توتە قاراستى ورىندار «ۇشتە باتىل بولۋدى» نىسانا، ءدىني ۇشقارى يدەيانىڭ جالبىزبالاپ كىرۋىن تەجەۋدى نەگىزگى كۇرەس باعىتى ەتىپ، قاتاڭ سوققى بەرۋ، قاتاڭ ساقتانۋ، تاۋلىك بويى ساقاداي ساي تۇرۋ، جالپى جاعداي بويىنشا تاربيەلەۋ، جەتەكشىلىك ەتۋ، بۇقارالىق ساقتانۋ، بۇقارالىق وڭاۋدى قالىپتاستىرىپ، ۇستىنەن جانە تۇبىرىنەن وڭاۋدىڭ نەگىزىن كۇشەيتىپ، قوعام ورنىقتىلىعى مەن باياندى تىنىشتىقتى بارىنشا قورعادى.
قازاننىڭ 9 – كۇنى تۇستەن كەيىن اۋا رايى كەنەت وزگەرىپ، چاپچال سىبە اۆتونوميالى اۋدانى جاعىستاي اۋىلىنا قىستىڭ العاشقى قارى ءتۇستى.
قاپالاقتاعان قاردا جاڭ چۇنشيان جانە اۆتونوميالى رايوننىڭ باسشىلارىنان چى جۇن، شيۇڭ شۋانگو اۆتونوميالى وبلىستىڭ باسشىلارىنان حۋاڭ سانپيڭ، مانەن زەينەل ۇلى، گۇڭ شينباۋدىڭ سەرىك بولۋىندا جاعىستاي اۋىلىنداعى شەكارا ءوڭىر ۋنيۆەرسالدى قىزمەت وتەۋ پۋنكتىنە تەكسەرۋ – زەرتتەۋ جۇرگىزدى.
جاعىستاي اۋىلىنداعى شەكارا وڭىرگە ۋنيۆەرسالدى قىزمەت وتەۋ پۋنكتى شەكارا ءوڭىردى باسقارۋ، تىنىشتىقتى قورعاۋ، سەلبەسىپ تەكسەرۋ جانە حالىققا قىزمەت وتەۋدى ءبىر تۇلعالاندىرعان. بۇل اۋداندا شەكارا وڭىرگە ۋنيۆەرسالدى قىزمەت وتەۋ پۋنكتىنەن جالپى ۇشەۋى بار، ولار «ءۇش ءتۇرلى كۇشتىڭ» جالبىزبالاپ كىرۋىنەن قاتاڭ ساقتانۋ، شەكارا ءوڭىردى باقىلاپ – باسقارۋدى كۇشەيتۋ، اماندىقتى ساقتاۋ، حالىققا قىزمەت وتەۋ سىندى قىزمەت مىندەتتەرىن ۇستىنە العان.
وبلىستىق پارتكومنىڭ تۇراقتى مۇشەسى، چاپچال اۋداندىق پارتكومنىڭ شۋجيى ۋاڭ ي – ۋىننىڭ سەرىك بولۋىندا جاڭ چۇنشيان قىزمەت وتەۋ پۋنكتىنىڭ جۇمىس جۇرگىزۋ جاعدايىن تاپتەشتەي سۇراپ، قاراستىلىعىنداعى رايونداردىڭ قاريتاسىن مۇقيات كورىپ، ءبىرىنشى شەپتەگى قارۋلى ساقشى وفيتسەر – جاۋىنگەرلەردەن، حالىق ساقشىلارىنان جانە شەكارا قورعاۋشىلاردان حال سۇرادى.
وسىدان سوڭ جاڭ چۇنشيان جاعىستاي قىستاعى مەن اقيار قىستاعىنىڭ بىرلەسپە كەڭسە بازاسىنا باردى. اۋلادا 16 كاسىپتىك اماندىق قورعاۋشى جاۋعان قارعا قاراماي جاتتىعۋ جاساپ جاتقان ەدى، ولار ەكى قىستاقتىڭ ورنىقتىلىعىن قورعاۋ مىندەتىن وتەيدى. قىستاق كادرلارى زەيىن – قۋاتتارىن ءالسىز بۋىنداردى تاۋىپ، قىزمەتتى تياناقتاندىرۋدى مىقتى يگەرۋگە شوعىرلاندىرماقشى ەكەن.
جاعىستاي قىستاعى مەن اقيار قىستاعى كەدەيلەردى سۇيەمەلدەۋ، وركەندەتۋدەگى ءتۇيىندى قىستاق. قىستاق تۇرعىندارى دا ۇزاق ۋاقىت بىرگە تۇرمىس كەشىرگەن. اۋدان كۇشتى شوعىرلاندىرا وتىرىپ ەكى قىستاقتى بىرلەستىرىپ جۇمىس جۇرگىزىپ، ەكى قىستاقتىڭ سايكەستى دامۋىن جەبەپ، ەرتەرەك كەدەيلىكتەن ارىلىپ، بايۋ جولىنا ءتۇسىرۋدى كوزدەگەن. جاڭ چۇنشيان ءبىر جاعىنان دوكلادتى تىڭداپ، ءبىر جاعىنان كەڭسە بازاسىنداعى ساقشى ىستەرى كەڭسەسى، ەلەكتروندى كىتاپ وقۋ كەڭسەسى، كىتاپحانا، كوپ يقۋاتتى قيمىل وتاۋى، تاق – تۇق دوپ بولمەسى، حالىققا ءتيىمدى قىزمەت وتەۋ زالى، ءدىني قايراتكەرلەردىڭ ءۇيى، «ءتورت تۇردەگى ساقا قارتتار» ءۇيىن كوزدەن كەشىردى. ساقشى قۋاتىنىڭ، قىزمەت وتەۋدىڭ، قىزمەتتىڭ كۇشەيۋى نەگىزگى ساتى ۇيىمىنىڭ ۇيىتقىلىق قۋاتىن ارتتىردى.
جاڭ چۇنشيان ءدىني قايراتكەرلەردەن رولدارىن بەلسەنە ساۋلەلەندىرىپ، دىنگە سەنەتىن بۇقاراعا دۇرىس ۋاعىز جۇرگىزۋىن، دىنگە سەنەتىن بۇقارانى ءدىني ۇشقارى يدەيادان اۋلاق بولۋعا باستاۋىن ءۇمىت ەتتى.
قۇلجا قالاسى تاشكورىك اۋىلى جاڭاءمالى قىستاعىنىڭ تۇرعىندارىنان ۇيىمداسقان ويىن قويۋ اترەتىندەگىلەر قىستاقتىڭ قيمىل ورتالىعىندا تارتىمدى مۋزىكانىڭ سۇيەمەلدەۋىندە بيگە باسىپ جاتتىعىپ جاتقان ەدى. ۇستىنە ادەمى اتلاس كويلەك كيگەن ويىن قويۋ اترەتىنىڭ مۇشەسى، اۋىلعا قايتقان ستۋدەنت ءمادينا كەرىم مەن باسقادا ونەرپازدار جاڭ چۇنشيان شۋجيدى قاۋمالاي الىپ، قىستاقتىڭ جاڭالىعىن ءسوز ەتىستى.
جاڭ چۇنشيان «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قىستاقتا تۇراتىن قىزمەت گرۋپپاسىنداعىلاردان حال سۇراپ، قىستاقتىڭ ساقشى ىستەرى كەڭسەسىن كوزدەن كەشىردى. ول بىلاي دەدى: «ءۇشتى ءبىر تۇلعالاندىرۋ» قىزمەت مەحانيزمىن كەمەلدەندىرىپ، قىستاق پارتيا ۇيىمىنىڭ جاۋىنگەر، قورعاندىق رولىن، قىستاقتا تۇراتىن قىزمەت گرۋپپاسىنىڭ بەلسەندى رولىن ساۋلەلەندىرىپ، نەگىزگى ساتى ۇيىمىنىڭ بۇقاراعا قىزمەت وتەۋ قۋاتىن جوعارىلاتىپ، نەگىزگى ساتى بازاسىن بولاتتاي بەرىك ەتىپ قۇرۋ.
قىستاق تۇرعىندارى جاڭ چۇنشياندى قاۋمالاي وزدەرىنىڭ ۇيىنەن ءدام تاتۋعا، جاڭا وزگەرىستى كورۋگە تالاسا – تارماسا شاقىردى. جاڭ چۇنشيان بىلاي دەدى: بۇقارانىڭ تۇرمىسىن جاقسارتۋ پارتيالى كادرلاردىڭ مىندەتى، ءبىز، ءسوزسىز، تالىقپاي قۇلشىنىس جاساپ، كوپشىلىكتىڭ تۇرمىسىن بارعان سايىن جاقسارتامىز.
قازاننىڭ 10 ـ كۇنى جاڭ چۇنشيان قۇلجا اۋدانىنىڭ قۇديارجۇزى اۋىلى گەمە قىستاعىنىڭ پارتيا ياچەيكا شۋجيى، قىستاق كوميتەتىنىڭ مەڭگەرۋشىسى لي يۋانميننىڭ ۇيىنە حال سۇراي بارىپ، لي يۋانمينمەن نەگىزگى ساتى قىزمەتى مەن بۇقارالىق قىزمەت جونىندە اڭگىمەدە بولدى. لي يۋانمين قىستاقتىڭ پارتيا ياچەيكا شۋجيى بولىپ قىزمەت ىستەگەن 4 جىلدان بەرى قىستاقتاعى ءار ۇلت بۇقاراسىن جاقىنىنداي كورىپ، ءار وتباسىن ارالاپ، جاعداي ۇعىسىپ، قىستاق ءۇشىن قىزمەت ىستەگەندىكتەن، اۋىلداستار وعان ۇيعىرشا «ءجاميلا» دەپ ات قويىپ تا ۇلگىردى. لي يۋانمين كوپشىلىكتى باستاپ ەگىمشىلىك، باعىمشىلىق قۇرىلىمدارىن سايكەستىرىپ، جەرلىك ەرەكشەلىككە يە ونىمدەردى دامىتىپ، 4 جىلدا قىستاقتاقتىڭ ادام باسىنا تۋرا كەلەتىن تازا كىرىسىن ءبىر ەسەگە تاياۋ ارتتىرىپ، 11 مىڭ 350 يۋانعا جەتكىزدى، قىستاقتاعى ءار ۇلت بۇقاراسىنىڭ تۇرمىس ورەسى جانە يدەيالىق تانىمى جەدەل دامي ءتۇستى.
«بۇكىل مەملەكەتتىك ۇلتتار ىنتىماعى العاباسارلىعىنىڭ ۇلگىسى» اتاعىن الىپ، بەيجيڭنەن جاقىندا عانا ورالعان لي يۋانمين ءوزى قىستاق ياچەيكا شۋجيى بولىپ تۇرعان وسى 4 جىلدان بەرگى باسىنان وتكەن ىستىق ـ سۋىقتى، قيىنشىلىقتار مەن قۇلشىنىستارىن، اۋىلداستاردىڭ ريزاشىلدىعى مەن قىستاقتىڭ وزگەرىسىن ايتىپ كوزىنە تەبىرەنە جاس الدى. جاڭ چۇنشيان بىلاي دەدى: ءسىزدىڭ امالياتىڭىز ءادىل، تۋراشىل، ستيلدە قاتاڭ بولىپ، تەك شىن پەيىلمەن قىزمەت ىستەپ، بۇرىس ستيل، كەراناۋ نىسايلاردى اشكەرەلەۋگە جانە سىنداۋعا باتىل بولعاندا عانا بۇقارانىڭ قولداۋىنا يە بولۋعا، قىستاقتى شىت ـ جاڭا بەينەگە ەنگىزۋگە، حالىق تۇرمىسىن كۇن سايىن جاقسارتۋعا بولاتىندىعىن دالەلدەدى! «جاميلا»، جارايسىڭ! ـ دەدى.
جاڭ چۇنشيان قۇلجا قالاسىنىڭ جىڭكورىك كوشە باسقارماسى قارادوڭ الەۋمەتتىك اۋماعىندا اۋىل (كوشە)، قىستاق (الەۋمەتتىك اۋماق) كادرلارى جانە ۋاكىلدەرىمەن اڭگىمە ءماجىلسىن باسقارىپ اشتى. اۋىل، قىستاق كادرلارى، قىستاققا تۇسكەن قىزمەت گرۋپپاسىنىڭ ۋاكىلدەرى، كوشە باسقارماسى جانە الەۋمەتتىك اۋماق كادرلارى، ايەلدەر ۋاكىلدەرى قىزمەت امالياتىنا بىرلەستىرە وتىرىپ، قوعام ءتارتىبىن جونگە سالۋ، نەگىزگى ساتى قىزمەتى، قوعامدىق ىستەر سياقتى جاقتاردان اسەرلەرىن، كوزقاراستارىن ءبىلدىردى.
جاڭ چۇنشيان كوپشىلىكتىڭ لەبىزىن تىڭداعاننان كەيىن بىلاي دەدى: ءار دارەجەلى پارتيا ۇيىمدارى جۇرت تىلەگىن توعىستىراتىن قىزمەتتەردى كوپتەپ ىستەپ، ءار ۇلت بۇقاراسىنىڭ قالتاسىن قامپايتىپ، يدەيالىق تانىمىن دا بايىتىپ، پارتيانىڭ بۇقاراعا ءتيىمدى ساياساتتارىن ءاربىر وتباسىنا، ءاربىر جەكەگە شىنايى جەتكىزىپ، شىن پەيىلمەن بۇقارا ءۇشىن قىزمەت ىستەپ، ءوز قارماعىنداعى رايونداردىڭ بەت ـ بەينەسىن وزگەرتۋگە كۇش سالۋى قاجەت.
جاڭ چۇنشيان قۇلجا قالاسىنىڭ قالا قۇرىلىسىنا ايرىقشا نازار اۋداردى. ىلە وزەننىڭ باتىس جاعالاۋىنداعى كورىنىس داڭعىلىنا بارىپ، ىلە وزەننىڭ شىت ـ جاڭا كوركەم كورىنىسىن تاماشالاپ، وبلىستىق پارتكومنىڭ تۇراقتى مۇشەسى، قۇلجا قالالىق پارتكومىنىڭ شۋجيى لي نيڭپيڭنىڭ ىلە وزەنىنىڭ ەكى جاعالاۋىنداعى قۇرىلىس جاعدايى جونىندەگى تانىستىرۋىن تىڭداپ، جوعارى باعا بەردى. جاڭ چۇنشيان بىلاي دەدى: قارلى تاۋى، شۇراتى، ىلە وزەنى تۇتاسىپ جاتقان تاماشا جەر، وڭىرلىك ورنى، بايلىق ورتاسى جاقسى، ادامدارى دا ساپالى ەكەن. ىلە وزەنى كورىنىس بەلدەۋى قۇرىلىسى ىشكى ولكەدەگى كوپتەگەن كورىنىس رايون قۇرىلىستارىنان اسىپ ءتۇسىپتى، قۇلجا قالاسىنىڭ قىزمەتىن تولىق تياناقتاندىرۋعا تاتيدى. الداعى جەردە تاعى دا ءتۇرلى قىزمەتتەردى ۇزدىكسىز ويداعىداي ىستەۋ، اسىرەسە، ورنىقتىلىق قىزمەتىن باستى ءتۇيىن رەتىندە يگەرۋ كەرەك، قوعام ورنىقتى بولماسا بارلىق قىزمەتتەن اۋىز اشۋعا بولمايدى، - دەدى.
قازاننىڭ 10 ـ كۇنى تۇستەن كەيىن جاڭ چۇنشيان ىلە وبلىسىنىڭ، اۋدانداردىڭ (قالا) قىزمەتتەن دوكلاد بەرۋ ءماجىلسىن باسقارىپ اشتى.
جاڭ چۇنشيان مىنالاردى اتاپ كورسەتتى: ىلە قازاق اۆتونوميالى وبلىستىق پارتكوم مەن ۇكىمەت ورتالىقتىڭ جانە اۆتونوميالى رايوندىق پارتكومىنىڭ ءتۇرلى شەشىمدەرى مەن ورنالاستىرۋلارىن دايەكتى تياناقتاندىرىپ، ەكونوميكانىڭ باياندى، اقاۋسىز دامۋىن، قوعامنىڭ جاراسىمدى ورنىقتىلىعىن ساقتاپ، حالىق بۇقاراسىنىڭ جىگەرىن شىڭداپ، قالا، اۋىلداردىڭ بەت ـ بەينەسىن بارىنشا جاقسارتتى.
قوعام ورنىقتىلىعى مەن باياندى تىنىشتىقتى قورعاۋ جاعىندا اۆتونوميالى رايوندىق پارتكومنىڭ ورنالاستىرۋلارىن ىشكەرىلەي دايەكتى تياناقتاندىرىپ، باسشىلار باستاماشى بولىپ، قىزمەتتى ىشكەرىلەي، شىنايى، مۇقيات يگەردى؛ قاتاڭ سوققى بەرۋ ارقىلى جول اشىپ، ءدال، قاتاڭ سوققى بەرىپ، ايباتىن اسىردى؛ ءتۇپ تامىرىنان سوققىلاپ، ادامعا، دەلوعا، ءجىپ ۇشىنا قاداعالاي نازار اۋداردى؛ جەتەكتەۋ مەن بوگەتتەردى الاستاۋدى ءوزارا بىرلەستىرىپ، سوققى بەرۋ مەن تاربيەلەۋ، ءجون سىلتەۋدى مىقتى يگەرۋدە تاباندى بولىپ، باياندى تىنىشتىققا بەرىك نەگىز قالادى؛ ورنىقتىلىقتى قورعاۋدى ۇنەمىلىك قىزمەتكە اينالدىرۋدىڭ جولىن بەلسەنە قاراستىردى. اۆتونوميالى رايوندىق پارتكوم اۆتونوميالى وبلىستىق پارتكوم مەن ۇكىمەتتىڭ قىزمەتىنە ريزا بولدى.
جاڭ چۇنشيان مىنانى باسا دارىپتەدى: جاڭا جاعدايعا ۇيلەسىپ، ءالسىز بۋىنداردى ءدال تابۋ كەرەك. «جالپى نىسانانى توڭىرەكتەۋ، ءالسىز بۋىنداردى تەكسەرىپ تابۋ، دەلو مىسالدارى ارقىلى تاربيە بەرۋ، قىزمەتتى شىنايى تياناقتاندىرۋ» تالابى بويىنشا ءبىر تۇتاس جوسپارلاپ، كۇش سالا تياناقتاندىرىپ، تاۋقىمەت تانىمىن، جاۋاپكەرلىكتى باتىلدىقپەن ارقالاۋ تانىمىن، مىندەت تانىمىن نىعايتىپ، نازار مەن كۇش -قۋاتتى قوعام ورنىقتىلىعى مەن باياندى تىنشتىقتى قورعاۋعا شىنايى شوعىرلاندىرۋ؛ سىلەيتە سوققى بەرۋ قاتاڭ جاعدايىن باستان-اياق ساقتاپ، كەيىپ-كەسپىرىن ايپاراداي اشىپ، پەردە ارتىنداعى «ۇلكەن بالىقتى» ۇستاۋ؛ «ۇشقارىلىقتى الاستاۋدى» ىشكەرىلەي ورىستەتىپ، «بەس ءتۇرلى كىلىتتەن» ويداعىداي پايدالانىپ، ساياساتتاردى ۋنيۆەرسال تۇردە اتقارىپ، سەنىمدى بەكەمدەپ، «ءتورت تانىمدى» كۇشەيتىپ، «عازاۋات سوعىسىندا شەيت بولعاندار ءجانناتقا كىرەدى» دەگەن قيتۇرقى ساندىراققا باتىل سوققى بەرىپ، ۇنامسىز تيپتەردەن بۇقارانى جيىرەندىرىپ، زاڭمەن باسقارۋ تانىمىن كۇشەيتىپ، وتانشىل ءدىني قايراتكەرلەردىڭ رولىن تولىق ساۋلەلەندىرىپ، بۇقارانىڭ پارىقتاۋ قۋاتى مەن قوعامنىڭ ناقتى قۋاتىن جوعارىلاتۋ؛ نەگىز ساتىنىڭ نەگىزىن كۇشەيتىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قيمىلىمەن ۇشتاستىرىپ، قىستاق پارتيا ياچەيكاسى قۇرىلىسىن كۇشەيتۋ؛ ۇدايىلانعان باسقارۋدى كۇشەيتۋ؛ پارتيانىڭ باسشىلىعىن نىعايتىپ، جاۋاپكەرلىك ءتۇزىمى، بارىنشا كۇش سالۋ، نازاردى ىشكى جاققا قاراي اۋدارۋ، جاۋاپكەرلىكتى باتىلدىقپەن ارقالاۋ، جاۋاپكەرلىكتى تياناقتاندىرۋ سياقتىلاردى كۇشەيتىپ، ءدىن ىستەرىن باسقارۋ قۋاتىن، بولشەكتەۋشى كۇشتەردى ىشكەرىلەي سىن تەزىنە الۋ قۋاتىن، زورلىقتى كۇش لاڭكەستىك قىلمىستىق ارەكەتتەرىن بايقاۋ جانە ونى ءبىر جاقتى ەتۋ قۋاتىن شىنايى جوعارىلاتۋ كەرەك.
جاڭ چۇنشيان مىنانى اتاپ كورسەتتى: ورتالىقتىڭ ۇلت قىزمەتى اڭگىمە ءماجىلىسىنىڭ رۋحىن دايەكتى تياناقتاندىرۋ كەرەك. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ جانە دايەكتى تياناقتاندىرىپ، ۇلتتىق رايونداردىڭ ەكونوميكاسى مەن قوعامىنىڭ دامۋ اياق الىسىن جەدەلدەتىپ، ورنىقتىلىق پەن دامۋدى قاتار يگەرۋ، ەكى جاعىن دا مىقتى يگەرۋ، ورنىقتىلىق پەن دامۋدى دا بۇلجىتپاي مىقتى يگەرۋگە تاباندى بولۋ كەرەك. قوعام ورنىقتىلىعى مەن باياندى تىنىشتىقتى تىعىز توڭىرەكتەي وتىرىپ دامۋدى جوسپارلاپ، دامۋ ارقىلى حالىق تۇرمىسىنا اناعۇرلىم تيىمدىلىك جاساپ، ۇلتتار ىنتىماعىن اناعۇرلىم جەبەپ، دامۋ بارىسىندا حالىق تۇرمىسىن جاقسارتىپ، حالىق تىلەگىن ۇيىستىرۋ، دامۋ بارىسىندا ۇلتتار ىنتىماعىن نىعايتىپ، ۇلتتاردىڭ توعىسۋىن جەبەۋ، دامۋ بارىسىندا ەكولوگيالىق ورتانى قورعاۋدى كۇشەيتۋ كەرەك.
جاڭ چۇنشيان ىلە وبلىسىنداعى ءار دارەجەلى كادرلاردان كۇش ۇستىنە كۇش قوسىپ، سەنىمدى اناعۇرلىم جوعارىلاتىپ، ورتالىقتىڭ شينجياڭ قىزمەتى جونىندەگى 2-رەتكى اڭگىمە ءماجىلىسىنىڭ رۋحىن باستى تالاپ ەتىپ، قىزمەت ورنالاستىرۋلارىن شىنايى تياناقتاندىرىپ، اناعۇرلىم زور قۇلشىنىستار جاساپ، ىلەنى «شەكاراداعى ىرىستى مەكەننىڭ» مەرۋەرتى ەتىپ قۇرىپ شىعۋدى ءۇمىت ەتتى.
حۋاڭ سانپيڭ دوكلاد جاساعاندا بىلاي دەدى: ءبىز مۇقيات ۇيرەنىپ، بەلسەنە تالقىلاپ، بۇقارانىڭ اقىل-پاراساتىن ساۋلەلەندىرىپ، كەڭ كولەمدە پىكىر جيناپ، الدەقاشان ورنالاستىرىلىپ بولعان قىزمەتتەر نەگىزىندە ويدى نەگىزگى ولشەم، ماسەلەنى باعدار ەتۋ، نازاردى ىشكە، تومەنگە شوعىرلاندىرۋدا تاباندى بولىپ، ورنىقتىلىق قىزمەتىن اناعۇرلىم ويداعىداي جوسپارلاپ، ۇزدىكسىز ويداعىداي ىستەپ، دامۋ بارىسىندا بۇقاراعا ۇزدىكسىز تيمدىلىك جاساپ، ءار قايسى جاقتىڭ كۇش-قۋاتىن، اسىرەسە، نەگىزگى ساتىنىڭ كۇش-قۋاتىن ءونىمدى كۇشەيتەمىز جانە جوعارىلاتامىز، بارشا كادرلاردىڭ ساياسي تانىمى مەن ساياسي قۋاتىن «تورتتە مىعىم بولۋ» تالابى مەن كەزەكتەگى قوعامنىڭ ورنىقتىلىعى مەن باياندى تىنىشتىعى سىندى باستى نىساناعا ۇيلەستىرە وتىرىپ ويداعىداي تياناقتاندىرىپ، اۋقىمعا ۇيلەسۋ تالابىن ورىندايمىز. كەزەكتەگى قوعام ورنىقتىلىعى مەن باياندى تىنىشتىعىنىڭ تىڭ بەتالىسىن، جاعدايىن مىقتى يگەرىپ، جاۋمەن كۇرەس جاساۋدىڭ تىڭ سىناعى مەن سايسىنا توتەپ بەرىپ، ءار قايسى جاقتىڭ ناتيجەلەرى ارقىلى اۆتونوميالى رايونعا ريزا بولارلىقتاي جاۋاپ قايتارىپ، مىندەتىمىزدى ويداعىداي اتقارامىز.
اۆتونوميالى رايوننىڭ باسشىلارىنان چى جۇن، شيۇڭ شۋانگو، اۆتونوميالى رايوننىڭ پارتيانىڭ بۇقارالىق لۋشيان تاربيەسى جانە امالياتتىق قيمىلىنا باقىلاۋ -جەتەكشىلىك ەتۋ 1-گرۋپپاسىنىڭ باستىعى، اۆتونوميالى رايوندىق ساياسي كەڭەستىڭ ورىنباسار ءتوراعاسى ليۋ جى-يۇڭ، اۆتونوميالى وبلىستىڭ باسشىلارىنان مانەن زەينەل ۇلى، زۇنۇن اكبار، سابىر ايتجان ۇلى، تۇرسۇنجان ءالي، لي ميڭحۇي، ۋاڭ جيانجۇڭ، گۇڭ شينباۋ، جاڭ شينشىڭ، ۋاڭ ي-ۋىن، لي نيڭپيڭ، ابدۇسالام سادىق، جياڭسۋ ولكەسىنىڭ ىلگە باعىتتامالى كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى تيان حۇڭ، اۆتونوميالى وبلىستىڭ قاتىستى تاراۋلارىنىڭ جاۋاپتىلارى جانە قۇلجا قالالىق، قۇلجا اۋداندىق، چاپچال سىبە اۆتونوميالى اۋداندىق، قورعاس اۋداندىق پارتكوم مەن ۇكىمەتتىڭ نەگىزگى باسشىلارى دوكلاد بەرۋ ماجىلىسىنە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
